Air World Service Baluchi

عامین گیچئن کاریانی تھا دومی وار گون زبردستین سوبئ سرئ وزیر واجہ نریندر مودی بہ سرئ وزیرئ پیما سوگندئ دود آ برجا کرتنت۔ زیئن روچا بہ حلف برداری یا سوگندئ دودئ تھا سرئ وزیر واجہ مودی بہ راشٹرپٹیبھون تھا ھور گون کابینہ وزیران حلف گپتنت۔ جمھورین سدر واجہ رام نات کویند ھور گون سرئ وزیر واجہ نریندر مودی پہ مُچین وزیران سوگندئ دود آ برجا کرتنت۔ بری سوگندئ دودئ تھا بمسٹیکئ مُلکانی سربراہ خاسینمھمان اتنت۔ بہ وزیرانی کونسلئ تھا ھما مردمانا شامل بوتگنت کہ پہ راستی با صلاحیت انت۔ ای سوگندئ دودئ یک دیگہ خاسین ھبر ایش انت کہ ای واریت بہ وزیرانی کونسلئ تھا گڈین بئ کارانی سکرٹر سبرامنیم جئ شنکر ھمشامل بوتگیت۔  واجہ جئ شنکر بہ ڈنئ کارانی وزارتئ تھا بہ سکرٹرئ پیما اھمین کوتئ داشتنت۔ بہ دو نیمگین بستگان گون چین آوان اھمین کوتئ داشتنت شہ ھمی وجا آوانی شامل کنگ بہ کابینہ تھا بہ برزین کچانہ اھم زانتگ بیت۔ بی جئ پئسربراہ امیت شاہ ھم بہ کابینہ تھا شامل بوتگیت۔ امیت انت کہ حکومتئ تھا آوان شرّین وڑئ کوت بگرنت۔ واجہ مودی گیشترکین وھدان ای ھبرا گشتگنت کہ مُلکئ عوام شہ آوان بازین توقعات دارنت۔ و ھمی و...

شہ سرئ وزیر واجہ نریندر مودیی ڈنئ کارانی پالسئ آ ای ھبر درا بوتہ کہ آ بری پکر و حیالا انت کہ پہ گام زورتنا بہ سوبئ راہ باید انت کہ پالسی ھر وھدہ گون بدل بیگین وھدہ بدل بنت و حکومت حالاتانا دیستہ وتی ترجیحاتانادرا کنت۔ ۲۰۱۴ سالئ تھا سیمین و بین الاکوامین حالات دیگہ راز اتنت و بہ ۲۰۱۹ سالا دیگہ راز انت، ھمی راز بہ ۲۰۱۹ سالئ تھا ھندیی حکومتئ ترجیحات ھما بوتگ نہ کننت کہ بہ ۲۰۱۴ سالا اتنت۔ شہ ای وجا بہ سرئوزیر واجہ نریندر مودی حلف بردارئ تقریب تھا تھانکا ھم پلّین مُلکانئ سربراھانا دعوت نہ کرتگنت و دیگہ اھمین مُلکانی سربراھانا ھم دعوت کرتگنت مگہ بہ حلف بردارئ تقریب تھا بنگلہ دیش، بھوٹان، میانمار، نیپال و تھائیلینڈ سربراھانی دعوت کنگ یک کوتئ شہ ھندیی " ھم پلّین مُلک اول" پالسئ سیائگا تسر بوتگنت۔  تیزین وڑئ دیم بہ دیمرئین بین الاکوامین حالاتانی پس منظر آ پہ ھندوستانئ دیمرئیا نوکین امکانات ودی کنگ زروری انت، امکانات دائرہ تہ ھر کچانہ کہ مزن بیت بہ ھما کچانہ ھندیی دیمرئی دائرہ مزن بیت، ھمی راز شہ ھندیینوکین سرئ وزیر واجہ نریندر مودی حلف بردارئ تقریب آ بیدئ گجام وھدہ شہ دست داتن...

بہ گئوستگین روچان پشتون ئن کارکنوکانی تنظیم پشتون تحفظ موومنٹ بدنام کنگ و کارکنوکانی پادموش کنگئ کوشستانی وجا کہ شہ پاکستانئ سیکورٹی ڈلئ نیمگا تسر بوتگیت، نہ تھانکا پاکستانئ تھئ مُچین انصاف پسندین ڈلانینیاما نا آرامی ودی بوتگیت بلکہ عالمین کچانہ حکانئ تنظیم ھم سَکین وڑئ شہ ای کاران بدگشی کرتگنت۔ پورہ ئن وڑئ ھم بہ پاکستانئ مُلکئ تھا بدنظمی و لاقانونیت تہ ای کچانہ باز بوتگیت کہ شہ سنجیدہ ئن حلقہ آنی نیمگاعمرانی حکومتئ کارکردگئ سرا سوج و پرسان ھم باز بوتگیت۔  شہ ھر نیمگا ھمی ھبر دیما بیت کہ دیم شہ ایشی کہ واکا بہ دستا گرنت عمران خان گون برزین توارا دعوی کرتنت کہ آوان پاکستان آ یک فعالئن جمھوریتئ جور کننت، اصلین واکا بہ پارلیمنٹئ دستا دینت، پکر و حیالئ درا کنگاایچ وڑئ پابندی نہ بیت میڈیا پورہ ئن وڑئ آزات بیت و آزاتین عدلیہ قیام یقینی بیت۔ ھما مُچین دعوی و واب تھانکا واب و دعوی ثابت بوتنت و ھمی راز منتنت۔  یک ممتاز ئن صحافی و گڈین سفارت کار واجہ واجد شمس الحسن بہ وتی یک مضمونئ تھا گشتنت کہ آئی ایم ایف بیل آوٹ پکیجئ تباہ کنوکین اثر صاپ درا انت مگہ باز ھم آوانی یکئ شہ گچئ...

