دھشت گردین ٹرئیننگ کیمپ بہ اوگانستانئ تھا۔

شہ معتبرئن اینٹلی جنسئ کہ بہ دستا رستگیت درا بوتہ کہ بہ فرورئ ۱۴ تاریخا بہ ۲۰۱۹ سالا وھدہ کہ بہ سی آر پی اف کاروانئ سرا جیش محمدئ دھشت گردین ڈل ھلگر کرت و رندا شہ آی ھندوستانئ ھوائین ڈلئ جھاز بہ پاکستانئ تھا جیش محمدیئ ٹریننگ کیمپ سرا ھلگر کرتنت، رندا شہ آی جیش محمد و لشکر طیبہ وڑئ ممنوعہ ئن دھشت گردین ڈل نوکین حکمت عمل سرا کار کنگا بناہ کرتگنت۔ شہ ھال دیوکانی دیما پاکستانئ ایجنسی ھم گون آوان مدد و تعاون کننت کہ آوانین منصوبہ آنا سوب حاصل بیت۔ ای ھبر یات کنگئ وڑ انت کہ ای ڈلانی موجودگی اوگانستانئ تھا دیم شہ ایشی ھم بوتگیت و آوان گون طالبان یکجہ بہ اتحادین پوجانی حلاپا لڑتگنت۔ بہر حال شہ رپوٹانی دیما ای ھبر درا بوتگیت کہ بہ اوگانستانئ ھما جاگان کہ ای کیمپ وتی جاگانا بدل کننت کنار، ننگرھار، نورستان و قندھار شامل انت کہ بہ ای سیمان طالبانی اثرات بہ برزین کچانہ انت۔ ای ھبر ھم بری بھرا یات کنگئ وڑ انت کہ بہ پلوامہ ھلگرئ تھا کہ شہ جیش محمدئ نیمگا تسر بوت گیش شہ ۴۰ ھندین پوجی وتی زند آ شہ دست داتنت کہ رندا شہ آی ھندوستان فیصلہ کرت کہ نوکین حکمت عملی اختیار کنت و رندا بہ پاکستانئ تھا پوترت و بہ جیش محمدئ ٹریننگ کیمپانی سرا ھلگر کرت۔ جیش محمد و لشکر طیبہ دیم شہ ایشی ھم طالبانی حامی بوتگنت و گون آوان یکجا شریک بوتہ کار کرتگنت۔ 

شہ نونین پلانانی اینٹلیجنسئ دیما دوکین ڈل گون اوگانستانئ طالب، حقانی نیٹ ورک و آوانی متحدین ڈلان یکجا ساز باز کننت و بہ اوگانستانئ چُنتی جاگان وتی ٹریننگ کیمپانی جور کنگئ پروگرام آ جور کرتگنت۔ بری بھرا یک دیگہ ھبرئ یات کنگئ وڑ انت۔ فائننشیل ایکشن ٹاسک فورس یعنی کہ "ایف اے ٹی ایف" نیمگا سَکین وارننگئ کہ داتگ بوتہ نہ تھانکا پاکستانئ ایجنسی بلکہ ممنوعہ ئن ڈل ھم بہ برزین کچانہ محتاط بوتگنت و لوٹوک انت کہ آوانی کیمپ و آڈہ شہ پاکستان بہ دیگہ جاگہ برتگ بنت کہ آ شہ ایف آی ٹی ایف عتاب آ وترا رکینتگ کننت۔ بہ جولائی اول سرا عمران خانئ حکومت نیمگا جیش محمد و لشکر طیبہ و چُنت دیگہ نام نھادین فلاحین دپتر و ٹرسٹ آنی حلاپا کاروائی بناہ کنگئ ڈرامہ بناہ بوت مگہ ھندوستان پورہ ئن وڑئ بری ھبرئ سرا یقین و باور نہ داریت کہ ای مُچین کاروائی سنجیدہ ئن کوشستانی نیمگا اشارہ کننت۔ شہ اینٹلیجنسئ دیما دیم بہ ای ھبرا اشارہ بیت کہ یک نیمگا لشکر طیبہ و جیش محمد حلاپا کاروائیانی ڈھونگ بناہ بوتہ و دیگہ نیمگا بہ کابل، قندھار و دیگہ نیمگان پاکستانین ڈل گون طالبان گیند و نیند کننت و منصوبہ بندی کننت کہ بہ ھندوستانئ سفارت یا قنسول گرئ سرا ھلگر کننت۔ 

