سرگال: پہ گپ و تران کنگا گون پاکستان زروری انت کہ یک ماحولئ بیدئ تشدد و پر شہ باور و اعتماد آ جور بیت۔

پاکستانئ سرئ وزیر عمران خان بری بھرا اکثر ھبر کننت کہ ھند و پاکستانئ بستگی گیتیر باید انت کہ بنت و ای وڑا بہ سیمان وشھالی و دیمرئی آتگ کنت کہ بری راھ باید انت کہ شریکین وڑئ کار بیت۔ دیمترئ سالا وھدہ کہعامین گیچئن کاریانی نتائج درا بیگا اتنت و آوان احساس کرتنت کہ گیچئن کاریانی تھا سوبین بنت آوان وتی ای بیانا یک وارئ دیگہ گشتنت کہ آوان لوٹوک انت کہ گون ھند وتی بستگیانا دیمرئی دینت و ھمی وڑا گشتنت کہ اگہبری راھ ھندوستان یک گامئ بزوریت پاکستان دو گام زوریت۔ ھبر ای راز نہ انت کہ آوانی ای پیگاما ھندوستان نہ اوشکتگیت۔ ای ھبرا ھندوستان اوشکینتت و ھمی وڑا ای ھبرئ نوٹس آ ھم زورتت۔ مگہ آوانی اخلاص کچانہ شہایشی جتگ بیت کہ بہ آ ھبر و عوامل دیما آوانی رویی چی راز انت کہ شہ آی وجا بہ دوکین مُلکانی نیاما سَکی رادگ بیت۔ 

درا انت کہ شہ ای ھبرا عمران خان شرّین وڑئ سی انت کہ ھر وھدہ کہ بہ ھند و پاکستانئ نیاما بستگی گیتیر بیگا انت پاکستانئ گجام نہ گجام ڈلئ دست مان دنت و آوان گون سَکیان دیم پہ دیم کنت۔ ھمی ڈل کہ بری کاران دستمان دینت شہ آوان پاکستانئ پوجین ایسٹبلشمنٹ وت نیمہ داری کنت کہ ای ھبرا وت عمران خان ھم تسلیم بوتگنت کہ پاکستانئ پوجین ایسٹبلیشمنٹ یک وھدہ شہ ای ڈلان نیمہ داری کرتنت مگہ نون آ پہ پاکستان چو یک بھوجئمنتگنت و نون پاکستان آوانا پہ کار نہ داریت۔ بہر حال عمران خانی لوٹگ و عزمئ بھرم پہ بستگیانی گیتیر کنگا گون ھندوستان وھدہ پروشت کہ پاکستانئن جیش محمدئ ڈل بہ پولوامہ تھا گیش شہ ۴۰ ھندین سی آر پی اف پوجیاناشھید کرتنت و نہ تھانکا آوانا شھید کرتنت بلکہ گون فخر آی ذمہ واری آ ھم زورتنت۔ مگہ پاکستانئ سرئ وزیر عمران خان بجائ ایشی کہ شہ ای ڈلا بدگشی کنت و یا بہ آی حلاپا گجام سَکین گام بزوریت آ ای ھبرانا بناہ کرت کہباید انت بری بھرا قابل عملین ثبوت پہ پاکستان داتگ بیت۔ 

پاکستانئ حکمران و یا ای راز گشتنت کہ بہ حکمران انی نام آ اصلین ایجنیڈا نافذ کنوکین پوجین ایسٹبلیشمنٹ ھر وھدہ ھمی راز کنت و کوشست کنت کہ وتی چمانا بہ حکیکتان بندیت، نون خواہ کہ آ ھلگر ممبئ سرا لشکر طیبہھلگر بیت یا پٹھان کوٹ سرا جیش محمدئ ھلگر۔ ای ھبر بہ عمران خانی حکومتئ دورہ بہ پولوامہ ھلگرئ وھدہ یک وارئ دیگہ تکرار بوت۔ عمران خانئ حکومت ایچ وڑئ تعاونئ نہ کرت بلکہ یک رازئ کوشست کرت کہ پہجیش محمد کلین چٹ دنت۔ بالاکوٹ سرا ھوائین اسٹرائک آ رندا ھندوستان در اصل ای باورا داتگیت کہ سیمسرئ آ نیمگا ای وڑئ کاروائی قطعین وڑئ برداشت نہ بنت۔ 

بہر حال ھندوستانئ عامین گیچئن کاریانی نتائجئ اعلان آ رندا پاکستانئ سرئ وزیر عمران خان پہ سرئ وزیر واجہ نریندر مودی مبارکی و دیم شہ دیم داتنت مگہ بہ گئوستگین ھپتگئ تھا عمران خان گون وتی ھندوستانین ھممنصب آ راستامین وڑئ شہ ٹلیفون راہ گپ و ھبر کرتنت و پہ آوان گشتنت کہ آوان امیت دارنت کہ آوانی ویژن پہ جالی ایشیائ سیمان کہ دیمرئی و وشھالئ قائم کنگ انت بہ زوترین وھدہ پورہ و تسر بیت۔ سرئ وزیر واجہنریندر مودی بہ پسوئ آ گشتگنت کہ پہ وشھالی و دیمرئی و استحکامئ قائم کنگا بیدئ شک تعاون و شریکین وڑئ کار کنگئ زرورت انت و پہ آی باید انت کہ امن و باورئ یک ماحولئ جور بیت و شہ تشدد و دھشت گردیئ وجاآ ماحول خراب مہ بیت۔ خلاصہ ئن ھبر ایش انت کہ دھشت گردین دپ دیگ بہ امن و امانئن ماحولئ جور کنگئ دیما مزنتری اوشتارینگ انت و تہ نون پہ امن قائم کنگئ ھر وڑئ کوشست بوتگیت دھشت گرد آوانا سبوتاژ کنگئکوشست آ کننت۔ ای راز درا بوت کہ سرئ وزیر واجہ نریندر مودی یک وارئ دیگہ ای پیگاما رسینتنت کہ دھشت گردیی و گپ و تران دوکین یکجا تسر بوتگ نہ کننت۔ عمران خان اگہ پہ راستی بہ سیمان امن و امان و وشھالئآرگئ لوٹوک انت نہ پہ آوان بجائ ایشی کہ اینگور و انگور ھبر کننت باید انت کہ بہ بنیادین سَکی و مسئلہ سرا غور کننت و کوشست کننت کہ ھما دھشت گردین ڈلانا کہ پاکستانئ تھا موشکول انت و بری راھ تھا چو دیوالئاوشتاتگنت بہ آوانی حلاپا کاروائی کننت۔ اگہ ای دیوال پروشتگ بید گجام دیگہ واکئ نہ انت کہ جالئ ایشیا شہ گام زورتنا دیم بہ وشھالی و استحکام آ اوشتارینگ بیت۔