Air World Service Baluchi

افغانستان آ صدارتی گچین کاری ائے بنگیج ائے نتیکہ آنی جار ائے پھجی آ ہی ہمیں مڑائی آژ تباہ ملک آ نوخیں جمہوری ادارہ آنر مستحکم کھنغ ائے وٹا یک سنگ میل طئے کھزا۔افغانستان ائے آزات گچین کاری کمیشن آ جار جھزا کہ صدر اشرف غنی آ کھُل ووٹ آنی پنجہ پیصد بہر آگو گچین کاری آ سوب مند بیسادرگتہ کہ صدر غنی ائے حریف او پیسر ائے ڈن ائے وزیر داغدار عبداللہ عبداللہ دو لکھ آنژ دی گیش ووٹ آنژ ناسوب بیسا۔یک اینگے ملک آپا ہماں کہ طالبان ائے تشدد آ دیما کھنغیں سویلین سرکار ائے بالا دستی قائیم کھنغ ائے کوشست کھنغیں،ہموزا ائے آزات گچین کاری کمیشن گچین کاری ائے دھاندلی آنی آپا باز محتاط ایں او آنہی مچھیں کوشست رہسا کہ گچین کاری شَر ایں بھیرا پھیلو بی۔ ہمائی نتیجہ اے بیسا کہ ہزارہاں ووٹ ماکھنوخ بایو میترک ائے تیسٹ آ فیل بیسغاں۔ہمیں مچھیں گام آنی باوجوت گچین کاری اندرا دھاندلی آنی شکایت ملسا،ہمائی چکا گچین کاری کمیشن آ ویچار کھنغ ائے وعدہ کھزا۔ہمیں شکایت آنر دیر کھنغ آ باز وخت مان آخت بی ۔مچھیں شکایت آنی چکا ویچار کھنغ آ پھدا اگر اے کل بیسا کہ صدر اشرف غنی آ کھمیں ووٹ ملسغاں تہ دو دیگر بڑزا بیسغیں امیت وار آنی ...

منی دوستین ھموطن، نمسکار۔ نون وھدہ رستگیت کہ گون ۲۰۱۹ سالا خداحافظی کننت۔ تانکا ۳ روچ رندا نہ تانکا ۲۰۱۹ گون مشما اللہ حافظی کنت؛ بلکہ ما مُچین یک نوکین سال و نوکین دھہ را بناہ کنگا بن، بیست و یکمی غرنئ سومی دھہ! پہ ۲۰۲۰ سالئ رسگا من وتی مبارکی و نیکین واھیگانا پہ وتی مُچین استمانا دیما کنین۔ بہ آیوکین دھہ تھا یک چیزئ حتمی انت، کہ بہ مُلکئ دیمرئی تھا ھما کَسئ کہ بہ ۲۱ غرن تھا ودی بوتگنت فعالین وڑئ کوت گرگا بنت؛ ای ھما مردمئ انت کہ مزن بنت و ای مُلکئ سَکیانا چمئ چیرا دارنت۔ انچین ورنائن کسانا بہ چُنتی نامان دروست کننت۔ لھتین آوانا بہ ملینیال ناما دروست کننت و دیگہ بہ نسل زیئ و یا جن زیی ناما دروست بنت و ھمی وڑا یک چیزئ کہ گیشترکین مردم گشنت “ نسل سوشل میڈیا” انت۔ مشما مُچین گیندنت کہ ای نسل بازین استعداد دارنت۔ مُچین ھُب و آرمان دارنت کہ یک نوکین کارئ کننت۔ وت وتی جیندئ پکر و خیالانا دارنت، و گیھترین چیز خاسین وڑئ بہ ھندیی بھرا ایش انت کہ آ شہ نوکین سیستما وش گشی کننت۔ و وھدہ کہ ای سیستم کرتگ مہ کنت کہ شرؔین وڑئ پسوئ دنت آوان نا آرام بنت و بہ سیستمئ دیما کوشتنت و گون باتوری شہ سیستما س...

براسگی،ُب او برداشت نہ چھڑوئی آ مچھیں مزہب آنی بنیاتی ایں اصول ایں بلکہ مڑدمی حق آنی خاصیں بہر ایں ۔ھچھ دی ملک ائے معاشرہ اگر ہمیں بنیات آنی سرا ٹھائینتھی آ برؤ تہ آں راستیں وٹا ترقی کھنت ۔وتی آژ جتا ویچار آنر برداشت نہ کھنغ او وتی ویچار آنر دوہمی آنر مڑھغ آژمعاشرہ ائے میل کمزور بی او آنہی ترقی جکھی رؤ۔پاکستان ائے معاشرہ ہمیں مشکل آنر دیما کھنغیں ۔پاکستان ائے معاشرہ اندرا روژن ویچار آنی کمی ایں۔پاکستان اندرا اگہ کھسے عقل او دانشمندی ائے ٹؤک کھنت تہ آنہی آر نشانہ کھزی آ رؤ ایزا تکا کہ آنہی حون دی کھُزی آ رؤ۔مئے دیما اینگے چنتی مثال آں ۔جنید حفیظ آر پھاہو ائے سزا اش کھنائینغ ائے مسلہ وتی وڑ ائے سری ایں مسلہ نعیں ۔پاکستان اندرا اینگے مسلہ آنی مزن ایں لسٹ ایں ،ہمائی اندرخاصیں بھیرا اقلیت او عامیں ڈول چکا اکثریت فرقہ ائے مڑدم آنر نشانہ کھزی آ رؤ۔پاکستان ائے صوبہ پنجاب ائے پیسر ائے گورنر سلمان تاثیر ائے انجام آژ کھئے پوہ نعیں ۔آں چھڑوئی آ دین ائے بے حرمتی ائے نام چکا بی اغ والا تشدد چکا پابندی جھنغ آپا قانون اندرا بدلاؤ ائے مطالبہ کھنغئے سا ۔آنہی آر آنہی رکھو آ باز بے دڑدی آگو کُشتغئے سا۔س...

امریکہ آ پاکستان آر ہماں ملک آنی لست آ پدوارغ اوار کھُزا ہماں ملک آنی اندرا مزہب ائے فرق بی۔ہمیں لِست آ میانما،چین،ایریتیریا ،ایران ،جال کوریا ،پاکستان،سعودی عرب ،تاجکستان او ترکمانستان اوار آں ۔امریکہ ائے ڈن ائے وزارت اینگے ملک آنر ہموزا مزہب ائے آجوئی نعیں ہموزا ۱۹۹۸ ائے بین الاقوامی مزہبی آجوئی ائے قانون ائے روگا ہمیں لِست آ اوار کھنت؛ہمائی آ کنٹریز آف پارٹیکیولر کنسرن؛ائے نام داسی آ شزا۔ہمیں زمرہ آ ہماں دی ملک کھایاں امریکہ آنہاں نی حلاپ پابندی گیش کھز کھنت۔گڈا دی پاکستان ائے ڈن ائے وزارت ائے گُشغ ایں کہ اسلام آباد آ ہمیں لست آ پدوارغ اوار کھنغ ہمیں ٹؤک ائے عکاسی کھنت کہ چھی اے ملک آنر نشانہ کھُزی آ رؤغیں او ہمیں گام آژ مزہبی آجوئی آ گیش کھنغ آ مدد نہ ملی۔اسلام آبادآ ڈن ائے دپتر آ گوشتا کہ پاکستان یک کثیر مزہبی ملک ایں ہموزا آئین ائے روگا جتا ثقافتی اقلیت آنر وتی حیثیت برقرار ایر کھنغ ائے حق ایں ۔ڈن ائے دپتر ائے یک بیان ائے روگا سرکار ائے مچھین شعبہ آں مچھیں شہری آنی مزہبی آجوئی آ باور دؤخ کھنغ آپا کوشست کھزی آ شزغاں۔ہمیں بارو آ ملک ائے اعلی ایں عدالت آ بازیں وخت وتی فیصلہ سرکار آ...

