سرگال: ھندوستان و چینئ خاسین نمایندگانی نیاما گپ و ترانئ دیمرئی۔

چینئ ڈنئ کارانی وزیر وینگ یئ گون ھندوستانئ کومین سلامتئ مشیر اجیٹ دووال بہ سیمسرین جیڑوانی باروا گپ و تران کنگا شہ ھندوستان دورہ کنگا بوتگیت۔ بہ وتی ای دورہ کنگئ دورانا واجہ وینگ جمھورین سدرئ کمکار ام اینکئیا نایڈو ھم گیند و نند کرتگیت۔ دوکین مُلکانی خاسین نمایندگانی نیاما ای وڑئ گپ و ترانئ کنگ لھتین وھدہ باز اھم انت سرئ وزیر نریندر مودی و چینئ سدر شی جنپنگ بہ امبرانین سالئ اکتبرئ ماھا بہ چنیئ نزیکا بہ مُلا پورام گیررسمین گیند و نندئ داشتنت۔ رندا شہ گیند و نندا دوکین سروک ای ھبرئ سرا تپاک کرتگنت کہ بہ سیمسران پہ امنئ برجا کنگا بہ دوکین مُلکانی نیاما پہ باورئ ودی بیگا پہ گیشترین گام گرگان اڑ انت۔ بری جذبگئ سیائگا کومین سلامتئ مشیر اجیٹ دووال گشتیت کہ بہ دو نیمگئ قیادتا، دو نیمگین بستگئ دیمرئی دیگا و سیمسرین جیڑوانی حلئ بھرا یک نوکین ویژنئ دیما کرتگیت۔ چینئ نمایندگ بہ وتی بیانا گشتیت کہ شہ گپ و ترانا رندا دوکین مُلکانی منیجمنٹ رول آرگا و مواصلاتئ مضبوط کنگا رضامند بوتگنت۔ 

بیدئ ایشی دو نیمگ بہ سیمسرین پوجئ بدل کنگ و سیمسرین دیوانئ پوئنٹ گیش کنگا، ایشانی سرا ھم تپاک کرتگنت ھمی وڑا شہ دیوانا بہ ای نتیجہ رستگنت کہ سلامتئ گیرباورین حال و پوجئ تروندین نوک کاریئ چمئ چیرئ گرگا دوکین مُلکانی نیاما پہ گیشترین گام گرگا اڑ انت، تہ کہ سیمسرین منیجمنٹ گجام غلطین گامئ زورتگ مہ بیت و دوکین مُلکانی پوج شہ ھندیی حکومتئ نیمگا بہ لداخ مرکزین انتظامئ سیائگا سیم زانتہ و رندا دوکین مُلکانی نیاما سیمسرین جیڑوانی سرا پہ گپ و ترانا اولی دیوان استی۔ یاتئ وڑ انت کہ جمو و کشمیر، خاسین درجہ ختم کنگا رندا چین بہ لداخ درجہ بدل بیگئ بھرا وتی توارا برز کرتیت۔ بیدئ ایشی پاکستان ھم وھدہ کہ بہ اکوام متحدہ سلامتئ کونسلا کشمیرئ مسئلہ بال آورت دیگہ چین آی نیمہ داریا کرت و ھندوستان ایشانی کوشستانا بی سوب کرتیت۔ بہ سیمسرین جیڑوانی باروا گپ و تران اول چین بہ کشمیرئ مسئلہ حیالانی بدل کنگا یک دیوانئ تجویزئ دیما کرت مگہ ای دیوان معطل بوتیت پہ چہ کہ اکوام متحدہ امن مشن، سلامتی کونسل باسک بری بھرا گشتنت کہ آ بی سوب بوتیت۔ 

ھندوستان گون درائن ھبران گشتیت کہ پہ دو نیمگین احتراما یکئ آ دیگرانی تشویشانی دور کنگا زروری انت و چین ھم سرئ تپاک کرتیت۔ مطلب ایش کہ چین ھم بہ گام گرگانی باروا گیشتر حساس بوتگیت پہ چہ کہ ھندوستان پہ وتی کومین کٹان ای کارا کنت۔ چینئ ڈنئ کارانی وزیر گشتیت کہ بجینگ پہ سیمسرین مسئلہ آنی حل کنگا بہ دونیمگین گپ و ترانا یک منگئ وڑئ فریم ورک دیما کرتیتکہ ھندوستان شہ وتی نیمگا ھم متوجہ بوت۔ بری گڈین سالان پہ جیڑوان بہ گیند و نیند ھما بیانئ کہ بہ دیما آتگنت شہ آ مثبتین بیانان ایش یکئ بوتگیت۔ ای فریم ورک تفصیل گشتگ نہ بوتگیت و ایشا ھم نہ گشتگنت کہ آیا نوکین دھلی سرئ غور کنت یا نہ۔ 

دیم شہ گپ و ترانہ بناہ بیگا چینئ ڈنئ کارانی وزیر گشتیت کہ دوکین مُلکانی سیمسرانی حدئ معلوم کنگا حیالانا بدل کنگا بنت۔ گرچہ دوکین مُلکانی گپ و تران و فریم ورک باروا شہ کجام معاھدہ دستخت کنگا قاصر انت۔ ای ھبرئ گواہ موجود انت کہ دوکین مُلکانی فریم ورک پہ دوکین نیمگا منگئ وڑ انت و پہ گیشترین گھتر جنگئ عھد کرتگنت و دوکین مُلک آیوکین سالا سفارتین بستگی ئش ھپتادمی سالروچا دود گرگا انت۔ ھند و چینئ بستگی بازین جالی و برزی دیستگنت و مثبتین اشارہ دیستگ بیت کہ پہ آیوکین بستگئ دیمرئیا راھئ آوار کنگا مدد کنوک انت۔