Air World Service Baluchi

منی عزیزیں ہم وطن ،نمسکار من کی بات پروگرام ائے بنگیج آ مروشی من شوار یک وش ایں حبر دئے اغ آپا باڑہ آں ،ہر ھندوستانی آر ہمیں اُش کھزؤ فخر بی کہ دیوی ان پورنا ائے یک بُت کینیڈا آژ ھند گڑدینتھؤ آڑتھی آ رؤغیں ۔نزیخ سد سال پیشا نوزدہ سیزد آ وارانسی ائے یک مندر آژ دُزی کھزؤ ملک آژ درا دیم داسی آ شزغئے سا ۔من کینیڈا سرکار او آنہی آگو جڑسی ایں مچھیں مڑدم آنی منت وار آں ہماں ہاں کہ ہمیں بُت آ ھند آرغ آپا مدد کھُزا۔ماتا ان پورنا ائے کاشی آگو یک خاصیں بستگی ایں نی آنہی بُت ائے گڑتھؤ آئیغ ما مچھیں آنی آپا باز وشی ائے ٹؤک انت ۔ماتا ان پورنا ائے بُت ائے ڈؤل آژ ھی مئے وراثت ائے چُنتی اینگے قیمتی خزانہ ڈن ائے ملک آ پُجھینتھی آ شزغئے سا۔ہمیں ٹلہ ڈن ائے بازار آنی اندرا ہمیں بُت آنر باز گران ایں بھا آ شوشکاں،ہمیں قیمتی بُت آنر ھند آرغ آپا ھند آ وتی وٹاژ دی باز کوشست کھُزغاں ۔ہمیں کوشست آنی وجہ آژ گوستی ایں چھی اے سال آنی اندرا ھند آ کے ای اینگے قیمتی بُت او شئے آنر ھند آڑتھا ،ماتا ان پورنا ائے بُت آر گڑدینغ ائے گون یک اتفاق اے دی بیسا کہ چھی اے روش آنی پھدا ورلڈ ہیری ؁یج ہپتغ منائینتھی آ شزا،ورلڈ ہیری ٹ...

بہ چینئ روکپتئ سیما، بہ سنکیانگ لکھ ھا ایغوری مسلمانانی حلاپا چینئ حکومتئ ظلم و ستمانی نکل بہ مُچین عالمئ دیما آتگیت۔ بہ مُچین عالما انصاپ پسندین مھلوک بہ چینئ حکومتئ دیما وتی تشویشا درا کنگا بوتگنت۔ مگہ سرئ شہ بنیادمین شکایت و لوٹگان بہ چینئ رپتار یکذرہ ھم بدل بیگ نیاتگیت۔ مگہ حکیکت ایش انت کہ بہ مذھبین شدت پسندیئ حلاپا کاروائی نیمونا بہ ایغورئ مسلمانانی حلاپا سَکین کاروائی کنگا انت۔ اگہ حکیکت ھما بوتہ کہ چینئ حکومت گشت دیگہ بہ مُچین دنیا آی نیمہ داری پچہ بہ دھشت گردیی و مذھبین انتھاپسندیئ نیمہداریا ھیچ کَس نہ کرتیت۔ مگہ حکیکت دیگہ چیزئ انت۔ بہ اصلا سنکیانگ سیما یورانیومئ مزنئن زخیرہ انت کہ شہ آی پہ نیوکلیائی توانایی بھرا کٹ گپتگ بیت۔ چین نون بہ مُچین دنیا شہ مُچان مزنئن اٹمین سلیحانی جور کنوک انت و بری میدانا پہ وتی سمراجئ سَک کنگا بہ کوشستا انت۔ ھمی انون بہ اودان، ۴۴ نیوکلیر ریاکٹر کار کننت و ۱۸ دیگہ ھم کارئ چیرا انت۔ شہ نیوکلیائی توانایی تیار کنگا چینکس بہ ماحولا ٹپ رسیت۔ بہ ھر جاگہکہ پلانٹ نیوکلیائی جور بنت بہ آ ھندئ آباتئ دروائی سرا سَکین اثر کئلیت و شہ مُچان گیشتر سرطان یا کنسرئ...

