۵ ٹریلین ڈالر اکتسادئ جور کنگئ بھرا ھندوستانہ دیم بہ دیما ئن گام۔

سرئ وزیر واجہ نریندر مودی رندا شہ ایشی کہ پہ دومی وار آ گیچئن بوتگنت مکسد دارنت کہ ھندوستانئ اکتساد آ گیشتر شہ ایشی دیمرئی دینت و تہ ۲۰۲۵ سالا ھندوستانئ اکتساد آ بہ ۵ ٹرلین اکتساد آ برسیننت۔ خزانہ وزیر بانوک نرملاسیتھرمن بہ وتی بجٹئ نوکین تقریرئ تھا گشتگنت کہ ای سالی ھندوستانئ اکتساد بہ ۳ ٹرلین ڈالرئ کچانہ رسیت و تہ ۲۰۲۵ سالا آ ٹرلین ڈالر بیگا انت۔ 

اکتسادین زانتکار گشتگنت کہ گون ای رفتارئ کہ ھندوستان بہ دیمرئی راھ گام زوریت ای مکسدئ پورہ کنگ سَک نہ انت۔ بہ گئوستگین وھدان دیگہ مُلک چو چین و آمریکہ بہ کمین وھدہ تھا ای مکسد آ پورہ کرتگنت۔ آمریکہ پنچ ٹرلینڈالرئ اکتساد آ بہ نو سالئ تھا و جاپان بہ ھشت سالئ تھا و چین تھانکا بہ سہ سالئ تھا پورہ کرتگیت۔ و ای راز ھندوستان ای مکسد آ بہ پنچ سالئ تھا پہ چہ پورہ کرتگ مہ کنت۔ 

بہ نونین وھدہ ھندوستان عالمئ تیز رفتار ترین اکتساد انت و وھدہ انت کہ چین آ ھم پھدا کرتگیت۔ بہ ۲۰۱۶-۱۷ سالا ھما کچانہ کہ ھندوستانئ اکتساد دیمرئی کرتگیت بہ ھما کچانہ عالمئ ۱۵۸ مُلکانی جی ڈی پی گیش بوتگیت۔ وھدہ کہھندوستان پنچ ٹرلین ڈالرئ اکتسادئ جور کنگئ مکسد آ پورہ کنت آ جرمنی آ پھدا کنت و عالمئ مزنتری کسان ئن اکتساد بیت۔ نونین وھدہ آمریکہ، چین و جاپان بالترتیب عالمئ اولی و دومی و سومی مزنتری اکتساد انت۔ 

پہ پنچ ٹرلین ڈالرئ اکتسادئ جور کنگو حکومت چُنت شعبہ گیچئن کرتگیت کہ بہ آوانی تھا وسائل دیم داتگ بیت، پالسی و کانون بدل بنت و موجودہ ئن ضابط ترمیم بنت۔ پہ ای مکسدئ پورہ کنگا حکومت دیم شہ دیم گام گرگانا بناہ کرتگیت۔بہ ھمیشی سیائگا ھر سال ۲۰ لکھ کروڑ روپئ سرمایہ کارئ حاصل کنگئ مکسد آ جور کرتگیت۔ ھمی وڑا حکومت گشتگیت کہ ھما مُچین رادگین پروجیکٹ آنا بہ مقررہ ئن وھدہ پورہ کنت۔و پہ ای گام گرگانی پٹ و پول کنگا یک نوکینٹاسک فورسئ قائم بیت۔ 

اکتسادین زانتکار و سینٹر فار ڈیجیٹل اکنامی پالیسی ریسرچ سدر جئ جیٹ بھٹاچاریہ ھم بہ برزین کچانہ پر شہ امیت آ انت کہ تہ ۲۰۲۵ سالئ وھدہ ھندوستان پنچ ٹرلین ڈالرئ اکتسادئ بیگا انت۔ آوان گشتگنت کہ پہ ای مکسدئ پورئ کنگاحکومت بہ نونین بجٹ تھا بہ برزین کچانہ شرّین گام زورتگنت۔ بہ ایشی تھا پہ مُچین نیمگان یک کار نہ یک کارئ کنگئ کوشست بوتگیت۔ پہ ای مکسدئ پورہ کنگا مُچانا بالاختیار و خود کفا جور کنگئ کوشست بوتہ۔ بری ھرا حکومت بہانت ادے پروگرام سرا پورہ ئن وڑئ توجہ کنت و بہ ایشی سیائگا بہ چُنتی بھران یکجا گام زورتگ بنت۔

