سرگال: آمریکہ و ایرانئ نیامئ گیش بیگین سَکی و آوانا ڈپلوماٹیکئن وڑئ حل کنگئ زرورت۔

رندا شہ ایشی کہ آمریکہ بہ ایرانئ سرا اکتسادین پابندی آنا بناہ کرت بہ دوکین مُلکانی نیاما سَکی دیم بہ دیمرئی انت، کہ پہ ای سَکیانی حل کنگا باید انت کہ بین الاکوامین براسداری توجہ کنت۔ ایران و آمریکہ نیاما سَکین در اصل بہ ۱۹۷۹سالئ ایرانئ انقلاب آ رندا بناہ بوتنت۔ وھدہ کہ آمریکہ نواز رضا شاہ پھلوی آ شہ اقتدار آ یک نیمگ کرتنت و اسلامین جمھوریت آ قائم کرتنت۔ مگہ بہ گڈین سالئ تھا وھدہ کہ جمھورین سدر واجہ ڈونالڈ ٹرامپ آمریکہ شہ ۲۰۱۵ نیوکلیائینمعاھدہ یک نیمگ کرت و بہ ایرانئ سرا نوکین پابندی عائد کرت دوکین مُلکانی نیاما سَکی گیشتر بوتنت۔ آمریکہ گون ای پابندی آن اکتفا نہ کرت و رندا بہ سپاہ پاسداران و ایرانئ سروکین سربراہ سرا ھم پابندی عائد کرت۔ 

سال ۲۰۱۵ تھا ایران، آمریکہ و اروپائین واکانی نیاما ھما نیوکلیائین معاھدہ کہ دستخت بوتت آی را ڈونالڈ ٹرامپ ایچ وھدہ پسند نہ کرت۔دیم شہ ایشی کہ آوان جمھورین سدرئ وڑا واکا بگرنت بہ وتی گیچئن کارئ کمپائن آنی تھا ھم ای ھبرادرا کرتنت کہ ای معاھدہ بہ آمریکہ کٹا نہ انت۔ و وھدہ کہ آوان بہ جمھورین سدرئ پیما رستنت بہ ایران حلاپا سَکین پالسئ را اختیار کرتنت و ھما کارئ را کہ لوٹتنت کرتنت و آمریکہ آ شہ نیوکلیائین معاھدہ یک نیمگ کرتنت کہ بہ سیمانایرانئ موشکولیانی دیمگیر بنت۔ جمھورین سدر ڈونالڈ ٹرامپئ نوکین پالسی ایش انت کہ بہ تھران بہ برزین کچانہ فشار بیاریت کہ ایران مجبور بیت گون آمریکہ نوکین نیوکلیائین معاھدہ دستخت کنت۔ بہ ایرانئ سرا سیاسین و اکتسادینتحریمان ھور آمریکہ بہ خلیجین سیمان گیشترین آمریکائین پوجیانا ھم مستقر کرتگنت۔ 

رندا شہ آمریکہ ای کاروائیان ایران ھم بہ پسوئ آ بعض کاروائی کرت کہ شہ آوانی وجا دوکین مُلکانی نیاما سَکی گیشتر بوتنت۔ مثلا آ معاھدہ بعض کانونانا پادموش کرت و یورنیم جو رکنگا گیش کرت۔ تھران گشتگیت کہ بہ اکتسادین کٹانیدیما ایران منتت کہ یورنیم گیش کنگا اوشتارینیت مگہ رندا شہ ایشی کہ آمریکہ شہ ای معاھدہ یک نیمگ بوتہ آ گون اکتسادین سَکیان دیم پہ دیم انت۔ ایرانئ ای گام گرگئ معنی تکنیکین وڑی ایش انت کہ آ ھم وترا شہ ای معاھدہ یک نیمگکرتگیت شہ ھمی وجا اروپائین مُلک شہ ایران لوٹوک بوتگنت کہ آ پہ ای معاھدہ احترام کنت کہ ای معاھدہ شہ الاس بیگ و زیان بیگا رکینتگ کننت۔ 

بری روچان بہ خلیجین سیمان دیگہ دپ دیگ ھم تسر بوتگنت کہ شہ آوانی وجا سَکی گیشتر بوتگنت۔ خلیج عمان تھا بہ ٹیل ٹینکرانی سرا ھلگر، خلیج فارس تھا آمریکائین ڈرون سرا وار کنگ، ایرانین ٹیل ٹینکرانی قبضہ کنگ شہ برطانیہپوجئ دستا بہ جبرالٹر تھا و ایرانئ اخطار پہ برطانیہ شہ ھما دپ دیگان انت کہ شہ آوانی وجا بہ سیمان سَکی گیشتر بوتگنت۔ ھور گون ایشان ای ھبرئ امکان ھم انت کہ ایران شہ ھمی اکتسادین سَکیانی وجا بہ تنگ آتہ آبنائی ھرمز آ بندکنت۔ شہ ای راھ ھزاران ٹیل جھاز تیر بنت کہ عالمئ یک تھائی ٹیل لوٹگانا پورہ کنت۔ شہ ھمی وجا اگہ ای راھ بند بیت و خلیج تھا شہ ایشی وجا سَکی ودی بیت پوجین کاروائی بناہ بوتگ کننت کہ پہ راستئ پکرئ وڑ انت۔ شہ ھمی وجانون بھترین وھدہ انت کہ پہ سَکیانی شہ نیام زورگا عالمین واک سفارتین کوشست کننت۔ 

ھندوستانئ گیشترکین توانائی درآمدات شہ خلیج سیمان کائینت شہ ھمی وجا ای سیم پہ ھندوستان بہ برزین کچانہ اھمیتئ وڑ انت۔ اگہ بہ آبنائی ھرمز آ گجام سَکی ودی بیت ھندوستانئ ھائیدرو کاربن کمی ودی بیت کہ شہ ایشی وجا ھندوستانئسیکورٹی سرا منفی ئن اثر پرینتگ کنت۔ بہ سیمانی نونین صورتحالئ وجا ھندوستانئ بحرین پوج خلیج عمان تھا پہ ھندوستانئ جھازان تحفظ دیگئ وجا دو بحرین جھاز آئ این اس چینئ و سونینا ملازم کرتگیت۔ ھندوستانئ بستگی گونسیمانی مُلکان شرّ انت و شہ ھمی وجا ھر وڑئ پوجین کاروائی بہ ایشی کٹانی حلاپا انت۔ شہ ھمی وجا دیم شہ ایشی کہ بہ سیمان جنگ بناہ بیت و عدم استحکامئ ماحول ودی بیت و بنیادمانی زند گون سَکیان دیم پہ دیم بیت، امیت انت کہمتصادم ئن نیمگ پر امن و سنجیدہ ئن وڑئ وتی ای سَکیانا شہ نیاما زورنت۔