چینئ نظام و سیاست درائن وڑئ بہ جمھورئ قدرانی بھرا نہ انت۔ پہ امیشا ایشی امیتا نہ کننت کہ بہ اودان سیاسین آزاتی ای وڑا پکر بیت رازئ کہ شہ جمھورین مُلکان امیت روت۔ مگہ بنیادمین حکانی ساتتن تہ جائ کہ سوجئ انت ای ھبر بہ مُچین مُلکان یک وڑا انت و آوان وتیشھروندانی حکانا پادموش کنگا نہ کلنت۔ بہ چین شہ تچکین وھدہ بہ شین جیانگ صوبہ ایغورئ نسل مسلمانئ سرئیش ظلم کنگا انت۔ بہ اودان بہ مھلوکانی مذھبین آزاتئ بھرا وڑ وڑئ ھلگر بیت و آوان بہ حراستین کیمپان ساتتگ بنت۔ وھدہ کہ بہ ایشی سرا بہ عالمین کچانہ احتجاج بوتیت دیگہ چین ایشا کوکار جنگا بوت کہ اودان بہ ٹریننگ کیمپان آوانا دیم دینت، کہ آوانا شرین ٹریننگ دیگا انت و دیگہ بازین ای وڑئھبر انت کہ چین آوانا وتی گیسویین معاملہ گشتہ و عالمین براسانی دپانا ای وڑا بندیت۔ مثالئ وڑا بہ ھانگ کانگ یک مُلک و نظام و دو سیستم داریت۔ مردمانا شہ آوانی حکان محروم کنگا انت۔ بہ اودان سَکین احتجاج بیت مگہ ای کسانای سرکوب کنگئ کوشستا انت و بہ اودان سَکی و سَک گرگ تاناکا بہ بنیادمین حکانی پادموش کنگا نہ انت بلکہ نون دیستگ بیت کہ آ بہ وتی واک و توانایی نشیہ بی خود بوتگیت و ت...

مسئلہ اگہ بہ وھدہ ختم مہ بیت دیگہ گیش بیت و شہ سَک گرگئ دیگہ نوکین مسئلہ ودی بیت بہ پاکستانا ھمی وڑا کدیمین مسئلہ ختم نہ بوتہ نوکین مسئلہ ودی بوتگنت شہ دیرپا انت کہ بہ بلوچستان مھلوکانی حلاپا ظلم و زیادتئ سلسلہ رادگ انت۔ جبرین بی پھد بیگ پہ آ ھندئ مردمان یک عامین ھبرئ انت کہ پوجین سربراہ ھیچ بہ آی توجہ نہ داتگنت دھشت گردی بہ پاکستانا آ مھلوکانی جانئ دشمن در گشتگیت۔ بہ ای کچانہ مردم بہ پاکستانا دھشت گردیئ خیرات بوتگنت۔ بہ ۲۰۱۴ سالا بہ سپتمبرئ ۱۶ بہ پیشاور بہ آرمی پبلک اسکولا یک مزنئن دھشت گردین ھلگرئ بوتیت کہ بری ھلگرا ۱۳۴ زاگ کشتگ بوتنت و ۱۴۹ دیگہ مردمانی جانا گپتیت۔ رندا شہ ای جانانی شہ دست دیگا زانتنت کہ پہ دھشت گردیئ ختم کنگا باید انت سنجتگ بنت مگہ ای وڑا نہ بوت دھشت گردین ھلگرانی سلسلہ رادگ انت۔ بہ مُچین دنیا پاکستانئ مُلکا دروست کرتگنت کہ بہ دھشت گردیئ بھرا وتی چمانا بستگیت و جبرین وڑئ بی پھد بیگ بہ اودان باز انت۔ بہ دھشت گردین مسئلہ انی بھرا کجام ھبرئ دیگ، کجام چیزئ لیکگ باز گرانین تاوانئ داریت و اگہ کَسئ ای کارا کرت یعنئ کہ عافتا دیمئ وت گردینت۔ بہ پاکستانئ حالتانی بھرا توئیٹئ ک...

