Air World Service Baluchi

کرگل جنگ تہ جائ کہ ھندوستانئ حلاپا پاکستانئ منصوبہ بندئن سازشان یک سازشئ ات مگہ ھما وھدہ دیگہ نیمگاھندوستانئ پوجئ باتوری و بہادرئ یک درائین مثالئ انت۔ پاکستانئ پوج ھما رازئ کہ شپئ تارینکی تھا عالمئبرزگیانی گرگئ ناپاک و بی سوبین کوشتئ کہ کرتنت ای انجام ھمیش ات۔ ھندوستانئ ورنا رازئ کہ جان نثاری وجانبازئ آ درا کرتنت و ای منصوبہ بند ئن سازشانا بی سوب اشتنت، ای تاریخئ یک روکین بابئ منتگیت۔ ای جنگئ تھاھندوستانئ سوب سلیح بندئن پوجانی دست آوردانی تھا یک مزنئن دست آوردئ انت۔ ای جنگ ای ھبرئ ثبوت ھم انت کہ پاکستان شہ ھما اول سرا بہ ھندوستانئ حلاپا سازش کنگئ تھا موشکول بوتہ و ایش ھم یک درائین حکیکتئ انت کہ ھر وھدہ پہ وت یک ھبرئ و دلیلئ داریت۔ مگہ سرئ ایشی بہ آی رویہ تھا ھیچ گجام بدل بیگئ نیاتگیت۔ خواہ آ ممبئ سرا دھشت گردین خوفناک ئن ھلگر بیت کہ بہ آی تھا کم شہ کم ۱۶۶ مردم وتی زند آ شہ دست داتنت یا ھمی سالانی تھا پٹھان کوٹ، اوڑئ و نون پولوامہ دھشت گردین وت کُشین ھلگر بنت۔ پورہ ئن عالم حافظ سعید آ ممبئ ھلگرانی ماسٹر مائند پکر کنت۔ پولوامہ وت کُشین ھلگر کہ بہ آی تھا گیش شہ ۴۰ پوجی شھید بوتنت، جیش مح...

یک نیمگا بہ دوحہ تھا آمریکہ و طالبانی نمایندگانی نیاما بہ اوگانستانئ قیام امن بھرا گپ و تران سلسلہ رادگ انت، کہ شہ چُنتی رپوٹانی دیما بہ وتی آخری مرحلہ آنی تھا انت و دیگہ نیمگا اوگانستانئ تھا حالات ھر روچ گیشترخراب بنت۔ سپتمبر ۲۲ تاریخا جمھورین سدرئ گیچئن کاری تسر بیگا انت مگہ تشدد و دھشت گردین ھلگرانی انچین سَکین سلسلہ رادگ انت کہ بہ انچین وھدہ قیام امن ھبر و پکر چو گنوکئن مردمانی وابا معلوم بیت۔ ھور گوندوحہ مذاکراتان بہ اوگانستانئ تھا ھر روچ انچین ھلگر و دپ دیگ تسر بنت کہ بہ قیام امن ھبرئ سرا ھر روچ سوجئ نشان انت۔ سرئ ایشی کہ پہ جمھورین سدرئ گیچئن کاریان تھانکا دو ماہ منتگیت مگہ گیچئن کارئ کمپائنکنگ شرّین وڑئ بناہ بوتگ ھم نہ کنت۔ ترکگ و تیر ریچئ دپ دیگ ھر نیمگا رادگ انت و چُنتی مردم بہ برزین کچانہ وتی زندا شہ دست دینت۔ عامین مردم، سرکارین کارکنوک، سیکورٹئ کارکنوک و پولیس حکام، ایچ مردمئ شہ ایشانی چما محفوظ نہ انت۔ ھمیوھدان بہ گئوستگین یکشنبہ روچا کابل بنجاہ آ یک مزنئن ترکگئ بود و تیر ریچی ھم بوت کہ بہ آی تھا گیش شہ ۲۰ مردم وتی زند آ شہ دست داتنت و چُنتی مردم ٹپی بوتنت۔ جمھورین سدر و...

بہ عمران خانی دورہ مکسد و لوٹگان شہ آمریکہ دیم شہ ایشی ھم ھبر و قیاس بوت مگہ شہ آمریکہ نیمگا پہ پاکستانئ ۶ اف - ۱ جھازانی ٹکنکل سپورٹ ناما اکتسادین مددانئ پہ دوارگین بناہ بیگئ جارا رندا ای ھبر درا بوت کہواجہ ٹرامپ پالسی بہ پاکستانئ بھرا بدل بوتگنت۔ بہ گئوستگین سالئ اول سرا آمریکہ جمھورین سدر واجہ ڈونالڈ ٹرامپ انتظامیہ بہ پاکستانئ دیما سَکین مواقف اختیار کرت و گشت کہ پاکستان بہ دھشت گردیئ حلاپا جنگکنگئ ناما شہ آمریکہ چُنتی کروڑ ڈالر زر گپتگیت و بہ آی پسوئ آ بیدئ دروگ و درم آ پہ آمریکہ ھیچ چیزئ دیگہ نہ داتگیت۔ ھور گون ای سَکین بیانا آ ھمی وڑا ھما پوجین مددا کہ پہ پاکستان دات آی را ھم بند کرت۔ ای جار وھدہ جتگ بوت کہ پاکستان دیم شہ آی ھم بہ سَکین اکتسادین بحران تھا گیر منتت۔ اکتساد گون سَکیان دیم پہ دیم ات و توازنادائیگی صورتحال ھم گون سَکیان دیم پہ دیم ات۔ مگہ عالمین براسداری ای ھبرا سرپھد بوتگیت کہ جمھورین سدر واجہ ڈونالڈ ٹرامپ ھر وھدہ شہ وتی مواقفان یک نیمگ بوتگ کننت و یو ٹرن گپتگ کننت و بہ آوانی گامگرگانی باروا ھیچ دیم گشی کرتگ نہ بیت۔ ھمی راز بہ اوگانستانئ بھرا ھم آوان فیصلہ کرتنت ...

ھندوستان گون تیز ترین رفتار آ بہ اکتسادین دیمرئی راہ تھا رادگ انت۔ ایشی اکتساد بہ نونین وھدہ عالمئ تیز رفتار ترین اکتساد انت۔ ھندوستانئ جی ڈی پی شرح بہ ھپت اعشاریہ چار (۷.۴) فیسد کچانہ رستگیت کہ عالمئ مزنتری اکتسادانیتھا شہ مُچان تیز رفتار ترین شرح دیمرئی انت۔ ھمی وج انت کہ ای مُلک عزم کرتگیت کہ تہ ۲۰۲۵ سالا پنچ کھرب ڈالرئ اکتسادئ جور کنگا کرتگیت۔ شہ گڈین سالئ اکتسادین رپوٹانی دیما ھندوستانئ اکتساد بہ گئوستگین پنچ سالئ تھا شرّین و مزنئن کارکردگی را درا کرتگیت۔ یک نیمگا عالمئ اکتساد وھدہ کہ شہ ۲۰۱۴ تہ ۲۰۱۸ آوانی اکتسادئ شرح بہ ۳ اعشاریہ ۶ فیسدئ کچانہ ات ، ھماوھدہ ھندوستان مزنئن جُپئ پرینت و ای بنیادئ سیائگا کہ شہ چین آی دیمرئی شرح پایدار و گیتیر ات عالمئ ششمی مزنتری اکتساد بوت۔ ھور گون ایشی بہ گئوستگین پنچ سالانی تھا افراط زر اوسط سابقہ شہ پنچ سالانی افراط زر اوسط آ کم بوتگیت۔ افراط زری ای اوسط رندا شہ آزاتی آ اولئ وار انت کہ بری کچانہ بوتگیت۔ ھندوستانئ اکتساد بہ نونین وھدہ سہ ٹرلین ڈالرئکچانہ انت و تہ آیوکین ۲۰۲۵ سالا بہ پنچ ٹرلین ڈالرئ کچانہ رستگ کنت۔ اکتسادین زانتکار بری پکر و حیالا...