گوستی ایں ماہ نیویارک ٹائیمز آ مسلمان آنی چکا بی اغ والا ظلم او مڑدمی حق آنی پامالی چکا یک تفصیل ائے رپورٹ چھاپسی آ شزغئے سا ہمائی آ کاگدی ثبوت آنی حوالہ آژ اے گوشتی آ شزغئے سا کہ چین ائے سوبہ شی جیانگ آ ہموزا ایغور مسلمان مزن ایں آبادی ایں او ہموزا آنہاں نی چکا بی اغ والا ایں ظلم ائے سلسلہ مزن ایں عرصہ آژ جزغیں ہموزا ائے اصلیت آنر لکینغ آپا اعلی چینی حاکم آں چھی اے اینگے ھدایت مقامی کاردار آں داسغئے ساں کہ ہمائی آژ اٹکل بیسغئے سا کہ اصلیت آنر لکینغ ائے مچھیں کوشست کھُزی آ رؤغیں۔اصل آ صوبہ شی جیانگ آ ایغور مسلمان آنی حلاپ یک مزن ایں عرصہ آژ سخت ایں گام زڑتھی آ رؤغاں۔سجلاں ایں ماہ آنی اندرا مچھیں جہان ائے میڈیا اندرا ہمیں ٹؤک ائے چرچہ رہسا کہ چین ائے سرکار آ دھ لکھ آژ گیش ایغور او دیگر نسل آنی مسلمان آنر دستگیر کھزؤ ایر کھُزا۔آنہی چکا مزن ایں پھیمانہ چکا احتجاج دی بیسااو اقوام متحدہ آ دی مڑدمی حق آنی پامالی ائے سخت ایں نوٹس گتا او آنہی بدگوشی کھُزیئ۔چین ائے وٹاژسرا آژ اصلیت آنذ چھم چھرینغ ائے کوشست بیسا مگہ گوستی ایں ماہ چھی اے اینگے ثبوت دیما آتکغاں ہمائی آژ چھم چھرینح چین ائے حاکم آ...

بہ اوگانستان سدارتین الیکشن کم شہ کم سہ ما دیما بوتیت و باز چُنتی وار پھدا کپت و ھر وارئ پہ یک بونہ پھدا کپتیت، گڈسرا بہ ستمبرئ ۲۸ تاریخا گیچئن کاری بوت۔ بری بھرا یک دیگہ ھبرئ ھم استیت کہ بہ جمھوریت و گیچئن کارئ بھرا کجام شرین علامتئ نہ انت، شہ ووٹ دیوکان باز کمین کچانہ شہ وتی حکا کار گرگا بوتنت، گرچہ اوگانستان ووٹرانی راجسٹر ۹۰ لکھ گیش بوتگیت کہ شہ ۲۰ لکھ کمتر ووٹ دیوک کوت گپتگنت۔  بہر حال نونین حالات کہ گیچئن کاری شہ آی گئوزیت، شہ ایشی گیشتر سوبین بوتگ نہ کنت، رازئ کہ امیت شوت طالب و دیگہ دھشت گرد و خرابکارین ڈلانی موشکولی نہ تاناکا رادگ اتنت بلکہ تروند ھم بوتنت۔ طالبانی سروک گام بہ گام بہ حکومتئ ھر کارئ بھرا رکاوٹ پرینگا اتنت و سرئ ایشی کہ بہ آمریکہ و طالبانی نمایندگانی نیاما گپ و تران رادگ اتیت طالب نہ تاناکا وتی ھلگرانا بند نہ کرتنت بلکہ گیچئن کارئ ریلی آن و نمایندگانا ھم نشان گرگا بوتنت و یک سدارتین کاندیدی جانئ گرگئ ھلگرئ کرتنت مگہ رکتیت وسَک ٹپی بوتت۔ بہر حال ای حالات و ماحول گیچئن کارئ عملا و کامل بیگی مزنئن ھبرئ انتآی اول سرئ نتیجہ بہ گئوستگین ھپتگا بہ یکشنبہ روچا...

پہ کیفرئ رسگا خدا خدا کرتہ رندا شہ تچکین وھدہ ممبئ ھلگرئ ماسٹر مائند و لشکر طیبہ بانی حافظ سعیدیی حلاپا مقدمہ بہ لاھور دھشت گردیئ حلاپئ عدالتا چُنت روچ دیما بناہ بوت۔ حافظ سعیدیی حلاپا بازین مقدمہ درج انت کہ شہ آوان دھشت گردیئ دیمگیریی و فنڈ برابیر کنگا معاملہ ھم ھور انت۔ ھوشا بیت کہ حافظ سعید و آی ڈل شہ اکوام متحدہ کمیٹہ نیمگا عالمیں دھشت گردیئ فھرستا ھور بوتگنت و شہ تچکین وھدہ شہ عالمین براسانی نیمگا بہ پاکستانئ سرا سَکین ڈبہ انت کہ حافظ سعید و آی مشتبہ ئن منع بوتگین جماعت و تنظیمانی حلاپا سَکین کاروائی لوٹت و پہ راستی سزا گندیت۔ لاھورئ دھشت گردیئ حلاپئ عدالت حافظ سعید و آی ھمراھان اھمین کمکاریی عبدالسلام بن محمد، محمد اشرف و ظفر اقبال حلاپا دھشت گردیئ فنڈ برابیر کنگئ معاملہ کہ ای جرم دسمبرئ ۱۱ عائد بوتگیت۔ بری بھرا پنجابئ پولیس پہ محکمہ یک گواہ دیما کرتگیت کہ رندا شہ سماعتا عدالتئ یک اپسرئ نیمگا ای رانشاندیوکی بوتگیت کہ سلسلہ وارین وڑئ سماعت بیت مگہ بری نیاما بہ کاروائی وکیل بہ مُلکا گیرپیمانہ اسٹرائک وجا رکاوٹ ودی بوتگیت۔ بہر حال دپٹی پروسیکیوٹر جنرال آف پنجاب پہ عدالتا گشتگیت ...