  گوستي ايں دھ نومبر آر سنگھئي کواپريشن آر گنائزيشن ائے ممبر ملک آني گيست مي چوٹي کانفرنس بيسا ہمشي مان کھنغ وڈيو کانفرنس ائے توسط آژ بيسا ہميں ورچوئل کانفرنس ائے صدارت روس ائے صدر پوتن آ کھزا ايس سي او يکھ گيش قومي تنظيم ايں ہمشي ممبر ملک ہند او پاکستان دي آں ہند شروع آژ وزي ہميں ڈن ائے پاليسي چھکا اٹل رہسا کہ قوم آر يکھ دوہمي ائے آزادي او خود مختياري ائے احترام کھنغ چائيے او پر امن بقائے باہم ائے اصول آر گرغ آگو يکھ دوہمي ائے علاقئي سالميت ایئ احترام کھنغ چائيے گاوانڈي ملک آژ دي ہند شروع آژ جوائيں سيالداري ائے قيام چھکا زور ديانا آختا ہميں اصول آر آں نہ چھڑوئين مني بلکہ ہمين دي اميد کھنت کہ دوہمي دي ہمين اصول آني پاس کھنان ايس سي او ائے ورچوئل بيٹھک يکگ اينگے وخت لافا مان بيسا ہموزا چين او ہند ائے نياما راست اين کنٹرول لائن چھکا لداخ لافا کشيدگي ائے ماحول ايں اگرچہ ہڑدوئيں ملک آني نياما فوجي سطح چھکا ٹوک توار ائے سلسلہ جزغيں او اميد کھزي آ رو کہ کشيدگي دير کھنغ ائے کوشش جوان ثابت بي ہند او چين ہڑدوئيں شنگھائي تعاون تنظيم ائے خاص اين رکن آں ہميں واسطہ سرے وزير مودي آ ہميں موقع آر ...

ھند ائے پؤجی سروک واجہ منوج مکند نرونے ائے نیپال ائے نی ایں دؤرہ چوش کہ ہڑ دوکین ملک آنی نیمگا یک تاریخی رسم کھنغ پوہ بی سی آ رؤغیں گڈا دی اے دؤرہ باز معنی آ اہمیت ایر کھنت۔گوستی ایں یک سال آژ دوایں ملک آنی نیمگا سیال داری آ ناوشی گندغ آ ملسا ۔ہمیں ناوشی آ پھدا ھند ائے وٹاژ کھٹمنڈو ائے ہمیں سری ایں اعلی سطح ائے دؤرہ سا۔کھٹمنڈو پُجھغ چکا رسمی ایں ڈؤل چکا صدر بدیا دیوی بھنڈاری آ سروزیر کے پی شرما اولی ائے گون جنرل نرونے آ نیپال ائے پؤجی جنرل اعزاز ائے خطاب داسا۔ایزا اے ٹؤک زکر ائے لائیق انت کہ سروزیر اولی ہمیں وخت ملک ائے دپاع ائے وزیر دی ایں ۔ہمیں موقع چکا نیپال آ ھند ائے سپیر ونے کواترا ،نیپالی پؤج ائے سروک پورن چندرا تھاپا،او دوایں ملک آنی مزنیں اپسر دی سانڑی اساں ۔۱۹۵۲ آژ ہڑ دوکین ملک آنی نیمگا یک دوہمی ائے پؤجی سروک آنر اعزازی خطاب دئے اغ ائے رسم جُزاناں پھیزاغیں ۔شوار گیر بی کہ گوستی ایں سال جنوری آ نیپال ائے پؤج ائے سروک جنرل تھاپا آر ھند پؤج ائے اعزازی جنرل ائے خطاب داسی آ شزغئے سا۔پدھر ایں کہ دوایں نزیخی ایں ہمسائیگ آنی آپا نزیخی ایں سیال داری او یک دوہمی ائے سلامتی آپا پکر آنر ...

