سرگال:کشمیر اۓ مسلہ چکا پاکستان اۓ ناوشی اۓ ھِچھ جواز نعیں

پاکستان آ جموں کشمیر آپا گِتی ایں مودی سرکار اۓ فیصلہ چکا ہماں وڑا ناوشی پھیدھارتھا آنہی اۓ ھِچھ جواز نیاہ نیاۓ۔پاکستان آ ہمیں مسلہ چکا نہ چھڑوئی آ اے کہ ھِند کمشنر آ طلب کھُزؤ وتی احتجاج درج کھنائینتھا بلکہ ھِند آگو وتی سفارتی او سؤداگری سیال داری آ کھمیں کھنغ اۓ دی فیصلہ کھُزئی۔ھِند اۓ سرا آژ اے راستیں ویچار رہسا کہ کشمیر ھِند اۓ یک مضبوط ایں بہر ایں او آنہی چکا پاکستان آگو ھِچھ ٹؤک نویس بی ۔ریاست آ پاکستان اۓ دست رکھیائی اۓ بُنا دھشت گرد عنصر ہماں وڑا کشمیری عوام اۓ زند آ مشکل کھناناں پھیزاغاں او امن آ آسر کھنغاں آنہی آژ مُچھیں جہانی براسی شَر ایں بھیرا پوہ ایں۔پاکستان اۓ ہمیں عمل آں کشمیر اۓ ود او ترقی چکا اثر ماکھُزا۔مرکزی سرکار اۓ ہمیں پدھر ایں ویچار ایں کہ پاکستان اۓ عمل آنر کشمیر اۓ خاصیں درجہ اۓ بُنا اوٹ مِلغۓ سا۔سرکار اۓ اے دی موقف ایں کہ ریاست اۓ ترقی آپا او آنہی آ باقی مُلک اۓ براور کھنغ آپا ہموزا آپا آئین آ داسی ایں دفعہ ۳۷۰ اۓ چھی اے شق آنر آسر کھنغ لوٹھی او اینگا ہی کھُزی آ شُزا،مگن آنہی پھجی آ ہی داخلی ایں وزیر امت شاہ آ باز پدھر ایں لپظ آنی اندرا اے دی گوشتا کہ مرکز کشمیر اۓ ترقی او آنہی آ یک مزن ایں جہان گردی اۓ مرکز کھنغ اۓ وتی وعدہ چکا قائیم ایں۔سرکار آ کشمیری آنر روز گار دۓ اغ او آنہاں نی بنیاتی ایں مسلہ آنر حل کھنغ اۓ دی وعدہ کھُزا۔اے دی پدھر کھُزی آ شُزا کہ حالت وشتر بی اغ آ پھدا سرکار لداخ آ ہموزا اۓ عوام اۓ کہنیں مطالبہ اۓ روگا مرکز اۓ انتظام بُنا جاگاہ اۓ وڑا ہی کھُزی آ رؤ۔سوال اش انت کہ ھِند اۓ فیصلہ آنی نیمگا آئیغ اۓ پاکستان اۓ چھے جواز ایں۔اے سوال ہمیں خاطرہ دی اہم ایں کہ پاکستان وتی قوضہ والا کشمیر آ ہموزا اۓ عوام اۓ مسلہ آنژ مزن ایں عرصہ آژ چھم چھَرینغیں۔ہمیں بہر اۓ کشمیری عوام باز ردیں زِند گوازینغ آپا لاچار ایں او آنہاں نی ود او ترقی آپا پاکستان اۓ ھِچھ فیڈرل سرکار آ کھدیں دی ھِچھ نہ کھُزا۔ہمیں سبب ایں کہ پاکستان اۓ قوضہ والا کشمیر اۓ عوام آ فیڈرل سرکار اۓ حلاپ باز تیش او ناوشی رہسا،مگن آنہی آ پؤجی طاغت اۓ زور چکا دبائینتھی آ شُزا او ھِند کشمیر اۓ مسلہ آ کھڑو کھزؤ جہان آ پھَرامتھی آ شُزا۔پاکستان ھِند اۓ ہمیں اندری ایں مسلہ آ بین الاقوامی پلیٹ فارم چکا کھڑو کھُزؤ دی ھِند اۓ پھجی آ وتی سیال داری آ قربان کھنغ اۓ نادانی کھناناں پھیزاغیں۔درگتہ کہ ھِند ہمیں مسلہ آ ھِچھ دی بین الاقوامی ثالثی اۓ تجویز آ ہمیں خاطرہ رد کھناناں پھیزاغیں کہ ھِند ریاست اۓ عوام او مرکز آگو آنہی سیال داری اۓ بارو آ مسلہ ایں۔اے یک لوغی ایں مسلہ ایں او ھِچھ دری ایں فریق آ آنہی نیمگا آئیغ ما قبول نہ کھنوں۔اگر پاکستان آ اصل آ کشمیر اۓ عوام آگو دل لوٹھی ایں تہ آں وتی قوضہ والا کشمیری عوام چکا پھرچھے دھیان نہ دۓ غیں پھرچھے ھِند سرکار اۓ ہمیں وعدہ چکا وشی پدھر نہ کھنغیں کہ مودی سرکار اۓ ہمیں بارو آ گِتی ایں فیصلہ آژ کشمیری عوام آ نپ او کھٹ بی؟اے ٹؤک بے معنی ایں کہ پاکستان کشمیر اۓ مسلہ چکا چھے موقف ایر کھنت خاصیں ٹؤک اِش ایں کہ سرکار اۓ گام آژ سرا اۓ مقابلہ آ یک گیش وشتر او ھِند اۓ تہزیبی بستگی والا کشمیر اۓ وعدہ کشمیری عوام آگو کھُزی آ شُزا۔