سرگال: مودیی سرکارئ دومی دورہ سوگندئ دود برجا بوت۔

عامین گیچئن کاریانی تھا دومی وار گون زبردستین سوبئ سرئ وزیر واجہ نریندر مودی بہ سرئ وزیرئ پیما سوگندئ دود آ برجا کرتنت۔ زیئن روچا بہ حلف برداری یا سوگندئ دودئ تھا سرئ وزیر واجہ مودی بہ راشٹرپٹیبھون تھا ھور گون کابینہ وزیران حلف گپتنت۔ جمھورین سدر واجہ رام نات کویند ھور گون سرئ وزیر واجہ نریندر مودی پہ مُچین وزیران سوگندئ دود آ برجا کرتنت۔ بری سوگندئ دودئ تھا بمسٹیکئ مُلکانی سربراہ خاسینمھمان اتنت۔ بہ وزیرانی کونسلئ تھا ھما مردمانا شامل بوتگنت کہ پہ راستی با صلاحیت انت۔ ای سوگندئ دودئ یک دیگہ خاسین ھبر ایش انت کہ ای واریت بہ وزیرانی کونسلئ تھا گڈین بئ کارانی سکرٹر سبرامنیم جئ شنکر ھمشامل بوتگیت۔ 

واجہ جئ شنکر بہ ڈنئ کارانی وزارتئ تھا بہ سکرٹرئ پیما اھمین کوتئ داشتنت۔ بہ دو نیمگین بستگان گون چین آوان اھمین کوتئ داشتنت شہ ھمی وجا آوانی شامل کنگ بہ کابینہ تھا بہ برزین کچانہ اھم زانتگ بیت۔ بی جئ پئسربراہ امیت شاہ ھم بہ کابینہ تھا شامل بوتگیت۔ امیت انت کہ حکومتئ تھا آوان شرّین وڑئ کوت بگرنت۔ واجہ مودی گیشترکین وھدان ای ھبرا گشتگنت کہ مُلکئ عوام شہ آوان بازین توقعات دارنت۔ و ھمی وج انت کہ آوان پہدومی وار مدد کرتگنت کہ بی جئ پئ سوبین بیت۔ شہ ھمی وجا ای رازئ وزیر باید انت کہ بہ کابینہ تھا شامل بنت کہ استمانئ لوٹگ و آرمانانا پورہ بکننت۔ وھدہ کہ بہ مُلکئ وزیرانی کونسلئ جور کنگئ بھرا فیصلہ بوتگیت بہآی تقریبا مُلکئ مُچین نمایندگیانی سرا غور بوتگیت۔ بہ ایشی ورنا انی شمولیتئ سرا ھم خاسین وڑئ غور بوتگیت۔ سرئ وزیر واجہ نریندر مودی ای ھبرا درا کرتگنت کہ آوانی سرکار یک سرکارئ انت کہ پہ مُچین استمانئدیمرئیا کار کنت و شرّین وڑئ حکمرانی کنت۔ 

ای واری وھدہ کہ وزیر گیچئن بوتگنت تسلسل و تبدیلی دوکینانی سرا پکر و غور بوتہ۔ یعنی کہ، راجناتھ سینگھ، نتن گڈکری، رام ولاس پاسوان، نریندر سینگھ تومر، پیوش گوئل و اسمرتی ایرانی ھما وزیر انت کہ پہ دومی واربہ وزیرئ پیما بری دورہ تھا کار کننت وھدہ کہ گجیندر سینگھ شیخاوت، گری راج سینگھ و مھندر نات درجہ برز شوتگیت و آوانا کابینہ وزیرئ پیما داتگ بوتگیت۔ بہ کابینہ تھا ۵۸ باسک انت کہ شہ آوان ۲۴ کابینہ وزیر انت و۹ آزاتین ان چارج و ۲۴ دیگہ مملکتئ وزیر انت۔ بہ عامین گیچئن کاریانی تھا رازئ کہ بی جئ پی زبردستین نیمہ داری بہ مُچین ریاستان حاصل کرتگیت، و ھمی وج انت کہ مودیی حکومت کوشست کرتگیت کہ پہ مُلکئ ھرکوتئ وعدہ نمایندگی دنت۔ حکومتئ تھا پرتاپ چندر سارنگئ شمولیت مُچین مردمانا حیران کرتگیت۔ آوان بہ اڈیشہ بالاسور سیمان بہ یک کاھگلین گئسئ تھا وتی زند آ دیما برنت۔ آوان یک مثالئ شہ ھما مردمان انت کہ گونسادگی وتی زند آ دیما برنت۔ مھاتما گاندھی ھم ای وڑئ زندئ وکالت آ کرتگنت۔ واجہ سارنگی سادگی و آوان حذمت پہ عواما ھور گون سرئ وزیر چُنتی دیگہ مردمانی دل آ برتگیت۔ وزیرانی نوکین کونسلئ حلف برداری آ ھورلوک سبھائ ھپدھمی گیچئن کارئ تسر بوتگیت۔ 

نون نوکین کابینہ اولی دیوان پارلیمنٹئ مختصرین اجلاس آنا تسر کنگئ تجویز کنت کہ لوک سبھائ نوکین باسک حلف گرنت۔ ای ھبر یات کنگئ وڑ انت کہ شہ ۹۰۰ ملین آ گیشتر شہ ۶۷ فیسد شہ واجہ مودیی دیمرئی ایجنڈہ نیمہداری کرتگنت۔ مودیی حکومت یک وارئ دیگہ انچین وھدہ وتی ذمہ زورتگیت کہ عالمین اکتساد گون سَکیان دیم پہ دیم انت و ای ھبر پہ نوکین حکومت آ تشویشئ وڑ انت۔ بہ نونین وھدہ ھند و آمریکہ نیاما سوداگرین جنگ رادگانت و شہ آمریکہ تحریمان رندا کہ بہ ایرانئ سرا عائد کرتگیت خلیج فارس سیمان ھم کشیدگی گیش بوتگنت کہ آ ھندیی افراط زر سرا ھم تاثیر اشتگ کنت۔ بہ وتی اولی دورہ وھدہ مودیی سرکار بہ افراط زر کنٹرل کنگا سوبینبوتت۔ امیت روت کہ ای واری ھم سرئ وزیر واجہ نریندر مودیی بہ افراط زر کنترل کنگا سوبین بنت۔ بری بھرا ھم امیت روت کہ حکومت بہ کشارگرئ بھران پہ کشارگرانی فلاحیت و و بھبود آ اھمین گام بزوریت۔