سرگال: ھند - آمریکہ سوداگریئ و ھندیی دیم بہ دیمرئین اکتساد۔

بہ مروچین دنیائ تھا وھدہ کہ سیاسین مسئلہ، قوت محنت دیم داتن و گپتن ھبر و دیگہ اھمیت گیش بیگا انت دو ھبرانا گون یقین گشتگ کننت۔ اولی ھبر ایش کہ ھما مُلکئ کہ دو نیمگین وڑئ سوداگریی کننت آوانی نیاما مفادات سرا گپ و ھبرو سَکی ھر وھدہ بہ دیما آتگ کنت و بعض وھدان ای سَکی گون یکئ آ دیگرا سنجیدہ ئن وڑئ ھم دیما کائینت۔ و بری بھرا یک ھبرئ دیگہ ھم راست و درست انت و آ ایش انت کہ ھمی دوکین مُلک باید انت کہ وتی ای سَکیانا شہ یک حدئگیشتر دیما برونت پہ چہ کہ ای وڑئ ناوشنودیی و سکی اگہ شہ کنٹرل آ ڈنا در بنت ھر وڑئ ناسور ئن وڑئ را بہ وت گپتگ کننت۔ 

ھمی رازئ صورتحالئ بہ ھند و آمریکہ بستگیانی بھرا ھم چما آتگیت۔ چُنت ماہ دیمترا آمریکہ جمھورین سدر واجہ ڈونالڈ ٹرامپ ھندیی ٹیرف نظام آ نشانئ چیرا گپتنت و شکایت آ شہ ایشان کرتنت کہ آمریکائین وسائلانی سرا ٹیرف پہآمریکہ منگئ وڑ نہ انت۔ مگہ بری بھرا ای سوج پھاد نہ بیت کہ آمریکہ جمھورین سدرئ ای بیان و شکایت بہ چہ کچانہ منگی وڑ انت و بہ چہ کچانہ آوان مبالغہ کرتگنت۔ اھمین ھبر بری بھرا ایش انت کہ دوکین مُلک وتی رضامندی آبری بھرا درا کرتگنت کہ شہ گپ و ترانئ راھ ای سَکیانا شہ نیاما زورنت و چُنت وھدہ دیمترا بہ جاپانئ اوساکائ شھرئ تھا، بہ جی ۲۰ سربراھانی کسان ئن کنفرنس تسر بوت بہ آی تھا آمریکہ جمھورین سدر واجہ ڈونالڈ ٹرامپ و ھندییسرئ وزیر واجہ نریندر مودی پہ دو نیمگین وڑئ گپ و تران کنگا ھم وھدہ اشتنت و تپاک کرتنت کہ دوکین مُلکانی سروکین اپسر گون یکئ آ دیگرا گپ و تران کننت و بہ زوترین وھدہ پہ سوداگرین سَکیان حلئ راھ ودی کننت۔ 

