سرگال: ھند و آمریکہ بستگیانی بھرا گیر زرورین بیان۔

آمریکہ ڈنئ کارانی وزیر واجہ مائکل پامپیو و ھندوستانئ ڈنئ کارانی وزیر واجہ اس جئ شنکر بہ وتی نونین گیند و نیند آ کہ داشتنت بری پکر و حیالا اتنت کہ دوکین مُلکانی نیاما بہ گجام سرگالئ سرا بہ ایرانئ بھرا غلط فھمی ودی نہ بیت،مگہ بہ ھمی وھدہ تھانکا یک روچ رندا شہ ای دیوانا بیانئ کہ آمریکہ جمھورین سدر ڈونالڈ ٹرامپ داتگنت بہ ڈیپلوماسئ ایچ گجام زمرہ اشتگ نہ بیت۔ ای بیان بہ جاپانئ مُلکئ مزنتری و اھمتری شھر اوساکا تھا دیم شہ جی ۲۰ دیوانئ بناہبیگا دیما بیت آ ھم بہ انچین وھدہ کہ جمھورین سدر ڈونالڈ ٹرامپ بہ جمعہ روچا گون سرئ وزیر واجہ نریندر مودی جیتائن وڑئ گیند و نیند و گپ و ھبر کنگا اتنت۔ 

نون ھبر انت بہ واجہ ٹرامپئ بیانئ سرا، آوان گشتگنت کہ ھارلئ ڈیوڈسن موٹرسائیکلانی سرا ۱۰۰ فیسد ٹئیکس زورنت کہ سالینہ ئن وڑئ ۸۰ دانگ بہ ھندیی تھا با بت و ھمی وڑا گشتگنت کہ بہ ھندوستانین تمباکو سرا ھم آمریکہ تھا ۳۳۰فیسد ٹئیکس عاد انت کہ ای بیان ایچ وڑئ شرّ نہ بوتہ۔ مگہ ای خاسین مثالانا اگہ یک نیمگا کننت ای ھبر درا بیت کہ حکیکت وتی جگہ مسلم انت کہ آمریکائین مالانی سرئ ٹئیکس بہ ھندوستانئ بازارانی تھا مروچین روچا ھم کم انت مگہشہ آی گجام خاسین ٹپئ پہ آمریکائین صنعت کاران نہ رسیت۔ 

ھور گون ایشی اگہ بہ ھند و آمریکہ سوداگرئ سرا شہ سماجین نیمگا چم پریننت اھمترین ھبر ایش انت کہ آمریکہ شہ وتی کشارگرئ پیداور برقمدگئ سرا مروچی ھم چو متحدین اروپا سنگین ہن سبسیڈی دنت کہ شہ آی وجا ای وسائل ھورگون ھندوستان بہ دیگہ مُلکانی تھا ھم شہ لاگٹ کمترین کیمتان با بنت و ای راز دیگہ مُلکانئ کشارگر شہ ایشی وجا متاثر بنت و ضرر گیندنت۔ 

ای یک رازئ معاملہ انت کہ گیش شہ ۲۰ سال انت کہ ھمی راز رادگ انت و گجام شرّین حلئ پہ ایشی ودی نہ بوتگیت و ڈبلیو ٹی او " عالمین سوداگرئ تنظیم" ھم ای وڑئ سَلکیانی سرا وتی اختیاراتانی مناسب ئن کٹ گرگئ صبوت آداتگ کنت۔

یک معاملہ چو ھمی معاملہ بری روچان ھم دیما آتگیت۔ قابل تجدید ئن توانائی یک شعبہ انت گون آی کرہ زمینئ آیوکین وھدہ بستگ بوتہ، شہ ھمی وجا ای شعبہ تھا سَکین پٹ و پول رادگ انت و بری بھرا ھندوستان بہ برزین کچانہ دیمرئیکرتگیت۔ مگہ دیگہ نیمگا بہ آمریکہ ھشت ریاستان ای شعبہ تھا موشکول ئن کمپنیانی سبسیڈی آنی ھمی ھتمام کہ رادگ انت شہ آی وجا ھندوستانین کمپنی متاثر بوتگنت۔ بری مسئلہ بھرا ھندوستان بہ ۲۰۱۶ سالئ سپتمبرئ ماہ بہ عالمینسوداگرین تنظیم آ رجوع کرتنت کہ آی کار امیش انت کہ ای رازئ سَکیانا شہ نیاما بزوریت۔ ھمی وھدان ای تنظیم فیصلہ دیما کرتگیت کہ بہ آمریکہ ھشت ریاستانی نیمگا پہ آمریکائین کمپنیان سبسیڈئ داتن عالمین سوداگرئ اصولانی حلاپورزی انت پہ چہ کہ شہ ای رویہ وجا آمریکائین بازارانی تھا دیگہ مُلک گون گیر منصفانہ ئن رویہ دوچار بوتگ کننت۔ 

بری بھرا ای ھبر ھم یات کنگئ وڑ انت کہ بہ عالمین سوداگرئ تنظیمئ سیائگا آمریکہ و ھندیی دیگہ سوداگرین سَکی ھم پٹ و پولئ چیرا انت۔ یک مثالئ ایش انت کہ آمریکہ بہ ھندوستانین آلومنیم وسائلانی برآمدات سرا گمرکئ ٹئیکس آگیش کرتگیت و ای معاملہ سرا ھم عالمین سوداگرئ تنظیم تھا ھندوستانئ اپیل پٹ و پولئ چیرا انت کہ بہ آی بھرا تہ نون فیصلہ نہ بوتہ۔ ای راز اگہ ای ھبرئ سرا غور کننت شہ ۱۹۹۵ سالا اینگور وھدہ کہ عالمین سوداگرئ تنظیم جوربوت بہ عالمین سوداگری بھرا چُنتی معاملہ و سَکی دیما آتگنت۔ دیمرئی کرتگین مُلک شہ دیمرئی کنوکین مُلکان لوٹوک انت کہ آ وتی بازار آ پاچ کننت و ھمی وھدہ آوان شہ دیگہ مُلکان وارد بیگین وسائلانی سرا ھر رازئ ٹئیکس و پابندیعائد کننت و ای راز عالمین سوداگرئ بنیادین اصولان آ پادموش کننت۔ شہ ای اعتبار آ اگہ سیل کننت اوساکائ تھا واجہ ٹرامپئ بیان مناسب نہ بوتہ و انصاف و برابیرئ حلاپا انت۔ 

بری وھدہ بہ جی ۲۰ کسان ئن دیوانئ بناہ بیگا دیما ھمادنا اوساکائ تھا بریکس مُلکانی دیوانئ تھا سرئ وزیر واجہ نریندر مودی ای سوج آ دیما کرتنت کہ شہ ۱۹۹۵ سالا تہ نون ھما اھمین معاملہ کہ دیما بوتت پہ آی دیمرئی کرتگین مُلک وعالمین سودگارئ تنظیم پہ چہ تہ نون حلئ راھئ ودی نہ کرتگیت۔ ھبر ایش انت کہ اگہ مُلکانی نیاما وسائلانی دیگ و گرگئ تھا شرّین دیمرئی بوتہ ھمادنا بنیادمین واک و قوتئ دیم دیگ و گرگئ سرا مزنئن پابندی عائد بوتہ۔ مگر شہ ای ھبراما مُچی سی انت کہ تہ وھدہ کہ قوت محنت حمل و نقل آزاتین وڑئ تسر مہ بیت ھما بنیادین وابئ کہ بہ آی سیائگا عالمین سودگارئ تنظیم قائم بوتہ بی سوب مانیت۔