پاکستانئ پوج بہ چُنتی بھران شہ عالمئ دیگہ پوجان توپیر داریت۔ دنیائ گیشترکین پوج وتی مُلکانا شہ ھر وڑئ خطرئ کہ گون آوان دیم پہ دیم بیت رکیننت و پہ آی حفاظت و امنیت آ ھر وڑی زرورین گامئ کہ پہ کار بیتزورنت۔ مگہ برعکس پاکستانئ پوجئ ھمئ وتیرہ بوتہ کہ پہ جنگ آ نوکین بھانہ ودی کنت و پہ دست و زینچیک بوتن گون ھم پلّین مُلکان گیشترکین وھدان آ بعضین وھدان راستامین وڑئ و بعضین وھدان درپردہ بہ جنگا انت۔  آ تھانکا بہ ایشی اکتفا نہ کنت و آی پسندین موشکولی ایش بوتہ کہ بہ وتی مُلکئ تھا ھم گون گجام نہ گجام ڈ یا حلقہ بہ جنگا بیت۔  اگہ کچانہ جننت ایش درا بیت کہ گیسویین وڑئ پوجئ بنیادین جنگ گون جمھوریت و جمھوریت پسندان انت۔ مثالئ وڑا بہ گئوستگین صد سالئ دھہ ۶۰ و ۷۰ آ آی اصلین جنگ گون پاکستانئ روچ دراتئ سیمان ات کہ وتیجمھورین حکانی لوٹوک ات۔ تہ ای حد کہ وھدہ کہ پاکستانئ روچ دراتئ سیمانی سیاسین گل گون گیشترکین ووٹان بہ عامین گیچئن کاریان سوبین بوت واک پہ آی داتگ نہ بوت پہ چہ کہ پاکاتانئ پوج بری پکر و حیالان ات کہپاکستانئ روچ دراتئ مردم نسلین وڑئ آوانی اعتبار کمتر ات و پورہ مُلکئ کارانا ب...

پاکستانئ سرئ وزیر عمران خان بری بھرا اکثر ھبر کننت کہ ھند و پاکستانئ بستگی گیتیر باید انت کہ بنت و ای وڑا بہ سیمان وشھالی و دیمرئی آتگ کنت کہ بری راھ باید انت کہ شریکین وڑئ کار بیت۔ دیمترئ سالا وھدہ کہعامین گیچئن کاریانی نتائج درا بیگا اتنت و آوان احساس کرتنت کہ گیچئن کاریانی تھا سوبین بنت آوان وتی ای بیانا یک وارئ دیگہ گشتنت کہ آوان لوٹوک انت کہ گون ھند وتی بستگیانا دیمرئی دینت و ھمی وڑا گشتنت کہ اگہبری راھ ھندوستان یک گامئ بزوریت پاکستان دو گام زوریت۔ ھبر ای راز نہ انت کہ آوانی ای پیگاما ھندوستان نہ اوشکتگیت۔ ای ھبرا ھندوستان اوشکینتت و ھمی وڑا ای ھبرئ نوٹس آ ھم زورتت۔ مگہ آوانی اخلاص کچانہ شہایشی جتگ بیت کہ بہ آ ھبر و عوامل دیما آوانی رویی چی راز انت کہ شہ آی وجا بہ دوکین مُلکانی نیاما سَکی رادگ بیت۔  درا انت کہ شہ ای ھبرا عمران خان شرّین وڑئ سی انت کہ ھر وھدہ کہ بہ ھند و پاکستانئ نیاما بستگی گیتیر بیگا انت پاکستانئ گجام نہ گجام ڈلئ دست مان دنت و آوان گون سَکیان دیم پہ دیم کنت۔ ھمی ڈل کہ بری کاران دستمان دینت شہ آوان پاکستانئ پوجین ایسٹبلشمنٹ وت نیمہ داری کنت کہ ای ھبرا ...

پاکستانئ پورہ ئن تاریخ موجود انت کہ درا کنت ای مُلک بہ مذھب، زبان، نسل و سیمانی بنیادا وتی شھروندانا شہ آوانی حکان محروم کرتگیت۔ چُنت وھدہ گون مذھبین اقلیتان ناانصافی بیت و چُنت وھدہ گون زبانی و لسانین اقلیتاننا انصافی بیت۔ بعض وھدان تھذیب اکائی آی شکار بیت و بعض وھدان گجام سیمی عوام۔ ھبر ایش انت کہ پاکستانئ تھا مُلک وت ھما کارانا کنت کہ دیگہ جاگان مُلکانی دشمن گون آوان کننت۔ بری روچان پشتون ئن استمان ظلمزیادتی نشان چیرا انت۔ ای گروپئ حکانی تحفظ جنگ کنگئ موومنٹ " پی ٹی ام" سربراہ رازئ کہ بری روچان نشانئ چیرا گپتگنت یک کوتئ شہ ھمی روایتین تاریخا انت۔  ای ھبرئ حیال بیت کہ پاکستانئ پورہ ئن آباتی دوصد و ھپت ملین انت و شہ ایشی ۳۰ ملین آباتی پشتون انت کہ مُلکئ دومی مزنتری آباتی انت۔ ای آباتی نون لوٹوک انت کہ تہ نون ھما ناانصافی کہ گون آی بوتگیت آی ازالہ بیتو پہ آی مردمان نون آوانی حک داتگ بنت۔ پہ ایشی شہ یک وھدہ تحریک رادگ انت۔ رندا شہ ای تحریکئ بناہ بیگا پشتون ئن استمانئ سرا ظلم دیگہ ھم گیش بوتگیت۔ چُنتی ھزار پشتون ئن مردم بی پھد بوتگنت۔ پشتون تحفظموومنٹ یا پی ٹی ایم لو...