چینئ ڈنئ کارانی وزیر وینگ یئ گون ھندوستانئ کومین سلامتئ مشیر اجیٹ دووال بہ سیمسرین جیڑوانی باروا گپ و تران کنگا شہ ھندوستان دورہ کنگا بوتگیت۔ بہ وتی ای دورہ کنگئ دورانا واجہ وینگ جمھورین سدرئ کمکار ام اینکئیا نایڈو ھم گیند و نند کرتگیت۔ دوکین مُلکانی خاسین نمایندگانی نیاما ای وڑئ گپ و ترانئ کنگ لھتین وھدہ باز اھم انت سرئ وزیر نریندر مودی و چینئ سدر شی جنپنگ بہ امبرانین سالئ اکتبرئ ماھا بہ چنیئ نزیکا بہ مُلا پورام گیررسمین گیند و نندئ داشتنت۔ رندا شہ گیند و نندا دوکین سروک ای ھبرئ سرا تپاک کرتگنت کہ بہ سیمسران پہ امنئ برجا کنگا بہ دوکین مُلکانی نیاما پہ باورئ ودی بیگا پہ گیشترین گام گرگان اڑ انت۔ بری جذبگئ سیائگا کومین سلامتئ مشیر اجیٹ دووال گشتیت کہ بہ دو نیمگئ قیادتا، دو نیمگین بستگئ دیمرئی دیگا و سیمسرین جیڑوانی حلئ بھرا یک نوکین ویژنئ دیما کرتگیت۔ چینئ نمایندگ بہ وتی بیانا گشتیت کہ شہ گپ و ترانا رندا دوکین مُلکانی منیجمنٹ رول آرگا و مواصلاتئ مضبوط کنگا رضامند بوتگنت۔  بیدئ ایشی دو نیمگ بہ سیمسرین پوجئ بدل کنگ و سیمسرین دیوانئ پوئنٹ گیش کنگا، ایشانی سرا ھم تپاک کرتگنت ھمی...

خیرئ پسوئ: گیش شہ دو دھہ دیمئ ھبر انت بہ ۱۹۹۰ سالا وھدہ کہ جنرال پرویز مشرف، نواز شریف آ شہ تخت آ یک نیمگا کرت و واکا گپتیت و وھدہ کہ سیاسین گل یکجا بوتہ و پہ جمھوریتئ بحال کنگا یک نوکین تحریکئ جور کنگا بوتہ و بہ آ وھدہ یک باز مزنئن نامدارین سیاست زانتئ پاکستانین، نصراللہ خان گشتیت کہ جنرال پرویز مشرف بہ پاکستانا گڈین پوجین ڈیکٹیٹر ثابت بوتگیت و دیما غاصبین پوجین جنرال بہ پاچین عدالتا مقدمہ بہ آوانی حلاپا رادگ بیت۔ کم شہ کم خدابیامرز نصراللہ خانی ھبر راست ثابت بوت۔ جنرال پرویز مشرف بہ یک سیویل عدالتئ بہ غددارئ مقدمہ سرئ استیت و سزا ھم داتگ بوتگیت گرچہ ای سزا بہ پوجین غاصبین گرگ و پوجین بغاوتئ پسوئ گپتگ نہ بوتیت۔ مگہ بہ ۲۰۰۷ ایمرجنسئ نافذ کنگ و کانونئ معطل کنگئ وجا بوتگیت۔ بہر حال سزا داتگ بوت و شہ پاکستانئ عدالتئ نیمگا ای وڑا اولی وار اتیت کہ کجام غاصب و ڈیکٹیٹر سزا د یگا بوتنت وگرنہ دیم شہ ایشی شہ پوجین جنرالانی دستا مردمین واکداری یک نیمگا بوتنت و خوار و زار شہ مُلکا جلاوطن وحتئ بہ دارا رستگنت۔ یک دیگہ مثالئ کہ پاکستانئ عدالت ھر وھدہ برئ بھرا کرار مانیت و ای اولی مثال نہ انت کہ شہ و...

پاکستان ائے یک قانون ائے زانتکار او دانش ور آ چند روش سرا یک ٹؤک گوشتا کہ مزہب ائے نام چکا مڑائی کھنغ دی یک وڑ ائے دھشت گردی ایں۔قانون ائے ہمیں زانتکار پاکستان ائے مزن ایں عدالت ائے مزن ایں قاضی واجہ آصف سعید ایں ہماں کہ سجلا ایں روش آں اسلام آباد آ پاکستان ائے فیڈرل جوڈیشیل اکیڈمی ائے یک جلسہ آگو گشتانگ کھنغئے سا۔اے جلسہ پیسر ائے فاٹا او پاٹا آ عدالتی نظام چکا مڑائی ائے اثر آنی زانتاکاری آپا منعقد کھزی آ شزغئے سا۔مزن ایں قاضی آ اے دی گوشتا کہ دھشت گردی او مڑائی ائے عزاب آ آسر کھنغ آپا ضروری ایں کہ کے ائ ٹک آنی حکمت عملی اپنائینتھی آ برؤ۔آنہی آ جہان ائے جتا ملک آنی اندرا دھشت گردی ائے عمل آنی یک مچھیں تاریخ آ ہمیں جلسہ اندرا بیان کھُزا او گوشتئ کہ مڑائی،دھشت گردی ائے دوہمی دیم ایں ہماں کہ مزہبی تشدد او سیاست آپا جہان ائے جتا بہر آنی اندرا قدیم زمانہ آژ جزغیں او عامین مڑدم آنر وتی شکار کھنغیں پاکستان ائے مزن ایں عدالت آ وتی گشتانگ آ ہماں دی چھی اے گوشتا آنہی آ وا پاکستان ائے پؤجی یا غیر پؤجی سرکار آنی پالیسی آنی تناظر آ دیما ایر کھزی آ برؤ تہ یک عجیو ایں او تکلیف دؤخ دیم دیما کھائے۔مزن...

یک سویلین خاصیں عدالت ائے وٹاژ پیسر ائے پؤجی دکتیتر جنرل پرویز مشرف آ پھاہو ائے سزا اش کھنائینغ آ پھدا اینگا مان کھائے کہ پاکستان ائے سروزیر عمران خان ائے مشکل گیش بیسغاں ۔پھرچھے کہ آنہی آ اپوزیشن لیڈر ائے وڑا جنرل مشرف ائے حلاپ غداری ائے مقدمہ جُزینغ او سزا دیائینغ ائے باز حمایت کھُزغئے سا،او ہمیں مسلہ آ ھچھ دی منغ نامہ ائے حق آ نیا۔مگہ سجلاایں حالت آں آنہی آر مشکل آ ماکھُزا پھرچھے کہ آں بہر حال پؤج ائے منوخ ایں او پؤج ائے آنہی چکا احسان دی باز آں۔عامین ویچار اش انت کہ آنہی سروزیر ائے کھُرسی پؤج ائے کوشست آنی وجہ آژ ایں اے وخت آنہی پریشانی گیش بیسا ہماں وخت کہ مشرف ائے حلاپ عدالت ائے وٹاژ فیصلہ اش کھنائینغ آ پھدا پؤجی ترجمان ائے وٹاژ اے بیان دیما آتکا کہ آنہی آر مشرف ائے حلاپ فیصلہ چکا باز دُکھ ایں او تیش دی۔پؤجی نمائینگ آ یک وڑا گو عدالت ائے فیصلہ آر ہی مسترد کھزا۔ہماں وخت آنہی آ اے گوشتا کہ جنرل ائے بھیرائ مزن ایں عرصہ تکا ھزمت دئے اغ والا پاکستانی سپاہی غدار نویس بی۔پؤج ائے وٹاژ ہمیں رد عمل دیما آتکا تہ عمران خان ائے پریشانی گیش بیسا۔سجوں آنژ گیش پکر ائے ٹؤک آنہی آپا اش انت کہ آنہ...

