سرگال: طالب و اوگانئن نمیاندگانئ دیوان بہ دوحہ تھا۔

قطرئ مُلکئ بنجاہ دوحہ تھا بہ طالب و اوگانئن نمیاندگانی نیاما پہ اوگانستانئ قیام امن آ دو روچگین دیوانئ تسر بوت۔ رندا شہ ای گپ و ترانان دوکین نیمگ بہ یک لائحہ فیصلہ انی سرا تپاک کرتنت۔ رندا شہ ای گپ و ترانان امیت درابوتگیت کہ اوگانستانئ ۱۸ سالگین جنگ نون الاس بیت بہ آیوکین وھدہ۔ رندا شہ ای گپ و ترانانی تسر بیگا بہ یک شریکین بیانئ تھا گشتگ بوت کہ اوگانستانئ تھا، اسلامین اصول و بنیادمین حکانی احترام، بہ یکئ آ دیگرئ حلاپا سَکینبیانئ نہ داتن، سرکارین دپترانی سرا ھلگرئ نہ کرتن، پرتشدد ئن دپ دیگانی کمی و گپ و ترانئ رادگ ساتتنئ سرا تپاک بوت۔ شہ ای دو روچگین گپ و تران آن جرمنی و قطر شریکین وڑئ میزبانی کرتگنت۔ گیچئن کاریانی تھا طالب واوگان ئن مند و بیب کوت گپتنت۔ مگہ اوگانستانئ حکومت بری گپ و ترانانی تھا کوت نہ گپتنت مگہ سری آئ سہ نمایندگ جیتائن وڑئ بری دیوانانی تھا کوت گرگا بوتنت۔ 

ای ھبر یات کنگئ وڑ انت کہ طالب انکار کرتنت کہ گون اوگانستانئ سرکارئ سربراہ آ راستامین وڑئ گپ و تران بکننت شہ ای وجا جمھورین سدر واجہ اشرف غنی بری گپ و ترانانی تھا کوت نہ گپتنت۔ طالب گشتگنت کہ غنی حکومتناجائز انت و آوان ای حکومتا نہ مننت۔ 

ای ھبر ھم یات کنگئ وڑئ انت کہ عمل امن تھا سیاست عمل ھم دخل داریت۔ آمریکہ لوٹوک انت کہ بہ زوترین وھدہ شہ اوگانستان ڈنا در بیت۔ امریکہ ترجیحات ایش انت کہ آمریکائین پوجی بہ زوترین وھدہ شہ اوگانستان ڈنا در بنت مگہبری ھبرئ سرا ایچ غور نہ کنت کہ اگہ پہ طالبان گیشترین اھمیتئ دنت بہ سیمان چی پھد گڈیی را وتیپھدا داریت۔ بہ گئوستگین سالئ سپتمبرئ ماہ جمھورین سدر ڈونالڈ ٹرامپ زلمئ خلیل زاد آ بہ وتی خاسین نمایندگئ پیما بہ اوگانستانئ مسئلہسرا گپ و ھبر کنگئ بھرا مقرر کرت۔ 

خلیل زاد تہ نون گون طالبانی سربراھان ھپت وار بہ دوحہ تھا گپ و تران کرتگنت۔ بری گپ و ترانانی تھا بہ جنگ بندی، آمریکہ پوجیانی پہ دوارگین دیم دیگ، حلاپ دھشت گردیی و بین - اوگان گپ و ترانانی سرگلانی سرا گپ و ھبربوت۔ سرئ ایشی کہ خلیل زاد گشتگیت کہ بری گپ و ترانانی تھا کابلی حکومت کلیدین کردارئ داریت مگہ ای ھبر پورہ ئن وڑئ راست نہ انت۔ راستین ھبرا و اوگانستانئ خفیہ ئن ایجنسی گڈین سربراہ امراللہ صالح گشتگنت۔ آوان گشتنت کہبری گپ و ترانانی سرا پاکستانئ سیائگ انت و ای مزنتری مسئلہ انت۔ آوان گشتنت کہ اوگانستانئ حکومت ھر وھدہ ھمی لوٹگ بوتہ کہ مُلکئ تھا امن و امان قائم بیت مگہ پاکستانئ پوجئ وجا ای کوشست سوبین نہ بنت۔ 

