سرگال: آمریکہ اخطار بہ بین الاکوامین سوداگرئ دپترئ ویل کنگئ بھرا۔

آمریکہ جمھورین سدر واجہ ڈونالڈ ٹرامپ یک وارئ دیگہ بہ عالمین سوداگرئ تنظیم، ورلڈ ٹریڈ اورگنائزیشن بھرا، کہ آی را بہ ڈبلیو ٹی او ناما ھم دروست کننت یک ھبرئ داتگنت کہ شہ آی وجا بہ عالمئ مُچین اکتسادی و سوداگرین حلقہ آنی تھا خاسین وڑئ بہ دیم بہ دیمرئین مُلکانی تھا تشویش و پکر گیش بوتگنت۔ آمریکہ جمھورین سدر گشتگنت کہ، اگہ زرورت بیت آمریکہ شہ ای مزنترین بین الاکوامین سوداگرئ ڈلا یک نیمگ بیت پہ چہ کہ آوان بری پکر و حیالا انت کہ دیم بہ دیمرئین مُلک شہ ایشی بی جائین وڑئ کٹ برنت۔ بہ ھمی وھدانی یک تقریر تھا ڈونالڈ ٹرامپ گشتگنت کہ ای ڈل آمریکہ ھبرانا کم گوش دارگا بیت و گیشتر، چین، ھندوستان و دیگہ مُلک شہ ایشی گیشترین وڑئ فائدگ کننت۔ آمریکہ جمھورین سدر بری پکر و حیالا انت کہ ڈبلیو ٹی او شہ دیرین وھدہ بری دیم بہ دیمرئین مُلکانی باروا گشتگیت کہ ای مُلک بہ دیمرئی راہ رادگ انت و دیما رونت ، وھدہ کہ ای مُلک بہ دیم بہ دیمرئین مُلکانی لسٹ تھا نہ منتگنت سرئ ایشی ھم چُنتی چیزانی تھا پہ آوان مراعات بیت۔ آوان شہ ڈبلیو ٹی او آیوین سوداگرین تنازعات آ یات کرتنت و گشتگنت کہ آمریکہ ھر وھدہ کہ بری تنازعاتانی تھا وتی کیس آ دیما کنت، ھر وھدہ گون پروش آ دیم پہ دیم بیت و ای دیگہ مُلک بہ وتی مقدمہ آنی تھا سوبین بنت۔ 

مگہ وھدہ کہ آوانی اقتدار بناہ بوت، یعنی ڈونالڈ ٹرامپی حکومت، آوان بری پکر و حیالا انت کہ حالات بدل بوتگنت و آمریکہ بری مسئلہ آنی بھرا سوب حاصل کنت۔ چُنت ھپتگ دیما ھم ڈونالڈ ٹرامپ ڈبلیو ٹی او نکتہ چینی ا کرتگنت۔ آ وھدہ آوان گشتتنت کہ ڈبلیو ٹی او خاسین سوداگری تحفظات حکانی ساتوک ئن دیم بہ دیمرئین مُلکانی درجہ بندی آ شہ سر نوک کنت۔ 

ورلڈ ٹریڈ آرگنائزیشن بین الاکوامین سوداگرئ کانونانا تعیین کنوکین بیست و چار سالگین دپتر انت کہ رندا شہ گیٹ کہ جنرل ایگریمنٹ ان ٹریڈ اینڈ ٹریفس ات و بہ ۱۹۴۸ سالا قائم بوتت بہ ای جاگہ بہ ۱۹۹۵ سالئ جنورئ اول آ بہ مراقش معاھدہ سیائگا قائم بوت۔ بری معاھدہ سرا ۱۲۳ مُلک دستخت کرتنت و شہ سوداگرین لحاظ آ مُلکانا بہ سہ کوتان جیتا کرتنت۔ دیمرئی کرتگین مُلک، دیم بہ دیمرئین مُلک و ھما مُلکئ بہ کمین کچانہ دیمرئی کننت۔ 

بہ دیمرئی کرتگین مُلکانی لسٹ تھا امریکہ،یوروپی یونین،جاپان ،کناڈا،آسٹریلیا اور نیوزی لینڈ شامل انت۔ دیم بہ دیمرئین مُلکانی تھا بھارت، چین، روس، برازیل، جنوبی افریقہ اورجنوبی کوریا وڑئ مُلکانی نام انت وھدہ کہ شہ مُچان کمتر دیمرئی کرتگین مُلکانی تھا افغانستان، بنگلہ دیش، بھوٹان، میانمار، نیپال اور سوڈان وغیرہ اشمار بنت۔ 

اگہ آمریکہ شہ ڈبلیو ٹی او دپتر آ وترا یک نیمگ کنت شہ ایشی بہ ای بین الاکوامین دپترئ بنیادین ڈھانچہ گجام مزنئن ٹپئ نہ رسیت مگہ شہ ای وجا کہ آمریکہ عالمئ مزنتری اکتساد انت شہ ای یک نیمگ بیگا ڈبلیو ٹی اوتاثیرات کمتر بنت۔ 

مگہ زروری نہ انت کہ ھمی راز ھم بیت، عامین وڑئ بہ سیاسین و سفارتین حلقہ آنی تھا واجہ ٹرامپئ بیانانی بھرا گون بازین سنجیدگی آ پکر نہ کننت۔ بہ چُنتی معاملہ انی تھا شہ وتی ھبران گشتگنت۔ بہ اوگانستانئ مسئلہ بھراھم آوان چُنتی وار وتی ھبر و بیانانا بدل کرتگنت و دیمترئ ھپتگا ھم آوان بہ سرئ وزیر واجہ نریندر مودی باروا ای بیانا داتنت کہ آوان شہ آمریکہ جمھورین سدر آ لوٹوک بوتگنت کہ آمریکہ بہ پاکستان و ھندیی نیاما بہکچمیرئ مسئلہ سرا میانجیگری کنت۔ شہ ایشی درا بیت کہ واجہ ٹرامپ بہ گیر زموارین بیانانی دیگا تہ چی حد دیما شوتگ کننت۔ 

پہ چہ کہ شہ ھما اول سرا بہ کشمیرئ مسئلہ سرا ھندوستان ھیچ گجام سومی میاجنیگرئ مددئ لوٹوک نہ بوتگیت و ھر وھدہ ای کارئ حلاپا اوشتاتگیت و ای ھبر کہ گجام ھندین سربراھئ شہ آمریکہ میانجیگرئ لوٹوک بیت ایھبرئ وابا ھم دیستگ نہ کننت و شہ ای ھبرا مُچین عالم سی انت۔ 

بہ ڈبلیو ٹی او باروا واجہ ڈونالڈ ٹرامپئ ای بیانئ خالص ئن پھلو ایش انت کہ آوان ای ھبرانا شہ ای وجا دینت پہ چہ کہ لوٹوک انت کہ بہ دومی دورہ ھم آمریکہ جمھورین سدر بنت و پہ ایشی کہ آمریکہ عواما ای تاثر آ دینت کہآمریکہ شہ مُچین دیگہ مُلکان بالاترین درجہ داریت ای ھبرانا داتگنت۔