سرگال: شنگھائی تعاون تنظیمئ ڈنئ کارانی وزیرانی دیوان۔

ھندیی ڈنئ کارانی وزیر بانوک سُشما سوراج بہ ھمی ھپتگئ اول سرا شنگھائی تعاون تنظیم ڈنئ کارانی وزیرانی دیوانئ تھا کوت گرگا شہ کرغزیستانئ بنجاہ بشکیک دورہ کرتنت۔ بہ ڈنئ کارانی وزارتئ پیما ای آوانی آخری دورہ شہ ڈنئ مُلکئ بوتگیت۔ یکروچ دیم aشہ پارلیمنٹئ گیچئن کاریانی نتائجئ درا بیگا دورہ کنگ شہ بشکیک ای ھبرئ نشان دیوک انت کہ ای تنظیم تہ چئ کچانہ پہ ھند اھم انت۔ دیم شہ ایشی ھم ھندوستانین سربراہ ای وڑئ دیوانانی تھا کوت گپتگنت۔ شہ ۲۰۱۵ سالا سرئ وزیر واجہ نریندرمودی بہ ای تنظیمئ سرئ وزیرانی دیوانا ھر وھدہ کوت گرنت۔ ای تنظیمئ پانزدھمی دیوان بہ ۲۰۱۵ سالا بہ روسیہ اوفائ شھرئ تھا تسر بوت۔

دیمترئ سالا ھم ڈنئ کارانی وزیر بانوک سُشما سوراج، دپاع وزیر نرملا سیتارمن و کومین امنیتئ وزیر واجہ اجیٹ ڈوبھال ھر گجام بہ وتی دیوانان کہ بری تنظیمئ سیائگا بہ چین تھا تسر بوتنت کوت گپتنت۔ ای دیوان رندا شہ ڈوکلام سَکیان پہ ھندوستانئسربراھان و کومین امنیتئ وزیران وھدہ فراھم کرتنت کہ آوان گون وتی چینین ھم منصبان گیند و نیند و گپ و ھبر بکننت۔

سرئ ایشی گون روسیہ و وسطئ ایشیائ مُلکان ھم شرّین وڑئ گپ و ھبر بوت۔ بری سالئ اس سی او دیوانئ تھا بانوک سُشما سوراج گون چینئ ڈنئ کارانی وزیر وینگ ای ھم گیند و نیند کرتنت و آوان بہ چین و ھندیی گیررسمین سربراھانی دیوانئ تھا طئبوتگین اصولانی سرا سَک بیگئ زرورتئ سرا غور کرتنت۔

ای ھبر یات کنگئ وڑ انت کہ دو ھزار ھپدہ سالئ جون ماہ ھند بہ یک دائمین باسکئ وڑا بہ شنگھائی تعاون تنظیمئ تھا شامل بوت۔ ای تنظیمئ تھا پاکستان ھم باسک انت۔ ای وڑا نون بری تنظیمئ تھا اروپا و ایشیائ دوکینانی مُلک شامل انت و آ بہ ھندوستانئبرصغیر تھا دیمرئی کرتہ روت۔ ای تنظیمئ تھا مختلفین کچانہ ان دیوان تسر بنت و ھر گجام پہ ھند اھمیتئ وڑ انت۔

گون ھندیی باسک بیگا بہ اس سی او تھا آی ھما پالسی کہ گون وسطئ ایشیائ مُلکان وتی بستگیانا دیمرئی دنت حوصلہ افزائی بیت۔ بری تنظیم تھا اوگانستان و ایران بہ مشاھدین پیاما آن باسک انت۔ بہ وتی بیانا ھندیی ڈنئ کارانی وزیر بانوک سُشما سوراجگشتنت کہ آوان شہ ی تنظیمئ ھر وڑئ گام گرگان نیمہ داری کنت کہ شہ آی بہ اوگانستان تھا امن و استحکام قائم بیت۔ آوان شہ تنظیمئ اوگانستانئ کانٹیکٹ گروپ کوشستانا پورہ ئن وڑئ حمایت کنگئ جارا جت۔ بیدئ سیمانی مُلکانی حمایتا و سماجین کوشستاناوانستانئ تھا دیرپائن امن و امانئ قائم کنگ سَکین کارئ انت۔ آوان گشتنت کہ پہ سیمین مُلکانئ نیمہ داری آ شہ اوگانستانئ امن قیام آ اس سی او یک اھمین پلیٹ فارمئ انت۔

بری تنظیمئ تھا ھندوستانئ باسک بیگ پہ سیمانی دھشت گردیی حلاپئ جنگا ھم بہ برزین کچانہ اھم بوتہ۔ رندا شہ ای سالئ فرورئ ماہ رندا شہ پولوامہ ھلگر آ ھندوستان بہ دھشت گردیی حلاپئ جنگئ تھا گیشترین وڑئ موشکول بوتگیت۔ ای تنظیمئ تھا یونٹریجنل انٹی ٹرسٹ اسٹرکچر، دھشت گردیی، علیحدگی پسندی و تشدد پسندئ حلاپ کنگا قائم بوتت۔ پہ ھندوستان بری تنظیمئ تھا وتی پیما ساتتنئ بھرا یکئ شہ آی مزنئن و اھمین مکسدان ایش انت کہ بہ سیمان دھشت گردیی حلاپا وتی گام گرگانا دیگہ ھم سَکو مستحکم کننت۔

بانوک سُشما سوراج گشتنت ھندوستان بہ سیمان کنیکٹیویٹی آ دیمرئی دیگا و امن و استحکام آ یقینی کنگئ پابند انت۔ آوان یک وارئ دیگہ شہ ھندوستانئ عھد آ پہ سیمانی کنیکٹیویٹئ گیش کنگئ بھرا یات کرتنت۔ بری بھرا آوان، بین الاکوامین جال-برزٹرانسپورٹ کوریڈور، چابھارئ بندر، اشکآبادئ معاھدہ و ھندوستان، میانمار و تھائی لینڈ سہ نیمگین شاہ راھئ مثال آنا دیما کرتنت۔ سرئ ایشی ھم چینئ بیلٹ اینڈ روڈ پروجیکٹ پہ ھندیی ڈنئ کارانی پالسی آ یک تشویشی انت۔ اس سی او نہ تھانکا تھانکا گونوسطئ ایشیائ مُلکان بلکہ گون چین و روسیہ ھم گپ و ترانئ پلیٹ فارمئ دیما کنت۔ اروپا و ایشیائ ای چُنتی نیگین تنظیم گون دھشت گردیی،کنیکٹیویٹئ کمی و ان و استحکام سَکیان دیم پہ دیم انت۔ سال بہ سال ای تنظیم بہ سیمان یک مضبوطین ڈلئ وڑا دیماآتگیت کہ بہ آی تھا ھما مُلکئ کہ متضادین مفادات دارنت یکجا بنت و وتی پکر و حیالانا گون یکئ آ دیگرا شریک کننت۔