پاکستانئ سرئ وزیر واجہ عمران خان ای ھبرا منتگنت کہ بہ پاکستانئ تھا ۴۰ دھشت گردئن کیمپ بوتگنت و نون ھن ۴۰ ھزار دھشت گرد بہ آ مُلکئ تھا موشکول انت۔ پاکستانئ سرئ وزیر ای اعتراف آ وھدہ کرتگنت کہ شہواشینگتن دورہ کرتنت و بہ وتی بیانا آوان گشتنت کہ پاکستانئ گڈین حکومت ایچ وھدہ آمریکہ شہ ای حکیکتا سی نہ کرتگنت۔ آوان گشتنت کہ بہ دھشت گردیئ حلاپئ کاروائی آ آوان گون آمریکہ یکجا انت۔ آوان ھمی وڑا گشتنتکہ پاکستان گون ۹/۱۱ ایچ وڑئ بستگی نہ داشتگیت پہ چہ کہ آ وھدہ القاعدہ بہ اوگانستانئ تھا موشکول ات و بہ پاکستانئ تھا ھم ھیچ گجام عسکریت پسندئ کہ گون طالبان بستگی داشتگ بیت موجود نہ ات۔ مگہ سرئ ایشی اما بہ آمریکہ جنگا بہ دھشت گردیئ حلاپا گون آی یکجا بوت۔ مگہ شہ بدکسمتی آ وھدہ کہ حالات گڈ و وڈ بوتنت آوان آمریکہ شہ حالاتان سی نہ کرتنت۔ کی پیٹول ہل تقریب تھا بہ وتی بیانا آوان گڈین حکومتانئسرا الزام جتنت کہ راستین ھبرا شہ آمریکہ دیما چیر کرتگنت۔ آوان وھدہ کہ شہ آمریکہ واشینگتن آ سہ روچگین وڑئ دورہ کرتنت بہ وتی دیگہ بیانئ کہ بہ یونائیٹیڈ اسٹیٹس انسٹی ٹیوٹ آف پیس تھا داتنت آوان گشتنت کہ نونھم بہ پاکستانئ تھا...

حالانکہ پاکستانئ حکمران چُنتی وھدان بہ چُنتی رازان ای ھبرا درا کرتگنت و اعتراف کرتگنت کہ پاکستانئ تھا سلیح بندین دھشت گردئن ڈل موشکول انت مگہ ای اولی وار ای راز بوتہ کہ گیچئن بوتگین سرئ وزیرئ آمریکہ سرڈگارئسرا بہ یک تھنک ٹینک دیوانئ تھا درائین وڑئ ای ھبرئ اعتراف آ کرتگنت کہ نون ھم پاکستانئ تھا ۳۰ تہ ۴۰ ھزار دھشت گردئن ڈل موشکول انت کہ پہ آوان پہ اوگانستان و کشمیرئ بھرا تعلیم داتگ بوتہ۔  مگہ عمران خان مُچین ذمہ بہ وتی گئوستگین حکومتئ گوٹا پرینتگیت و گشتگیت کہ آ حکومت سرئ ایشی کہ کومین ایکشن پلان آ جور کرتگیت مگہ بہ آی سرا عمل نہ کرتگیت و ای ڈلانا گیر مسلح کنگئ کوشست آ نہ کرت۔ اولی ھبر ایشانت کہ ای ڈلانا سلیحبند کنگ و رودینگئ ذمہ پورہ ئن وڑئ پاکستانئ پوجئ سرا عائد بیت، پہ چہ کہ آ پاکستانئ ڈنئ کارانی پالسئ کنٹرل آ پورہ ئن وڑئ وتی دستا گپتگیت و ڈنئ کارانی پالسئ یک جیتا نبوگین کوتئ دشمنی گون ھندوستانانت۔  و بہ امیشی سیائگا سلیحبندئن دھشت گردین ڈل بہ پاکستانئ تھا شہ پاکستان آ ناوشنود بوتنت و بہ پاکستانئ تھا ھم دھشت گردین ھلگرانی تسر کنگا بناہ کرتنت و پاکسانئ پوج رندا آوانی...

پاکستانئ سرئ وزیر واجہ عمران خان بہ وتی دورہ وھدہ شہ آمریکہ ای ھبرا منتگنت کہ بہ آوانی مُلکئ تھا گیش شہ ۴۰ دھشت گردئن ڈلانئ نیٹ ورک کار کرت۔ شہ عمران خانی دیما، گڈین نواز شریفئ حکومت تہ ۱۵ سالئ وھدہ ای ھبرا شہ آمریکہ دیما چیر کرتگیت، تہ ای جا کہ آوان شہ ای ھبرا ھم سی اتنت کہ بہپاکستانئ ایبٹ آباد تھا اوساکہ بن لادن چیر انت۔ بری بھرا عمران خان شہ وتی حکومتئ گام گرگان بہ دھشت گردیی حلاپا یات کرتنت، و ای دعوا کرتنت کہ عمران خانی حکومت ای معلوماتانا بہ دھشت گردیی باروا گون آمریکہ شریک کنت۔ مگہ آوانی ای بیان نشان دیوک انت کہ اعتراف گناہ بدتر شہ گناہ انت۔ پہ چہ کہگون وتی ای اعتراف آ عمران خان کوشست کرتگیت کہ پوج آ ھم برکینیت و نواز شریفی گڈین حکومت سرا مُچین ذمہ پرینیت۔ ای ھبرئ تھا ایچ وڑئ شکئ نہ انت کہ نواز شریفئ حکومت ھم بہ دھشت گردیئ حلاپا گجام مزنئن گام نہ زورتگیت مگہ اصلین ھبر ایش انت کہ پاکستانئ ایچ گجام گیچئن بوتگین حکومت ایچوھدہ بری بھرا گجام مزنئن و شرّین کارئ نہ کرتگنت۔ ایشی اصلین وج ایش انت کہ پاکستانئ تھا دھشت گردیی نیٹ ورک پاکستانئ پوجئ اشارہ چیرا انت و آی حکمت عملئ یک کوتئ انت۔...