پاکستان آ ۷۲ سال آنی تاریخ آ اے سری ایں دپ ایں کہ ھچھ پؤجی آمر آر یک خاصیں عدالت ائے وٹاژ پاکستان ائے آئین آگو غداری کھنغ ائے ڈوہ آ پھاہو ائے سزا اش کھنائینتھی آ شزا۔چوش کہ پاکستان آ چنتی وار پؤجی بغاوت بیسغاں او پؤجی جنرل آں ہموزا ائے آئین ائے حلاپ بیسؤ ہموزا آئینی وڑا گو قائیم بی اغ والا ایں سرکار آر بھورینتھؤ ہموزا سروکی چکا قوضہ کھُزااو دراژ مدت تکا عوام آر جمہوریت آژ محروم ایر کھزیش۔جنرل مشرف آخیری ایں پؤجی دکٹیتر اسا ہمائی آ ۱۹۹۹ آ ہماں وخت ائے گچین بیسغیں سروزیر نواز شریف آ سروکی آژ ہٹائینتھا۔چھڑوئی آ ہمیختر ہی نہ آنہی چکا دھشت گردی او دیگر ڈوہ آنی آپا ڈوہی منسؤ جیل آ دی ماکھزی آ شزغئے سا۔آنہی آ رندا آنہی آر سیاست او پاکستان آژ دیر ایر کھنغ آپا کُنبہ ائے پھجی آ وطن آژ درا کشتی آ شزا۔بہر حال جنرل مشرف ائے جمہوری سرکار قائیم بی اغ آژ رندا آنہی ائے صدر ائے وڑا مواخزہ بی غی اسا مگہ آنہی آ وتی استعفی خط داسا۔آنہی زوال آ پھدا ۲۰۰۸ آژ پاکستان آ ھچھ پؤجی بغاوت تہ نویسا مگہ پؤج ائے بالا دستی او زور جزغیں،جنرل مشرف آژ پیشا دی سئے پؤجی جنرل سروکی چکا قوضہ کھزؤ نشتغاں او پاکستان ائے سی سال...

اسپین ائے بنجہ میڈ رڈ آ آف او گواس ائے بارو آ ہماں کہ کانفرنس بیسا آں کم او بیش دو ہپتغ ائے اسا۔اقوام متحدہ ائے اہتمام بُنا بیسغیں ہمیں کانفرنس آژ باز امیت جڑسی آ اساں کہ ۲۰۱۵ آ پیرس کانفرنس آ ہماں کہ منغ نامہ بیسغئے سا آنہی چکا عمل آنی جائیزہ گتؤ دیگر گام گیج کھُزی آ برواں تاکہ ماحولیاتی ایں حالت آنر وشتر کھنغ آپا شَر ایں پروگرام ترتیب داسی آ برواں۔مگہ ہموزا آژ عالمی ایں اُمت آر ہماں کہ پھیغام مِلسا آں باز مایوس کھنوخ اسا۔شے دھکی کانفرنس آ کاپ ۲۵ ائے نام داسی آ شزا۔ہمیں پروگرام ائے عمل آنی اٹکل ہمیں ٹؤک آژ کھنغ بیس بی کہ اقوام متحدہ ائے سیکریتری جنرل انتینو گوترس آ باسک ملک آنر ہمیں ٹؤک چکا آمادہ کھنغ ائے مچھیں کوشست کھُزا کہ ہمیں کانفرنس آگو مزن ایں نشانہ طئے کھنغ بیس بی آں تاکہ پیرس منغ نامہ ائے اسپرٹ ائے روگا کار اگا بیس بی۔آنہی آ مزن ایں مایوسی پدھر کھُزااو گوشتئی کہ کاپ ۲۵ ائے نتیجہ آژ من مایوس بیسغاں پھرچھے کہ بین الاقوامی براسی آ ہمیختر خاصیں موقع وتی دست آژ السا۔کم او بیش دو سد ملک آنژچھڑوئی آ ۳۷ آ گام اگا ودھینتھا او ہمیں ٹؤک ائے رسمی ایں عزم کھزیش کہ آں گیس ائے درا کھنغ ائ...

گوستی ایں ماہ نیویارک ٹائیمز آ مسلمان آنی چکا بی اغ والا ظلم او مڑدمی حق آنی پامالی چکا یک تفصیل ائے رپورٹ چھاپسی آ شزغئے سا ہمائی آ کاگدی ثبوت آنی حوالہ آژ اے گوشتی آ شزغئے سا کہ چین ائے سوبہ شی جیانگ آ ہموزا ایغور مسلمان مزن ایں آبادی ایں او ہموزا آنہاں نی چکا بی اغ والا ایں ظلم ائے سلسلہ مزن ایں عرصہ آژ جزغیں ہموزا ائے اصلیت آنر لکینغ آپا اعلی چینی حاکم آں چھی اے اینگے ھدایت مقامی کاردار آں داسغئے ساں کہ ہمائی آژ اٹکل بیسغئے سا کہ اصلیت آنر لکینغ ائے مچھیں کوشست کھُزی آ رؤغیں۔اصل آ صوبہ شی جیانگ آ ایغور مسلمان آنی حلاپ یک مزن ایں عرصہ آژ سخت ایں گام زڑتھی آ رؤغاں۔سجلاں ایں ماہ آنی اندرا مچھیں جہان ائے میڈیا اندرا ہمیں ٹؤک ائے چرچہ رہسا کہ چین ائے سرکار آ دھ لکھ آژ گیش ایغور او دیگر نسل آنی مسلمان آنر دستگیر کھزؤ ایر کھُزا۔آنہی چکا مزن ایں پھیمانہ چکا احتجاج دی بیسااو اقوام متحدہ آ دی مڑدمی حق آنی پامالی ائے سخت ایں نوٹس گتا او آنہی بدگوشی کھُزیئ۔چین ائے وٹاژسرا آژ اصلیت آنذ چھم چھرینغ ائے کوشست بیسا مگہ گوستی ایں ماہ چھی اے اینگے ثبوت دیما آتکغاں ہمائی آژ چھم چھرینح چین ائے حاکم...