ھندیی ڈنئ کارانی وزیر بانوک سُشما سوراج بہ ھمی ھپتگئ اول سرا شنگھائی تعاون تنظیم ڈنئ کارانی وزیرانی دیوانئ تھا کوت گرگا شہ کرغزیستانئ بنجاہ بشکیک دورہ کرتنت۔ بہ ڈنئ کارانی وزارتئ پیما ای آوانی آخری دورہ شہ ڈنئ مُلکئ بوتگیت۔ یکروچ دیم aشہ پارلیمنٹئ گیچئن کاریانی نتائجئ درا بیگا دورہ کنگ شہ بشکیک ای ھبرئ نشان دیوک انت کہ ای تنظیم تہ چئ کچانہ پہ ھند اھم انت۔ دیم شہ ایشی ھم ھندوستانین سربراہ ای وڑئ دیوانانی تھا کوت گپتگنت۔ شہ ۲۰۱۵ سالا سرئ وزیر واجہ نریندرمودی بہ ای تنظیمئ سرئ وزیرانی دیوانا ھر وھدہ کوت گرنت۔ ای تنظیمئ پانزدھمی دیوان بہ ۲۰۱۵ سالا بہ روسیہ اوفائ شھرئ تھا تسر بوت۔ دیمترئ سالا ھم ڈنئ کارانی وزیر بانوک سُشما سوراج، دپاع وزیر نرملا سیتارمن و کومین امنیتئ وزیر واجہ اجیٹ ڈوبھال ھر گجام بہ وتی دیوانان کہ بری تنظیمئ سیائگا بہ چین تھا تسر بوتنت کوت گپتنت۔ ای دیوان رندا شہ ڈوکلام سَکیان پہ ھندوستانئسربراھان و کومین امنیتئ وزیران وھدہ فراھم کرتنت کہ آوان گون وتی چینین ھم منصبان گیند و نیند و گپ و ھبر بکننت۔ سرئ ایشی گون روسیہ و وسطئ ایشیائ مُلکان ھم شرّین وڑئ گپ و ھبر بوت۔ بری سالئ ا...

بالاخر مئ ۲۳ تاریخا رندا شہ دیرین انتظار آ لوک سبھائ گیچئن کاریانی نتائج درا بوتنت۔ رندا شہ ایشی کہ ووٹانی اشمار کنگ بناہ بوت تھانکا چُنت سات رندا ای ھبر درا بوت کہ بئ جئ پی، نیشنل ڈیموکریٹیک الیانس یعنی کہان ڈی آ سرکار گون گیشترکین ووٹان بہ گیچئن کاریانی تھا سوبین بوتگیت و واکا ھما بہ دستا گرگا انت۔ شہ وھدہ کہ گیچئن کاری بہ ۷ دورہ آن کوت بوتنت و تسر بوتنت و تہ نون کہ ووٹ اشمار بوتنت کم شہ کم یک و نیم ماہوخت و وھدہ ات۔ ای ھبر درا انت کہ دنیائ مزنتری جمھوریتئ تھا کہ بہ آی ۹۰ کرور مردم ووٹ دیوک بنت بہ آی تھا پہ نظم و ضبط ساتتنا و گیچئن کاریانا پر امنئن وڑئ تسر کنگا دپتر و سروکین مقامات باید انت کہ پورہ ئنوڑئ توجہ و کوشست بکننت۔ ای ھبر بہر حال اطمینانئ وڑ انت کہ سرئ ایشی کہ تشددئ اکادکا موجود بوتہ ای گیچئن کاری پر امنئن وڑئ تسر بوتگنت و رندا شہ ایشی کہ نتائج جار جتگ بوتنت رندا ھم ماحول وشھال و پر امن بوتہ۔ ھمی رقز یک نیمگا پہھما کاندیدان کہ گیچئن بوتگنت جشن و وشھالئ ماحول بوتہ و دیگہ نیمگا ھما کاندید و پارٹئ کہ بری گیچئن کاریانی تھا پروش وارتگنت گون پورہ ئن وقار آ وتی پروش آ منتگنت و پہ ...

گوستی ایں چھیار شمبھے آ یک اینگے راڈار عکس سیتلائیت لانچ کھُزی آ شُزا ہماں کہ گواس آژ ڈغار چکا بی اغ والا مڑدمی عمل آنی اطلاع دا۔ہمیں سیتلائیت آژ خاص ڈؤل آژ سیماں چکا بی اغ والا عمل آنی پھجی آ موسمی بدلاؤ چکا دی نیاہ ایر کھُزی آ رؤ۔ہمیں ۶۱۵ کلو گرام اۓ سیتلائیت اۓ مُدت کار پنچ سال ایں۔ہمیں سیتلائیٹ آگو خاص ڈؤل چکا سیماں چکا بی اغ والا عمل آنی چکا نیاہ ایر کھُزی آ رؤ تاکہ مان پوت رگ کھنوخ آنی چکا نیاہ بی او دھشت گرد آنی عمل آنی تفصیل آنژ آگاہ بی سی آ برؤ۔مۓ رسمی نگرانی کھنغ والا سیتلائیت آژ دی ڈغار اۓ عمل آنی عکس گِتی آ شُزغاں مگن آنہی آ کمی اے اسا کہ شف اۓ آندھارو او جُڑ آنی سبب آژ آنہی عمل باز وخت آ شَر ایں ثابت نویسغاں۔اے نوخیں سیتلائیٹ آر آئی ایس اے ٹی ۔۲ بی راڈار امیجنگ سیتلائیت ایں ہمائی آ راڈار آگو سینسر آ ہر وخت حرکت آ ایر کھُزی آ رؤ او ہمائی زریعہ آگو ہر وڑ اۓ حالت آ گواس آژ ڈغار چکا نیاہ ایر کھنغ بیس بی۔او ایزا اۓ عکس گِرغ بیس بی آں ۔موسم او شف اۓ بدلاؤ اۓ ہمیں سیتلائیٹ چکا ھِچھ اثر نوی۔آر آئی اے ایس ۔۲ بی آ جھزی ایں سینتھیٹک اپرچر ڈغار چکا بی اغ والا کسن ایں عمل او کسن آژ کس...