اوگانستانئ تھا سرکارین دپتر، سیکورٹی فورس و پولیسئ کارکنوکان و سرکارین ملازمان ھور مُچین طلبانی نشانئ چیرا انت، مگہ نون گون ایشانی شریکداری آ نہ تھانکا اوگانستان بلکہ بہ ھندوستانئ مفاداتانی ٹپ رسینگئ بھرا ھم کوشست گیشتر بوتہ رونت۔ ای مُچین ھبرانی سرا اوگانستانئ خفیہ ئن محکمہ ھم سَکین وڑئ وتی چما سَک کرتگیت۔ شہ اوگانستانئ خفیہ ئن ھالانی دیما ای ھبر ھم درا بوتہ کہ بری روچان جیش محمدئ انتھاپسندانی موجودگی بہ اوگانستانئ تھا بہ برزین کچانہ محسوس بوتگیت۔ ھمی چُنت ماہ دیمترا، اوگانستانئ کومین سیکورٹئ ڈل بہ جلال آباد تھا صادق اکبر و عطاء اللہ ناما دو دھشت گردانا گرفتار کرتگنت کہ آوانی تعلق شہ جیش محمدئ ڈل آ انت۔ ای دوکین دھشت گرد بہ کابل راھئ تھا حراستا گپتگ بوتگنت و آوانی ٹریننگ بہ بالاکوٹ ٹریننگ کیمپ تھا تسر بوتت۔ رندا شہ ایشی کہ آوان گرفتار بوتنت آ گشتنت کہ پہ آوان ای ذمہ داتگ بوتت کہ بہ اوگانستانئ تھا آوان بہ ھندوستانئ مفاداتانی سرا وتی چما سَک کننت۔ ھور گون ای موشکولیان لشکر طیبہ ھم پہ وتی ورنائانی ٹریننگ آ بہ اوگانستانئ ننگرھار، نورستان، کنار و ھیلمند صوبہ آنی تھا نوکین مرکز پاچ کرتگیت۔ آوان وتی چُنتی کارکنوکانا شہ پشاور بہ کابل دیم داتگنت کہ ادنا ھور گون طالبانی مددا آ وتی تخریبین موشکولیانا تسر کننت و بہ یک وھدہ اوگانستان و ھندوستانئ مفاداتنا دوکین آنا ٹپ برسیننت۔ 

بہ ھمی وھدان شہ آمریکہ دپاع وزارتئ نیمگا یک رپوٹئ دیما بوتہ کہ شہ آی ای ھبر درا بوتہ کہ لشکر طیبہ ھور گون وتی ۳۰۰ ھلگرکنوکان بہ اوگانستانئ تھا پلان جور کنت کہ بہ آمریکہ و متحدین پوجانی سرا ھلگر کنت۔ ھور گون ایشی ای ھبر ھم بہ دستا رستگیت کہ لشکر طیبہ طالب و نام نھادین اسلامک اسٹیٹ آف خیبر پختون خواہ نیاما صلح و امن و امانئ آرگئ کوشست بیت۔ رندا شہ اسٹرائکئ کہ بہ بالاکوٹ سرا بوت پاکستانئ چُنتی دھشت گردین ڈل کوشست و پلان دارنت کہ وتی ڈلانی بنجاہ شہ پاکستان بدل کننت و بہ اوگانستائ تھا منتقل کننت۔