سرگال:ھِند پنجہ کھرب ڈالر اۓ معیشت ٹھائینغ اۓ دگ چکا

مالیاتی ایں وزیر نرملا سیتا رمن آ ۲۰۱۹ اۓ بجٹ آ ہماں مُچھیں طریقہ آنی زکر کھُزا ہمائی آ گو مُلک اۓ معیشت آ ۲۰۰۴ تکا ۵۰ کھرب ڈالر اۓ کھنغ بیس بی۔آنہی آ اگی ایں دھ سال آنی آپا پالیسی آنی جار جھزا ہمائی اۓ مُچھیں دھیان سرمایہ کاری او معاشی ترقی چکا بی۔ہمیں پالیسی گام گیج آنی اندرا مُچھیں بنیاتی ایں خاکہ آنر مضبوط کھنغ،ڈجیٹل بنیاتی خاکہ آنگو معاشی بہر داری آ گیش کھنغ ،زائیف او چُکھ آنی دُرائی ،آف اۓ انتظام آ وشتر کھنغ او بحری معیشت چکا دھیان مرکوز کھنغ ،خلا اۓ پروگرام آ مضبوط کھنغ ،غلہ او دال آنی کشتکاری آ گیش کھنغ او میک ان انڈیا او آیشمان بھارت پروگرام آنر مستحکم کھنغ اوار آں۔ہمیں بارو آ سروزیر نریندر مودی آ گوشتا کہ ہمیں عمل آ ہر ھِندوستانی اوار بی۔معاشی ترقی آپا مودی سرکار اۓ اے وخت مُچھیں دھیان سرمایہ کاری آ گیش کھنغ چکا ایں۔اے ٹؤک ہر کھسے زانی کہ اگر سرمایہ کار آنر ہمیں ٹؤک اۓ باور بی کہ مُلک اۓ معیشت مضبوط ایں تہ آں زر جھنغ آپا اگا گام ودھینا۔ھِچھ دی مُلک آپا معاشی استحکام سرمایہ کاری آپا ضروری بی۔ہمیں خاطرہ معاشی استحکام اۓ بارو آ ھِند اۓ محتاط رہغ اۓ ضرورت ایں۔معاشی ترقی آپا محصول دۓ اغ یک طاغتور زریعہ ایں۔ٹیکس آنی محاذ چکا اگر دیستی آ برؤ تہ کارپوریٹ ٹیکس آ معقول کھنغ یک خاصیں گام ایں۔بجٹ آ ہمیں مُچھیں کمپنی آنی آپا ہماں ہاں نی سؤداگری ۴۰۰ کروڑ زر ایں ،کارپوریٹ ٹیکس آ کمی کھُزؤ ۲۵ پیصد کھُزی آ شُزا۔ہموزا تکا جی ایس ٹی اۓ تعلق ایں تہ رٹن داخل کھنغ اۓ عمل آ گیش آسان کھنغ لوٹھی تاکہ گیش آژ گیش ریوینیو گِرغ بیس بی۔کشت اۓ شعبہ آ نی ایں بحران آ حل کھنغ آپا مُلک آ پالیسی ٹھائینغ اۓ ضرورت ایں۔مُلک آ مروشی دی کشت آ ہؤر اۓ آف اۓ ضرورت بی۔اگر ہؤر شَر این وڑا بی تہ کشتکاری دی شَر بی ۔اگر ہؤر نوی تہ کسان آنر مشکل دیما کھنغی بی آں او آں قرض زُڑتھؤ کشتکاری آپا سامان گِراں اگر فصل جوان نویسا تہ آنہاں نی قرض گڑدینغ مشکل بی رؤ۔ہمیں خاطرہ کشتکاری اۓ شعبہ آپا مقرر کھُزی ایں فنڈ آ یک دم اگا ودھینغ اۓ ضرورت ایں۔مالیاتی ایں وزیر آ زانتکار آنی یک کمیتی ٹھائینغ اۓ دی جار جھزا ہماں کہ ہمیں ٹؤک اۓ بارو معلوم کھنت کہ گوستی ایں ۱۵ سال آنی نیمگا بجٹ آ زائیف زائیف او نرین آنی آپا چھیختر فنڈ مقرر کھُزی آ شُزا۔ہمیں پالیسی آژ پدھر بی کہ مودی سرکار ہر کھسے اۓ ترقی آپا باڑہ ایں ۔شہری ہوا بازی پھجی آ خاصیں شعبہ آ ڈن اۓ مُلکی سرمایہ کاری آژ دی معاشی ترقی آ مدد بی۔ہموزا تکا سؤداگری اۓ شعبہ اۓ بستگی ایں تہ بجٹ آ کستمس ڈیوٹی آ گیش کھنغ اۓ جار جھزی آ شُزا۔ھِند آ اے وخت ۲۰ اعشاریہ ہشت ہپت کھرب ڈالر اۓ معیشت کھُزا۔ہمیں خاطرہ اگر مارا ۲۰۲۴ تکا پنجہ کھرب ڈالر اۓ معیشت بی غی ایں تہ مارا سالانہ دھ پیصد آژ گیش اۓ شرح ترقی کھنغی بی۔