ھند او مالدیپ ائے نیمگا آپسی ایں کمیشن ائے شش می بیٹھک نی ایں روش آں نوخیں دلی آ بیسا ۔ہمیں بیٹھک ائے آپسی ایں سروکی مالدیپ ائے مالیاتی ایں وزیر عبداللہ شاہد او آنہی ھند ائے ہم منصب داغدار ایس جے شنکر آ کھُزا۔بیٹھک ائے نیمگا ہمیں ہڑ دوکین ملک آنی نیمگا دو نیمغی ایں تعاون ائے مچھیں ٹک آنی جائیزہ گتی آ شزا۔صالح سرکار ائے ٹھعغ آ رندا گوستی ایں یک سال ائے نیمگا مالدیپ ٓا جمہوری ایں عمل مضبوط بیسا۔ہمائی سبب آژ ہڑ دوکین ملک آنی نیمگا چنتی شعبہ آ دو نیمغی تعاون آ گیش کھنغ آ مدد مِلسا۔ترقیاتی مدد آگو مالدیپ ائے سماجی شعبہ ائے ترقی ائے پھجی آ ہڑ دوکین ملک دری ایں سیکیورتی او دپاع ائے شعبہ آ دو نیمغی تعاون آ گیش کھنغ ائے کوشست کھنغاں ،مالدیپ آ صدارتی گچین کاری ائے رندا ھند آ مالے آپا یک اعشاریہ چھیار ارب امریکہ ائے زر او سکہ ائے پیکیج ائے جار جھزا،اشی ائے پھجی آ نوخیں دلی آ بنیاتی ایں خاکہ ائے پروجیکٹ آنی آپا ہشت سد ملین ڈالر ائے قرض ائے دی جار جھزا ہمیں مدد آگو مالدیپ ائے جتا جتا جزیرہ آنی نیمگا نی ایں ترقیاتی بے براوری آ دیر کھنغ آ مدد بی۔اقوام متحدہ ائے ہمیں سال ائے انسانی ترقی ائے بارو آ ر...

یک وار پدوارغ اے حبر ایں کہ دوحہ آ امریکہ او طالبان نمائیندگ آنی نیمگا امن گپتران ائے سلسلہ گوستی ایں ہپتغ بِنا بیسا۔ہموزا تکا افغانستان آ امن ائے قیام ائے ٹؤک انت تہ کھئے انت کہ نہ لوٹھنت کہ ہمیں مڑائی آژ تباہ ملک آ پھائیدار امن قائیم بیت۔پھرچھے کہ نزیخ چھِل سال آنژ ہموزا ائے عوام امن منتظر ایں ۔دراژ عرصہ تکا آنہاں چھڑوئی آ مِرغ ائے چھاپ،مڑائی،حونریزی او کوڑہ گواری ائے دپ آنژ سوا ھچھ نہ دیستا۔نوہ یازد ائے دھشت گرد ھلگر آ پھدا ہموزا امریکہ ائے سروکی آ دھشت گردی ائے حلاپ مڑائی بنا بیسغئے سا۔القائیدہ ائے حلاپ مڑائی تہ بیسا مگہ آنہی آ اوٹ دئے اغ والا طالبانی کاردار دی آسر بیسا۔چھی اے وخت پھدا ہموزا آئینی سرکار ائے سلسلہ دی بنا بیسا مگہ افگانستان آ امن لوٹھوک شہری آنر اطمینان نصیو نہ ویسا۔چند سال سرا امریکہ ائے سروکی والا پؤجی آنی مزن ایں تعداد افغانستان آژ گڑتھؤ شزا مگہ آنہی آ پھدا افگانستان آ تشدد او طالبان ائے ھلگر آنی نوخیں دؤر بنا بیسا ۔ہر روش مڑدم آنی ٹُکر گواس آ اینگو آنگو نیاہ کھایاں آنہی اندرا امریکہ ائے پؤجی دی نشانہ بی آں۔او افگانستان ائے سیکیورتی فورس ،پولیس او سرکاری ملازم آن...

اسپین ائے بنجہ میڈرڈ آ جہان ائے ۱۹۶ ملک آنی سروک اوماحولیاتی زانتکار ،عالمی مڑدُمیت آپا خطر بیسغیں ماحولیاتی ایں بدلاؤ ائے ردین اثر آنی مقابلہ کھنغ ائے طریقہ کارچکا ویچار کھنغاں۔کاپ ۲۵ ائے نام آژ ہمیں جہانی کانفرنس آگوگشتانگ کھزؤ اقوام متحدہ ائے سیکریتری جنرل انتونیو گوٹیرس آ بالکل راست گوشتا کہ مڑدم کے سال آنژڈغار ائے حلاپ مڑائی ائے حالت اندرا آں او ہمیں سیارچہ آ مڑدم آنی حلاپ مڑائی ائے بنگیج کھزؤ اشتا ۔عالمی حرارت ائے تباہ کھنوکین اثر مڑدم آنی آپا خطر بیسا ۔مارا جہانی ایں ماحولیاتی ایں بحران دیما ایں ۔او ہمیں عالمی بحران اینگے مقام تکا پُجھسا ہموزا آژ گڑدغ مشکل نعیں۔گوٹیرس ائے روگا ماحولیاتی ایں بحران سرا آژ گیش تباہ کھنوکین بیسا۔ہمائی سبب آژ مڑدم آنی دُرائی او وڑھد خطر آ مان ایں او ماحولیاتی ایں بدلاؤ ائے پھجی آ جُڑسی ایں گواس ائے گندگی سالانہ ۷۰ لکھ مڑدم آنی مِرغ ائے سبب بی غیں۔اقوام متحدہ ائے سیکریرتی جنرل آ ہمیں حالت آنر دیما کھنغ آپا ترقی کھُزغیں مزن ایں اقتصادی ملک آنی وٹاژکاربن ڈائی اکسائیڈ ائے درا کھنغ چکا پابندی جھنغ آپا ناکاقی گام گیج آنی چکا ہَکل دی داسا۔آنہی آ نام گرغ آ ...

لاہور مزن ایں عدالت آ اقوام متحدہ ائے وٹاژ دھشت گرد منسی ایں جماعت الدعوی ائے سروک او ممبئی ھلگر آنی ماستر مائینڈ حافظ سعید آ دھشت گرد آنی مالیاتی واہریائی کھنغ ائے ڈوہی منسی آ شُزا۔ہمیں سال جولائی آ پنجاب پولیس ائے انسداد دھشت گردی محکمہ آ سعید او آنہی سنگت آنی حلاپ ۲۳ ایف آئی آر درج کھزغئے ساں ہمائی آ پھدا آنہی آر لاہور ائے کوٹ لکھپت جیل آ دیم داسی آ شزغئے سا۔پاکستان ائے انسداد دھشت گردی ائے عدالت آ سعید ائے حلاپ فرد جرم ثابت کھنغ آپا یازد دسمبر ائے تاریخ طئے کھزغئے سا۔نی سوال اے پیدا بی کہ فرد جرم نی پھرچھے طئے کھُزی آ شزا؟چھے عدالت نی سعید ائے حلاپ مقدمہ ائے سماعت سنجیدہ بیسؤ کھنت؟ہماں مچھیں مڑدم ہمیں سوال کھنغاں ہماں کہ زاناں کہ پاکستان ائے نظام تھانگا کار کھنت۔زکر ائے لائیق انت کہ پاکستان چکا فائینینشل ایکشن ٹاسک فورس ائے وٹاژ دھشت گرد آنی مالیاتی واہریائی کھنغ ائے حلاپ سَک زور اسا ۔نہ چھڑوئی آ ایف اے ٹی ایف بلکہ اقوام متحدہ ائے سلامتی کونسل ائے وٹاژدی پاکستان چکا باز زور اسا۔سلامتی کونسل ائے زور آ پھدا اسلام آباد آر سعید ائے بینک کھاتہ او آنہی جائیداد آنر ضبط کھنغی بیسا۔ہمیں کا...