سرئ وزیر واجہ نریندر مودی ھم گون پورہ ئن باور آ گشتگنت کہ پنچ ٹرلین ڈالرئ اکتسادئ جور کنگئ ھدفئ حاصل کنگ گجام سَکین کارئ نہ انت۔ 

البتہ آوان پہ ای ھدفئ حاصل کنگا شہ منفین پکر و مایوسی آ دور بیگئ صلاح داتگنت۔بہ گئوستگین روچان آوان بہ وتی یک تقریرئ تھا اکتسادئ مثال آ بہ یک کیک داتگنت و گشتگنت کہ کیک سائز اھم انت۔ بہ ھما کچانہ کہ کیک مزنبیت ھما کچانہ گیشتر پہ مُچان کوت داتگ بیت۔ سرئ وزیر واجہ نریندر مودی گشتفنت کہ شہ ھمی وجا آوانی حکومتئ مکسد انت کہ ھندوستان آ ۵ ٹرلین ڈالرئ اکتسادئ جور کنت۔ اکتسادئ سائز بہ ھما کچانہ کہ گیشتر بیت بہ ھما کچانہمُلکئ تھا وشھالی گیشتر بیت۔

دراصل ھما مُچین مُلک کہ شہ دیمرئی کنوکین مُلکانی لسٹ تھا بہ دیمرئی کرتگین مُککانی لسٹ آ کُپ کرتگنت ھما مُچین فی کس آمدنئ بنیاد آ اشتگنت۔ ھندوستان ھم ای راز کرتگ کنت۔ وھدہ کہ فی کس بہ آمدنئ تھا گیشتر بیت مردمانی کارکنگئ صلاحیت ھم گیش بیت۔ و شہ ایشی وجا لوٹگ گیش بیت و پہ لوٹگانی پورہ کنگا باید انت کہ پیداور باید دیمرئی کنت و حذمت گیشتر بنت۔ شہ ای مُچین چیزان ملازمتانی نوکین موقع ودی بنت و ھمی وڑا شہ فی کا آمدنئ تھا گیشتر بیگاصرفہ جویی ھم بیت۔ 

سرئ وزیر واجہ نریندر مودی ای رازئ اکتسادین پکر و حیالا ملحوظ کرتہ گشتگنت کہ پن ٹرلین ڈالرئ اکتسادئ جور کنگئ مکسدئ کار کنگئ طریقہ بھرا سوج درا بوتگ کننت مگہ بری مکسدئ بھرا سوج و سوال کنگ مایوسئ نشان انتو باید انت کہ شہ ای رازئ مایوسی آ وترا برکیننت۔ 

رازئ کہ بہ گئوستگین وھدان ھندوستان منزل آنا پورہ کرتگیت و بہ نوک نوکین برزیان ھر وھدہ وترا رسینتگیت بہ ای مد نظر آ پنچ ٹرلین ڈالرئ مکسدئ حاصل کنگ گجام سَکین کارئ نہ انت۔ وشہ ھمی وجا خزانہ وزیر نرملا سیتھرمن بہوتی نوکین بجٹ تقریر تھا گون پورہ ئن باور آ گشتگنت کہ " ما بہ وتی شھروندانی سرا باور دارنت و بہ آوانی عزم و ھمت و دیمرئی کنگئ واک و جذبہ ارا ھم باور دارنت۔ بہ سرئ وزیر مودی سیائگئ حکومتئ وھدہ ما ای مکسد آ زرورپورہ کننت۔"