امریکہ او ایران اۓ نیمگا نیوکلائی مسلہ چکا گیش بیسغیں ناوشی آ خلیج فارس آ حالت آنر باز ردین کھُزا۔خلیج اۓ ہمیں حالت آ پاکستان اۓ دیما سجوں آنژ مزن ایں مسلہ وضہار جانبدار ایر کھُزؤ وتی داخلی مفاد اۓ پھجی پھجی آ بین الاقوامی مفاد اۓ محاپظت دی کھنغ ایں ۔اصل آ پاکستان آپا اے ناوشی ہمیں خاطرہ دی پِکر اۓ وجہ ایں کہ آنہی آ ایران او سعودی عرب دوایں آنی پھجی آ وتی وشتر او کہنیں سفارتی سیال داری اۓ محاپظت اۓ چیلنج دیما ایں۔پدھر بی کہ امریکہ او ایران اۓ نی ایں ناوشی آ سعودی عرب امریکہ اۓ وٹا ایں او آنہی زور ایں کہ امریکہ ایران آ ائیر استرائیک ڈؤل اۓ ھِچھ سخت کاروائی کھنت۔سعودی عرب اۓ الزام ایں کہ ایران آ ڈرون آگو آنہی تیل اۓ جاگاہ آنر نشانہ کھُزا او آنہی آ ایران آژ وتی سلامتی اۓ خطر ایں ۔پدھر ایں کہ پاکستان او سعودی عرب اۓ نیمگا ہماں وڑ اۓ نزیخی ایں سیال داری ایں آنہی آر دیستؤ سعودی عرب پاکستان آر وتی وٹا گِندغ آ باڑہ ایں۔اے ٹؤک دی زکر اۓ لائیق انت کہ ۲۰۱۵ آ ہماں وخت سعودی عرب آ یمن آ پؤجی مداخلت کھُزغۓ سا تہ ایران چکا پؤجی تعاون اۓ زور اسا مگن پاکستان آ ہماں وخت سمجھداری اۓ ثبوت داسؤ پؤجی تعاون...

عمران خان اۓ سرکار آ مشکل آگو دھ ماہ پورا کھُزغاں۔مگن ہمیں کھمیں مُدت آ آنہی آ کے ای وڑ اۓ مشکل دیما کھنغی بیسغاں۔اقتصادی بحران آ سرا آژ عامین مڑدم آنی سرین بھورینتھؤ ایر کھُزا آنہی چکا آئی ایم ایف اۓ بیل آڈٹ پیکیج اۓ سبب آژ عوام چکا ٹیکس ودھسا ۔عوام اۓ گیش بیسغیں بے اطمینانی آژ احتجاج بیس بی۔ہمیں احتجاج آ آواز دۓ اغ آپا سیاسی عمل ہی چھی اے کھُز کھنت۔جمہوریت آ عوام اۓ جزبہ آنی عکس داری سیاسی پارٹی او سیاسی تحریک آنگو ہی ممکن بیس بی۔ہمیں خاطرہ پاکستان آ عوام اۓ گیش بیسغیں بے اطمینانی آر دیستؤ یازد اپوزیشن پارٹی آں اے فیصلہ کھُزا کہ آں احتجاجی مظاہرہ بنِا کھنان۔ہمیں بارو آ پاکستان پیپلز پارٹی اۓ واگ داروخ بلاول بھٹو آ گوستی ایں یک شمبھے آ یک افطار پارٹی آ اے جار جھزا کہ اپوزیشن پارٹی آنگو صلاح کھنغ آ پھدا پارلیمان اۓ اندرا او آنہی اۓ درا سرکار مخالف مظاہرہ بنِا کھُزی آ رؤ۔حالانکہ ہمیں ٹؤک چکا دو راۓ بیس بی کہ اینگے وخت آ احتجاج پھرچھے بنِا کھُزی آ رؤ ہماں وخت کہ سرکار آ سروکی آ آئیغ آ یک سال دی نویسا مگن دوہمی وٹا عوام اۓ گیش بیسغیں پریشانی آں ہماں کہ سیاسی پارٹی آنر لاچار کھنغاں کہ آں ...

پاکستان اندرا حوال کار او زانتکار آنی چکا سرا آژ پؤج اۓ یلغار رہسا۔حوال کار آنی زوان بند کھنائینغ آپا وڑ وڑ اۓ ظلم او جبر آنہاں نی چکا کھُزی آ رؤ بلکہ آنہانر وتی زمہ واری آنژ دارغ آپا چُنتی ڈؤل اۓ سیاحیں قانون دی لاگو کھُزی آ رواں مگن یک حوصلہ دؤخ ٹؤک اِش انت کہ پاکستان اۓ حوال کار آں ہر چیلنج اۓ مقابلہ کھُزا۔اے وخت گُشغ آپا پاکستان آ جمہوریت ایں او سرکار اۓ سروک پاکستان تحریک انصاف اۓ عمران خان ایں۔آں ہماں وخت اپوزیشن آ اسا تہ مزن ایں بُلند دعوی کھُزئی کہ آں یک نوخیں پاکستان ٹھائینی۔باز پڑھیا لکھا ورنا آنر آنہی نعرہ آں وتی وٹا چھِکسا او گوستی سال ہماں وخت آں سروکی آ آتکا ہماں وخت دی آنہی آ نوخیں پاکستان اۓ نعرہ داسا۔مگن یک سال آژ کھمیں مُدت آ ہی مڑدم آنر اٹکل بیسؤ شُزا کہ آنہی نعرہ چھڑوئی آ دروغ اساں۔دیگر مسلہ آنر تہ اِلے ،وا حوال کار آنی چکا ہمیختر زور ایں کہ اینگا مان کھاۓ کہ گام گام چکا آنہاں نی آواز آ بند کھنغ اۓ کوشش کھُزی آ رؤغیں۔اینگا مان کھاۓ کہ نی دی پاکستان چکا سدھائی آ پؤج اۓ سروکی ایں۔وتی حوال کار اۓ زمہ واری پھیلو کھنغ اۓ ڈوہ آ حوال کار آنی چکا نہ چھڑوئی آ پابندی جھزی...

