سرگال: پاکستان حکیکت آ درا کرتگیت۔

پاکستانئ سرئ وزیر واجہ عمران خان ای ھبرا منتگنت کہ بہ پاکستانئ تھا ۴۰ دھشت گردئن کیمپ بوتگنت و نون ھن ۴۰ ھزار دھشت گرد بہ آ مُلکئ تھا موشکول انت۔ پاکستانئ سرئ وزیر ای اعتراف آ وھدہ کرتگنت کہ شہواشینگتن دورہ کرتنت و بہ وتی بیانا آوان گشتنت کہ پاکستانئ گڈین حکومت ایچ وھدہ آمریکہ شہ ای حکیکتا سی نہ کرتگنت۔ آوان گشتنت کہ بہ دھشت گردیئ حلاپئ کاروائی آ آوان گون آمریکہ یکجا انت۔ آوان ھمی وڑا گشتنتکہ پاکستان گون ۹/۱۱ ایچ وڑئ بستگی نہ داشتگیت پہ چہ کہ آ وھدہ القاعدہ بہ اوگانستانئ تھا موشکول ات و بہ پاکستانئ تھا ھم ھیچ گجام عسکریت پسندئ کہ گون طالبان بستگی داشتگ بیت موجود نہ ات۔

مگہ سرئ ایشی اما بہ آمریکہ جنگا بہ دھشت گردیئ حلاپا گون آی یکجا بوت۔ مگہ شہ بدکسمتی آ وھدہ کہ حالات گڈ و وڈ بوتنت آوان آمریکہ شہ حالاتان سی نہ کرتنت۔ کی پیٹول ہل تقریب تھا بہ وتی بیانا آوان گڈین حکومتانئسرا الزام جتنت کہ راستین ھبرا شہ آمریکہ دیما چیر کرتگنت۔ آوان وھدہ کہ شہ آمریکہ واشینگتن آ سہ روچگین وڑئ دورہ کرتنت بہ وتی دیگہ بیانئ کہ بہ یونائیٹیڈ اسٹیٹس انسٹی ٹیوٹ آف پیس تھا داتنت آوان گشتنت کہ نونھم بہ پاکستانئ تھا کم شہ کم ۳۰ ۴۰ ھزار دھشت گرد موشکول انت کہ بہ کشمیر و اوگانستانئ تھا تعلیم گپتگنت و دھشت گردین موشکولیانی تھا کوت گرنت۔

ھندوستان بہ عمران خانی بیانئ بھرا وتی رد عمل آ درا کرتگیت و گشتگیت کہ ای ھبر شہ ھیچ مردمئ چیر نہ بوتہ بلکہ نوکین دھلئ ھر وھدہ ھمی ھبرا داتگیت و نون وھدہ کہ پاکستانئ سرئ وزیر عمران خان وت ای ھبراتسلیم بوتگنت نون ھندوستانئ مواقف تائید بوتگیت۔ ھندوستان گشتگیت کہ نون پاکستان باید انت کہ بہ دھشت گردانی حلاپا سَکین و شرّین گام بزوریت۔

جمھورین سدرئ کمکار وینکیا نائیڈو بہو تی بیانئ تھا شہ پاکستانئ سرئ وزیر آ بدگشی کرتگنت و گشتگنت کہ ھور گون مئ ھم پلّین ملکان چُنتی مُلک انت کہ دھشت گردین حوصلہ افزائی آ وتی کومین پالسی جور کرتگنت۔سرئ ایشی ھم پاکستانئ سرئ وزیر بہ واشینگتن تھا ھما راستین ھبرا داتگنت کہ شہ آی پورہ ئن عالم سی انت۔ عمران خان ای ھبرا داتگنت کہ ۳۰ تہ ۴۰ ھزار دھشت گرد بہ آوانی مُلکئ تھا موجود انت مگہ آوان نہ گشتنت کہبری دھشت گردانی حلاپا آوانی حکومتئ چی وڑئ کاروائی کنت۔ زانتکار بری پکر و حیالا انت کہ عمران خان بہ وتی بیانئ تھا کہ بہ واشینگتن تھا داتگنت ھما دھشت گردانی اشمارا کہ داتگنت شہ ھما اشمارئ کہ پہ ایف آ ٹیایف داتگنت توپیر داریت و گیشتیر انت۔