زانتکار بری پکر و حیالا انت کہ آمریکہ بہ یک سالئ وھدہ تھا شہ اوگانستانئ مُلکئ تھا وتی پوجیانا پہ دوارگ بہ وتی مُلکا لوٹیت و شہ امیشی وجا طالبانی حوصلہ گیش بوتگیت و آوان نون کوشست دارنت کہ وتی مُچین ھبرانا منیننت۔ ایراز درا بیت کہ طالب بہ پاکستانئ اشارہ آنی پھدا دیما رونت۔ و بہ وتی گپ و ترانانی تھا ھم بہ اسلام آبادیئ اسٹراٹجیک ئن مفاداتانی غما انت۔ نسلین وڑئ مُچین طالب پشتون نہ انت۔ بہ آوانی تھا پاکسانی ھم ھور انت۔ واشینگتن بری پکر وحیالا انت کہ تہ سپتمبرئ اولی تاریخا پہ امن آ لائحہ عمل تیار بیت کہ شہ آی رندا آمریکائین پوجیانی ڈنا در بیگئ راہ شہ اوگانستان ساپ بیت۔

بہ گپ و ترانانی تھا یک قرار دادئ ھم منت بوتگیت کہ گون آی یک وارگی شھروند و سیکورٹئ پرسونل آنی حلاپئ طالبانی ۱۸ سالگین جنگ آ جادئ ناما داتگنت۔ اوگانستانئ اسٹیٹئ تھا مُچین باسک وتی ناوشنودیا بری بھرا درا کرتگنت کہپہ جنگ آ جھادئ نام داتگ بوتہ و گشتگنت کہ ای پورہ ئن وڑئ کانونانی حلاپ ورزی انت۔ آوان گشتنت کہ ۱۹۸۹ سالا رندا شہ سوویت پوجئ ڈنا در بیگا شہ اوگانستان جھاد الاس بوت و رندا شہ آی ھر چی کہ بوتہ مُچی جنگ بوتہ و جھادنہ بوتہ۔ شہ ھمی وجا ای راز درا بیت کہ امن و امانئ راھ آسان نہ انت۔ سرئ ای ھم ای واری اوگانستانئ نمایندگ و طالب یکجا گپ و تران کرتگنت ای وت یک شرّین ھبرئ انت۔ 

اوگانستانئ گڈین جمھورین سدر واجہ حامد کرزئ شہ ای گپ و ترانانی شرّین پھد گڈیان وش آتگی کرتنت۔ شہ استمانئ موڈ ترجمانی کرتہ واجہ حامد کرزئ گشتگنت کہ مُلکئ تھا امن و امان پہ دوارگ وھدہ قائم بیت کہ استمان وت بہ وتیآیوکین وھدہ بھرا بہ بین - اوگانستانئ گپ و ترانانی تھا کوت بگرنت۔ بہ گئوستگین ماھ تھا بہ شنگھائی تعاون تنظیمئ سربراھانی دیوانئ تھا سرئ وزیر واجہ نریندر مودی گشتنت کہ پہ سیمانی امن و استحاکم آ زروری انت کہ اوگانستانئ تھاھم امن و وشھالئ قائم بیت۔ آوان ھمی وڑا گشتتنت کہ ھندوستان شہ بین - اوگانستان گپ و ترانانی بھرا شہ حکومت و عوامئ کوشستان حمایت و نیمہ داری کننت۔ یک حلقہ کہ بہ اوگانستانئ امور سرا چما سَک داریت گشتگیت کہ اگہآمریکائین پوجی بہ زوترین وھدہ شہ اوگانستان ڈنا در بنت ای نہ تھانکا طالبانی جابرانہ ئن حکومت و پاکستانئ فایدگئ وج بیت بلکہ ھور گون ھندوستان بہ دیگہ سیمان ھم جھادیتئ نظریہ دیمرئی ودی کنت۔