امریکہ او چین اۓ نیمگا سؤداگری مڑائی باز تیز بیسا۔جہان اۓ دو مزن ایں معیشت آنی نیمگا ہمیں سؤداگری مڑائی آ جہانی معیشت او عالمی امن او سلامتی آپا دی خطر پیدا کھُزا۔صدر ڈونلڈ ٹرمپ آ سروکی آ آئیغ آ پھدا ہی چین اۓ حلاپ سؤداگری مڑائی بنِا کھُزغۓ سا۔امریکہ آ چین اۓ شۓ آنی چکا اربیں ڈالر آنی گیش محصول لاگو کھُزا۔دوہمی وٹا چین اۓ گُشغ ایں کہ آں امریکہ اۓ گام آنی مناسو او گیش جواب دا۔چین اۓ الزام ایں کہ امریکہ آ تاریخ اۓ سجوں آنژ مزن ایں سؤداگری مڑائی بنِا کھُزا۔ڈونلڈ ٹرمپ آ نی ایں روش آں چین اۓ شۓ آنی چکا دو سد بلین ڈالر اۓ نوخیں درآمدی ٹیکس جھزا۔چین اۓ ڈن اۓ وزارت اۓ روگا اے ٹؤک دُکھ دؤخ انت کہ ،مگن بیجنگ سرکار آر دی نی جوابی کاروائی کھنغی بی ۔اِشی آژ سرا دی چین آ صدر ڈونلڈ ٹرمپ اۓ وٹاژ گیش محصول لاگو کھنغ چکا آنہی جواب آ امریکہ اۓ شۓ آنی چکا یک سد دھ بلین ڈالر اۓ ٹیکس جھزغۓ سا ۔چین آ خاصیں وڑا اینگے امریکہ اۓ شۓ آنر نشانہ کھُزا ہماں کہ ہمیں امریکی ریاست آ تیار بی آں ہموزا ریپبلکن پارٹی اۓ کنترول ایں۔ہمیں ٹؤک اۓ گُمان ایں کہ نوخیں محصول اۓ لاگو کھنغ آژ دوایں مُلک آنی نیمگا جاری سؤداگری مڑائ...

ہماں وخت امریکہ اۓ ڈن اۓ وزیر مائیک پومپیو آ روس اۓ دؤرہ کھُزا او وتی ہم منصب سرگئی لیوروو او صدر پوتن آگو بیٹھک کھُزئی تی اے بیٹھک ہمیں ٹؤک اۓ اشارہ اسا کہ روس آژ جھیڑو آسر کھنغ آپا روس او امریکہ اۓ نیمگا کسن ایں پھیمانہ اۓ نوخین مڑائی بِنا بیسا تہ بین الاقوامی براسی آ آنہی نوٹس گِتا۔امریکہ آ ڈن اۓ پالیسی اۓ تجزیہ کھنغ والا حلقہ اۓ بزیں مڑدم آنہی آ کسن ایں پھیمانہ اۓ ساڑتھیں مڑائی آگو تعبیر کھنغ نہ لوٹھاں،پھرچھے کہ آں روس آ ہمیختر طاغتور مُلک نہ مناں بلکہ سوویت یونین اۓ یک کسن ایں بہر پوہ بی آں۔اصلیت تہ اِش انت کہ ساڑتھیں مڑائی اۓ زمانہ آ دی امریکہ اۓ یک پوہ ایں طبقہ امریکہ او روس اۓ نیوکلائی براوری آ یک اصلیت اۓ وڑا منغۓ سا ،ہماں وخت دی باز امریکہ اۓ سرکار اۓ مڑدم روس آ امریکہ اۓ براوری کھنغ آپا پھدا منغۓ ساں ۔دو خیمہ آ ونڈسی ایں سروکی اۓ خاکہ امریکہ اۓ وٹا اسا پھرچھے کہ آنہی آ اقتصادی سطح چکا استحکام او تیکنالوجی اۓ کار آ آں اگا اسا۔مروشی دی امریکہ آ مشکل آگو کھسے ہمیں اصلیت آ منی کہ روس یک نوخین توانائی آگو گڑتھؤ آتکا۔کھسے دی آنہی آ اینگے طاغتور مُلک نہ منی ہماں کہ وتی نیوکلائی ا...

کے ای ماہ آنی گپتران آ پھدا آخیر بین الاقوامی مالیاتی فنڈ آ پاکستان آر قرض دۓ اغ اۓ فیصلہ کھُزا۔ہمیں بارو آ سر وزیر اۓ معاشی کار آنی مشیر واجہ حفیظ آ گوشتا کہ اسلام آباد آ بین الاقوامی مالیاتی فنڈ اۓ ٹیم اۓ پھجی آ پاکستان اۓ آخیری ایں دؤر اۓ گپتران آ پھدا ہمیں مالی مدد آ منظوری مِلسا۔منغ نامہ اۓ روگا آئی ایم ایف پاکستان آر آؤخیں سۓ سال آنی نیمگا شش ارب ڈالر دا،تاکہ آں وتی معاشی بحران آژ درا بیس بی ۔اے وخت پاکستان باز مقروض بیسا او قرض گڑدینغ او معیشت آ پٹی چکا آرغ آپا آنہی آ ۱۸ ارب ڈالر اۓ ضرورت ایں۔ہشت ماہ سرا ہماں وخت عمران خان مُلک اۓ سروزیر بیسغۓ سا ،تہ آنہی آ جار جھزغۓ سا کہ اگر بین الااقوامی مالیاتی فنڈ آ سخت شرط ایر کھُزا تہ آں آنہی آژ مالی مدد نہ گِری۔ہماں وخت آنہی آ چین ،سعودی عرب او متحدہ عرب امارات ڈؤل اۓ سنگت مُلک آنی چکا گیش باور اسا ،مگن آئی ایم ایف آ وتی شرط نرم نہ کھُزا بلکہ آنہی آ گیش سخت کھُزئی او عمران خان آ نزیخ آنہی ہر شرط منغی بیسا ۔ہمیں شرط آنی اندرا آمدنی گیش کھنغ آپا ٹیکس آنی شرح آ گیشتری،اصلاح او سبسڈی آ کٹوتی اوار آں۔سروزیر عمران خان آ کے ای دھکا اے ٹؤ...

