سرگال: شہ ایمنسٹئ انٹرنیشنل نیمگا وزیرستانئ برزئ سیمانی کشگانی پٹ و پول کنگئ بھرا پاکستانئ سرا فشار۔

بہ گئوستگین روچان پشتون ئن کارکنوکانی تنظیم پشتون تحفظ موومنٹ بدنام کنگ و کارکنوکانی پادموش کنگئ کوشستانی وجا کہ شہ پاکستانئ سیکورٹی ڈلئ نیمگا تسر بوتگیت، نہ تھانکا پاکستانئ تھئ مُچین انصاف پسندین ڈلانینیاما نا آرامی ودی بوتگیت بلکہ عالمین کچانہ حکانئ تنظیم ھم سَکین وڑئ شہ ای کاران بدگشی کرتگنت۔ پورہ ئن وڑئ ھم بہ پاکستانئ مُلکئ تھا بدنظمی و لاقانونیت تہ ای کچانہ باز بوتگیت کہ شہ سنجیدہ ئن حلقہ آنی نیمگاعمرانی حکومتئ کارکردگئ سرا سوج و پرسان ھم باز بوتگیت۔ 

شہ ھر نیمگا ھمی ھبر دیما بیت کہ دیم شہ ایشی کہ واکا بہ دستا گرنت عمران خان گون برزین توارا دعوی کرتنت کہ آوان پاکستان آ یک فعالئن جمھوریتئ جور کننت، اصلین واکا بہ پارلیمنٹئ دستا دینت، پکر و حیالئ درا کنگاایچ وڑئ پابندی نہ بیت میڈیا پورہ ئن وڑئ آزات بیت و آزاتین عدلیہ قیام یقینی بیت۔ ھما مُچین دعوی و واب تھانکا واب و دعوی ثابت بوتنت و ھمی راز منتنت۔ 

یک ممتاز ئن صحافی و گڈین سفارت کار واجہ واجد شمس الحسن بہ وتی یک مضمونئ تھا گشتنت کہ آئی ایم ایف بیل آوٹ پکیجئ تباہ کنوکین اثر صاپ درا انت مگہ باز ھم آوانی یکئ شہ گچئن کاری وعدہ آنا استمان تہ نون نہشموشتگیت کہ آوان گشتتنت کہ آوان وت کشی کننت مگہ بیل اوٹ پکیج گدائی کاسگا گپتہ ای ایم ایف پھدا نہ رونت۔ آوان ھمی وڑا گشتنت کہ رندا شہ ۲۰۰۸ سالا بحالین جمھوریت پورہ ئن وڑئ نہ مگہ لنگ و لول کار کرت،مگہ کار و کرت و بہ پاکستان پیپلز پارٹئ و مسلم لیگ نواز حکومتانی دورہ مردم بہ جیلانی تھا بند نہ بوتنت و سیاسین پابندی و قیدیت نہ ات، مگہ نون صورتحال ایش انت کہ کومین اسمبلئ یک معززئن باسک علی وزیر بہحراستا گپتگ بوتگیت و بہ آی سرا الزام انت کہ آوان پشتون حکانی تحفظ موومنٹ باسکانا شہ تشددا پر کرتگیت و آ بہ سیکورٹئ چک پوئینٹ سرا ھلگر کرتگنت وھدہ کہ یکئ دیگہ شہ کومین اسمبلئ باسکان محسن داور ایھبرا نہ منتگنت۔ 

ای ھبر یات کنگئ وڑ انت کہ ای دوکین پارلیمنٹئ باسک انت کہ کومین اسمبلی تھا ترمیم دیما کنگ و آی نافذ کنگئ بھرا اھمین کوتئ داشتگنت و آوانا مردم گون احترام دروست کننت، مگہ پوجئ ترجمان آصف غورئ سرا الزامانت کہ آ کوشست داریت کہ ایشانا بدنام کنت۔ عینین شاھد گشتگنت کہ پی ٹی ایم کارکنوک پر امنئن وڑئ احتجاج کرتنت مگہ وت پوج آوانا تشددئ چیرا نشان گپتگیت۔ ھمی دوکین پارلیمنٹئ باسک کہ آوانی نام گپتگ بوت شہ پیٹی ایم یک جلسہ سروکی کرتنت۔ ای دپ دیگ بہ وزیرستانئ برزئ سیمان بہ کھرقمر سیمان تسر بوتگیت۔ پوج گشتگیت کہ احتجاج کنوک بہ چک پوئینٹ سرا ھلگر کرتگنت مگہ احتجاج کنوک گشنت کہ تیر ریچی شہ پوجئنیمگا بناہ بوت کہ شہ آی وجا چُنتی مردم کشتگ بوتنت و چُنتی دیگہ ٹپی بوتنت۔ 

نہ تھانکا پاکستانئ بنیادمین حکانی تنظیم شہ ای دپ دیگا سَکین وڑئ بدگشی کننت و ای الزاما جننت کہ پاکستانئ سیکورٹئ ڈل کوشست داریت کہ ظالم آ مظلوم نشان دنت و مظلوم آ ظالم نشان دنت بلکہ مُچین سنجیدہ و زانتکارینڈل شہ ای دپ دیگا بدگشی کننت۔ ھما مردمئ کہ کشتگ بوتگنت پی ٹی ایم باسک اتنت بہ پی ٹی ایم یک کارکنوک و فعال دیگہ سرا بہ گلالئی اسماعیل ناما ھم دروگین الزام جتگ بوتگنت۔ ڈبلن بنیادمین حکانی تنظیم فرنٹ لائنڈیفینڈرس شہ پاکستانئ حکومتا لوٹوک بوتگیت کہ مُچین الزامئ کہ بہ گلالئی اسماعیل سرا جتگ بوتگنت ھمی دم یک بیمگ بنت و پہ اوان و آوانی خاندان آ سیکورٹی داتگ بیت۔ بہ دیگہ نیمگا امنسٹی انٹرنیشنل شہ پاکستانئحکومتا لوٹوک بوتگیت کہ آ برزئ وزیرستان تھا تسر بوتگین تشدد آنا آزاتین وڑئ پٹ و پول کننت کہ در بیت اصلین ھبر چی انت۔ اگہ ای رپوٹ راست بیت کہ شہ پوجئ دستا گیرکانونین وڑئ پشتون ئن کارکنوک کشتگ بوتگنتای بی حد سنگین ئن دپ دیگئ بیت۔رابعہ محمود کہ بہ جالئ ایشیا بہ امنسٹی انٹرنیشنل بھرا پٹ و پول کنت گشتگیت کہ ای کار بین الاکوامین کانونئ حلاپ ورزی انت شہ ھمی وجا باید انت کہ ای سَکئ بن و ریشگ شرّین وڑئپٹ و پول بیت۔ ای مُچین ھبر نشان دیوک انت کہ عمران خانی حکومت بہ کانونئ ساتتنئ بھرا ھم بی سوب منتگیت۔