بہ اسپیتین ماڑئ تھا پاکستانئ سرئ وزیر واجہ عمران خان گون آمریکہ جمھورین سدر واجہ ڈونالڈ ٹرامپ گیند و نیند کرتگنت و بری گیند و نیندئ تھا ھبرئ کہ واجہ ٹرامپ بہ سرئ وزیر واجہ نریندر مودی باروا داتگنت نہتھانکا باورئ وڑ نہ انت بلکہ ناوشنودئ وڑ ھم انت پہ چہ کہ ای مسئلہ پہ ھندوستان و ھندوستانئ استمان آ بہ برزین کچانہ اھم و حساس انت۔ بہ کشمیرئ باروا آوان گشتنت کہ بہ جی ۲۰ سربراھانی کنفرانس وھدہ، آوان گونسرئ وزیر واجہ نریندر مودی گیند و نیند کرتگنت و واجہ مودی شہ آوان لوٹوک بوتگنت کہ بہ کشمیرئ سَکئ بھرا آمریکہ ثالثی میانجیگرئ وڑا کوت بگرنت۔ ای بیان یک رازی بیانئ ات کہ نہ تھانکا بہ ھندوستانئ تھا آی راگجام مردمئ باور نہ کرت بلکہ بہ آمریکہ تھا ھم پہ ایچ مردمئ باورئ وڑ نہ انت۔ پہ چہ کہ شہ چُنتی سالان ھندوستانئ ھمی سَکین مواقف بوتہ کہ ھر وڑئ دو نیمگین سَکئ کہ گون پاکستان داریت آی را باید انت کہ تھانکا گونپاکستان شہ گپ و ترانئ راھ حل بکنت نہ ایش کہ گجام کَس دگہ بری سَکیانی تھا دست مان دنت۔ ای راز دو نیمگین سَکی ھم بہ بین الاکوامین یٹ فارمئ سرا بال نہ کاینت و ای مواقف تھانکا ھندوستانئ مواقف نہ انت ب...

ہر مُلک وتی پالیسی باز ویچار آنی پھدا ٹھائینی،آنہی پالیسی آچانکی آگو بدل نوی۔ھِند آژ دی ہمیں اُمیت کھنغ نویس بی کہ آنہی پالیسی یک شف آ بدل بی،آں وتی ویچار آنژ پھدا ہٹی برؤ۔کشمیر چکا ھِند اۓ پدھر ایں موقف رہسا کہ آں آنہی اۓ مضبوط بہر ایں مگن کشمیر اۓ مسلہ چکا ہمسائیگ مُلک پاکستان اۓ پھجی آ ٹؤک توار کھنغ آژ کھدیں دی پھدا نہ ہٹسا،البت آں آنہی نیمگا سۓ می فریق آ اوار کھنغ آپا تیار نعیں ۔دوہمی وٹا پاکستان اۓ اے کوشش رہسا کہ کشمیر اۓ مسلہ آ حل کھنغ آپا امریکہ آنہی ثالثی کھنت،ہمیں خاطرہ عمران خان آ پاکستان اۓ سروزیر اۓ ڈؤل چکا وتی اولی ایں امریکہ اۓ دؤرہ آ امریکہ اۓ صدر ڈونلڈ ٹرمپ آگو بیٹھک آ کشمیر اۓ مسلہ آپا ثالثی کھنغ اۓ مِنت کھُزا آنہی آ ٹرمپ آ منسا دی ۔آنہی آ گوشتا کہ دو ہپتغ سرا ھِند اۓ سر وزیر نریندر مودی آ دی آنہی آ ہمیں مسلہ آ ثالثی کھنغ آپا گوشتغۓ سا مگن ھِند آ ہمیں ٹؤک اۓ تردید کھُزا کہ سر وزیر نریندر مودی آ اینگے ھِچھ ٹؤک نہ کھُزغۓ سا۔ھِند اۓ سرکار اۓ ڈن اۓ نمائیندگ رویش کمار آ گوشتا کہ ھِند اۓ سرا آژ اے موقف رہسا کہ پاکستان اۓ پھجی آ مسلہ آنر دو نیمغی گپتران آگو حل کھُزی آ برؤ ۔...

دوشی وہائیٹ ہاؤس آ امریکہ اۓ صدرڈونلڈ ٹرمپ او پاکستان اۓ سروزیر عمران خان اۓ نیمگا چھے او تھانگے ڈؤل اۓ گپتران بیسا،آنہی تفصیل تہ پھدا دیما کھاۓ ،مگن آنہی آژ سرا پاکستان آ پریس سنسرشپ او زانتکار او تھنک ٹینک آ بلیک لسٹ آ اوار کھنغ او آنہی کردار کشی کھنغ اۓ سلسلہ جُزتھا۔اتفاق آگو عین ہماں وخت پاکستان اۓ جال رونشت جاگاہ آ یک چیک پوائینٹ او آنہی آ پھدا یک اسپتال چکا دی ود کُش ھِلگر بیسا،ہمائی آ نوہ مڑدم جنجیسغاں۔ڈسی آ رؤغیں کہ ہمیں ھِلگر پاکستانی طالبان آ کھُزا۔ھِلگر آژ یک روش سرا صوبہ خیبر پختون خواہ اۓ ہماں قبائیلی ضلع آ سری ایں دھکا گچین کاری بیسغۓ سا،ہماں ہانر نی ایں روش آ ہمیں صوبہ آ اوار کھُزی آ شُزا۔مِرغ والا آنی اندرا شش پولیس والا دی اوار آں ،درگتہ کہ چھِل مڑدم ٹھپی دی بیسغاں ۔ٹھپی آنر ہماں اسپتال آ داخل کھنائینتھی آ شُزا ہموزا یک نقاب مان کھُزی ایں زائیف سرا آژ موجوت اسا،ہمائی آ ود کُش بم ھِلگر کھُزا۔ہمیں ہڑ دوایں دپ ڈیرہ اسمائیل خان ضلع آ بیسغاں۔زائیف بمبار اۓ دست آژ چھیار پولیس والا او سۓ شہری کُشتی آ شُزغاں۔پاکستانی پؤج آ مزن ایں دعوی کھُزغۓسا کہ کے ای آپریشن بِنا کھُزؤ آنہی...

مۓ مُلک عالمی حلا اۓ کلب آ ۴۴ سال سرا ہماں وخت داخل بیسغۓ سا ہماں وخت ۱۹ اپریل ۱۹۷۵ آ ہماں وخت اۓ سوویت یونین اۓ مدد آگو مارا وتی اولی ایں مصنوعی سیارہ آریہ بھٹ حلا آ دیم داسغۓ سا۔مگن حلا اۓ تیکنالوجی آ عالمی سطح چکا مۓ حیثیت ۱۰ اگست ۱۹۷۹ آ ہماں وخت منسی آ شُزا ہماں وخت مارا وتی سر ڈغار آژ وتی تجربہ اۓ سیارگ آندھرا پردیش اۓ ستیش دھون حلا اۓ مرکز سری ہری کوٹا آژ سوب مندی آگو حلا آ دیم داسغۓ سا۔آنہی آ پھدا ھِند آ کھدیں دی پھدا مُڑسؤ نہ دیستا حلائی پٹ او پھول اۓ پھجی آ حلا اۓ تیکنالوجی اۓ دپاعی،مواصلاتی او سؤداگری استعمال آ ھِند آ یک نوخیں ریکارڈ قائیم کھُزا۔نی مۓ نیاہ کرہء ارض اۓ حلا اۓ مدار آنژ درا دربیسؤ نظام شمسی اۓ دیگر سیارگ آنی وٹا ایں۔نی ایں دؤر آ ھِند آ وتی حلا اۓ پٹ او پھول آ ماہ او مریخ سیارگ آ خاصیں اہمیت داسا او ہمیں وٹا یک مزن ایں گام دو شمبھے آ ہماں وخت زیری ہماں وخت نیم روش دوبجو ۴۳ دمان چکا چندریان ٹو،ماہ چکا بال گِرغ آپا وتی سفر بِنا کھنت۔ھِند اۓ حلا اۓ پٹ او پھول اۓ پروگرام آنی سجوں آنژ مزن ایں جُوانائی اے رہسا کہ آں مُچھیں وڑا سیاست آژ جتا رہی۔مۓ لائیق سائینسزانتکار م...

