سرگال:افغانستان ائے صدراتی گچین کاری

افغانستان آ صدارتی گچین کاری ائے بنگیج ائے نتیکہ آنی جار ائے پھجی آ ہی ہمیں مڑائی آژ تباہ ملک آ نوخیں جمہوری ادارہ آنر مستحکم کھنغ ائے وٹا یک سنگ میل طئے کھزا۔افغانستان ائے آزات گچین کاری کمیشن آ جار جھزا کہ صدر اشرف غنی آ کھُل ووٹ آنی پنجہ پیصد بہر آگو گچین کاری آ سوب مند بیسادرگتہ کہ صدر غنی ائے حریف او پیسر ائے ڈن ائے وزیر داغدار عبداللہ عبداللہ دو لکھ آنژ دی گیش ووٹ آنژ ناسوب بیسا۔یک اینگے ملک آپا ہماں کہ طالبان ائے تشدد آ دیما کھنغیں سویلین سرکار ائے بالا دستی قائیم کھنغ ائے کوشست کھنغیں،ہموزا ائے آزات گچین کاری کمیشن گچین کاری ائے دھاندلی آنی آپا باز محتاط ایں او آنہی مچھیں کوشست رہسا کہ گچین کاری شَر ایں بھیرا پھیلو بی۔ ہمائی نتیجہ اے بیسا کہ ہزارہاں ووٹ ماکھنوخ بایو میترک ائے تیسٹ آ فیل بیسغاں۔ہمیں مچھیں گام آنی باوجوت گچین کاری اندرا دھاندلی آنی شکایت ملسا،ہمائی چکا گچین کاری کمیشن آ ویچار کھنغ ائے وعدہ کھزا۔ہمیں شکایت آنر دیر کھنغ آ باز وخت مان آخت بی ۔مچھیں شکایت آنی چکا ویچار کھنغ آ پھدا اگر اے کل بیسا کہ صدر اشرف غنی آ کھمیں ووٹ ملسغاں تہ دو دیگر بڑزا بیسغیں امیت وار آنی نیمگا پدوارغ مقابلہ بی۔چوش کہ ہمیں عمل باز دراژ ایں ،مفاد پرست عنصر سیاست آ بے باوری ائے حالت پیدا کھزؤ ملک ائے جمہوری عمل آنر متاثر کھز کھناں۔ہمیں خاطرہ ہمیں ٹؤک چکا دی دھیان دئے اغ ائے ضرورت ایں کہ او اینگے عنصر آنی چکا نیاہ ایر کھنغ ائے ضرورت ایں ہماں کہ اینگا کھنغ آ لوٹھاں۔سروزیر نریندر مودی ائے ہمیں گام وشادگی ائے لائیق انت کہ کہ آنہی آ نتیجہ آنی جار آ یک دم پھدا صدر غنی آر مبارک داسا ۔صدر غنی ائے نام وتی پھیغام آ واجہ مودی آ آ گوشتا کہ ھند یک سنگت او ہمسائیگ ملک ائے ناطہ افگانستان آر یک جمہوری ۔متحد،وشحال۔ودمختار ،پرامن ملک گندغ آ باڑہ ایں،آنہی آ گوشتا کہ آنہی ملک افغانستان اندرا امن ائے عمل آنی حمایت کھنت۔یک اینگے امن عمل ہمائ اندرا وا افغانستان ائے مڑدم اوار بی آں ۔واجہ مودی آ گوشتا کہ افغانستان ائےاستریتجک سنگت ائے وڑا ھند دمغ آ ترقی سلامتی آ گیش کھنغ آپا دھشت گردی آ دیما کنغ آپا کابل ائے حمایت کھنت،