سرگال:ھند او مالدیپ ائے آپسی ایں کمیشن ائے شش می بیٹھک

ھند او مالدیپ ائے نیمگا آپسی ایں کمیشن ائے شش می بیٹھک نی ایں روش آں نوخیں دلی آ بیسا ۔ہمیں بیٹھک ائے آپسی ایں سروکی مالدیپ ائے مالیاتی ایں وزیر عبداللہ شاہد او آنہی ھند ائے ہم منصب داغدار ایس جے شنکر آ کھُزا۔بیٹھک ائے نیمگا ہمیں ہڑ دوکین ملک آنی نیمگا دو نیمغی ایں تعاون ائے مچھیں ٹک آنی جائیزہ گتی آ شزا۔صالح سرکار ائے ٹھعغ آ رندا گوستی ایں یک سال ائے نیمگا مالدیپ ٓا جمہوری ایں عمل مضبوط بیسا۔ہمائی سبب آژ ہڑ دوکین ملک آنی نیمگا چنتی شعبہ آ دو نیمغی تعاون آ گیش کھنغ آ مدد مِلسا۔ترقیاتی مدد آگو مالدیپ ائے سماجی شعبہ ائے ترقی ائے پھجی آ ہڑ دوکین ملک دری ایں سیکیورتی او دپاع ائے شعبہ آ دو نیمغی تعاون آ گیش کھنغ ائے کوشست کھنغاں ،مالدیپ آ صدارتی گچین کاری ائے رندا ھند آ مالے آپا یک اعشاریہ چھیار ارب امریکہ ائے زر او سکہ ائے پیکیج ائے جار جھزا،اشی ائے پھجی آ نوخیں دلی آ بنیاتی ایں خاکہ ائے پروجیکٹ آنی آپا ہشت سد ملین ڈالر ائے قرض ائے دی جار جھزا ہمیں مدد آگو مالدیپ ائے جتا جتا جزیرہ آنی نیمگا نی ایں ترقیاتی بے براوری آ دیر کھنغ آ مدد بی۔اقوام متحدہ ائے ہمیں سال ائے انسانی ترقی ائے بارو آ رپورٹ ائے روگا مالدیپ آ بے براوری نی دی باز گیش ایں۔دمغ آ گیش بیسغیں غیر رسمی خطر آنی سبب آژ ہڑ دوکین ملک آنی نیمگا سیکیورتی ائے شعبہ آ تعاون باز ضروری بیسا۔ہمیں خطر آنر دیستؤ ھند آ ،الدیپ آ کوست گارڈ ائے یک جہاز یک سوب مند سوکھڑی ائے وڑا داسا تاکہ آں دری ایں سیکیورتی آ وشتر کھُز کھنت۔ہڑ دوکین ملک آنی نیمگا دپاع ائے تعاون آ بنیاتی ایں خاکہ ائے تعمیر مالدیپ ائے نیشنل ڈیفنس فورس ائے تربیت او کوسٹل سیویلنس راڈار سسٹم ائے قیام اوار ایں۔آپسی ایں کمیشن ائے بیٹھک آ ہڑ دوکین ملک آں انسداد دھشت گردی ائے بارو آ مشترکہ ورکنکگ گروپ ائے بیٹھک ائے تاریخ ظئے کھنغ ائے فیصلہ کھُزا۔دھشت گردی آگو مقابلہ کھنغ آپا مالدیپ آ باز گام گیج کھزغاں ۔ہمیں بارو آ دھشت گردی آ دارغ آپا قانون آ بدلاؤ کھزؤ ملک شام آر یک مڑائی آژ تباہ حال دمغ منسی آ شزا۔او سرکار ائے اجازت آ بغیر ہموزا سفر کھنغ آ ڈوہ منسی آ شزا۔اشی پھجی آ صدارتی کمیشن آ داعش او القاعدہ آگو بستگی ایر کھنغ والا مالدیپ ائے شہری آنی حلاپ فرد جرم عائید کھنغ ائے ہدایت داسا۔محمد امین مالدیپ ائے اولی ایں شہری ایں ہمائی آ امریکہ آ دھشت گرد آنی سروک منسا۔ملک آ جنوری ۲۰۱۴ آژ مزہبی شدت پسندی ائے ۱۸۸ مسلہ دیما آتکغاں۔مشترکہ کمیشن ائے ہمیں بیٹھک چھیار سال آنی مدت آ پھدا عمل آ آتکا گُڈا دی اشی آژ ہڑ دوکین ملک آنی نیمگا تعاون آ گیش کھنغ آ باز مدد بیسا۔مالدیپ لوٹھی کہ سارک ائے روگا دمغ ائے تعاون نتیجہ دؤخ بی اغ لوٹھی تاکہ مڑدم آنر اشی نپ او کھٹ بیس بی۔ہمیں خاطرہ دو نیمغی او جاگاہی سطح چکا تعاون آ گیش کھنغ آپا ہڑ دوکین ملک آنر یک پھجی آ ملسؤ کار کھنغ ائے ضرورت ایں۔مشترہ کمیشن ائے ہپتمی بیٹھک ۲۰۲۱ آ مالدیپ آ بی۔