بدقسمتی آگو ھِند او پاک سیال داری آ بازی آ جھیڑوئی ماحول قائیم رہسا ۔پاکستان اۓ اسٹیبلشمنٹ اۓ ھِند اۓ بارو آ یک خاصیں حکمت عملی اۓ سبب آژ مُچھیں کوشش آنی باوجوت حالت بدل نویسا۔ہمیں ٹؤک آژ ہر کھسے پوہ ایں او اے دائیمی اصلیت دی ایں کہ دو ہمسائیگ آنی ہمیں وڑ اۓ یک دوہمی آگو سرا آژ دست گریباں بی اغ،ہڑ دوایں آنی حق آ نعیں۔آنہی آژ چھڑوئی آ نقصان ہی بی ،آنہی برعکس وشتر سیال داری نہ چھڑوئی آ سیکیورتی اۓ ڈؤل آژ استحکام دا ،بلکہ اقتصادی ڈؤل چکا دی دوایں آر وشتر موقع دا ،سؤداگری بستگی گیش بی ،اقتصادی عمل گیش بی آں او عوام اۓ نیمگا آپسی ایں بستگی دی سیال داری آ مضبوط کھنت۔اینگا نعیں کہ سیال داری آ وشتر کھنغ اۓ کوشش نویسغاں ،کوشش کے ای دھکا کھُزی آ شُزگاں ،مگن سیماں اۓ آں وٹاژ پؤجی حکمت عملی اۓ منفی ویچار آں ،ہمائی اۓ یک عنصر دھشت گردی ایں ،ہمیں کوشش آنر کھدیں دی سوب مند بی اغ نعیلسا۔بہر حال اے یک مزن ایں قصو ایں ہمائی تفصیل اۓ ایزا ھِچھ ضرورت نعیں آنہی آ یک المیہ گُشغ بیس بی ،اینگے نا بعض کسن ایں کسنیں دپ دی کھدیں کھدیں زکر اۓ لائیق بی آں ،ہمائی آ نیخیں شگُن گُشغ بیس بی ۔مثال آ نی ایں روش...

مالیاتی ایں وزیر نرملا سیتا رمن آ ۲۰۱۹ اۓ بجٹ آ ہماں مُچھیں طریقہ آنی زکر کھُزا ہمائی آ گو مُلک اۓ معیشت آ ۲۰۰۴ تکا ۵۰ کھرب ڈالر اۓ کھنغ بیس بی۔آنہی آ اگی ایں دھ سال آنی آپا پالیسی آنی جار جھزا ہمائی اۓ مُچھیں دھیان سرمایہ کاری او معاشی ترقی چکا بی۔ہمیں پالیسی گام گیج آنی اندرا مُچھیں بنیاتی ایں خاکہ آنر مضبوط کھنغ،ڈجیٹل بنیاتی خاکہ آنگو معاشی بہر داری آ گیش کھنغ ،زائیف او چُکھ آنی دُرائی ،آف اۓ انتظام آ وشتر کھنغ او بحری معیشت چکا دھیان مرکوز کھنغ ،خلا اۓ پروگرام آ مضبوط کھنغ ،غلہ او دال آنی کشتکاری آ گیش کھنغ او میک ان انڈیا او آیشمان بھارت پروگرام آنر مستحکم کھنغ اوار آں۔ہمیں بارو آ سروزیر نریندر مودی آ گوشتا کہ ہمیں عمل آ ہر ھِندوستانی اوار بی۔معاشی ترقی آپا مودی سرکار اۓ اے وخت مُچھیں دھیان سرمایہ کاری آ گیش کھنغ چکا ایں۔اے ٹؤک ہر کھسے زانی کہ اگر سرمایہ کار آنر ہمیں ٹؤک اۓ باور بی کہ مُلک اۓ معیشت مضبوط ایں تہ آں زر جھنغ آپا اگا گام ودھینا۔ھِچھ دی مُلک آپا معاشی استحکام سرمایہ کاری آپا ضروری بی۔ہمیں خاطرہ معاشی استحکام اۓ بارو آ ھِند اۓ محتاط رہغ اۓ ضرورت ایں۔معاشی ترقی آپا محصو...

پاکستان اۓ یک پؤجی عدالت آ ھِند بحریہ اۓ یک پیسر اۓ اپسر بھوشن جادھو آ جاسوسی او دھشت گردی اۓ ڈوہ آ پھاہو دۓ اغ اۓ سزا اُش کھنائینتھغۓ سا۔ہمیں سزا اۓ تصدیق پاکستان اۓ آرمی چیف جنرل اپسر جاوید باجوا آ دی کھُزغۓ سا۔مگن ہمیں پؤجی عدالت اۓ حیثیت ھِچھ کنگارو کورت آژ گیش نیا۔ڈوہی آر ھِچھ اینگے موقع دی ناسی آ شُزغۓ سا کہ آں وتی دپاع اۓ انتظام کھُز کھنت۔ھِند آر دی ہمیں ٹؤک اۓ اجازت ناسی آ شُزا کہ آں ڈوہی آگو مِلی ۔نہ تہ ھِچھ سفارتی بستگی قائیم بیسا او نہ تہ کونسلر آگو۔مدعی او منصف پاکستان اۓ پؤجی عدالت او پؤج ہی اسا۔پاکستان اۓ الزام اے اسا کہ کل بھوشن جادھو ھِند ایجنسی را آپا کار کھنغۓ سااو آنہی آ بلوچستان آژ دستگیر کھُزی آ شُزغۓ سا درگتہ کہ اصلیت اے اسا کہ آں یک بحریہ اۓ ریٹائیرڈ اپسر اسا ہمائی اۓ نی ھِچھ سرکاری ادارہ یا ایجنسی آگو ھِچھ بستگی نیا۔آنہی اۓ وتی جند اۓ کاروبار اسا او ہمائی بارو آ آں ایران اسا ہموزا آژ آنہی آر یرغمال کھُزؤ پاکستان آڑتھی آ شُزا۔ہمیں ٹؤک اۓ اشارہ ایران اۓ وٹاژ دی داسی آ شُزا۔آنہی آ وتی دستگیری آ ایر کھُزؤ ہی پاکستان اۓ حاکم آں آنہی آژ اقبالیہ بیان ریکارڈ کھُزؤ یک و...

