سرگال: پاکستانئ نوکین کاروائی آی را شہ ایف آی ٹی ایف عتاب آ رکتگ کنت؟

کثیر الاکوامین دپترئ کہ بہ پول شودیی و دیگہ گیرکانونین وڑئ زرّانی یکجا کنگئ موشکولیانا پٹ و پول کنت بہ ایف آی ٹی ایف ناما دیمترئ سالا پاکستان آ یک وارئ دیگہ بہ گرئ لسٹ تھا شامل کرت و پہ آی وارننگ دات کہ اگہ بہممنوعہ ئن دھشت گردین تنظیم و فنڈ و پول شودیی موشکولیانی حلاپا سَکین کاروائی باید انت کہ بکنت۔ 

بہ ھمی ۲۰۱۹ سالئ جنورئ ماہ پہ آی وھدہ داتگ بوتت کہ ای کاروائیانا پورہ کنت مگہ شہ آی نیمگا ایچ وڑئ شرّین گامئ زورتگ نہ بوت۔ رندا پہ ای پہ دوارگ تہ ۲۰۱۹ سالئ مئ ماہ وھدہ داتگ بوت مگہ شہ ایشیا پیسفک ڈلئ رپوٹدیما تہ آ وھدہ ھم آ گجام خاسین توجہ بری بھرا نہ داتت۔ شہ ھمی وجا بری سالئ جونئ ماہ وھدہ کہ ایف آی ٹی ایف پلینری میٹنگ تسر بوت بہ آی تھا پہ پاکستان سَکین وارننگ داتگ بوت کہ اگہ آ تہ آیوکین اکتبرئ ماہ دیمترا زرورینگامانا مہ زوریت آی را بہ سیائن لسٹ تھا شامل کننت۔ 

ایف آی ٹی ایف وھدہ کہ ای وارننگ آ دات ای ھبرا ھم درائین وڑئ یات کرت کہ کہ شہ ایکشن پلانئ ۲۷ نکات آن کم شہ کم ۲۵ نکات انچین انت کہ آوانا پاکستان پورہ ئن وڑئ نظرانداز کرتگیت و ای وڑئ ایچ گامئ نہ زورتگیت کہ شہآی وجا دھشت گردانی پول شودیی و دیگہ موشکولیانی دیم گپتگ بیت۔ ای ھبر ھم یات کنگئ وڑ انت کہ دیمترئ سالئ تھا پاکستان آ بہ گرئ لسٹ تھا شامل کنگ اولی وار تسر نہ بوتہ۔ آ دیم شہ ایشی ھم تہ ۲۰۱۵ سالا بہ گرئ لسٹ تھا ات۔رندا شہ آی دیمترئ سالا یک وارئ دیگہ بری لسٹ تھا شامل بوت۔ نون کہ پہ آی سَکین وارننگ داتگ بوتہ و ای آی ٹی ایف پہ آی اخطار داتگیت کہ آی را بہ سیائن لسٹ تھا شامل کنت نون کمئ سنجیدگی زرور پاکستان درا کرتگیت۔ مہ ایسنجیدگی شرّین وڑئ رادگ مانیت؟ بہ ایشی باروا پاکستانئ آزاتین ٹینک تھنک ٹینک و سیکورٹی و دپائین کارانی زانتکار غور کننت۔ چُنت مردم شہ آوان بری پکر و حیالا انت کہ ای واری عالمین براسدارئ فشار آ نظر انداز کرتن پہپاکستان ممکن نہ انت۔ 

بہ ھمی وھدان پاکستانئ انسداد دھشت گردیی محکمہ حافظ سعید و آی نائب عبدالرحمن مکی آ کم شہ کم بہ دو درجن مقدماتان ماخوذ کرتنت کہ آوانی تعلق شہ گیرکانونین فنڈنگ و پول شودیی آ انت۔ 

شاید ای گام گرگا بہ ایف آی ٹی ایف سدر مارشل بلنگسلی تبصرہ پھدا گپتگنت پہ چہ کہ آوان گشتنت کہ پاکستان وتی عھدئ ھر وعدہ را نظرانداز کرتگیت و حتی یکئ شہ آ وعدہ آنا تہ نون پورہ نہ کرتگیت۔ پاکستانئ سنجیدہ ئن حلقہ آنیزانتکار ھم بری پکر و حیالا انت کہ اگہ نون ھم پاکستان بری مرحلہ گجام کوتاھی و بی پروائی بکنت آی را حتما بہ سیائن لسٹ تھا شامل کننت۔ و ای راز رندا شہ ایران و برزئ کوریا پاکستان سومی مُلک بیت کہ بہ سیائن لسٹ تھا شاملبیت۔ زانتکار خالد احمد بری پکر و حیالا انت کہ بہ گئوستگین وھدان شہ ممنوعہ ئن ڈلان چو یک پالسئ وڑا بہ ھندوستانئ حلاپا کٹ گپتگ بوت۔ 

سیاسین سربراہ بہ برزین کچانہ کوشست کرتنت کہ ای پالسی آ بدل کننت و صورتحال آ گیتیر کننت مگہ پوج، سیکورٹی و سیمین حکمت عملئ بھرئ پکر آوانا بری راھ تھا سوبین بیگئ دیمگیر بوتنت۔

بعض پاکستانین زانتکار نون ھم بری پکر و حیالا انت کہ پاکستان بہ عالمین براسدارئ و ایف آی ٹی ایف چمانی تھا ھاک پاش داتگ کنت۔ ای پکر و حیالئ وج ایش انت کہ نون ایف آی ٹی ایف سدر زیانگمن لیو انت کہ شہ چینئ مُلکا انت وشاید پاکستانئ حکام ای وش فھمی دارنت کہ ای راز چین پہ پاکستان مدد کرتگ کنت و آی را شہ سیائن لسٹ تھا شامل بیا رکینتگ کنت مگہ بری بھرا خالد احمد بری پکر و حیالا انت کہ چین وت چُنتی وار پہ پاکستان گشتگیت کہ آ باید انتکہ بہ ھما دھشت گردین ڈلانی حلاپا کاروائی کنت کہ گیرکانونین وڑئ زرّ یکجا کننت و پول شودیی کننت۔ آوان ھمی وڑا گشتگنت کہ چین بہ پاکستانئ ای عناصرانی حلاپا بہ برزین کچانہ ثبوت ھم داریت۔ آوان شہ ای ھبرا ھم سی انت کہپاکستانئ ای ڈل گون زنج یانگ صوبہ ھما مسلمانان ھم وتی بستگیانا جور دارنت کہ شہ آوانی نیمگا پہ چین حکومت و سیکورٹی آ اَکین خطر لاحق انت۔ 

پاکستان انسٹی ٹیوٹ آف پیس اسٹڈیزئ ڈائرکٹر عامر رانا گشتگنت کہ اگہ پاکستان بہ ایکشن پلانئ مُچین نکاتانی سرا شرّین وڑئ غور مہ کنت عالمین براسداریشاید ای واری آی را آسانین وڑئ مہ بخشایت و آوان ھمی وڑا گشتگنت کہ شہایف آی ٹی ایفئ نوکین چینین سدر آ کم شہ کم نہ ایران و نہ پاکستان گجام امیتئ کرتگ کننت۔ پاکستانئ سنجیدہ ئن حلقہ آنی زانتکار بری پکر و حیالا انت کہ بیدئ ایف آی ٹی ایف ایکشن پلانئ عملی کنگا پاکستان دیگہ گجام راھئ نہ داریت۔