بہ پاکستانئ واکداری و مردمانی قیادت و پوجئ نیاما بستگئ رازئ کہ داریت گیشترکی کنفیوژن ماحول بہ قیاس آرائیا سَک انت، مگہ عمران خانی واکدارئ وھدہ دیگہ وڑا بہ چما کائیت۔ ای ھبرا مُچین زاننت کہ پوج و عمران خانی حکومتئ بستگی دوکینانی جوان انت و عامین تاثر بہ ایشی انت کہ بستگی جور بوتگیت و شاید اولی سرئ وزیر عمران خان بیت کہ وتی ہنچ سالا بود کرتگ کنت و ایش پہ ایشی انت کہ عمران خان و آی گلا پوج بہ واکا رسینتگیت و باز اھم ئن رولئ داشتگیت مگہ حالات انچین وڑئ بوتگیت کہ نہ تاناکا حکومت و پوجئ بستگئ سرا سوج بال آتگیت بلکہ پوج و عدالت و پوج و اپوزیشن ئن گلانی نیاما یک وڑئ معاملہ ھبر بہ دیما انت و ای وڑئ بیگ بہ پاکستانا گجام نوکین ھبرئ نہ انت و گیشترکی بہ پوج و اپوزیشن ئن گلانی نیاما پردگئ پھدا سازش و تفاھمئ کنگ گجام نوکین ھبرئ نہ انت۔ بہر حال بری گڈین روچان انچین ھبر بیت کہ بہ ریاستا مُچین ادارہ انی نیاما معاملہ ھبر انت۔ شہ ایشان یک ھبرئ ایش انت کہ نواز شریف پہ لنڈن روگا اجازت بہ دست آورتیت مگہ وھدہ کہ ای ھبر پہ راستی بوتیت دیگہ عمران خانی دلئ تھا کدرتین وڑئ ای حیال کائیت کہ یک راز نہ یک راز بہ پوج...

پہ ھم پلّین مُلکانی اقلیت ئن پناہ گروکان شھروندیئ بھرا ترمیم ئن بل آ پارلیمنٹ ایوان منگا بوتیت و نون بہ برزین ایوانا دیما کرتگ بیت و بری وھدہ پاکستان بری گامئ حلاپا یک بیانئ رادگ کرتگیت، یک انچین مُلکئ کہ بہ اودان ھر وھدہ اقلیتانی سرا ظلم انت و آوانا پاک کنگا انت و ایش بری معاملہ بھرا ھبرئ دیگئ حکا ھم نہ دارنت۔ یاتئ وڑ انت وھدہ کہ ھند کوت بوتیت، بہ پاکستان بہ آ وھدہ اقلیتانی آباتی ۲۳ اعشاریہ ۵ فیسد اتیت، شہ پاکستانئ ظلم و ستمئ وجا کم بوتہ و نون تاناکا ۳ اعشاریہ ۵ فیسد منتگنت۔ بہ ھندیی کوت بیگئ وھدہ، جواھر لال نھرو و لیاقت علی خانی نیاما معاھدہ کہ بوتتیت بہ آی دوکین مُلکانی اقلیتانی ساتتنئ وھدہ ھم بوتتیت، مگہ سرئ ای معاھدہ بہ پاکستانا اقلیت باز کم بوتیت و بہ اقلیت ئن براسانی سرا ظلم و ستم انت۔ آوان شہ ای حالاتان باز پازاب بوتہ و رندا بہ ھندوستان پناہ آورتگنت، بہ بنگلادیش ھم اقلیتانی آباتی کمئ انت، ۱۹۷۱ سالا کہ بنگلادیش بہ نیاما آتیت، اقلیتانی کچانہ بہ آ وھدہ ۲۱ اعشاریہ ۳ فیسد اتیت، نون کم بوتہ بہ ۸ اعشاریہ ۵ فیسد رستگیت، گون مذھبین اقلیتان گیشترکی، گندگین توپیر و گندگین رپتار بیت۔ آوا...

شہ پاکستانئ ھر کارئ ای تاثر بہ دست کائیت کہ بہ دھشت گردیئ سوجئ بھرا، رپتاریی بہ ھر گامئ گیر سنجتگ انت، ہ ممبئ ھلگر و مقدمہ دیما برگئ معاملہ و یا دھشت گردیئ فنڈنگ و منی لاونڈرنگ اوشتارینگئ بھرا شرین گامئ زورگئ ھبر، کہ بری سوجئ بھرا پاکستان بہ ای معاملہ بہ ھیچ مرحلہ احساس نہ بوتیت کہ پاکستانئ حکام پہ راستین وڑئ بہ ڈبہ انی پکرا بنت، برعکس ایشی ھر معاملہ دیستگ بیت کہ شہ تال و مول پالسئ آ دیما روت۔ نہ بہ اکوام متحدہ درائین رانشان دیوکیانی بھرا، گجام پاسدارئ و نہ بہ ایف آ ٹی ایف وارننگ لیاظا داریت۔ ایف آ ٹی ایف بہ گئوستگین جون آ بہ گرئ لسٹا آئ را یک وار پھدا ھور کرتیت و وارننگ ھم داتیت کہ آی تہ اکتبرا کہ اتیت و شوت مگہ بہ دھشت گردین ڈلانی بھرا، ھیچ گجام خاسین گام گرگئ نہ داشتگیت۔ بہ اصلا پاکستان شہ سَکین لابنگ، چین و دیگہ مُلکانی مددا ہ بلک لسٹ ھور بیگا رکت و یک وار پھدا ایف آ ٹی ایف وارننگ آ ای را داتیت کہ وتی ذمواریانا تہ آ وھدہ شرّین وڑئ بود کنگا بیت وگرنہ آی را بلک لسٹ تھا ھور کننت و دیگہ ھم رکتگ نہ کنت۔ بہ اصلا بیست و ھپت ٹکین یک ایکشن پلانئ کہ باید انت عمل کنگا بیت، بہ آی سیائگ...

ماریشسئ گیچئن بوتگین حکومت پروند جگنات بہ گئوستگین ھپتگا شہ ھندوستان دورہ کنگا بوتیت و ای شہ ایشی ثابت بیت کہ دوکین مُلک وتی دو نیمگین بستگئ پورہ ئن اھمیتئ دیگا انت۔ ماریشسئ نونین آباتی ۱ اعشاریہ ۳ ملین انت کہ گیش شہ دو و نیم کوتی ھندو انت و پہ امیشا پہ وتی دیمرئی و سلامتی و معاشئ دیمرئیا تشویشانی دور کنگا ھندوستان و ماریشس یکئ گون آ دیگہ نیمگئ نزیکین فطرین جولین بستگی انت۔ بہ نوکین دھلی سفارتین حلقہ واجہ جگنات ای دورہ گر چہ شخصی زانت مگئ سرئ وزیر نریندر مودی بہ حیدرآباد ھاوس آی میزبان اتیت کہ بہ اودان گیشترکی، عامین و گیرمُلکین اھمین کسانا گیند و نیند کنگا انت۔ بری دورانا دوکین مُلکانی سروک پہ دو نیمگین بستگئ گیشترین دیمرئی دیگا عہد کرتگنت۔ سرئ وزیر پہ ماریشسئ جور کنگا یک وشھال و مستحکمین مُلکئ وڑا ھندوستانئ نیمہ دارئ یقین آ داتگیت، سرئ وزیر مودی گشتگیت کہ بہ امن و امان و وشھالئ دیمرئیا، ھر وڑئ ھمکاری کنگا انت و بری بھرا عوام نہ باید انت کہ ھیچ شکئ داشتگ بنت۔ ھندوستان مٹرو اکسپرس پروجیکٹ ایٹیاٹی ھسپتال و سوشل ھاوسینگ پروجیکٹانی بھرا و دیگہ بازین دیمرئی پروجیکٹانا ماریشسئ نیمہ دارئ کن...

