سرگال:سیماں اۓ نگرانی کھنغ والا گواس آژ نیاہ ایر کھناں

گوستی ایں چھیار شمبھے آ یک اینگے راڈار عکس سیتلائیت لانچ کھُزی آ شُزا ہماں کہ گواس آژ ڈغار چکا بی اغ والا مڑدمی عمل آنی اطلاع دا۔ہمیں سیتلائیت آژ خاص ڈؤل آژ سیماں چکا بی اغ والا عمل آنی پھجی آ موسمی بدلاؤ چکا دی نیاہ ایر کھُزی آ رؤ۔ہمیں ۶۱۵ کلو گرام اۓ سیتلائیت اۓ مُدت کار پنچ سال ایں۔ہمیں سیتلائیٹ آگو خاص ڈؤل چکا سیماں چکا بی اغ والا عمل آنی چکا نیاہ ایر کھُزی آ رؤ تاکہ مان پوت رگ کھنوخ آنی چکا نیاہ بی او دھشت گرد آنی عمل آنی تفصیل آنژ آگاہ بی سی آ برؤ۔مۓ رسمی نگرانی کھنغ والا سیتلائیت آژ دی ڈغار اۓ عمل آنی عکس گِتی آ شُزغاں مگن آنہی آ کمی اے اسا کہ شف اۓ آندھارو او جُڑ آنی سبب آژ آنہی عمل باز وخت آ شَر ایں ثابت نویسغاں۔اے نوخیں سیتلائیٹ آر آئی ایس اے ٹی ۔۲ بی راڈار امیجنگ سیتلائیت ایں ہمائی آ راڈار آگو سینسر آ ہر وخت حرکت آ ایر کھُزی آ رؤ او ہمائی زریعہ آگو ہر وڑ اۓ حالت آ گواس آژ ڈغار چکا نیاہ ایر کھنغ بیس بی۔او ایزا اۓ عکس گِرغ بیس بی آں ۔موسم او شف اۓ بدلاؤ اۓ ہمیں سیتلائیٹ چکا ھِچھ اثر نوی۔آر آئی اے ایس ۔۲ بی آ جھزی ایں سینتھیٹک اپرچر ڈغار چکا بی اغ والا کسن ایں عمل او کسن آژ کسن سامان چکا دی نیاہ ایر کھنغ بیس بی۔آر آئی اے ایس ۔۲ بی سیتلائیت اۓ پھجی آ نی پی ایس ایل وی سی ۴۶ ،ہماں کہ مۓ سیتلائیت لانچ وہیکل ایں،آنہی آ دی باز کارآمد او خاصیں بدلاؤ کھُزی آ رؤغیں۔آنہی آ کھمیں خرچ والا ھِند پروسیسر ،ہمائی آ وکرم پروسیسر اۓ نام آژ پھجھارتھی آ رؤ،آ جھزی آ رؤغیں ہمائی اۓ زریعہ آگو اسرو اۓ واگ داروخ داغدار کے سیون اۓ روگا ،مۓ لانچ وہیکل آ باز انقلابی ڈؤل اۓ بدلاؤ بی ۔وکرم پروسیسر آ چنڈی گڑھ اۓ سیمی کنڈیکٹر کمپلیکس آ ڈیولپ کھُزی آ شُزا او نی آنہی آ اسرو اۓ لانچ وہیکل آ استعمال کھُزی آ رؤ۔آر آئی اے ایس سیتلائیت اسرو اۓ زریعہ آگو ٹھائینتھی ایں اولی ایں سیتلائیت ایں ہمائی آ ہر موسم او ہر حالت آ استعمال کھنغ بیس بی۔ھِند آ راڈار امیجنگ آگو فصل آنی بارو آ دی اٹکل جھزی آ رؤ۔آر آئی اے ایس ۲ بی گوستی ایں دھ سال آ ھِند اۓ وٹاژ ٹھائینتھی ایں سۓمی راڈار ایمیجنگ سیتلائیت ایں ۔پدھر بی کہ آر آئی اے ایس یعنی ہمیں بارو اۓ اولی ایں سیتلائیت نی دی ٹھائینغ اۓ مرحلہ آ ایں مگن ۲۰۰۸ اۓ ممبئی چکا بیسغیں دھشت گرد ھِلگر آ پھدا اسرو آ فیصلہ کھُزا کہ سرا آر آئی اے ایس چکا کار بنِا کھُزی آ برؤ پھرچھے کہ ہماں وخت تکا آر آئی اے ایس ۔۱ آ جھنغ والا سینتھیٹک اپرچر راڈار چکا کار پورا نویسغۓ سا۔