نوکین دھلئ تھا بہ گئوستگین پنچشنبہ روچا دوکین مُلکانی اپسر گررامین وڑئ گیند و نیند کرتنت و رندا شہ یک روچا بہ جمعہ روچا رسمین وڑئ دیوان کرتنت ای دیوانا بری بھرا یک دیمرئی گشتگ کننت۔ ای ھبر راست انت کہ سوداگرینمُچین سَکی بری دیوانانی تھا آوانی سرا غور نہ بوت و بہ مُچین سرگلانی سرا مُچین یکجا گجام حلئ راھئ سرا تپاک نہ کرتنت مگہ ای ھبر ھم مضحکہ خیز انت کہ دوکین مُلکانی سوداگرئ بھرئ سوج و سَکی تھانکا بہ یک و دو دیوانئ تھاحل بنت۔ تسلئ ھبر بری گپ و ترانانی بھرا ایش انت کہ بری گپ و ترانانی وھدہ شہ دوکین مُلکانی نیمگا یک شرّین نظریہ درا بوتہ و ھما نظریہ ایش انت کہ ای وڑئ گپ و تران بہ آیوکین وھدان ھم ھمی راز رادگ ماننت۔ ھور گون ایشییک ھبرئ دیگہ ھم یات کنگئ وڑ انت کہ ٹیرف وڑا کسانین مسئلہ بہ برزین کچانہ اھمیتئ وڑ نہ انت کہ شہ آوانی وجا دو مُلکانی نیاما بستگی خراب بنت و تالی و شوریی بہ نیاما بیائیت۔ دیگہ نیمگا ای ھبر ھم راست انت کہ دو نیمگینبستگیانا شہ گیتیر آ گیتیر کنگئ بھرا آمریکہ ھم باید انت کہ بہ ھندیی سر و کارانی غم آ بیت۔ مثال ایش انت کہ آمریکہ بہ وتی کشارگرئ پیدآور سرا ھما معمولین سبسیڈی کہ دنت شہ آی وجا ھور گون ھندوستان دیگہ مُچین مُلکانی تھاآمریکہ کشارگریئ کیمت مصنوعین رازئ کم بوتگیت کہ شہ ایشی وجا ای مُلکئ کشارگر ضرر کننت وھدہ کہ آوان دیم شہ دیم گون وسائل کمئ و غربت سَکیان دیم پہ دیم انت، مگہ آمریکہ و دیگہ اروپائین مُلک بہ عالمین سوداگرئ کانون وضابطانی حلاپا ای سبسڈیی آ رادگ ساتتگنت و کہ ایشی را ھیچ وڑئ قابل قبول گشتگ نہ کننت۔ 

ھمی راز آمریکہ انتظامیہ بہ وتی مُلکئ تھا ھندوستانی اسپیت پوشین ملازمانی شوتنا کم کنگئ کوشست آ داریت و بری بھرا انچین گام زورتگیت کہ آوان ایچ گجام منگئ وڑ نہ انت۔ بہ کاربن اخراج و آمگین ٹیلئ کھپت بھرا ھم آمریکہ بہگئوستگین وھدان بہ ھندیی حلاپا چُنتی منفی ئن بیان داتگیت۔ بری بھرا ای ھبر بہ وتی جاگہ مسلم انت کہ دو نیمگین سوداگریی یعنی دو بیگین کٹ و مفاد، و بہ یک مُلکئ مفادات و کٹئ کیمت آ دیگہ مُلک وتی سوداگریی و صنعت آندیمرئیداتگ نہ کنت۔ مثالئ وڑا اگہ آمریکہ آمازون وڑئ مزنئن سوداگرئ کمپنیانی بھرا شہ ھندوستانئ ضابط و کانونان شکایت کنت باید انت کہ ای ھبرا ھم زانت کہ ھندوستانئ کسان ئن سوداگر بہ دیگہ نیمگا شہ ایشی وجا ضرر کننت کہ آوانیاشمار بہ چُنتی کروڑان انت۔ شہ ای وجا شہ بین الاکوامین ھر وڑئ تشریح دیما ھندوستان حک داریت کہ وتی شھروندانی حک آنی تحفظ آ کنت و بری بھرا پہ یک و دو مُلکئ دیگہ نوکین کانون جور کنگئ کانونین اجازت آ نہ داریت۔ خاسینوڑئ ای رازئ مُلک کہ تیزین وڑئ دیم بہ دیمرئیا بیت۔ آ وتی شھروندانی حکانی تحفظ آ حتما کنت و بری بھرا آمریکہ باید انت کہ بہ ھندیی سر و کارانی غما ھم بیت و بہ آوانی پکر آ بیت۔

بہر حال نون وھدہ کہ دوکین مُلکانی سیاسین قائدہ بری مسئلہ بھرا دو نیمگین وڑئ کوشست کننت کہ یکجا کار کننت و دوکین مُلکانی سروکین اپسر بہ گپ و ترانان موشکول انت، ای ھبرئ امیت انت کہ پہ دو نیمگین بستگیانی گیتیر کنگاآوان ایچ کمی نہ کلئنت۔