گوستی ایں ہپتغ لندن ائے مشہور زمانہ لندن برج چکا ہماں ۲۸ سال آنی نوجوان آ دو مڑدم آنر کُشتا او دیگر سئے مڑدم آنر بازی آ ٹھپی کھزغئے سا آں لندن پولیس ائے دست آنژ وا تہ کُشتی آ شزغئے سا مگہ گوستی ایں روش آں نی آنہی عمل حیران کھنوخ آں۔آنگا تہ آں برطانیہ ائے شہری اسا او آں کستنی آ چھی اے وخت آپا پاکستان آ استا۔ آنہی بارو آ لندن پولیس او دیگر زرائیع آنژ ہماں کہ تفصیل دیما آتکا آنہی آژ اٹکل بی سا کہ آنہی آ ہماں وڑا تربیت داسی آ شزغئے سا کہ جہاد او شہادت ڈؤل ائے لپظ آنہی حون آ مان اساں۔آنہی برین واشنگ ہماں وڑا کھُزی آ شزغئے سا کہ آں پیدائیشی ڈؤل چکا دھشت گرد اسا۔۲۰۱۲ آ آنہی آ لندن ائے عدالت آژ سزا بیسغئے سا او کے ای سال جیل آ رہسا۔ آنہی نام عثمان خان اسا ۔عدالت آ ہشت سال آنی جیل داسغئے سا ۔سزا ائے وجہ اے اسا کہ آنہی آ وتی سنگت ائے پھجی آ ملسؤ نی ایں برٹش سروزیر بورس جونسن آ ہماں کہ آں وخت لندن ائے مئیر اسا کُشغ ائے او لندن ائے اسٹاک ایکسیچینج او ویسٹ منسٹر آ واقع پارلیمان کمپلیس آ تباہ کھنغ ائے منصوبہ ٹھائینتھغئے سا۔۲۰۱۸ آ آنہی آر چھی اے شرط آنی بنشت چکا السی آ شزغئے سا او نی آنہی ائے ہمیں ک...

ایران ائے سرکار آ گوستی ایں ماہ جار جھزا کہ آں پیترول ائے راشن بندی کھنت تاکہ آنہی آژ ملغ والا ایں زر آنگو غریو شہری آنی مدد بیس بی ۔سرکار ائے ہمیں جار آ پھدا تیل ائے بھا آ گیشری بیسا۔تیل ائے بھا اندرا گیشتی چکا مڑدم آ احتجاج کھُزا ۔ہمیں احتجاج آ چنتی مڑدم آنر وتی پکڑ آ گِتا،ہمیں احتجاج آ کِرا کِرا سیاسی دیم گِتا ہمائی آژ سرکار ائے استحکام آ خطر لاحق بیسا۔ایرانی حاکم آں ہمیں انتشار آپا ملک ائے دژمن او جلا وطن اپوزیشن ٹلہ آنی چکا الزام جھزا او آنہی آ دیما کھنغ آپا فیصلہ ائے گام گیج کھزغاں۔سرکار ائے حلاپ مظاہرہ آنر گیش بی اغ آژ دارغ آپا انتر نیت آر دی مچھیں وڑا بند کھزی آ شزا ۔پاسداراران انقلاب ائے کمانڈر ائے روگا ایران ائے دژمن آنی مقصد ہمیں احتجاج ائے زریعہ آگو ملک آر خطر آ ماکھنغ اسا۔چوش کہ ایران آ احتجاج ائے نیمگا مرغ والا آنی ھچھ تفصیل نہ داسا گڈا دی ایمینستی انترنیشنل آ دعوی کھُزا کہ مظاہرہ آنی نیمگا کم چہ کم ۲۰۸ مڑدم مڑتھغاں ۔ڈسسی آ رؤغیں کہ نی ایں احتجاج ائے نیمگا نزیخ دو ہزار ۲۰۸ مڑدم ٹھپی بیسغاں۔ایرانی میڈیا آ سیکیورتی فورس ائے دست آنژ چھی اے مڑدم آنی جنجیےئغ آ منسا۔ہمیں مرغ و...

گوستی ایں ماہ ہماں وخت سیماں ائے ہڑدوکین وٹاژ کرتار پور صاحب راہداری ائے بنگیج بیسغئے سا تہ یک وشتر ماحول پیدا بیسغئے سا پھرچھے کہ ھند ائے مڑدم آنی خاصیں وڑا سکھ عقیدتمند آنی مزن ایں عرصہ یک یک لوٹھغ اسا کہ گوردوارہ کرتار پور صاحب او بابا ڈیرہ نانک گرداس پور ائے نیمگا کوریڈور ٹھائینتھی آ برؤتاکہ عقیدت مند آسانی آگو کھایاں او برواں۔ہمین ہڑ دوکین پاکین ھَند آنی دیری چھڑوئی آ چند کلومیتر ائے غیں ۔مگہ بہر بی اغ آ پھدا ہمیں دوکین آنی نیمگا دیری ہمیختر گیشتر بیسغئے سا کہ گوستی ایں ہپتاد سال آنژ دی گیش عرصہ آژ مڑدم کرتار پور صاحب ائے دیدار آژ محروم اساں۔گوستی ایں سال پاکستان ائے وٹاژ اے رضامندی پدھر کھزی آ شزا کہ ہمیں دگ آ ٹھائینتھی آ برؤ۔بہر حال اے وشی ائے ٹؤک اسا۔اے ٹؤک دی اطمینان دؤخ اسا کہ یک سال ائے عرصہ آ دوایں ملک آں وتی وتی وٹا راھداری ائے کار پھیلو کھُزا او گوستی ایں ماہ آنہی بنگیج کھُزی آ شزا۔سروزیر نریندر مودی آ آنہی بنگیج کھزؤ وتی پاکستانی ہم منصب ائے شکریہ ادا کھزا کہ آنہی آ ھند ائے مڑدم آنی کہنیں لوٹھغ آ پورا کھُزا۔نہ چھڑوئی آ سر وزیر بلکہ چنتی دھُر آنی آنہی وشادگی کھُزغئے سا ا...