رمضان مُچھیں جہان اۓ مسلمان آنی آپا یک وڑ اۓ اہمیت ایر کھنت۔مسلمان ہر سال رمضان اۓ ماہ آ روزہ ایر کھناں او تلاوت او عبادت کھناں۔روزہ مڑدم آنی اندرا ضبر ،وتی چکا قابو کھنغ او اللہ اۓ داسی ایں نعمت آ غریو او پھدا بیسغیں مڑدم آنر شریک کھنغ اۓ جزبہ پیدا کھنت،مگن چین اۓ صوبی شن جیانگ اۓ مسلمان آنی آپا اے ماہ مشکل او پریشانی آنگو پھُر ایں۔چین اۓ سرکار آ ہمیں صوبہ اۓ مسلمان آنی چکا وڑ وڑ اۓ پابندی جھزؤ ایر کھُزغاں،آنہانر قرآن اۓ تلاوت او عبادت کھنغ آژ داشتی آ رؤغیں،او اینگا نہ کھنغ اۓ صورت آ آنہانر وڑ وڑ اۓ سزا داسی آ رواں ۔اے ٹؤک ویچار کھنغ اۓ لائیق انت کہ ہمیں نوخیں دؤر آ چین جہان اۓ ایکا اینگے مُلک ایں ،ہموزا ھِچھ خاصین مزہب او نسلی اقلیت آنر وتی مزہب ،ثقافت،او رسم آنی روگا زِند گوازینغ آژ داشتی آ رؤغیں۔چین آ شن جیانگ اۓ ایویغور مسلمان آنر مرکزی دھارہ آ اوار کھنغ اۓ نام چکا دستیگیری کیمپ آنی اندرا قید کھُزی آ شُزا۔آنہاں نی چکا ظلم و جبر کھُزی آ رؤغیں۔عالمی براسی او مڑدمی حق نی تنظیم چین اۓ ہمیں عمل آنی حلاپ آواز کھُڑو کھُزا۔مگن چین آ آنہی آژ چھم چھَرینتھغاں۔اصل آ چین آ ہمیں وڑ اۓ دپ آنی...

نی ایں سال آنی اندرا عالمی پھیمانہ چکا دھشت گردی آ ہماں وڑا وتی پھاز مضبوط کھُزغاں،خاصیں وڑا جہادی تنظیم آنی نیٹ ورک آ ہماں کہ طاغت مِلسا،آنہی آژ راستیں ڈؤل چکا مُچھیں جہان آ اُتھل پُتھل او بے اطمینانی پیدا بیسا او امن پسند جہان ہمیں پِکر آ مان ایں کہ آخیر ہمیں لعنت آ تھانگا آسر کھُزی آ برؤ؟نی ایں روش آں سری لنکا اۓ چرچ او ہوٹل آنی اندرا دھشت گرد آں ہماں وڑا ھِلگر کھُزا ،آنہی آژ بُرز آسیا آ خاصیں وڑا پِکر گیش بیسا۔نی تک اۓ پٹ او پھول آژ ہمیں اٹکل بیسا کہ مِڈل ایسٹ اۓ بدنام ٹلہ آئی ایس آ یک مقامی انتہا پسند تنظیم اۓ واہریائی آگو ہمیں کار کھُزغۓ سا۔عامین ڈؤل آگو بعض حلقہ آنی ہمیں ویچار ایں کہ اگر گُمراہ بیسغیں ورنہ آنی آپا مناسو تعلیم او روزگار داسی آ برؤ تہ آنہانر ہمیں لعنت آژ دارغ بیس بی ۔اے ٹؤک تہ یک حد تکا راست بیس بی پھرچھے کہ باز دھشت گرد تنظیم بے کار او بے پڑھیا مڑدم آنر وتی تنظیم آ اوار کھُزؤ آنہاں نی برین واش کھناں او آنہاں نی غریو پاس پھِز آنر اقتصادی نپ او کھٹ پُجھینتھؤ وتی کار کھنائیناں مگن ٹؤک ہمیختر آسان دی نعیں پھرچھے کہ عالمی پھیمانہ چکا بی اغ والا باز مزن ایں ھِلگر ...

