سرگال: مودیی ڈنئ کارانی پالسئ ترجیحات۔

شہ سرئ وزیر واجہ نریندر مودیی ڈنئ کارانی پالسئ آ ای ھبر درا بوتہ کہ آ بری پکر و حیالا انت کہ پہ گام زورتنا بہ سوبئ راہ باید انت کہ پالسی ھر وھدہ گون بدل بیگین وھدہ بدل بنت و حکومت حالاتانا دیستہ وتی ترجیحاتانادرا کنت۔ ۲۰۱۴ سالئ تھا سیمین و بین الاکوامین حالات دیگہ راز اتنت و بہ ۲۰۱۹ سالا دیگہ راز انت، ھمی راز بہ ۲۰۱۹ سالئ تھا ھندیی حکومتئ ترجیحات ھما بوتگ نہ کننت کہ بہ ۲۰۱۴ سالا اتنت۔ شہ ای وجا بہ سرئوزیر واجہ نریندر مودی حلف بردارئ تقریب تھا تھانکا ھم پلّین مُلکانئ سربراھانا دعوت نہ کرتگنت و دیگہ اھمین مُلکانی سربراھانا ھم دعوت کرتگنت مگہ بہ حلف بردارئ تقریب تھا بنگلہ دیش، بھوٹان، میانمار، نیپال و تھائیلینڈ سربراھانی دعوت کنگ یک کوتئ شہ ھندیی " ھم پلّین مُلک اول" پالسئ سیائگا تسر بوتگنت۔ 

تیزین وڑئ دیم بہ دیمرئین بین الاکوامین حالاتانی پس منظر آ پہ ھندوستانئ دیمرئیا نوکین امکانات ودی کنگ زروری انت، امکانات دائرہ تہ ھر کچانہ کہ مزن بیت بہ ھما کچانہ ھندیی دیمرئی دائرہ مزن بیت، ھمی راز شہ ھندیینوکین سرئ وزیر واجہ نریندر مودی حلف بردارئ تقریب آ بیدئ گجام وھدہ شہ دست داتنا ھندوستان ای ھبرا درا کرتگیت کہ آی ھم پلّین مُلک پہ آی تہ چی کچانہ اھم انت و آ دیگہ مُلک ھم بہ ھندوستانئ ترجیحاتئ سیائگا انت کہلوٹوک انت گون ھند شرّین بستگی داشتگ بنت و تعاون کننت و بہ ھمی پس منظر آ ۶ بمسٹیکئ مُلکانی سربراھانا ھم بہ حلف بردارئ تھا دعوت کرتگیت۔ 

شہ ھمی وجا ای راز درا بیت کہ بمسٹیک و سارک دوکین پہ ھندیی مُلکا یک برابیر انت۔ ای راز پکر کنگئ دیگہ اھمین وج ایش انت کہ بہ گئوستگین چُنت سال تھا سارک بی معنا بوتگیت۔ 

ھندوستان بہ برزین کچانہ کوشست کرتگیت کہ آی ھم پلّین مُلک مُچین وشھال بنت گون یکئ آ دیرا شرّین بستگی داشت بنت و گون یکئ آ دیگرا تعاون کننت، سرئ وزیر واجہ مودیی گون خیرین پکر و حیالان شہ پاکستان دورہھم کرتنت، اگہ پاکستان ھم شرّین وڑئ ای کوشستانی پسوئ آ داتگ بوتن دوکین مُلکانی بستگی گیتیر بوتنت مگہ پاکستانئ تھا موشکول ئن دھشت گردانی دھشت گردین ھلگر بہ ھندیی تھا رادگ منتنت کہ شہ آی وجا نہ تھانکا ھندو پاکستانئ بستگی متاثر بوتنت بلکہ سارک ھم متاثر بوت و گون سَکیان دیم پہ دیم بوت۔ بری حالاتان فطرین وڑئ بمسٹیکئ اھمیت گیش بیت و حتما شہ ھمی وجا بہ حلف بردارئ تقریب دعوتانی تھا پہ بمسٹیک مُلکان بازیناھمیتئ داتگ بوتگیت۔ گون آوانی دعوت کنا ھندوستان بہ ایکٹ ایسٹ پالسئ راھ یک گامئ دیگہ زورتگیت۔ ای یک کوتئ شہ ھندیی کوشستان پہ دست ودی کرتن بہ وسطی ایشیائ سیمان انت۔ 

شہ حلف بردارئ ترقیب آ تھانکا سرئ وزیر واجہ نریندر مودی ای اشارہ رسینتگنت کہ آوان وتی امیت دائرہ تھانکا تہ وتی ھم پلّین مُلکان محدود ساتتنئ لوٹوک نہ انت، ھمی راز بہ حلف بردارئ ترقیب تھا شنگھائی کوآپریشنارگنائزیشنئ چیئرپرسن کرغستانئ جمھورین سدر سورنبائی جینبیکوف ھم دعوت بوتگنت۔ شہ ایشی ای ھبر درا بیت کہ ھندیی حکومت شنگھائی کوآپریشن ارگنائزیشنئ اھمیت آ نظرانداز نہ کرتگیت۔ 

ماریشسئ سرئ وزیر پروِند کمار جگن انت۔ آوان ای سالی جنورئ ماہ بہ " پرَوَاسی بھارتیہ کنفرانس" تھا بہ خاسین مھمانئ پیما کوت گپتنت۔ آوانی دعوت کنگ بہ حلف بردارئ ترقیب آ ھند و مارشیسئ مستحکمین بستگیانی ثبوتانت و ھمی وڑا درا کنت کہ ای مُلک شہ ھندیی حکومتئ دائرہ اھمیت آ ڈنا نہ انت۔ آ شہ ھندوستان و مارشیسئ ثقافتین و تاریخین بستگیان شرّین وڑئ سی انت و دو نیمگین تعاون آ بہ نوکین بھران بناہ کنگئ لوٹوک انت۔ شہ ایشیدوکئن مُلک کۓ برنت و ای ھبرا آ مُلکئ سرئ وزیر پروند کمار جگن ھم زاننت۔ 

شہ سرئ وزیر واجہ نریندر مودی دومی دورہ حلف بردارئ شریکانی سرسرین وڑئ پٹ و پول کنگا ھم ای ھبر درا بیت کہ بہ ھندیی ڈنئ کارانی پالسئ تا مروچی ھم ھندوستانئ ھم پلّین مُلک بہ برزین کچانہ اھم انت و ھمی وڑاھندوستان گون ھما مُلکان کہ گون ھند شرّین بستگئ داتگئ لوٹوک انت ھم سرئ وزیر واجہ نریندر مودی مستحکمین بستگئ دارگئ لوٹوک انت، شہ ھمی وجا ای ھبر مناسب نہ انت کہ ما پکر کننت ھندوستانئ حکومتئ ڈنئ پالسیتھانکا بہ سارک و بمسٹیک محدود انت۔