امریکہ آ مقبوضہ رونشت کنارہ آنر اسرائیلی بستی آنر قانونی منسا۔ہمیں بارو آ ڈن ائے وزیر مائیک پومپیو آ نی ایں روش آں جار جھزغئے سا ۔امیت ائے برعکس امریکہ ائے وٹاژ ہمیں جار نہ چھڑوئی آ رونشت پٹی آپا عالمی ہم صلاحی ائے حلاپ ایں بلکہ ہڑدوکین ملک آنگو بستگی ایر کھنغ والا امریکہ ائے ہمیں پالیسی ائے حلاپ دی آں ہماں کہ ۱۹۷۶ ائے مڑائی آ پھدا آژ جزغئے،ہمیں پالیسی آ بے معنی منسؤ واجہ پومپیو آ جار جھزا کہ رونشت پٹی آ اسرائیلی بستی آنی قیام بین الاقوامی قانون ائے حلاپ نعیں۔آنہی آ گوشتا کہ ہموزا تکا رونشت پٹی او اسرائیلی بستی آنی تعلق ایں تہ ہمیں مسلہ آر وا اسرائیل او فلسطین گپتران آگو حل کھناں ۔۱۹۶۷ ائے مڑائی ائے نیمگا اسرائیل آ رودرات یروشلم ،سنائی جزیرہ ائے وڑا ،گولان ائے کوہ ،غازہ پٹی او رونشت پٹی ائے ہماں بہر آنی چکا قوضہ کھزغئے سا،ہموزا وتی بستی ٹھائینتھیئ ۔بستی ٹھائینغ ائے عمل مڑائی آسر بی اغ آ پھدا بِنا بیسغئے سا۔سجوں آنژ سرا آنہی آ یروشلم ائے رودرات دمغ آنر وتی قوضہ آ کھُزا ہماں ہاں نی چکا مڑائی آژ سرا اردن ائے کنترول اسا۔آنہی آ پھدا آنہی آ گولان ائے کوہی بستی آنی چکا بستی ٹھائینغ بنا کھُزا...

اچانکی امریکہ ائے صدر ڈونلڈ ٹرمپ گوستی ایں روش آں افگانستان ائے بنجہ کابل پُجھسا او افگانستان آ تعنات امریکہ ائے پؤجی آنگو ملسا اوتشکر ائے رسم ادا کھزیئ۔گیر بی کہ صدر بی اغ آژ رندا واجہ ٹرمپ ائے اے اولی ایں افگانستان ائے دؤرہ اسا۔چوش کہ وتی سروکی ائے وخت ائے نیمگا آنہی آ افگانستان او ہماں حوالہ آژ برز آسیا ائے بارو آ کے کی خاصیں فیصلہ دی کھزغاں مگہ افگانستان آنہی روغی نویسغئے سا۔ہماں کہ خاصیں فیصلہ آنہی آ کھزغئے ساں آنہانژ برز آسیا ائے بارو آ یک نوخیں امریکہ ائے حکمت عملی لاگو کھنغ ائے فیصلہ دی اسا۔ہماں وخت آنہی آ پاکستان ائے حوالہ آژ باز سخت موقف اپانئینتھغئے سا ہمائی روگا آنہی آ پاکستان آر دئے والا پؤجی او اقتصادی مدد آ معطل کھنغ ائے فیصلہ دی کھزغئے سا۔وتی یک تویت اندرا آنہی آ اے گوتغئے سا کہ پاکستان آ امریکہ آ کروڑو روپیہ زر آنی مدد داسا مگہ آنہی جواب آ پاکستان ائے وٹاژ چڑوئی آ دروغ او فریب ملسا۔بہر حال برز آسیا ائے بارو آ ہمیں نوخیں پالیسی ائے جار آ پھدا چھی اے دیگر فیصلہ دی آتکغاں ۔آنہانژ یک ٹؤک اے دی اُش کھنغ آ آتکا کہ دوحہ آ طالبان ائے نمائیندگ او امریمکہ ائے نیمگا امن گپتران ...

پاکستان ائے مزن ایں عدالت آ پاکستان ائے آرمی چیف جنرل باجوہ ائے مدت کار آ توسیع کھنغ ائے فیصلہ آ داشتؤ اصل آ یک مزن ایں بحث آپا دگ سدھا کھُزا ۔اصل آ آرمی چیف ائے مدت ملازمت آ توسیع آ اصل آ عدالت آ نہ داشتا بلکہ فوری ایں ڈؤل چکا سئے سال آنی بجائے شش ماہ ائے ایکسٹینشن آ عارضی ایں ڈؤل چکا منظوری داسؤ سرکار چکا اے زمہ واری ماکھزا کہ آں تکنیکی خامی او ضابطہ آنی حلاپ ورزی آنر دیر کھنت او رسمی ایں وڑا آرمی چیف ائے ایکسٹینشن یا برحالی آپا ھچھ قانون ٹھائینی تاکہ ھچھ دی گمان باقی نہ بھچی۔مزن ایں عدالت آ گویا پارلیمان آ اے اختیار داسا کہ آں ہمیں فیصلہ آ ھچھ فیصلہ کھنت۔مزن ایں عدالت آ یک آئینی بحران آ ٹالسا مگہ پاکستان ائے سروزیر او آنہی سرکار آ مزن ایں سبکی دیما کھنغی بیسا۔سری ایں سوال اے کھڑو بیسا ہمینگا کہ عدالت آ اشارہ داسا کہ سروزیر عمران خان آ وتی وٹاژ ۱۹ اگست آ ہی نوٹیفیکیشن جاری کھزا کہ جنرل باجوہ آ سئے سال ائے مدت کار آ اکسٹینشن داسی آ شزا ۔گیر بی کہ آنہی ائے مدت کار ہمیں سال ۲۹ نومبر آ آسر بی اغ والا اسا ۔درگتہ کہ آرمی چیف آر ایکسٹینشن دئے اغ ائے اختیار صدر آر بی ۔عدالت آ ہماں وخت کاب...

مروشی پاکستان ائے عکس مچھیں جہان آ باز ردین بیسا۔آں یک دھشت گرد ملک ائے وڑا پھجھارتھی آ رؤ۔جہان آ ھچھ دی ھند آ اگر دھشت گردی ائے دپ بی تہ یک دم آنہی گمان پاکستان ائے وٹا رؤ ۔او ہماں وخت پٹ او پھول کھُزی آ رؤ تہ ہماں دپ ائے پستگی پاکستان آگو بی ۔پاکستان اندرا ہماں وڑ ائے مڑدم سروکی چکا رہسغاں آنہانژ بازی آ تر مڑدم اینگے رہسغاں ہماں کہ وا دھشت گردی ائے ویچار آنر مناں ۔مثال آگو جنرل ضیائ الحق ائے سروکی ائے وخت آ پاکستان آ نظام مصطفی ائے قیام ائے نام چکا دھشت پسندی ائے رحجان آ اگا ودھینتھی آ شزا او مزہیبی و مسلکی تعصب آ گواس داسی آ شزا۔دیگر اینگے مسلہ دی رہسغاں ہماں ہاں آنہی مزاج اندرا شدت پسندی پیدا کھُزا۔سال آنی تکا جزغ والا ایں اینگے مزاج اندرا پاکستان آ جہان ائے دیگر ملک آنی مقابلہ آ جتا ڈول ائے ملک آ مٹینتھا۔نہ کھسے ملک آنہی چکا باور کھنت او نہ ہی عالمی ادارہ۔ عالمی سطح چکا دھشت گرد ّنی فنڈنگ او منی لانڈرنگ آ دارغ آپا قائیم بی اغ والا ادارہ فائینینشل ٹاسک فورس دی آنہی باور دیائینغ چکا باور نہ کھنت ۔نی تکا آنہی آ پاکستان آ وتی گرے لسٹ آ ماکھُزا او بیس بی کہ آنہی آ بلیک لسٹ آ ماکھزی آ ...