پاکستان تحریک انصاف اۓ سروک عمران خان آ سر وزیر بیسؤ تنِک یک سال دی نویسا مگن ہمیں مُدت آ آنہی مشہوری ہماں تیزی آگو بُنا بیسا کہ حیرانی بی۔شاید آنہی بنیاتی ایں وجہ اِش انت کہ آنہی سیاست کھنغ اۓ طریقہ آ منفی ٹِک آنی کارفرمائی گیش رہسا۔اپوزیشن لیڈر اۓ ڈؤل آژ آنہی آ غیر زمہ واری اۓ طریقہ اپنائینتھا او ہمیں ٹؤک آر شمُشتھئی کہ سیاست زانتکار چاہے حکمراں جماعت اۓ بی یا اپوزیشن اۓ آنہی جمہوری قدر آنی پاسداری کھنغ لوٹھی۔سرکار آگو مِڑغ او بدگوشی کھنغ اۓ دی ھِچھ دائیرہ بی ۔بہر حال نی آں سروزیر ایں او سروزیر اۓ ڈؤل آژ آں پاکستان اۓ نی ایں اقتصادی بحران او ہموزا اۓ سیاسی اُتھل پُتھل آژ پوہ بی۔آنہی آ پاکستان اۓ اُمت آر نوخیں پاکستان اۓ واہو پھیدھارتھغۓ سا او اے وعدہ کھُزغۓ سا کہ آں یک آئیڈیل ریاست اۓ قیام اۓ کوشش کھنت۔اے ویچار دی عامین ایں کہ آنہی آ سروکی آ آرغ آ پاکستان اۓ پؤج آ مزن ایں عمل کھُزغۓ سا ۔آنگا دی آنہی پارٹی آر ہمیختر سیٹ نہ مِلسغاں کہ آں وتی سرکار وڑ اۓ اطمینان دؤخ اکثریت اۓ دعوی کھُز کھنت۔پاکستان اۓ سجوں آنژ مزن ایں صوبہ پنجاب آ دی آنہی اۓ پارٹی اۓ سروکی ایں مگن چھڑوئی آ چند سی...

آخیر کار ہماں بیسا ہمائی اۓ کہ سیاسی زانتکار گُمان کھنغۓ ساں ۔ماہ آنی تکا پاکستان اۓ کوشش آنی پھدا بین الاقوامی مالیاتی فنڈ (آئی ایم ایف) آ پاکستان آر شش ارب ڈالر اۓ مدد دۓ اغ منظور کھُزا ہماں کہ قرض اۓ دوہمی نام ایں۔اے دوہمی ٹؤک ایں کہ پاکستان آ آئی ایم ایف آژ ہشت ارب ڈالر اۓ مدد لوٹھسغۓ سا درگتہ کہ آنہی آ چھڑوئی آ شش ارب ڈالر داسی آ شُزغاں۔مگن سوال اے کھڑو بی کہ آئی ایم ایف اۓ چھڑوئی آ نام اۓ ہمیں مدد آگو پاکستان ہمیں اقتصادتی بحران آژ درا بیس بی ہمائی آ کہ آں ہمیں روش آ دیما کھنغیں؟اگر اے عالمی بینک ،آئی ایم ایف ،چین،سعودی عرب او دیگر مُلک آنژ گِتی ایں قرض آنر جوڑسؤ گِندی تہ آؤخیں ۱۵ جون تکا پاکستان اۓ قرض داری سود اۓ پھجی آ ۹۰ ارب ڈالر تکا پُجھغ اۓ گُمان پدھر کھُزی آ شُزا۔ہمیں حالت آ شش ارب ڈالر اۓ مدد پاکستان اۓ بحران آ دیر کھنغ آپا چھیختر مدد دا آنہی گُمان آسانی آگو درا کھنغ بیس بی۔مگن ہمیں نیمگا آئی ایم ایف اۓ ہماں کہ شرط پاکستان آر پھیلو کھنغی بی آں،آنہی سبب آژ اے طۓ ایں کہ عامین پاکستانی اۓ زِند لاچار بی رؤ،اے دوہمی ٹؤک ایں کہ عامین شہری مروشی دی ھِچھ گیش وشحال نعیں ۔مث...

  اقوام متحدہ اۓ ادارہ ۷۴ سال پیشا عمل آ آتکغۓ سا۔دوہمی مزن ایں مڑائی اۓ آسر بی اغ آ پھدا یک عالمی ادارہ اۓ ضرورت باز محسوس کھُزی آ شُزغۓ سا۔گوستی ایں صدی آ جہان دو عظیم مڑائی آنژ تباہ بیسغۓ سا او ہمیں احساس آ اقوام عالم آ لاچار کھُزا کہ آں ہمیں ٹؤک چکا ویچار کھنت کہ جہان آ تھانگا مڑائی آنژ محفوظ ایر کھُزی آ برؤ کہ آؤخیں روش آں ہیرو شیما او ناگاساکی ڈؤل اۓ دپ پدوارغ نوی آں ۔۷۴ سال آنی عرصہ آ اے عالمی ادارہ مستحکم او منظم بیسا او آنہی اۓ چُنتی زیلی ادارہ دی قائیم بیسغاں ہماں کہ زِند اۓ جتا شعبہ آ عالمی پھیمانہ چکا مڑدمی ود او ترقی او آنہاں نی زِند اۓ معیار آ وشتر کھنغ چکا زور دۓ غاں۔ود او ترقی اۓ کار آنی پھجی آ ہمیں ادارہ اۓ بنیاتی کار عالمی امن آ باور دؤخ کھنغ او مڑائی اۓ ماحول آ دیر کھنغ ایں۔اے گُشغ تہ نویس بی کہ مڑائی آنی سلسلہ بند بیسا ،بلا گُمان نی دی چُنتی جاگاہ آ مڑائی اۓ ماحول ایں او ناوشیں دپ دی بی آں مگن بہر حال اے دی یک اصلیت ایں کہ ہمیں ادارہ آ امن قائیم ایر کھنغ آپا باز کوشش کھُزا۔کم چہ کم دوہمی عظیم مڑائی آ پھدا ،نی تکا ہمیختر مزن ایں اُتھل پُتھل پیدا نویسا۔...

