سرگال:سروزیر اۓ 'آف بھچینغ 'مُہم چکا زور

ھُزائی زریعہ او وسیلہ آنی ردین استعمال آ مڑدم آنر ہماں دگ چکا پُجھینتھا ہموزا آنہی آر ہمیں ٹؤک اۓ سَک احساس بی غیں کہ ہماں شۓ آنہی آ ھُزا اۓ وٹاژ یک وشتر سوکھڑی اۓ وڑا مِلسغۓ سا،آنہی اۓ ردین استعمال کھُزئی او نوبت اِش انت کہ کِرا کِرا ھُزائی وسیلہ آنی بارو آ وا آنہی آر پِکر لاحق بیسا کہ آنہی آ نی تکا باز چھی اے ھِچھ ویچار کھنگ اۓ سوا کھُزغۓ سا ہمائی نتیجہ باز ردین صورت آ دیما پھیزاغیں۔ترقی او وشحالی اۓ نام چکا صنعت آنر ترقی بیسا۔آنہی نپ او کھٹ دی دیما آتکا مگن ہمیں مُچھیں ترقی او نوخیں ایجاد آنی ردین اثر دی کِرا کِرا دیما پھیزاغیں۔آف او گواس اۓ حالت روش پروش ردین بی غیں۔گلوبل وارننگ اۓ جِن آ مُچھیں جہان آ تھُڑسینتھا۔آف او گواس اۓ گندگی مڑدم آنی دُرائی او زِند آپا باز خطر ناک بیسا۔جتا دمغ آنی موسمیاتی ایں حالت ہمیں حد تکا بدل بیسا کہ اے ویچار کھُزؤ حیرانی بیسا کہ فلاں جاگاہ موسم اۓ ڈؤل چکا کھدیں دی اینگا نیا۔نی ایں روش آں اے حبر دی آتکغۓ سا کہ یورپی مُلک آنی اندرا باز گرمی بی غیں او درجہ حرارت ۴۰ ڈگری تکا پُجھسا۔حالانکہ چند دھائی سرا کھسے آ دی اے ویچار نہ کھُزغۓ سا کہ مُچھیں یورپ آ کھدیں اینگے موسم آر دیما کھنغ بیس بی۔بہر حال نی ہماں کہ مڑدم آنر وتی غلطی آنی احساس بیسا تہ عالمی پھیمانہ چکا حالت آنر قابو کھنغ اۓ کوشش دی بی غاں چوش کہ باز ترقی کھُزغیں مُلک ہماں کہ سجوں آنژ گیش ہمیں حالت آنی زمہ وار آں ،آں وتی زمہ واری آنژ بھچغ اۓ کوشش دی کھنغاں مگن حالت آنر مٹینغ اۓ کوشش کھنغ والا دی وتی کوشش آنر جاری ایر کھُزی آں۔ھِند ہمیں مُلک آنی نیمگا اوار ایں ہماں کہ وتی ڈؤل چکا دی ہمیں مسلہ آنر قابو کھنغ اۓ کوشش کھنغیں او جہانی براسی اۓ دھیان دی ہمیں وٹا کھنائینغ اۓ کوشش کھنغین۔گواس او آب اۓ گندگی ڈؤل اۓ مسلہ آنژ جہان درا بی اغ اۓ کوشش کھنغین مگن آف اۓ کمی یک مزن ایں چیلنج بیسا۔آف او گواس اۓ بدلاؤ او موسم آ آئیغ والا ایں خرانی اۓ اثر ھؤر او آف چکا دی کھوغیں۔آئیغ والا ایں روش آنی اندرا اگر آف آ بھچینغ اۓ کوشش نہ کھُزی آ شُزا تہ نہ چھڑوئی آ اے کہ کشتکاری آپا آف اۓ کمی مزن ایں مصیبت کھڑو کھُز کھنت بلکہ ورغ اۓ آف دی باز کھمین بی ۔سروزیر نریندر مودی آ آف بھچینغ مُہم اۓ بُنگیج کھنغ آپا فوری ایں ڈؤل چکا گام زیرغ اۓ جار جھزا۔وتی ریدیو گُشتانگ ،من کی بات،آ ہمیں مسلہ آ سجوں آنژ گیش اہمیت داسؤ گوشتئی کہ موسم او ہؤر اۓ بدل بیسغیں حالت آنر دیستؤ مارا یک دم گام اگا ودھینغ اۓ ضرورت ایں او آنہی آپا مارا آف بھچینغی بی۔وشی اۓ ٹؤک اش انت کہ متعلقہ وزارت دی ہمیں کار آ تِکھائی آ بنِا کھنغ آپا سرگرم بیسا۔جلشکتی وزیر گجیندر سنگھ شیکھاوت آ گوشتا کہ اے مُہم مزن ایں پھیمانہ چکا بِنا کھُزی آ رؤغیں او آنہی روگا ہماں جاگاہ آ آف اۓ کمی ایں،ہمائی احاطہ کھُزی آ رؤ۔اُمیت انت کہ عوام او رضاکار تنظیم آنی مُچھیں تعاون مِلی او ہماں وڑا صفائی مُہم سوب مند بیسا ہماں وڑا اے مُہم دی بارآور ثابت بی۔