سرگال: شھروندئ ترمیم ئن بل مکسد پہ ھم پلّین مُلکانی اقلیتئ پناہ گروکان شھروندیئ دیگ۔

پہ ھم پلّین مُلکانی اقلیت ئن پناہ گروکان شھروندیئ بھرا ترمیم ئن بل آ پارلیمنٹ ایوان منگا بوتیت و نون بہ برزین ایوانا دیما کرتگ بیت و بری وھدہ پاکستان بری گامئ حلاپا یک بیانئ رادگ کرتگیت، یک انچین مُلکئ کہ بہ اودان ھر وھدہ اقلیتانی سرا ظلم انت و آوانا پاک کنگا انت و ایش بری معاملہ بھرا ھبرئ دیگئ حکا ھم نہ دارنت۔ یاتئ وڑ انت وھدہ کہ ھند کوت بوتیت، بہ پاکستان بہ آ وھدہ اقلیتانی آباتی ۲۳ اعشاریہ ۵ فیسد اتیت، شہ پاکستانئ ظلم و ستمئ وجا کم بوتہ و نون تاناکا ۳ اعشاریہ ۵ فیسد منتگنت۔ بہ ھندیی کوت بیگئ وھدہ، جواھر لال نھرو و لیاقت علی خانی نیاما معاھدہ کہ بوتتیت بہ آی دوکین مُلکانی اقلیتانی ساتتنئ وھدہ ھم بوتتیت، مگہ سرئ ای معاھدہ بہ پاکستانا اقلیت باز کم بوتیت و بہ اقلیت ئن براسانی سرا ظلم و ستم انت۔ آوان شہ ای حالاتان باز پازاب بوتہ و رندا بہ ھندوستان پناہ آورتگنت، بہ بنگلادیش ھم اقلیتانی آباتی کمئ انت، ۱۹۷۱ سالا کہ بنگلادیش بہ نیاما آتیت، اقلیتانی کچانہ بہ آ وھدہ ۲۱ اعشاریہ ۳ فیسد اتیت، نون کم بوتہ بہ ۸ اعشاریہ ۵ فیسد رستگیت، گون مذھبین اقلیتان گیشترکی، گندگین توپیر و گندگین رپتار بیت۔ آوانی ملک و جایدادانا ھم گرنت و سرکاری کننت۔ ادان ای ھبر یاتئ وڑ انت، وھدہ کہ ھندوستان کوت بوتیت بہ آ وھدہ اقلیتانی کچانہ ۹ اعشاریہ ۸ فیسد اتیت کہ گیش بوتہ عددد و اشماریی وت ایشی گواہ انت کہ ھندوستان شہ ای دیگہ ھم پلّین مُلکان گون وتی اقلیتان گھترین رہتار داریت۔ بہ کوت کنگئ وھدہ ھندیی آ بہ پاکستان شہ اقلیتان رائ دیگہ حک گپتگ بوت و آوان الک و تلک کمگا بوتنت و پہ ایشی جیتائن نظامئ جور کرتنت کہ بری نظاما شہ اقلیتان کَسئ سرئ وزیر یا جمھورین سدر بوتگ نہ کنت۔ بہ انبرانین سالا شہ پاکستانئ پیپلز پارٹی آ یک باسکئ بہ اکتبرئ ماہ شہ عیسوین براسان بہ پارلیمنٹ کومین اسامبلی آ یک بلئ دیما کرتیت کہ کانونین وڑئ غلطیانی زورگا لوٹت، مگہ کومین اسامبلی بہ آئ تھا رکاوٹ پرینتنت، بہ پاکستان بیدئ ھندو و سکھ و عیسویان احمدیہ فرقہ کسانا ھم گون آوان باز گندگین رپتارئ دارنت و پاکستانئ کانون بہ دیگہ ترمیمانی سیائگا آوانا گیرمسلمان زانتیت، پہ ووٹ دیگا مجبور بوتنت، مگہ نتیجہ ایش بوتیت کہ آوان شہ ووٹئ پرینگا انکار کرتنت، دلچسپین ھبر ایش انت کہ اللہ واسع ناما فیڈریشن آف پاکستان بہ مقدمہ فیصلہ اسلام آباد ھائ کورٹ پہ احمدیہ فرقہ بہ وتی ناما قادیانی یا میرزائ نامئ جوڑینگا پہ آوان مشورہ دات کہ آوان تاناکا احمدیہ دروست بینت و بہ گیشترکیانی سرا گیشتر اسلامئ اھانتئ ناما بازین ظلم بیت۔ بہ ایشی سیائگا سَکین کانونئ چیرا رپتار کننت، بیدئ ایشی جبرین وڑئ مذھب ئیش بدل کننت۔ یک عامین ھبرئ انت، نہ تاناکا احمدیہ ائن براس، بلکہ گون شیعہ ئن براسان ھم گندگین رپتار بیت و شہ شدت پسندانی نیمگا، آوانا گیر ملسمان زاننت وباز سَکین رپتارئ گون آوان بیت۔ نہ تاناکا گون مذھبین اقلیتان بلکہ گون وتی جیندئ شھروندان ھم گندگین رپتار دارنت، نون بلوچین مھاجران نشان گرگا انت و گون آوان گندگین رپتار دارنت۔ ای حیرانئ ھبرئ وڑ انت کہ ای وڑئ مُلکئ کہ وت بہ وتی اقلیتئ براسانی حلاپا گندگین رپتارئ داریت بہ نوکین دھکی ای گامئ سرا سوج بال آورتگیت۔

سرئ وزیر عمران خان بہ کومین راجسٹرئ معاملہ گندگین واویلائ زورتگیت، بہ ۱۹۴۷ سالا شہ پاکستان، اوگانستان و بنگلادیش اقلیت ئن براس مھاجرت کرتہ و بہ ھند آتگنت پہ چہ کہ آوانی زند بہ خطرا بوتہ و ای بل مکسد پہ آوان شھروندیئ دیگ انت کہ پہ آوان م مُچین آسانی برابیر بنت و آوان ھم چو عادین ھندین شھروندئ وتی زندا دیما برنت۔