بہ پاکستانا مذھبئ توھینئ کانون یک ای وڑئ سلیح انت کہ مذھبین اقلیتانی حلاپا شہ آی کٹ گرگا انت و وتی ذاتین دشمنانا بہ اسلامئ اھانتئ الزاما سرئیش جتہ و نام برتگین کانونئ سیائگا مقدمہ درج کنگا بنت۔ بہ انچین مقدمہ ملزما گرنت و آی حلاپا رندا نا انصاپئ سلسلہ بناہبیت۔ یاتئ وڑئ ھبر ایش انت کہ نہ تاناکا گیرمسلمان بلکہ مسلمان ھم گون ای کانونا پازاب انت۔ ھیندو و مسیحی خاسین وڑئ نشان گپتگ بنت۔ مذھبئ توھینئ بھرا لھتین الزام اگہ درست بنت مگہ گیشترکی غلط انت۔ انچوش ھم بوتگ کنت کہ بہ قرآن مجیدئ کاگدانی بی حرمتئ الزاماھم یکئ آ دیگرئ سرا عاید کنگا بنت۔ افسوس بہ ایشی انت کہ آ مردمئ کہ ای وڑا مذھبئ توھینئ بی بنیادین الزام سرئیش عاید بیت بہ آوانی حلاپا ھیچ کاروائی نہ بیت و پہ آسانی وترا رکیننت و آ کَسئ سرا کہ الزام جتگ بیت نہ تاناکا آ بلکہ آی کھولئ مُچین کَسانی زند پہ آوان حرامبیت۔ شدت پسند بہ نام برتگین کانونئ ترمیمئ بھرا پہ ھبرئ اوشکتنا تیار نہ انت بلکہ اگہ کجام ترمیمئ وکالتا کنت آی زندا ھم ختم کننت۔ مثالئ وڑا پنجابئ گورنر سلمان تاثیر مثالی بہ دیما انت، ھما کہ بہ مسیحین بانوک بی بی آسیہ بھرا بہ توھینئ الز...

ڈنئ سکرٹری ھرش شرینگلا شہ اکتبرئ ۲۹ تہ نومبرئ ۴ بری نیاما شہ اروپائین سہ مزنئن مُلک فرانسہ، جرمنی و بریطانیہ دورہ کنگا بوتیت و گون آوان بہ ھندوستانئ اسٹراٹجیکین بستگئ بھرا و بہ کوویڈ-۱۹ اثرانی برز روگئ بھرا و بہ سیما گون چین بہ تعطلئ بھرا ای دورہ پورہ ئن وڑئ اھمیٹئ وڑ اتیت و بہ دو نیمگین بستگی و سوداگرئ و ھمی وڑا بہ سرمایہ کارئ دیمرئی دیگئ بھرا توجہ داتگ بوتگیت۔ دیم شہ ای دورہ کنگا واجہ شرینگلا بہ پاریس رستیت ای ھبر یاتئ وڑ انت کہ گون فرانسہ ھندوستانئ دپائین بھران پہ توانائی دیمرئی دیگا اھمین کردارئ داشتگیت و آی گواہ ستامبرا رافائل جنگین تیارہ بہ ھندوستانئ ھوائین بھرا ھور بوتیت۔ بہ ھندوستانئ ھوائین بھرا فرانسہ جنگین تیارہ آنی ھور بیگ بہ مُلکئ دپائین بھرا توانائی پورہ ئن وڑئ گیش کرتیت۔ بہ پاریس یک نامدارین ٹینک ٹنک گون آئ ایف آر آی بہ وتی خطابا واجہ شرینگلا رندا شہ کوویڈ-۱۹ بہ ھندوستانئ پالسئ بھرا روشنی پرینتیت، آی ای ھبرئ یاتا کرتیت کہ ھندوستان ھر وڑئ کہ بوتہ شہ کوویڈ-۱۹ دیمگیری کنگا بوتگیت، شہ ای عالمین اوبہ وجا بہ مُلکا اختراع ھم دیمرئی کرتگیت و گون کمین خرچئ طبین سامان بہ مُلکا جور ...