حبر ایں کہ پاکستان اۓ شہر لاہور آ انسداد دھشت گردی اۓ یک عدالت آ جماعت الدعوی اۓ سروک حافظ سعید آر او سۓ دیگر مڑدم آنر پیشگی ضمانت داسا ۔ہمیں مسلہ اۓ تعلق جماعت الدعوی اۓ وٹاژ وتی مدرسہ آپا ڈغار اۓ غیر قانونی استعمال او دھشت گردی اۓ مالیاتی واہریائی کھنغ آگو ایں۔عدالت آ ہماں مڑدم آنر عبوری ایں ضمانت داسا ،آنہی آ حافظ سعید ،آنہی براس حافظ مسعود او لشکر طیبہ اۓ دو شریک بائیان ،امیر حمزہ او ملک ظفر اۓ نام اوار آں ۔حمزہ او ظفر ہڑ دوایں آگو جماعت الدعوی آپا فنڈ جوڑ کھنغ اۓ زمہ واری اسا۔حبر آنی روگا حمزہ آ یک سال سرا لشکر طیبہ آژ جتا بیسؤ وتی جِند اۓ دھشت گرد تنظیم ٹھائینتھغۓ سا،ہمائی نام آنہی آ جیش منقفہ ایر کھُزا۔زکر اۓ لائیق انت کہ قومی ایکشن پلان اۓ روگا نیشنل سیکیورتی کمیتی اۓ ہدایت چکا عمل کھُزؤ پاکستان اۓ انسداد دھشت گردی اۓ محکمہ آ جولائی اۓ اولی ایں ہپتغ آ جماعت الدعوی اۓ سروک آنی حلاپ لاہور،گجرانوالا،ملتان،فیصل آباد او سرگودہ آ ۲۳ ایف آئی آر درج کھنائینتھغاں۔ہمیں رپورٹ آنی اندرا کالعدم تنظیم اۓ چھیار مزن ایں سروک آنی پھجی آ آنہاں نی ۱۳ دیگر سنگت آنی نام اوار آں ۔مئی آ سعید اۓ براس...

دیمترئ سالئ تھا ھم پاکستانئ تھا بہ عامین گیچئن کاریانی وھدہ، میڈیائ سرا بالواسطہ نہ تھانکا سنسرشپ پرینتگ بوتت بلکہ شہ پوج و ایجنسیانی نیمگا صحافی و ژورنالیست آن اخطار داتگ بوت، آ وھدہ عمران خانی حکومت بہ اقتدارئ سرا ھم نیاتت کہ پوجین اسٹبلیشمنٹ بہ گڈین سرئ وزیر نواز شریفئ حلاپا ھما گیچئن کاریانا بہ یک مھم بدل کرت و مُچین کوشستانا کرت کہ عمران خانی تحریک انصاف پارٹی واکا بہ دستا بگیت۔ پاکسانئ بنیادمین حکانی کمشن ھما وھدہ بازین احتجاج و ناوشنودیی درج کرتت، و بین الاکوامین مشاھد ھم چُنتی سوج و سوال پھاد کرتنت مگہ ھما سلسلہ بہ ھمادنا اوشتارینتگ نہ بوت۔ بہ میڈیائ کارکنوکانی سرا یک رازئ خوفی مسلط بوت کہ چُنتی ھالانی ایجنسی و چینل شہ اصلین ھالانی رپوٹانی شینک کنگا احتزاز کرتنا بناہ کرتنت۔ مگہ دیانت دار ئن صحافی کہ وتی فرض آنا دروست کننت بہ وتی ملازمتا شہ غفلت آ کٹ گپتگ نہ کننت۔ بالاخر پاکستانئ آزات و باتور ئن صحافی کہ بہ وتی ذمواریانی سرا پابند اتنت میڈیائ سرا ای عائد بوتگین تارینکئ حلاپا وتی توارا درائین وڑئ برز کرتنت۔ ای ھما ھال دیوک انت کہ بہ آوانی دیانت داری سرا ایچ وھدہ شک کرتگ نہ ...

آنگا تہ افغان چھِل سال آنژ مڑائی ،خانہ جنگی او حونی منظر آنی شاہد رہسا مگن نواد اۓ دہائی اۓ نیمگا ہموزا اۓ تاریخ آ یک نوخیں دیم گِتا ہماں وخت طالبان آں سروکی چکا قوضہ کھُزا۔آنہاں شرعی یا اسلامی قانون آ لاگو کھنغ اۓ دعوی کھُزا ہمائی آ کہ زائیف آنی پڑھیائی چکا پابندی جھزی آ شُزا او آنہانر لوغ آنژ درا بی اغ اۓ اجازت نیا۔شرع اۓ نام چکا مڑدم آنر کوڑہ آنژ کُٹسی آ شُز،نہ چھڑوئی آ موصیقی او چھاپ چکا پابندی جھزی آ شُزا بلکہ ہر وڑ اۓ کلچرل پروگرام آنی چکا پابندی جھزی آ شُزا۔اے آنہاں نی مزہب او شرع اۓ معنی اسا۔بہر حال ۲۰۰۱ آ نیویارک او واشنگٹن آ بی اغ والا دھشت گرد ھِلگر آنی پھدا ہماں وخت امریکہ آ دھشت گردی اۓ حلاپ مڑائی بنِا کھُزا او طالبان آ القاعدہ او آنہی اۓ لیڈر اوسامہ بن لادن آگو وتی سیال داری بھورینغ آژ انکار کھُزا تہ طالبان سرکار دی آنہی زد آ آتکا او آنہی سروکی آسر بیسا۔امریکہ اۓ سروکی آ ناٹو پؤج افغانستان آ تعینات بیسغاں۔۲۰۱۴ آ بہرحال ڈن اۓ مُلکی پؤجی آنی مزن ایں تعداد گڑتھؤ شُزامگن چھی اے تعداد اۓ پؤجی افگان سیکیورتی فورس اۓ مدد آپا تعینات رہسغاں۔اے پؤجی جارج ڈبلیو بُش اۓ زمانہ آ آتکغۓ...

بہ مروچین دنیائ تھا وھدہ کہ سیاسین مسئلہ، قوت محنت دیم داتن و گپتن ھبر و دیگہ اھمیت گیش بیگا انت دو ھبرانا گون یقین گشتگ کننت۔ اولی ھبر ایش کہ ھما مُلکئ کہ دو نیمگین وڑئ سوداگریی کننت آوانی نیاما مفادات سرا گپ و ھبرو سَکی ھر وھدہ بہ دیما آتگ کنت و بعض وھدان ای سَکی گون یکئ آ دیگرا سنجیدہ ئن وڑئ ھم دیما کائینت۔ و بری بھرا یک ھبرئ دیگہ ھم راست و درست انت و آ ایش انت کہ ھمی دوکین مُلک باید انت کہ وتی ای سَکیانا شہ یک حدئگیشتر دیما برونت پہ چہ کہ ای وڑئ ناوشنودیی و سکی اگہ شہ کنٹرل آ ڈنا در بنت ھر وڑئ ناسور ئن وڑئ را بہ وت گپتگ کننت۔  ھمی رازئ صورتحالئ بہ ھند و آمریکہ بستگیانی بھرا ھم چما آتگیت۔ چُنت ماہ دیمترا آمریکہ جمھورین سدر واجہ ڈونالڈ ٹرامپ ھندیی ٹیرف نظام آ نشانئ چیرا گپتنت و شکایت آ شہ ایشان کرتنت کہ آمریکائین وسائلانی سرا ٹیرف پہآمریکہ منگئ وڑ نہ انت۔ مگہ بری بھرا ای سوج پھاد نہ بیت کہ آمریکہ جمھورین سدرئ ای بیان و شکایت بہ چہ کچانہ منگی وڑ انت و بہ چہ کچانہ آوان مبالغہ کرتگنت۔ اھمین ھبر بری بھرا ایش انت کہ دوکین مُلک وتی رضامندی آبری بھرا درا کرتگنت کہ شہ گپ و تران...

