سرگال: سرئ ڈبہ آم پہ دھشت گردیئ دیمگیرئ معاملہ انگتہ اپکستان بری بھرا سنجتگ نہ انت۔

شہ پاکستانئ ھر کارئ ای تاثر بہ دست کائیت کہ بہ دھشت گردیئ سوجئ بھرا، رپتاریی بہ ھر گامئ گیر سنجتگ انت، ہ ممبئ ھلگر و مقدمہ دیما برگئ معاملہ و یا دھشت گردیئ فنڈنگ و منی لاونڈرنگ اوشتارینگئ بھرا شرین گامئ زورگئ ھبر، کہ بری سوجئ بھرا پاکستان بہ ای معاملہ بہ ھیچ مرحلہ احساس نہ بوتیت کہ پاکستانئ حکام پہ راستین وڑئ بہ ڈبہ انی پکرا بنت، برعکس ایشی ھر معاملہ دیستگ بیت کہ شہ تال و مول پالسئ آ دیما روت۔ نہ بہ اکوام متحدہ درائین رانشان دیوکیانی بھرا، گجام پاسدارئ و نہ بہ ایف آ ٹی ایف وارننگ لیاظا داریت۔

ایف آ ٹی ایف بہ گئوستگین جون آ بہ گرئ لسٹا آئ را یک وار پھدا ھور کرتیت و وارننگ ھم داتیت کہ آی تہ اکتبرا کہ اتیت و شوت مگہ بہ دھشت گردین ڈلانی بھرا، ھیچ گجام خاسین گام گرگئ نہ داشتگیت۔ بہ اصلا پاکستان شہ سَکین لابنگ، چین و دیگہ مُلکانی مددا ہ بلک لسٹ ھور بیگا رکت و یک وار پھدا ایف آ ٹی ایف وارننگ آ ای را داتیت کہ وتی ذمواریانا تہ آ وھدہ شرّین وڑئ بود کنگا بیت وگرنہ آی را بلک لسٹ تھا ھور کننت و دیگہ ھم رکتگ نہ کنت۔ بہ اصلا بیست و ھپت ٹکین یک ایکشن پلانئ کہ باید انت عمل کنگا بیت، بہ آی سیائگا بہ دھشت گردیئ فنڈنگ و منی لاندرنگ بھرا شہ یک اوشتارینگئ آتگ کنت۔ مگہ شہ پاکستانئ بی حسی و بی عملی وجا درا انت کہ تہ انون شہ بیست و ھپت ٹکین ایکشن پلان آ تاناکا پنچ یا ششئ عمل کرتگیت، یرنی کہ بری نیمگا انگتا دور و تچکین سفرئ را طئ کنگا باید انت بیت۔ درائن وڑئ ای وڑا نشان دیگا انت کہ بری معاملہ بھرا سنجتگ انت و شرین وڑئ کار کنگا انت و دیما روت مگہ رازئ کہ کار بیت شہ ایشی کچانہ جتگ بیت کہ تاناکا ٹال و مول کنگا انت۔

مثالئ وڑا ممبئ ھلگرئ ماسٹر مائنڈ و لشکر طیبہ بانی حافظ سعید و آی آ دیگہ ۱۲ شریک بہ گئوستگین جولائ ماہ ۲۳ بہ الزاما گپتگ بوتنت کہ بہ منی لاندرنگ بھرا سرئیش الزام ات۔ جماعت الودعوئ دھشت گردیئ حلاپا محکمہ سی ٹی ڈی شیٹ کہ جماعت الدعوئ و فلاح انسانیت فاوندیشن بہ فلاحین کارانی ناما فنڈ نزار آگا انت و پہ لشکرطیبہ منتقل کنگا انت۔ شہ لاھورئ دھشت گردیئ عدالتئ نیمگا شرین چارج شیٹئ درائین اتیت مگہ بہ آ روچا حافظ سعید و آی دیگہ سنگتانا بہ عدالتا دیما کنگا نیاورتنت کہ آ روچئ کار ھمی وڑا منتیت۔

و نون ہ عدالتئ نیمگا دسمبرئ ۱۱ تاریخ طی بوتگیت و معلوم ھم نہ انت کہ بری روچا ھم کارئ بیت یا نہ و ای وڑا سست دیما روگا انت، شہ ای وڑئ کاروائیا پاک و ساپ درا انت کہ پاکستان کار کنت مگہ تکنیکین وڑئ معاملہ پھدا کپیت۔ مگہ عالم اینکس سادگ نہ انت کہ پہ ای ھبرا دیگہ نوٹس مہ گیت و ای دیگہ مُلک ھم تہ یک حدئ پاکستانا شہ بلک لسٹ آ رکنتگ کننت، ڈان روچ ٹاک ھال دنت کہ شر پسندین کَس بہ ھالٹاکی دپترا ھلگر کرتہ و آوانی گناہ تاناکا اینکس بوتگیت کہ گشتگنت کہ گناھکار پاکستان بوتگیت۔ گڈان بہ لنڈن برجا ھلگر کرتگنت و خرابکارئ دیمرئی دیگا بوتنتو پہ آی کھئول آ گشتگنت کہ دھشت گردین عثمان خانی لَشا بہ مقبوضہ کشمیر بیارنت و کبر کننت و اودان پاکستان وتی حکما چلینیت۔ درا انت کہ ای مُچین ھبر پہ ایف آ ٹی ایف دپترا رستگنت و بہ جائ نوٹس گرگا انت۔ عالمین براسانی چمان ھر وھدہ پور ریچگئ کوشست سوبین نہ بیت۔ اگہ مروچی مہ بیت باندا بہ وتی ای کارانی جوابا رسیت۔