سرگال: پاکستانئ پوجئ ظلم بہ پشتونئن کارکنوکانی سرا۔

پاکستانئ پوج بہ چُنتی بھران شہ عالمئ دیگہ پوجان توپیر داریت۔ دنیائ گیشترکین پوج وتی مُلکانا شہ ھر وڑئ خطرئ کہ گون آوان دیم پہ دیم بیت رکیننت و پہ آی حفاظت و امنیت آ ھر وڑی زرورین گامئ کہ پہ کار بیتزورنت۔ مگہ برعکس پاکستانئ پوجئ ھمئ وتیرہ بوتہ کہ پہ جنگ آ نوکین بھانہ ودی کنت و پہ دست و زینچیک بوتن گون ھم پلّین مُلکان گیشترکین وھدان آ بعضین وھدان راستامین وڑئ و بعضین وھدان درپردہ بہ جنگا انت۔ 

آ تھانکا بہ ایشی اکتفا نہ کنت و آی پسندین موشکولی ایش بوتہ کہ بہ وتی مُلکئ تھا ھم گون گجام نہ گجام ڈ یا حلقہ بہ جنگا بیت۔ 

اگہ کچانہ جننت ایش درا بیت کہ گیسویین وڑئ پوجئ بنیادین جنگ گون جمھوریت و جمھوریت پسندان انت۔ مثالئ وڑا بہ گئوستگین صد سالئ دھہ ۶۰ و ۷۰ آ آی اصلین جنگ گون پاکستانئ روچ دراتئ سیمان ات کہ وتیجمھورین حکانی لوٹوک ات۔ تہ ای حد کہ وھدہ کہ پاکستانئ روچ دراتئ سیمانی سیاسین گل گون گیشترکین ووٹان بہ عامین گیچئن کاریان سوبین بوت واک پہ آی داتگ نہ بوت پہ چہ کہ پاکاتانئ پوج بری پکر و حیالان ات کہپاکستانئ روچ دراتئ مردم نسلین وڑئ آوانی اعتبار کمتر ات و پورہ مُلکئ کارانا بہ آوانی دستا داتگ نہ کرتنت۔ 

ایشی نتیجہ ایش ات کہ دھہ ۷۰ بناہ بیگئ وھدہ پاکستانئ روچ دراتئ سیم شہ پاکستان جیتا بوت و یک آزاتین مُلکئ بوت، مگہ رندا ھم پاکستانئ پوجئ جنگ پسندیئ عادت شہ سرئ نہ شوت۔ 

آ وتی جنگا بعض وھدان بہ بلوچین استمان حلاپا و بعض وھدان بہ پشتون ئن عوامئ حلاپا رادت ساتت۔ 

ھر جاگہ داستان ھم کم و بیش یک راز انت۔ پاکستانئ پوجئ یک گیر اعلان بوتگین حکمت عملی ایش انت کہ آ ھر جاگہ کہ یک حلقہ یا یک ڈلئ وتی جمھورین حکانی لوٹوک بیت و یا پہ آوان لڑگا بیت پوج ھما دم بہ آی حلاپااوشتیت و بہ آی سرا مُلکئ دشمنئ الزاما جنت و پورہ ئن مُلکئ تھا آی را بدنام کنگئ کوشستا کنت و پاکستانئ دشمنئ لیبل آ بہ آوانی سرا لچینیت۔ خلاصہ ئن ھبر ایش انت کہ کومین سیکورٹئ نامئ سرا آی زند آ سَک کنت۔ نونینوھدہ قبائلین سیمانی کسانین پشتون و کارکنوک آی نشانئ چیرا انت۔ بہ قبائلین سیمان بہ دھشت گردیئ حلاپا جنگئ ناما پاکستانئ پوج بہ دھشت گردان ٹپ رسینتگیت یا نہ ای جیتائن ھبرئ انت مگہ بی گناھین پشتون ئن ورنانا پوجگیچئن گیچئن کرتہ کشتنا بناہ کرتگیت و آوانا دھشت گردئ ناما داتگیت۔ بری ظلمانی حلاپا پشتون ئن ورنا پشتون تحفظ موومنٹ ناما وتی یک تنظیمئ را قائم کرتنت کہ بہ چُنتی شھرانی تھا پر امنئن وڑئ مظاھرہ و احتجاج کنت ولوٹوک انت کہ دیگہ مردمانی توجہ بری بھران مجذوب بیت۔ 