ایران چکا امریکہ اۓ یک وٹاژ اقتصادی پابندی آں یک وار دیگر عالمی براسی اۓ دیما مسلہ کھڑو کھُزغاں ۔یورپی یونین،چین ،روس،ھِند پھجی آ مُچھیں خاصیں مُلک ہمیں بارو آ امریکہ اۓ ہمیں گام آ دارغ اۓ کوشش ناسوب بیسغاں۔سجوں آنژ گیش خاصیں ٹؤک اِش انت کہ عالمی براسی اۓ دیما اے مسلہ ایں کہ آں وتی او امریکہ اۓ مفاد اۓ نیمگا کھسے آر گچین کھنت او امریکہ اۓ پابندی آنی روژنائی آ ایران آگو وتی سفارتی سیال داری آ تھانگا وش ایں وڑا قائیم ایر کھنت۔امریکہ اۓ ٹرمپ سرکار اۓ اولی ایں روش آژ ہی ہمیں زور رہسا کہ ایران یورینیم آ گیش کھُزؤ ہمیں بارو آ کھُزی ایں منغ نامہ اۓ حلاپ رؤغیں ۔ہمیں الزام اۓ ھِچھ ثبوت نوی اغ او جہانی براسی اۓ سمجھائینغ اۓ باوجوت امریکہ آ وضہار ایران اۓ پھجی آ کھُزی ایں۶ مُلک آنی نیوکلائی منغ نامہ آژ جتا کھُزئی۔مسلہ اے نعیں کہ امریکہ ایران آگو وتی سیال داری تھانگا ایر کھنغ آ باڑہ ایں۔پدھر ایں اے امریکہ اۓ وتی جِند اۓ مسلہ ایں ،مگن مشکل اِش انت کہ امریکہ آ ہماں وڑا ایران چکا اقتصادی پابندی جھزا آنہی منفی اثر سنگت مُلک آنی چکا دی کھوغیں۔ہمیں پابندی آں عالمی بازار آ تیل اۓ بھاء آ گیشتری کھُزا۔ہمی...

آسیہ بی بی پاکستان اۓ صوبہ پنجاب اۓ یک گاؤں آ رہغ والا عیسائی زائیف ایں ہماں کہ چھیار چھُکھ آنی ماس ایں ۔ھِچھ ٹؤک چکا مسلمان ہمسائیگ آنگو آنہی ناوشی بیسا ہمائی آ پھدا ہمسائیگ آں آنہی آر دین اۓ حلاف گُشغ اۓ ڈوہی منسا درگتہ کہ بُنگیج آژ ہی آنہی گُشغ اسا کہ آنہی آ ھِچھ اینگے ٹؤک نہ کھُزا ہمائی آر کہ اسلام اۓ حلاپ منسی آ برؤ ۔پاکستان آ اہانت دین قانون آ ہمیختر سخت کھُزی آ شُزا کہ آنہی سزا پھاہو دی بیس بی۔آنگا تہ ہمیں ڈوہ اۓ زد آ کھسے دی آتک بی مگن اقلیت آنہی خاصیں نشانہ بی آں اے قانون سرا آژ ہی متنازعہ رہسا او پاکستان اۓ سول سوسائیٹی او مڑدمی حق آنی قانون آنہی حلاپ احتجاج او قانون آ مناسو بدلاؤ اۓ مطالبہ کھنغیں۔آنہی اۓ سجوں آنژ مزن ایں احتجاج ہمین ٹؤک آپا ایں کہ ہمیں قانون اۓ ردین استعمال بی غیں او زاتی دُژمنی اۓ بُنشت چکا دی مڑدم یک دوہمی آر بجھیناں۔دوہمی وٹا انتہا پسند حلقہ آں ہمیں قانون اۓ بارو آ ماحول آ ہمیختر جزباتی کھُزا کہ چھڑوئی آ الزام اۓ بُنشت چکا مڑدم ڈوہی اۓ حون ورغ لوٹھاں او چُنتی دپ اینگے بی آن ہمائی آ اے دیستی آ شُزا کہ تیش آ آتکغیں مڑدم ڈوہی آر کُشاں بِلاں۔چھڑوئی آ ا...

امریکہ اۓ سؤداگری اۓ وزیر ولبر راس آ نی ایں روش آں یک پیرا داسا ہمائی آ آنہی آ گوشتغۓ سا کہ ھِند جہان اۓ ہماں مُلک ایں ہموزا شرح وصول سجوں آنژ گیش ایں ۔آں امریکہ اۓ سرکار اۓ سجوں آنژ مزن ایں سؤداگری فورم بیٹھک آ بہر گِرغ آپا نوخیں دلی آختغۓ سا۔چین آ پھدا امریکہ ھِند اۓ سجوں آنژ مزن ایں سؤداگری سنگتدار ایں ۔وتی ھِند اۓ ہم منصب آگو بیٹھک اۓ نیمگا واجہ راس آ امریکہ اۓ صدر ڈونلڈ ٹرمپ اۓ نعرہ 'میک امریکہ گریٹ اگین'آ یک وار پدوارغ دہرائینتھا او گوشتئی کہ ھِند۔امریکہ سیال داری آ پدوارغ وشتر کھُزؤ ما امریکہ آ پدوارغ عظیم کھُز کھنوں۔آنہی آ گوشتا کہ امریکہ آ پدوارغ عظیم کھنغ آپا ھِند اۓ واہریائی ضروری ایں ۔گُڈا دی ھِند او امریکہ اۓ نیمگا سؤداگری سیال داری آ ناوشی ایں۔چین او امریکہ اۓ نیمگا جُزوخیں سؤداگری مڑائی آژ ھِند آ پِکر ایں ۔امریکہ آ ھِند چکا ایران آژ تیل لوٹھائینغ چکا پابندی جھزا ۔اِشی پھجی آ آں جی ایس پی پروگرام اۓ روگا ھِند آ دۓ اغ والا آساقی آ آسر کھنغ اۓ منصوبہ کھنغیں۔اِشی اۓ دی نوخیں دلی آر پِکر ایں ۔ایزا اے ٹؤک زکر اۓ لائیق انت کہ جی ایس پی اۓ درجہ عالمی سؤداگری تنظیم ریج...