سرگال:ٓف اوگواس ائے بارو آ کانفرنس ھچھ ہم صلاحی آ بغیر آسر بی سا

اسپین ائے بنجہ میڈ رڈ آ آف او گواس ائے بارو آ ہماں کہ کانفرنس بیسا آں کم او بیش دو ہپتغ ائے اسا۔اقوام متحدہ ائے اہتمام بُنا بیسغیں ہمیں کانفرنس آژ باز امیت جڑسی آ اساں کہ ۲۰۱۵ آ پیرس کانفرنس آ ہماں کہ منغ نامہ بیسغئے سا آنہی چکا عمل آنی جائیزہ گتؤ دیگر گام گیج کھُزی آ برواں تاکہ ماحولیاتی ایں حالت آنر وشتر کھنغ آپا شَر ایں پروگرام ترتیب داسی آ برواں۔مگہ ہموزا آژ عالمی ایں اُمت آر ہماں کہ پھیغام مِلسا آں باز مایوس کھنوخ اسا۔شے دھکی کانفرنس آ کاپ ۲۵ ائے نام داسی آ شزا۔ہمیں پروگرام ائے عمل آنی اٹکل ہمیں ٹؤک آژ کھنغ بیس بی کہ اقوام متحدہ ائے سیکریتری جنرل انتینو گوترس آ باسک ملک آنر ہمیں ٹؤک چکا آمادہ کھنغ ائے مچھیں کوشست کھُزا کہ ہمیں کانفرنس آگو مزن ایں نشانہ طئے کھنغ بیس بی آں تاکہ پیرس منغ نامہ ائے اسپرٹ ائے روگا کار اگا بیس بی۔آنہی آ مزن ایں مایوسی پدھر کھُزااو گوشتئی کہ کاپ ۲۵ ائے نتیجہ آژ من مایوس بیسغاں پھرچھے کہ بین الاقوامی براسی آ ہمیختر خاصیں موقع وتی دست آژ السا۔کم او بیش دو سد ملک آنژچھڑوئی آ ۳۷ آ گام اگا ودھینتھا او ہمیں ٹؤک ائے رسمی ایں عزم کھزیش کہ آں گیس ائے درا کھنغ ائے ۲۰۲۰ پیصد نشانہ پھیلو کھنغ ائے کوشست کھناں۔آنہی مطلو اے اسا کہ عالمی پھیمانہ چکا نشانہ پورا کھنغ ائے ہماں کہ نشانہ اسا آنہی ائے ہمیں ملک آنگو سیزد پیصد بہر ائے احاطہ بیس بی،مگہ ایزا اے ٹؤک دی دماغ آ ایر کھنغ لوٹھی کہ ہمیں بارو آ مزن ایں عزم والا ملک ملک آنی اندرا بازی آ تر ترقی پزیر ملک آں یا گُدا ہماں ملک آں ہماں کہ آئی لینڈ ائے زمرہ آ کھایاں۔ہماں نی اخراج ائے شرح آنگا دی چھڑوئی آ نام ائے غیں۔سجوں آنژ گیش کاربن درا کھنغ والا ملک امریکہ ایں۔آنہی آ پھدا چین او ھند ایں۔مگہ ہموزا تکا ھند ائے سوال ایں تہ آنہی آ وتی ارادہ مچھیں وڑا مچھیں وڑا پدھر کھُزا ۔آنہی گشغ ایں کہ پیرس منغ نامہ ائے روگا آں وتی نشانہ پھیلو کھنت ۔۲۰۔۲۳ تکا ہماں وخت نوخیں سرا آژ نشانہ طئے کھنغ ائے جائیزہ گتی آ رؤ تہ آں وتی گیش عزم آگو اگا بی۔ہمیں کانفرنس آ ہمیں حد تکا دیم روی بیسا کہ ۲۰۱۵ آ ہماں عزم آ پدھر کھزی آ شزغئے سا او آنہی روگا ہماں کہ نشانہ طئے کھزی آ شزغئے سا آنہی آ چھی اے کمی بیشی آ پھدا اگی ایں سال تکا ہم صلاحی آگو یک نشانہ طئے کھزی آ شزا مگہ ۱۹۷ ملک آنی نیمگا ہماں کہ ٹؤک بیسا آں ہم صلاحی پیدا کھنغ آ ناسوب رہسغاں کہ کاربن مارکیٹ آپا ضابطہ ٹھائینتھی آ برواں ہمائی ائے کہ انتظار اسا پھرچھے کہ مشکل مسلہ آنی ھچھ حل پھولغ نویسا۔