سرئ وزیر واجہ نریندر مودی رندا شہ ایشی کہ پہ دومی وار آ گیچئن بوتگنت مکسد دارنت کہ ھندوستانئ اکتساد آ گیشتر شہ ایشی دیمرئی دینت و تہ ۲۰۲۵ سالا ھندوستانئ اکتساد آ بہ ۵ ٹرلین اکتساد آ برسیننت۔ خزانہ وزیر بانوک نرملاسیتھرمن بہ وتی بجٹئ نوکین تقریرئ تھا گشتگنت کہ ای سالی ھندوستانئ اکتساد بہ ۳ ٹرلین ڈالرئ کچانہ رسیت و تہ ۲۰۲۵ سالا آ ٹرلین ڈالر بیگا انت۔  اکتسادین زانتکار گشتگنت کہ گون ای رفتارئ کہ ھندوستان بہ دیمرئی راھ گام زوریت ای مکسدئ پورہ کنگ سَک نہ انت۔ بہ گئوستگین وھدان دیگہ مُلک چو چین و آمریکہ بہ کمین وھدہ تھا ای مکسد آ پورہ کرتگنت۔ آمریکہ پنچ ٹرلینڈالرئ اکتساد آ بہ نو سالئ تھا و جاپان بہ ھشت سالئ تھا و چین تھانکا بہ سہ سالئ تھا پورہ کرتگیت۔ و ای راز ھندوستان ای مکسد آ بہ پنچ سالئ تھا پہ چہ پورہ کرتگ مہ کنت۔  بہ نونین وھدہ ھندوستان عالمئ تیز رفتار ترین اکتساد انت و وھدہ انت کہ چین آ ھم پھدا کرتگیت۔ بہ ۲۰۱۶-۱۷ سالا ھما کچانہ کہ ھندوستانئ اکتساد دیمرئی کرتگیت بہ ھما کچانہ عالمئ ۱۵۸ مُلکانی جی ڈی پی گیش بوتگیت۔ وھدہ کہھندوستان پنچ ٹرلین ڈالرئ اکتسادئ جور کنگئ مک...

رندا شہ ایشی کہ آمریکہ بہ ایرانئ سرا اکتسادین پابندی آنا بناہ کرت بہ دوکین مُلکانی نیاما سَکی دیم بہ دیمرئی انت، کہ پہ ای سَکیانی حل کنگا باید انت کہ بین الاکوامین براسداری توجہ کنت۔ ایران و آمریکہ نیاما سَکین در اصل بہ ۱۹۷۹سالئ ایرانئ انقلاب آ رندا بناہ بوتنت۔ وھدہ کہ آمریکہ نواز رضا شاہ پھلوی آ شہ اقتدار آ یک نیمگ کرتنت و اسلامین جمھوریت آ قائم کرتنت۔ مگہ بہ گڈین سالئ تھا وھدہ کہ جمھورین سدر واجہ ڈونالڈ ٹرامپ آمریکہ شہ ۲۰۱۵ نیوکلیائینمعاھدہ یک نیمگ کرت و بہ ایرانئ سرا نوکین پابندی عائد کرت دوکین مُلکانی نیاما سَکی گیشتر بوتنت۔ آمریکہ گون ای پابندی آن اکتفا نہ کرت و رندا بہ سپاہ پاسداران و ایرانئ سروکین سربراہ سرا ھم پابندی عائد کرت۔  سال ۲۰۱۵ تھا ایران، آمریکہ و اروپائین واکانی نیاما ھما نیوکلیائین معاھدہ کہ دستخت بوتت آی را ڈونالڈ ٹرامپ ایچ وھدہ پسند نہ کرت۔دیم شہ ایشی کہ آوان جمھورین سدرئ وڑا واکا بگرنت بہ وتی گیچئن کارئ کمپائن آنی تھا ھم ای ھبرادرا کرتنت کہ ای معاھدہ بہ آمریکہ کٹا نہ انت۔ و وھدہ کہ آوان بہ جمھورین سدرئ پیما رستنت بہ ایران حلاپا سَکین پالسئ را اختیار کر...

کثیر الاکوامین دپترئ کہ بہ پول شودیی و دیگہ گیرکانونین وڑئ زرّانی یکجا کنگئ موشکولیانا پٹ و پول کنت بہ ایف آی ٹی ایف ناما دیمترئ سالا پاکستان آ یک وارئ دیگہ بہ گرئ لسٹ تھا شامل کرت و پہ آی وارننگ دات کہ اگہ بہممنوعہ ئن دھشت گردین تنظیم و فنڈ و پول شودیی موشکولیانی حلاپا سَکین کاروائی باید انت کہ بکنت۔  بہ ھمی ۲۰۱۹ سالئ جنورئ ماہ پہ آی وھدہ داتگ بوتت کہ ای کاروائیانا پورہ کنت مگہ شہ آی نیمگا ایچ وڑئ شرّین گامئ زورتگ نہ بوت۔ رندا پہ ای پہ دوارگ تہ ۲۰۱۹ سالئ مئ ماہ وھدہ داتگ بوت مگہ شہ ایشیا پیسفک ڈلئ رپوٹدیما تہ آ وھدہ ھم آ گجام خاسین توجہ بری بھرا نہ داتت۔ شہ ھمی وجا بری سالئ جونئ ماہ وھدہ کہ ایف آی ٹی ایف پلینری میٹنگ تسر بوت بہ آی تھا پہ پاکستان سَکین وارننگ داتگ بوت کہ اگہ آ تہ آیوکین اکتبرئ ماہ دیمترا زرورینگامانا مہ زوریت آی را بہ سیائن لسٹ تھا شامل کننت۔  ایف آی ٹی ایف وھدہ کہ ای وارننگ آ دات ای ھبرا ھم درائین وڑئ یات کرت کہ کہ شہ ایکشن پلانئ ۲۷ نکات آن کم شہ کم ۲۵ نکات انچین انت کہ آوانا پاکستان پورہ ئن وڑئ نظرانداز کرتگیت و ای وڑئ ایچ گامئ نہ زورتگیت کہ شہآی...

قطرئ مُلکئ بنجاہ دوحہ تھا بہ طالب و اوگانئن نمیاندگانی نیاما پہ اوگانستانئ قیام امن آ دو روچگین دیوانئ تسر بوت۔ رندا شہ ای گپ و ترانان دوکین نیمگ بہ یک لائحہ فیصلہ انی سرا تپاک کرتنت۔ رندا شہ ای گپ و ترانان امیت درابوتگیت کہ اوگانستانئ ۱۸ سالگین جنگ نون الاس بیت بہ آیوکین وھدہ۔ رندا شہ ای گپ و ترانانی تسر بیگا بہ یک شریکین بیانئ تھا گشتگ بوت کہ اوگانستانئ تھا، اسلامین اصول و بنیادمین حکانی احترام، بہ یکئ آ دیگرئ حلاپا سَکینبیانئ نہ داتن، سرکارین دپترانی سرا ھلگرئ نہ کرتن، پرتشدد ئن دپ دیگانی کمی و گپ و ترانئ رادگ ساتتنئ سرا تپاک بوت۔ شہ ای دو روچگین گپ و تران آن جرمنی و قطر شریکین وڑئ میزبانی کرتگنت۔ گیچئن کاریانی تھا طالب واوگان ئن مند و بیب کوت گپتنت۔ مگہ اوگانستانئ حکومت بری گپ و ترانانی تھا کوت نہ گپتنت مگہ سری آئ سہ نمایندگ جیتائن وڑئ بری دیوانانی تھا کوت گرگا بوتنت۔  ای ھبر یات کنگئ وڑ انت کہ طالب انکار کرتنت کہ گون اوگانستانئ سرکارئ سربراہ آ راستامین وڑئ گپ و تران بکننت شہ ای وجا جمھورین سدر واجہ اشرف غنی بری گپ و ترانانی تھا کوت نہ گپتنت۔ طالب گشتگنت کہ غنی حکومتناج...

