سرگال: ایف آی ٹی ایف شہ پاکستانئ بہ دھشتگردیئ فنڈنگ سوجہ بھرا گیشترین روشنئ پرینگئ لوٹوک۔

پہ کیفرئ رسگا خدا خدا کرتہ رندا شہ تچکین وھدہ ممبئ ھلگرئ ماسٹر مائند و لشکر طیبہ بانی حافظ سعیدیی حلاپا مقدمہ بہ لاھور دھشت گردیئ حلاپئ عدالتا چُنت روچ دیما بناہ بوت۔ حافظ سعیدیی حلاپا بازین مقدمہ درج انت کہ شہ آوان دھشت گردیئ دیمگیریی و فنڈ برابیر کنگا معاملہ ھم ھور انت۔ ھوشا بیت کہ حافظ سعید و آی ڈل شہ اکوام متحدہ کمیٹہ نیمگا عالمیں دھشت گردیئ فھرستا ھور بوتگنت و شہ تچکین وھدہ شہ عالمین براسانی نیمگا بہ پاکستانئ سرا سَکین ڈبہ انت کہ حافظ سعید و آی مشتبہ ئن منع بوتگین جماعت و تنظیمانی حلاپا سَکین کاروائی لوٹت و پہ راستی سزا گندیت۔ لاھورئ دھشت گردیئ حلاپئ عدالت حافظ سعید و آی ھمراھان اھمین کمکاریی عبدالسلام بن محمد، محمد اشرف و ظفر اقبال حلاپا دھشت گردیئ فنڈ برابیر کنگئ معاملہ کہ ای جرم دسمبرئ ۱۱ عائد بوتگیت۔ بری بھرا پنجابئ پولیس پہ محکمہ یک گواہ دیما کرتگیت کہ رندا شہ سماعتا عدالتئ یک اپسرئ نیمگا ای رانشاندیوکی بوتگیت کہ سلسلہ وارین وڑئ سماعت بیت مگہ بری نیاما بہ کاروائی وکیل بہ مُلکا گیرپیمانہ اسٹرائک وجا رکاوٹ ودی بوتگیت۔ بہر حال دپٹی پروسیکیوٹر جنرال آف پنجاب پہ عدالتا گشتگیت کہ لشکرئ طیبہ بانی حافظ سعید و آی دیگہ سنگٹ و کمکارانی حلاپا پہ دھشت گردیئ فنڈ برابیر کنگا و منی لاندرنگ بیست و سہ معاملہ بہ پنجاب صوبہ ھر شھرئ ایف آی آر درج کنگا بوتگنت۔ 

حافظ سعید ۱۷ جوالئ گپتگ بوتگیت و نون بہ لاھورئ کورٹ بہ لکھ پٹھ جیلئ تھا بندی انت۔ بہ آوانی سروکیا دیما روکین تنظیم جماعت الدعوئ لشکر طیبہ فرنٹ تنظیم گشتگ بیت۔ لشکر طیبہ بہ ۲۰۰۸ سالا ھندوستانئ اکتسادین بنجاہ بہ ممبئ ھلگرا کہ یکصد و شصت و شش مردم کشتگ بوتنت کہ شہ آوان شش آمریکائی اتنت نون انچوش احساس بیت کہ حافظ سعید و آی کمکارانی حلاپا سمجتگین کاروائی تسر بیت کہ اصلین وجئ ایش انت کہ بین الاکوامین کچانہ پاکستانئ سرا سَکین ڈبہ انت کہ بہ دھشت گردیئ دست داروکین منع بوتگین تنظیمانی حلاپا سَکین کاروائی بیت و بہ فنڈنگ و منی لاوندرنگ بھرا سَکین کاروائی ھم بیت۔ 

ٹاسک فورس تھدید کرتگیت کہ تہ آیوکین فرورئ ماہ وخت داریت کہ دلئ وڑئ سَکین کاروائی کنت۔ حافظ سعیدیی حلاپا کاروائی بناہ بوتگیت کہ شہ مُچان مزنئن وجئ اف آ ٹی اف سَکین تیوری انت اگہ نہ پاکستان حافظ سعیدیی حلاپا پہ کاروائی کنگا ھر وھدہ سست بوتہ و مزنئن گواھی ایش انت کہ ممبئ ھلگرئ دست داروکین کسانی حلاپا کاروائی کنگا پاکستان ھر وھدہ ٹال و مول دیگا ات و ایف ای ٹی ایف نوکین حل ایش انت کہ پاکستان گشتگیت بہ مدرسہ آنی باروا پورہ ئن وڑئ معلومات و اعداد و اشمار دیما کنت۔ ھما کہ گون منع بوتگین تنظیمان ریشگ دارنت و گشیت کہ چی گام بہ آوانی حلاپا زورتگیت معلومات دنت۔ بہ گئوستگین چُنت ھپتگا ای گام گرگانی رپوٹ دیما بوتیت شہ ایشی درا بیت کہ آی مطمئن نہ انت و پہ امیشا گیشتر وضاحتئ لوٹوک بوتگنت و تفصیل ئن وڑئ معلوماتئ بہ دست آرگا لوٹنت، ایش علامت انت کہ دیگہ عالمین ادارہ پاکستانئ سستی و ٹال و مولئ حکمت عملا پہ آسانی شہ چما نہ پریننت۔ آوان پاکستانا پہ سَکین گام گرگان مجبور کنگا انت کہ شہ چما پرینگیش دیگہ پہ پاکستانا ممکن نہ انت۔