سرگال:برصغیر آ نی ایں روش آنی چھی اے وش ایں دپ

بدقسمتی آگو ھِند او پاک سیال داری آ بازی آ جھیڑوئی ماحول قائیم رہسا ۔پاکستان اۓ اسٹیبلشمنٹ اۓ ھِند اۓ بارو آ یک خاصیں حکمت عملی اۓ سبب آژ مُچھیں کوشش آنی باوجوت حالت بدل نویسا۔ہمیں ٹؤک آژ ہر کھسے پوہ ایں او اے دائیمی اصلیت دی ایں کہ دو ہمسائیگ آنی ہمیں وڑ اۓ یک دوہمی آگو سرا آژ دست گریباں بی اغ،ہڑ دوایں آنی حق آ نعیں۔آنہی آژ چھڑوئی آ نقصان ہی بی ،آنہی برعکس وشتر سیال داری نہ چھڑوئی آ سیکیورتی اۓ ڈؤل آژ استحکام دا ،بلکہ اقتصادی ڈؤل چکا دی دوایں آر وشتر موقع دا ،سؤداگری بستگی گیش بی ،اقتصادی عمل گیش بی آں او عوام اۓ نیمگا آپسی ایں بستگی دی سیال داری آ مضبوط کھنت۔اینگا نعیں کہ سیال داری آ وشتر کھنغ اۓ کوشش نویسغاں ،کوشش کے ای دھکا کھُزی آ شُزگاں ،مگن سیماں اۓ آں وٹاژ پؤجی حکمت عملی اۓ منفی ویچار آں ،ہمائی اۓ یک عنصر دھشت گردی ایں ،ہمیں کوشش آنر کھدیں دی سوب مند بی اغ نعیلسا۔بہر حال اے یک مزن ایں قصو ایں ہمائی تفصیل اۓ ایزا ھِچھ ضرورت نعیں آنہی آ یک المیہ گُشغ بیس بی ،اینگے نا بعض کسن ایں کسنیں دپ دی کھدیں کھدیں زکر اۓ لائیق بی آں ،ہمائی آ نیخیں شگُن گُشغ بیس بی ۔مثال آ نی ایں روش آنی اندرا دو دپ ھِند او پاک آ اینگے بیسغاں ،ہماں کہ اطمینان دؤخ آں ۔مثال آ یک ٹؤک اے بیسا کہ پاکستان آ کرتار پور صاحب گُردوارہ تکا روغ آپا ویزا گِرغ آ بغیر ھِند مڑدم آنر روغ اۓ اجازت داسی آ شُزا ہپتغ اۓ ہپت روش ہموزا بغیر ویزا اۓ ھِند اۓ پاسپورٹ ایر کھنوخ او او سی آئی کارڈ ہولڈر مڑدم آنر روغ اۓ اجازت ایں۔عامیں روش آ ۵۰۰۰ مڑدم او خاصیں موقع چکا ۱۰۰۰۰ مڑدم آسانی آگو ہمیں مساقت طۓ کھُز کھناں ۔گیر بی کہ کرتار پور صاحب سکھ فرقہ اۓ مڑدم آنی آپا یک پاکیں جاگاہ ایں ،ہموزا بابا گرونانک دیو جی آ وتی زِند اۓ آخیری ایں ۱۸ سال گوازینتھغۓ ساں او اے ھِند سیماں آژ چند میل اۓ دیری چکا ایں،ہموزا پیادی آ دی روغ بیس بی او لاری آگو دی۔ہمیں بارو آ اے ٹؤک دی زکر اۓ لائیق انت کہ نہ چھڑوئی آ ہر روش ۵۰۰۰ عقیدتمند آنر روغ اۓ پاکستان آ اجازت داسا ،بلکہ ھِند اۓ اے شرط دی منسئی کہ پاکستان سکھ گردوارہ چکا بندھک کمیتی آژ خالصتان نواز باسک آ ہٹائینتھی آ برؤ،چوش کہ ہمیں دپ آژ ھِند او پاک سیال داری آ ھِچھ مزن ایں فرق نہ کھپتا ،مگن اینگے مثبت دپ آنژ دوایں مُلک آنی نیمگا سیال داری آ وشتری بیس بی ۔یک دوہمی دپ اے بیسا کہ بالآخیر کے ای ماہ پھدا پاکستان آ وتی ائیر بیس چکا مُچھین ائیر لائینس او رونشت مُلک روغ والا بالی گراب آنی بال گرغ چکا جھزی ایں پابندی ہٹائینتھا،ہمائی پھدا نارمل سروس بِنا بیسا۔