شہ معتبرئن اینٹلی جنسئ کہ بہ دستا رستگیت درا بوتہ کہ بہ فرورئ ۱۴ تاریخا بہ ۲۰۱۹ سالا وھدہ کہ بہ سی آر پی اف کاروانئ سرا جیش محمدئ دھشت گردین ڈل ھلگر کرت و رندا شہ آی ھندوستانئ ھوائین ڈلئ جھاز بہ پاکستانئ تھا جیش محمدیئ ٹریننگ کیمپ سرا ھلگر کرتنت، رندا شہ آی جیش محمد و لشکر طیبہ وڑئ ممنوعہ ئن دھشت گردین ڈل نوکین حکمت عمل سرا کار کنگا بناہ کرتگنت۔ شہ ھال دیوکانی دیما پاکستانئ ایجنسی ھم گون آوان مدد و تعاون کننت کہ آوانین منصوبہ آنا سوب حاصل بیت۔ ای ھبر یات کنگئ وڑ انت کہ ای ڈلانی موجودگی اوگانستانئ تھا دیم شہ ایشی ھم بوتگیت و آوان گون طالبان یکجہ بہ اتحادین پوجانی حلاپا لڑتگنت۔ بہر حال شہ رپوٹانی دیما ای ھبر درا بوتگیت کہ بہ اوگانستانئ ھما جاگان کہ ای کیمپ وتی جاگانا بدل کننت کنار، ننگرھار، نورستان و قندھار شامل انت کہ بہ ای سیمان طالبانی اثرات بہ برزین کچانہ انت۔ ای ھبر ھم بری بھرا یات کنگئ وڑ انت کہ بہ پلوامہ ھلگرئ تھا کہ شہ جیش محمدئ نیمگا تسر بوت گیش شہ ۴۰ ھندین پوجی وتی زند آ شہ دست داتنت کہ رندا شہ آی ھندوستان فیصلہ کرت کہ نوکین حکمت عملی اختیار کنت و رندا بہ پاکستانئ تھا پوترت و...

پاکستانئ تھا بہ سیاسین کچانہ نونین وھدہ ای ھبرئ آوازگ انت کہ بری وھدہ ظاھرین وڑئ گیچئن بوتگین حکومت واکا بہ دستا داریت و پوج شہ واکا دور انت مگہ سیاسین و سماجین وڑئ صورتحال دیگہ ھم خراب بوتگیت،ھر نیمگا خوف و دھشت گردیی یک رازئ ماحولئ انت کہ بہ پوجین عامرانی زمانہ وھدہ ھم شہ واکا بری کچانہ گندگین وڑئ کٹ گپتگ نہ بوتہ۔ اگہ بہ پرس و میڈیائ سنسرشپ باروا ما ھبر کننت چُنتی میڈیا و ھالانی دپترانت کہ وت وتی سرا سنسرشپ عائد کرتگنت کہ آیوکین وھدہ گون گجام سَکی و خطرہ دیم پہ دیم مہ بنت۔ ھال دیوک و زانتکارانی صورتحال باروا ای ھال داتگ بوتہ کہ شہ گڈین یک سال آ بیدئ متعلقہ ئن حکامئ ھدایت ولوٹگئ وت وتی سرا پابندی عائد کرتگنت کہ شہ آی پورہ ئن وڑئ اسٹبلیشمنٹ ناشرّین وڑئ کٹ گرگا انت۔ ای ھبر راست انت کہ ای وڑئ صحافتی بہ دیانت دارئ حلاپا انت۔ دومی ھبر ایش انت کہ سیویلین حکومت و پوجین ٹولئ وجا مردمانئ سرا تروس و لرزئ انچین سیائگئ کپتگیت کہ مردم زبان بندی آ بہ وتی عادین ھرروچگین زندئ یک کوتئ وڑا منتگنت و پہ ایشی مثال یک ھپتگ دیمئ دپ دیگئ داتگ بیت کہ بہ آی تھا گڈین جمھورین سدر آصف زرداری انٹرویو آ چُنت منٹ ...

گوستی ایں چھیار شمبھے اۓ روش پاکستان اۓ حاکم آنی وٹاژ اے جار جھزی آ شُزا کہ ممبئی اۓ ماستر مائینڈ حافظ سعید او آنہی چھی اے سنگت آنی حلاپ گام زُڑتھی آ رؤغیں۔اصل آ ہماں گام گیج کھنغ اۓ دعوی کھُزی آ رؤغاں ،آنہی بنیاتی مقصد عالمی براسی اۓ چھم آنی اندرا ریخ ماکھنغ گیش ایں او اصل آ کاروائی کھنغ کھمین ایں۔پاکستان اۓ انسداد دہشت گردی محکمہ آ اے وضاحت کھُزغۓ سا کہ آنہی آ سعید او آنہی دوازد سنگت آنی حلاپ ۲۳ مسلہ درج کھُزغاں۔اے مڑدم اینگے ٹرسٹ جُزینغاں ہماں کہ لشکر طیبہ آپا فنڈ جوڑ کھناں۔ہمیں متعلقہ محکمہ آ اے دی ڈسسا کہ لشکر طیبہ آگو جُڑسی ایں ،چھڑوئی آ نام اۓ فلاحی ادارہ جماعت الدعوی او فلاح انسانیت فاؤنڈیشن اۓ حلاپ دی کاروائی بی غیں۔اے دی دعوی کھُزی آ شُزا کہ اے گام ہمیں خاطرہ زُڑتھی آ شُزا کہ اقوام متحدہ اۓ فیصلہ آنر منغ بیس بی۔اینگا مان آغیں کہ پاکستان آ احساس بیسا کہ اقوام متحدہ اۓ یک باسک اۓ ڈؤل چکا آنہی فیصلہ او ہدایت آنر آنہی آ منغ لوٹھی ۔مگن چھے اصلیت دی ہمِش ایں؟ممبئی ھِلگر آنی منسوبہ کھنوخ حافظ سعید اۓ حلاپ نی تکا پاکستان آ ہمیختر دی کاروائی کھُزا،آں جہان اۓ دیما ایں۔آں مُچھیں آزاتی ...