يکھ وٹ آ دوحہ لافا حکومت افغانستان ائے نمائندغ او طالبان آني نياما مزاکرات ائے سلسلہ جزغيں تہ دوہمي وٹ آ افغانستان ائے اندرا دھشت گرديں حملہ او لاقانونيت ائے ودھوخ ايں واقعہ آني مثال دي اگا آئغاں افغان مزاکرات آنگا تہ امن آپا جزغاں راست ہم اش اين کہ افغانستان لافا امن ائے قيام ائے حوالہ آژ ہچھ پر اميد ايں ٹوک نہياہ آ نياغيں چھئيے روش پيشا افغانستان ائے صوبہ بلخ ائے پيشي ايں گورنر عطامحمدنور يکھ سفارتي مشن چھکا ہندستان آختغساں او آں ہاں ہميں گمان پدھر کھزغيسا کہ امريکي فوجي آني گڑدغ ائے پھزا صورت حال بعض ردين ديم گت کھنت آں ہي گمان ائے بنياد ہميں آ کہ شايد طالبان حکومت افغانستان آژ ٹوک توار کھنغ لافا سنجيدہ نئين او آں وزي ايجنڈا ائے روگا ہي او وزي شرط آني چھکا ہچھ منغ نامہ ائے مطالبہ کھز کھنت ہمين گمان افغانستان ائے بعض ايں حلقہ آني لافا دي سي آ رو خاص ايں ڈول چھکا ضائيفا او ۃماں حلقہ آني لافا نا اميدي ائے ماحول گيش ايں ہماں افغانستان لافا امن او اعتدال پسندي آر ودھينغ آپا باڑاں آں گيش خطر ہميں ٹوک ائے محسوس کھزي آ روغين کہ اگر خدانہخواستہ مزاکرات بے نتيجہ ثابت بيسغان تہ حالات ردين بيس ...

ہميں مہينہ ائے سري ايں تاريخ آر پاکستان آ گلگت بلتستان آر عارضي صوبہ ائے درجہ ديغ ائے اعلان کھزا ہميں علاقہ آر ہمشي آژ پيشا شمالي علاقہ ائے نام آژ زانزي آ شز گلگت بلتستان مقبوضہ کشمير ائے يکھ بہر ايں ہمشي چھکا پاکستان آ ناجائز اين او غير قانوني قبضہ کھزو اير کھزا ہند آ پاکستاني سرے وزير عمران خان ائے ہميں اعلان چھکا بعض رد عمل پدھر کھنغ آگو اسلام آباد ائے گام ائے بعض بد گوشي کھزا ڈن ائے وزارت ائے ترجمان آ گوشتا کہ نوخين دہلي ہميں ہند ائے علاقہ ائے حثيت آر مٹينغ ائے پاکستاني کوشش آر سختي آژ رد کھنت ہمشي چھکا پاکستان ائے غير قانوني قبضہ اين آں ہي آ پاکستان آژ مطالبہ کھزا کہ ہماں کھل ايں علاقہ آر تکھائي آژ ہورگ کھنت بلي اش آني چھکا ہمشي آ زبردستي قبضہ کھزو اير کھزا آں ہي آ گوشتا کہ پاکستان ائے اينگے علاقہ آني چھکا ہچھ حق نئيں او حکومت پاکستان ائے نوخين گام آژ ہميں علاقہ لافا جززيں ايں مڑدمي حقوق آني بعض خلاف ورزي آر لکھيتھي آ نويس بي واجہ سري واستو آ گوشتا کہ نوزد سز چھل او ہپت لافا جموں او کشمير ائے يونين آف انڈيا ائے پھجي آ قانوني الحاق ائے رو آژ گلگت بلتستان پھجي آ جموں کشمير ائے مرک...

