پاکستان باید انت وتی گوازی داتنئ رویہ بدل کنت۔

کرگل جنگ تہ جائ کہ ھندوستانئ حلاپا پاکستانئ منصوبہ بندئن سازشان یک سازشئ ات مگہ ھما وھدہ دیگہ نیمگاھندوستانئ پوجئ باتوری و بہادرئ یک درائین مثالئ انت۔ پاکستانئ پوج ھما رازئ کہ شپئ تارینکی تھا عالمئبرزگیانی گرگئ ناپاک و بی سوبین کوشتئ کہ کرتنت ای انجام ھمیش ات۔ ھندوستانئ ورنا رازئ کہ جان نثاری وجانبازئ آ درا کرتنت و ای منصوبہ بند ئن سازشانا بی سوب اشتنت، ای تاریخئ یک روکین بابئ منتگیت۔ ای جنگئ تھاھندوستانئ سوب سلیح بندئن پوجانی دست آوردانی تھا یک مزنئن دست آوردئ انت۔ ای جنگ ای ھبرئ ثبوت ھم انت کہ پاکستان شہ ھما اول سرا بہ ھندوستانئ حلاپا سازش کنگئ تھا موشکول بوتہ و ایش ھم یک درائین حکیکتئ انت کہ ھر وھدہ پہ وت یک ھبرئ و دلیلئ داریت۔ مگہ سرئ ایشی بہ آی رویہ تھا ھیچ گجام بدل بیگئ نیاتگیت۔ خواہ آ ممبئ سرا دھشت گردین خوفناک ئن ھلگر بیت کہ بہ آی تھا کم شہ کم ۱۶۶ مردم وتی زند آ شہ دست داتنت یا ھمی سالانی تھا پٹھان کوٹ، اوڑئ و نون پولوامہ دھشت گردین وت کُشین ھلگر بنت۔ پورہ ئن عالم حافظ سعید آ ممبئ ھلگرانی ماسٹر مائند پکر کنت۔ پولوامہ وت کُشین ھلگر کہ بہ آی تھا گیش شہ ۴۰ پوجی شھید بوتنت، جیش محمد نامئ دھشت گرد ڈل کرتگیت۔ آ ڈل ای ھلگرئ ذمہ زورتگیت۔ بیدئ ای دپ دیگان بہ کشمیرئ تھا ھر روچ ھر وڑئ دھشت گردین ھلگر بنت ک بہ آوانی تھا ھم پاکستانین ڈل کوت دارنت۔

سرئ ایشی پاکستان ای دعوئ کنت کہ بری ھلگرانی تھا ھیچ کوتئ نہ داریت مگہ حکیکت ایش انت کہ شہ ای ھلگرانی ذمواری آ وترا رکینتگ نہ کنت۔ شہ آوانی ھبرانی دیما آوانی حکومت چُنتی گام زورتگنت بہ دھشت گردیی حلاپا و چُنتی دھشت گردانا ھم بہ حراستا گپتگنت کہ بہ آوانی تھا حافظ سعید ھم ھور انت مگہ راستین ھبر ایش انت کہ ھبر دیگہ چیز انت۔ پاکستانئ حکومت بہ دھشت گردانی حلاپا ایچ وڑئ سَکین کاروائی کرتگ نہ کنت۔ ایشی مزنتری وج ایش انت کہ گون دھشت گردان وت پاکستانئ پوج و بعض عھد دار نزیکین بستگی دارنت۔ آ نہ لوٹنت کہ بری ڈلانی حلاپا گجام سَکین کاروائی بیت کہ بہ آوانی ضرر آ بیت۔ و ای ھبر شہ ھیچ مردمئ چیر نہ انت کہ پاکستانئ تھا واک اصل پوجئ دستا بوتہ نون ھم پوجئ دستا انت۔ سرئ ایشی کہ سرئ وزیر واجہ عمران خان بہ وتی نونین دورہ شہ آمریکہ ای ھبرئ اعتراف آ کرتگیت ہ گڈین حکومت بہ دھشت گردانی باروا دروگ گشتگنت و ایش کہ نون ھم چل تعلیمین کیمپ بہ آ مُلکئ تھا موجود انت مگہ بری کیمپانی حلاپا سَکین کاروائی جرات آ دارنت؟


ھمی راز کہ پاکستانئ گڈین واکدار کوشست کرتگنت کہ گون وتی بیانان دنیا گمراہ کننت عمران خانی بیان ھم ھمی رازئ یک بیانئ انت۔ اگہ نہ عمران خان اگہ وت خالص انت و شہ ھما چل دھشت گردین کیمپان سی انت پہ چہ تہ نون بہ آوانی حلاپا سَکین کاروائی نہ کرتگنت۔ تہ جائ کہ ھندوستانئ ھبر انت ای ھر وھدہ ای ھبرا داتگیت کہ آ لوٹوک انت کہ ھور گون پاکستان گون مُچین ھم پلّین مُلکان شرّین بستگی داشتگ بیت۔ شہ ھندوستانئ نیمگا دوستی کنگئ کوشستانی چُنتی مثال داتگ بنت۔ وت کرگل جنگ ھندوسستانئ دوستئ دستئ دراج کنگئ پسوئ آ پاکستانئ ھلاکت خیزین ٹھیکی ات۔


آ وھدہ سرئ وزیر واجہ اٹل بہاری واجپئی دوستئ بس آ زورتہ دیم بہ لاھور شوتنت و بہ آی پسوئ آ ھندوستان آ کرگل جنگ داتگ بوت۔ ھمی راز وھدہ کہ سرئ وزیر واجہ نریندر مودی وھدہ کہ شہ اوگانستان دورہ کرتہ برگشتنت پاکستان ایر کپتنت و گون آ وھدہ پاکستانئ سرئ وزیر واجہ نواز شریف گیند و نیند کرتنت و شہ آوانی والیدہ دعا گپتنت و بہ آی پسوئ آ رندا پٹھان کوٹ و اوڑئ دپ دیگ تسر بوتنت۔ بہر حال سرئ وزیر واجہ نریندر مودی کرگل جنگئ بیستمی سالروچا کہ بہ نام یوم فتح دروست بیت، گشتنت کہ ھما کہ بری جنگئ تھا پروش وارتنت درپردہ بہ ھندوستانئ حلاپا جنگ کننت و دھشت گردیئ نیمہ داری آ کننت آوان گشتنت کہ دھشت گردیی شہ پاکستانئ نیمگا بہ ھندوستانئ حلاپا خفیہ ئن جنگئ انت۔ شہ آوانی دیما نون جنگئ شکل بدل بوتہ۔ دھشت گردیی انسانیت حلاپئ جنگ انت۔ شہ ھمی وجا عالمئ مُچین مُلک باید انت کہ بہ ایشی حلاپا اوشتنت۔ تہ وھدہ کہ مُچین مُلک یکجا متحد مہ بنت ای لعنت آ پروش داتگ نہ کننت۔ نون ھم پاکستان وھدہ داریت کہ وتی گوازئ داتنئ رویہ بدل کنت و دھشت گردیی آ گار کنت کہ دوکین مُلکانی نیاما گپ و تران بیت و سیمان امن و امان و وشھالی آتگ کنت۔