مگہ پاکستانئ پوج و آی ایجنسی بہ ھر گامئ تھا بہ آی کارانی تھا دست مان دنت و نہ تھانکا ای تنظیمئ کارکنوکانا بہ جیلئ تھا بند کنت بلکہ راز رازئ وڑئ آوانا اذیت و آزار ھم کنت۔ بہ پشتون ئن کارکنوکانی سرا الزامانی بھوجانت و ھر روچ یک نوکین الزامئ بہ آوانئ سرا جتگ بیت۔ بہ ھمی وھدان بہ وزیرستانئ برزئ سیمان بہ کھیرقمر جاگہ پی ٹی ام تنظیم لوٹوک بوت کہ پر امنئن وڑئ احتجاج کنت مگہ پاکستانئ پوج بہ کارکنوکانی سرا ھلگرکرت کہ بہ آی نتیجہ پنچ مردم شہ جائین وارداتانی وجا ڈھیر بوتنت و کم شہ کم ۴۰ مردم ٹپی بوتنت۔ رندا شہ ای دپ دیگا بہ پورہ ئن سیمان کرفیو نافذ بوت۔ ٹپین کارکنوک بہ ھسپٹالان دیم داتگ بوتنت کہ بہ آوانی تھا چُنتی مردمبہ نازکین حالاتان انت۔ 

مگہ بہ پورہ ئن ھالان سنسرشپ بوتہ و پورہ ئن صورتحال پہ مردمان گشتگ نہ بوتگیت۔ شہ ای احتجاج آ جمھورین وڑئ بہ کومین اسمبلی آ گیچئن بوتگین پارلیمنٹئ باسک محسن داور کرتنت۔ چشم دید ئن گواہ گشتگنت کہ آواناکہ پارلیمنٹئ باسک انت و پی ٹی ایم کارکنوک انت آنا شہ یک جاگہ شوتنا اوشتارینتگنت کہ آوان بہ آدنا تقریر دیگا اتنت۔ پوج بہ آوانی سرا ای الزاما جتگیت کہ احتجاج کنوک بہ پوجین چیک پوئینٹ سرا ھلگر کرتگنت و شہ ایوجا پوج تیر ریچی آ بناہ کرتگیت۔ ای ھبر اول اسپیت نہ بوت کہ آیا پارلیمنٹئ باسک شہ سلیح بندین احتجاج کنوکان سروکی کرت؟ پوجئ گوشوک بہ پی ٹی ایم سرا ھمی وڑا الزام جتگیت کہ آ وتی نیمہ داری و فنڈ آ شہ اوگانستانو ھندوستان گیت۔ ای الزام طبق معمول بیدئ گجام بوت و ٹھیکی بہ آوانی سرا جتگ بوتگیت۔ سنسرشپ یک رازئ رادگ انت کہ حتی پارلیمنٹئ باسک اجازت نہ داریت کہ پرس کنفرانس تھا بیان دنت۔ و ھمی وڑا پہ میڈیائچینلان اجازت داتگ نہ بیت کہ آ پی ٹی ایم کارکنوکانا اینٹرویو کننت و یا بہ آوانی حلاپا گجام چیزئ شینک بکننت۔ تہ ای حد کہ بہ پی ٹی ایم یک کارکنوک گلالئی اسماعیل گئسان پولیس رسدتگیر و بہ آی سرا الزام جتگیت کہ آبہ پاستانئ حلاپا تقریر کنت و بہ آی حلاپا اف آی آر درج بوتہ۔ ای یک منظرئ انت شہ عمران خانی پکر و حیالان نوکین پاکستانا۔