ہمیں سال فروری ائے ماہ آ طالبان او امریکہ ائے نیمگا افگانستان آ امن ائے قیام آپا یک منغ نامہ بیسغئے سا ہمائی بارو آ سرا آژ گُمان پیدا بی سغاں ۔ہمائی خاصیں وجہ اے اسا کہ گپتران ائے نیاما دی افغانستان آ تشدد ائے سلسلہ کھدیں بند نویسا ،دوہمی ٹؤک اے دی محسوس کھزی آ رؤغئے سا کہ طالبان  افغانستان ائے سرکار آگو صلاح ائے گپتران کھنغ یا اندری ایں افغانستان آ امن قائیم کھنغ آپا ھچھ دل لوٹھی ایر نہ کھناں ۔مگہ کرا کرا چھی اے اینگے گُمان دی دیما آتکغاں ہمائی آژ اٹکل بی کہ وا طالبان ائے وتی آپسی ایں ناوشی ایں او اے کہ دوحہ آ بی اغ والا ایں گپتران آ طالبان ائے ہماں سروک آں بہر گتا آنہی ائے پلان او آنہی چنتی مڑوک آنی ویچار یک دوہمی آگو بالکل جتا آں پھرچھے کہ اے ٹؤک خاص ڈؤل چکا محسوس کھزی آ رؤغیں کہ دوحہ آ طالبان سروک آں صلاح آپا ہم صلاحی پھیدھارتھغئے سا او اے ویچار پدھر کھزغئے ساں کہ مڑدمی حق ،جمہوریت او سروکی آ بستگی ڈؤل ائے موضوع آنی چکا افغانستان ائے سرکار آگو سنجیدہ گپتران بیس بی او ھچھ حل دی درا کھنغ بیس بی ۔شاید طالبان ائے وٹاژ ہمیں ویچار ائے وجہ آژ امریکہ آ ہمیں منغ نامہ آ آخیری ایں دیم دئے...

پاکستان یکے پھدا دیگر وتی ٹھائینتھی ایں جال اندرا بجھغیں ۔اپوزیشن ائے ریلی آنی سوب مند بی اغ آژ اسٹیبلشمنت ائے گھبراہٹ جتا دیم آ نیاہ پھیزاغیں چوچ کہ آنہی آر لکینغ ائے کوشست دی بروبر جزغاں ۔مریم نواز ائے مڑد آر ہوٹل ائے کمرہ ائے تاک بھورینتھؤ کھڑو کھنغ ائے مسلہ بی یا گڈا سندھ ائے آئی جی ائے یرغمال ائے مسلہ ،آنہی آژ پدھر بی کہ حاکم طبقہ مچھیں بھیرا تھڑستی ایں او آنہاں نی اندرا فیصلہ گرغ ائے حوصلہ باقی نعیں ۔باز مشکل آگو پاکستان ایف اے ٹی ایف ائے بلیک لسٹ آ اوار بی اغ آژ بھچسا مگہ آنہی پالیسی وتی امت او جہان آر پھرامغ ائے ہی رہسا ۔ہزاراہاں نی کچھ آ بے ڈوہ مڑدم پاکستان آ دھشت گردی ائے شکار بیسغاں مگی سرکار ائے سلوخ دھشت گرد آنی آپا نی دی بدل نویسا۔ہمسائیگ ملک چاھے افغانستان بی یا ایران یا ھندوستان آنہی ائے ہمیں پالیسی آر دو وٹی ایں گپتران ائے نیمگا او جہانی ادارہ آنی نیمگا کھڑو کھزی آ شزا کہ پاکستان ہماں وخت تکا دھشت گرد آنی واہریائی بند نہ کھنت ہماں وخت تکا دمغ آ پھائیدار امن ائے امیت کھنغ نویس بی ۔پشاور ھلگر چکا پی ڈی ایم ائے سروک مولانا فضل اللہ آ دی ہمیں ٹؤک گوشتا کہ دھشت گردی چکا قاب...