ٹرامپئ ملاحظہ ناوشنودی وڑ انت و قابل باور نہ انت۔

بہ اسپیتین ماڑئ تھا پاکستانئ سرئ وزیر واجہ عمران خان گون آمریکہ جمھورین سدر واجہ ڈونالڈ ٹرامپ گیند و نیند کرتگنت و بری گیند و نیندئ تھا ھبرئ کہ واجہ ٹرامپ بہ سرئ وزیر واجہ نریندر مودی باروا داتگنت نہتھانکا باورئ وڑ نہ انت بلکہ ناوشنودئ وڑ ھم انت پہ چہ کہ ای مسئلہ پہ ھندوستان و ھندوستانئ استمان آ بہ برزین کچانہ اھم و حساس انت۔ بہ کشمیرئ باروا آوان گشتنت کہ بہ جی ۲۰ سربراھانی کنفرانس وھدہ، آوان گونسرئ وزیر واجہ نریندر مودی گیند و نیند کرتگنت و واجہ مودی شہ آوان لوٹوک بوتگنت کہ بہ کشمیرئ سَکئ بھرا آمریکہ ثالثی میانجیگرئ وڑا کوت بگرنت۔ ای بیان یک رازی بیانئ ات کہ نہ تھانکا بہ ھندوستانئ تھا آی راگجام مردمئ باور نہ کرت بلکہ بہ آمریکہ تھا ھم پہ ایچ مردمئ باورئ وڑ نہ انت۔ پہ چہ کہ شہ چُنتی سالان ھندوستانئ ھمی سَکین مواقف بوتہ کہ ھر وڑئ دو نیمگین سَکئ کہ گون پاکستان داریت آی را باید انت کہ تھانکا گونپاکستان شہ گپ و ترانئ راھ حل بکنت نہ ایش کہ گجام کَس دگہ بری سَکیانی تھا دست مان دنت۔

ای راز دو نیمگین سَکی ھم بہ بین الاکوامین یٹ فارمئ سرا بال نہ کاینت و ای مواقف تھانکا ھندوستانئ مواقف نہ انت بلکہ بہ ۱۹۷۲ سالا ھما شملہ معاھدہ کہ تسر بوتت بہ آی تھا ای ھبر درا و اسپیتین وڑئ لیکتگ بوتگیت کہباید انت کوشست بیت کہ دو نیمگین سَکی ھور گون کشمیرئ سَکی دو نیمگین وڑئ گون گپ و تران آ حل بنت۔ ای معاھدہ ھما وھدہ ھندین سرئ وزیر بانوک ایندرا گاندھی و پاکستانئ سربراہ ذوالفغار علی بھٹو نیاما تسر بوت۔تھانکا شملہ معاھدہ نہ انت بلکہ بہ ۱۹۹۹ سالا لاھورئ اعلامیہ ھم درا بوت کہ بہ آی تھا سرئ وزیر اٹل بھاری واجپئی و نواز شریف دستخت کرتنت۔ راستین ھبر ایش انت کہ پاکستانئ سیاسین ڈھانچہ رازئ انت کہ ھرکوشستئ کہ پاکستانئ سیویلن حکومت کنت کہ ھند و پاکستانئ بستگی گیتیر بنت رندا پوجین اسٹطلشمنٹ آوانا گون ھاکا یکسان کنت۔ شہ ھمی وجا ای دوکین معاھدہ پورہ ئن وڑئ نظرانداز بوتگنت۔ دھشت گردیی آ پوج وتیحکمت عملئ یک کوتئ جور کرتنت کہ شہ آی وجا ھند و پاکستانئ بستگی گیشترکین وھدان گون سَکیان دیم پہ دیم اتنت مگہ ھندوستان بہ وتی ای مواقف سرا ھر وھدہ قائم منتگیت کہ بہ کشمیرئ مسئلہ سرا سومی یا ثالثیمیاجنیگرئ دست مان دیگئ گنجائش نہ انت۔

شہ ھندوستانئ ای مواقف آ پورہ ئن عالم سی انت و مُچی سی انت کہ بری مواقف سرا ھندوستان ایچ وھدہ گجام بدلینگئ نہ کاریت۔ ھمی وج انت کہ چُنتی مزنئن و معتبر ئن آمریکائین سیاست کار و کانون جور کنوک بہ ٹرامپئ ابیانئ سرا وتی حیرت آ درا کرتگنت و ھمی وڑا شہ آوانی ای بیانا بدگشی ھم کرتگنت و گشتگنت کہ ای کار سفارتی و سیاسین اداب حلاپا انت و آوان ای ھبرا داتگنت۔ درا انت کہ ھندوستان یک فعال ئن جمھوریتئ انت و بہ ایمُلکئ سیاسین حلقہ آنی تھا ھم بری بھرا سوج پھاد بوتگنت مگہ ای ھبر یات کنگئ وڑ انت کہ بہ ادنا ایچ مردمئ ای ھبرا باور نہ کرت کہ سرئ وزیر واجہ نریندر مودی انچین ھبرئ داتگ بنت۔

اھمترین ھبر ایش بوت کہ ڈنئ کارانی وزارتئ گوشوک ھما دم رندا شہ واجہ ڈونالڈ ٹرامپئ ای بیانا گشتنت کہ سرئ وزیر واجہ نریندر مودی انچین ھبرئ نہ داتگنت کہ بہ ھندوستانئ بنیادین مواقف حلاپا بیت۔ رندا شہ آی ڈنئکارانی وزیر ھم پہ دوکین دیوانانی کانون جور کنوکان ای ھبرئ باور آ داتنت کہ حکومت ھندیی مواقف اٹل انت و سرئ وزیر واجہ نریندر مودی ایچ انچین ھبرئ نہ داتگنت۔

و تہ جائ کہ جمھورین سدر واجہ ٹرامپئ بیانانی سوال انت ھبر ایش انت کہ ای جمھورین سدر بہ انچین متنازعہ ئن بیانانی دیگئ بھرا بہ برزین کچانہ نامدار انت۔ شہ آوانی ای رویہ وجا، گیشترکین وھدان آوانی حامی و آمریکہاتحادی ھم شہ آوان ناوشنود بنت، و گیشترکین وھدان ای راز ھم بیت کہ آوان وتی مواقف و بیانانا بدل ھم کننت۔ آوانی ای تبصرہ و بیان آ ھم باید انت کہ بری ہس منظرئ سیائگا پکر کننت۔ بہ بعض بین الاکوامین و کثیرالاکوامین معاھدانی بھرا ھم آوان ای وڑئ رویہ اختیار کننت۔ تہ چُنت روچ دیمترا بہ پاکستانئ حلاپا آوان سَکین بیان داتنت۔ تہ ای حد کہ آوان وتی پوجیب مددانا ھم پہ ای مُلک آ اوشتارینتنت۔ مگہ نون بہ پاکستانئ دیما آی رویہنرم بوتہ پہ چہ کہ آمریکہ نون لوٹوک انت کہ شہ اوگانستان وتی پوجیانا پہ دوارگ بلوٹیت و گون طالبان بہ گپ و ترانان موشکول انت و پہ ای موشکولیانی سوبین بیگا پاکستانئ مدد ھم پہ کار انت۔ مگہ بہ عمران خانی دیماانچین ھبرئ کہ آوان بہ سرئ وزیر واجہ نریندر مودی باروا داتگنت شہ ایشی وجا ھندیی تھا بد دلئ ماحول ودی بوتہ و شہ ایشی وجا خواہ مہ خواہ تعلی و شورئ ماحولئ رادگ انت۔