بہ پاکستانئ حلاپ دھشت گردیئ کانونئ شیڈول چار تھا دھشت گردانئ اشمار کہ بہ پاکستانئ تھا موشکول انت تھانکا ھشت ھزار لیکتگ بوتہ۔

پاکستان دیم شہ دیم بہ فنانشل ایکشن ٹاسک فورس گرئ لسٹ تھا شامل انت و شہ ایکشن پلانئ دیما اگہ تہ اکتبرئ ماہ اگہ بہ دھشت گردانی حلاپا شرّین کاروائی مہ کنت آی را بہ سیائن لسٹ تھا شامل کننت۔ پاکستانئ یکزانتکارئ گشتگیت کہ عمران خانی ای بیانئ اثر بہ اسلام آبادئ ھما دعوا سرا کپیت کہ آ بہ دھشت گردیئ اکتسادین مددانی حلاپا کاروائی کنگئ بھرا کرتگیت و شہ عمران خانی ای بیانئ وجا ھندوستانئ وڑا مُلک فرصت ودیکرتنت نہ بہ ایف آی ٹی ایف آیوکین دیوانانی تھا دھشت گردیئ مسئلہ بال بیارنت۔

ای اولی وار نہ انت کہ بہ دھشت گردیئ بھرا راستین ھبرئ داتنئ وجا عمران خان تنازعہ ودی کرتگنت۔ ای سالئ اپریل ماہ آوان شہ پاکستان دورہ کرتنت و بہ وتی دیوانا بہ تھرانئ تھا گون ایرانئ جمھورین سدر واجہ حسنروحانی آوان گشتنت کہ ایرانئ مکالپین دھشت گرد بہ پاکستانئ تھا موشکول انت کہ شہ ایشی وجا پاکستانئ پارلیمنٹ تھا شہ آوان بہ برزین کچانہ بدگشی بوت۔

ٹرامپ انتظامیہ پالسی کہ گون پاکستان لھتین وھدان سرد و لھتین وھدان گرمین رویہ کنت ھیچ وھدہ سوبین نہ بوتگیت۔ بہ گڈین سالئ تھا آمریکہ یک اعشاریہ سہ ارب ڈالرئ پوجین و سول مددا پہ پاکستان اوشتارینت کہ شہ آیوجا دوکین مُلکانی بستگی بہ برزین کچانہ خراب بوتنت مگہ نون امیت انت کہ شہ عمران خانی نونین دورہ کہ شہ واشینگتن کرت آمریکہ رویہ بدل بیت۔

آمریکہ لوٹوک انت کہ شہ اوگانستان بہ زوترین وھدہ ڈنا در بیت و ٹرامپ انتظامیہ ای ھبرا شرّین وڑئ زانت کہ بہ اوگانستانئ سرا پاکستانئ پوجین اسٹبلیشمنٹ پورہ ئن وڑئ کنٹرل داریت۔ شہ ای وجا اشنگٹن گون اوگانستانئطالبان بہ گجام معاھدہ سرا تپاک کنگئ بھرا اسلام آبادیی مددا لوٹیت۔ گون پاکستانئ مددا آمریکہ گون طالبان گپ و تران کنت۔ پاکستان پلان داریت کہ گون آمریکہ و طالبانی گپ و ترانا مدد کنت و بہ آوانی نیاما معاھدہ تسر کنتو رندا شہ ایشی کہ آمریکائین پوج شہ اوگانستان آ ڈنا در بوتنت بہ اوگانستانئ سیاستئ تھا کنگ میکر کردار آ ادا کنت۔ اگہ ای راز بیت نہ تھانکا جالئ ایشیا بلکہ بہ مُچین سیمان سیکورٹی گون سَک و خطرہ آن دیم پہ دیم بوتگکنت۔