عمران خان آ سروزیر اۓ کھُرسی چکا نِشتؤ یک سال گوستا۔بُنگیج آ تہ آنہی آ نعرہ جھزا کہ یک نوخیں پاکستان وجود آ آئیغ والا ایں ہمائی آ موک خوری آپا ھِچھ جاگاہ نوی او اقتصادی حالت آنر وشتر کھنغ آپا شَر ایں او سخت گام زُڑتھی آ رواں۔گچین کاری آژ سرا تہ آنہی آ اے دعوی دی کھُزغۓ سا کہ ھِچھ عالمی مالیاتی ادارہ آگو کاسہ گدائی بَرغ اۓ مقابلہ آں وضہار کُشغ پسند کھنت۔مگن اصلیت اِش انت کہ شش بلین ڈالر آپا آنہی آ کاسہ گدائی زُڑتھؤ بین الاقوامی مالیاتی فنڈ تکا روغی ہی بیسا او ہمیں پیکیج اۓ بارو آ ڈیل طۓ دی بیسا حیر سیاستزانتکار آنی ہمیں وڑ اۓ کلابازی کھاۓ روش مشاہدہ آ بی۔ایزا ٹؤک جمہوریت اۓ غیں ۔آں جمہوریت آ باز شفاف اصول آنی چکا جُزینغ اۓ دعوی دی کھنغۓ سا او اے گُشاناں نہ متغاں کہ تحریک انصاف پارٹی اۓ سرکار آ ہر یک اۓ پھجی آ انصاف بی او پریس ہر ڈؤل اۓ زور آژ آزات بی۔چوش کہ گچین کاری اۓ زمانہ آژ دی ہر وٹاژ اے آواز کھڑو بی غۓ ساں کہ پریس او الیکترانک میڈیا چکا پؤج او ایجنسی آنی باز زور ایں کہ آں گچین کاری اۓ بارو آ رپورٹنگ ایجنسی آنی مرضی اۓ روگا کھناں۔پؤج او ایجنسی آں یک وڑ اۓ تھُڑس اۓ ماحول پیدا کھ...

پاکستان آ اے ہپتغ لشکر طیبہ او جماعتالدعوی اۓ یک درجن نفر آنی حلاپ انسداد دھشت گردی قانون اۓ روگا ایف آئی آر درج کھُزی آ شُزا۔ہمیں دوازد مڑدم آنی اندرا ۲۶/۱۱ ھِلگر اۓ ماستر مائینڈ حافظ سعید دی اوار ایں۔ہمیں مُچھیں مڑدم آنی چکا دھشت گردی اۓ مالیاتی واہرایئی کھنغ اۓ ڈوہ ایں۔ہماں دیگر مڑدم آنی حلاپ ایف آئی آر درج کھُزی آ شُزا آنہی آ سعید اۓ راست دست عبدالرحمن مگی،ملک ظفر اقبال،امیر حمزہ،محمد یحیی عزیز او محسن بلال اۓ نام اوار آں۔ہمیں مڑدم آنی چکا الزام ایں کہ آنہاں جماعت الدعوہ او فلاح انسانیت فاؤنڈیشن ٹرسٹ آپا جوڑ کھُزی ایں زر آنژ دھشت گردی اۓ مدد کھُزا۔ہمیں مُچھیں مڑدم آنی حلاپ ایف آئی آر پنجاب سرکار اۓ انسداد دہشت گردی محکمہ اۓ وٹاژ درج کھنائینتھی آ شُزغاں ہمائی آ تفصیل اۓ پٹ او پھول آ پھدا کَل کھپتا کہ اے مڑدم پنچ دیگر ٹرسٹ آنی زریعہ آگو دھشت گرد آنی مالی واہریائی کھنغۓ ساں ۔ہمیں مُچھیں تنظیم آں ود او ترقی اۓ کار اۓ نام چکا باز ماڑی او زر جوڑ کھُزغاں۔چوش کہ ہمیں دہشت گرد آنی حلاپ کاروائی اۓ وشادگی کھُزی آ رؤ گُدا دی ہمیں بارو آ چُنتی سوال ضرور پیدا بی آں ۔حافظ سعید او آنہی فلاحی ت...

ھُزائی زریعہ او وسیلہ آنی ردین استعمال آ مڑدم آنر ہماں دگ چکا پُجھینتھا ہموزا آنہی آر ہمیں ٹؤک اۓ سَک احساس بی غیں کہ ہماں شۓ آنہی آ ھُزا اۓ وٹاژ یک وشتر سوکھڑی اۓ وڑا مِلسغۓ سا،آنہی اۓ ردین استعمال کھُزئی او نوبت اِش انت کہ کِرا کِرا ھُزائی وسیلہ آنی بارو آ وا آنہی آر پِکر لاحق بیسا کہ آنہی آ نی تکا باز چھی اے ھِچھ ویچار کھنگ اۓ سوا کھُزغۓ سا ہمائی نتیجہ باز ردین صورت آ دیما پھیزاغیں۔ترقی او وشحالی اۓ نام چکا صنعت آنر ترقی بیسا۔آنہی نپ او کھٹ دی دیما آتکا مگن ہمیں مُچھیں ترقی او نوخیں ایجاد آنی ردین اثر دی کِرا کِرا دیما پھیزاغیں۔آف او گواس اۓ حالت روش پروش ردین بی غیں۔گلوبل وارننگ اۓ جِن آ مُچھیں جہان آ تھُڑسینتھا۔آف او گواس اۓ گندگی مڑدم آنی دُرائی او زِند آپا باز خطر ناک بیسا۔جتا دمغ آنی موسمیاتی ایں حالت ہمیں حد تکا بدل بیسا کہ اے ویچار کھُزؤ حیرانی بیسا کہ فلاں جاگاہ موسم اۓ ڈؤل چکا کھدیں دی اینگا نیا۔نی ایں روش آں اے حبر دی آتکغۓ سا کہ یورپی مُلک آنی اندرا باز گرمی بی غیں او درجہ حرارت ۴۰ ڈگری تکا پُجھسا۔حالانکہ چند دھائی سرا کھسے آ دی اے ویچار نہ کھُزغۓ سا کہ مُچھیں یورپ آ ...

جاپان اۓ شہر اوساکا آ گروہ ۲۰ اۓ سروک آنی بیٹھک آژ جتائی آگو سر وزیر نریندر مودی آ چین اۓ صدر شی جن پنگ او روس اۓ صدر ولدیمیرپوتن آگو سہ فریقی گپتران اۓ مزمانی کھُزا۔ہمیں گپتران آژ اٹکل جھنغ بیس بی کہ عالمی براسی آ ھِند اۓ چھیختر اہمیت ایں۔ہڑ دوایں مُلک یعنی چین او روس امریکہ اۓ زور اۓ وجہ آژ ھِند آ وتی وٹا کھنغ اۓ کوشش کھنغاں۔امریکہ آ روس چکا معاشی پابندی جھزؤ ایر کھُزغاں درگتہ کہ چین اۓ پھجی آ محصول اۓ ناوشی ایں۔چوش کہ ہمیں حالت آنر دیستؤ ہڑسـیں مُلک آں آپس آ گپتران کھُزا گُڈا دی بین الاقوامی نظام آ برقرار ایر کھنغ آ دی ہمیں مُلک آں وتی مفاد آں ۔ہمیں ہڑ سۓ مُلک آنی ڈن اۓ وزیر آنی بیٹھک ۲۰۰۳ آژ بروبر بی آناں پھیزاغاں او آنہاں نی اولی ایں سروک آنی بیٹھک ۲۰۰۶ آ بیسغۓ سا۔ہماں وخت چین اۓ ہماں وخت اۓ صدر ہوجنتاؤ ،روس اۓ صدر ولادیمیر پوتن او ھِند اۓ آں وخت اۓ سروزیر داغدار من موہن سنگھ آ روس اۓ شہر پیٹرس برگ آ گروہ ہشت مُلک آنی سروک آنی بیٹھک اۓ آسر بی اغ آ بیٹھک کھُزغۓ سا۔ہمیں ہڑ سۓ سروک آنی نیمگا نی ایں گپتران پدھر کھنت کہ ہڑ سۓ آنی نیمگا گپتران نوخین سطح چکا پُجھسا۔اُمیت ایں ہمیں سۓ اوں...