سرگال: پاکستانئ بی سوبین کوشست پہ کشمیریی مسئلہ جوڑینتنا گون اوگانستان۔

جمو نوکین کشمیریی نوکین تنظیم بھرا ھندوستان ھما انتظامین فیصلہ را کہ کرتت رندا شہ آی پاکستان وتی رد عمل آ درا کرت و شہ آی کچانہ جتگ بوت کہ آ وتی سفارتین کوشستانا گیشتر کنت و آ ھمی وڑا کوشست کنت کہ ای معاملہ بین الاکوامین رنگئ دنت۔ شہ ھمی وجا رندا شہ ای دپ دیگا درا بوت کہ بہ تروک و حولئ عالمئ تھا آ ھر چیزئ را استعمال کنگئ کوشست آ کرت، کہ شہ آی بین الاکوامین براسدارئ توجہ بری سیمان جذب بیت، حالانکہ درا بوت کہ آی ای بی وجین تگ و دو بی سوب ثابت بوتنت۔ پاکستانئ تروک و حولئ یک درائین ٹھیکی ایش انت کہ آ یک رازئ اخطار داتگیت کہ شہ وتی روکپتئ سیمسران یعنی ھما سیمسرئ کہ گون اوگانستان یکجا انت وتی پوجیانا دیم بہ ھندوستانئ سیمسرا منتقل کرتگ کنت، ای ھبرئ مکسد ایش ھم بوتگ کنت کہ پہ آمریکہ ای باور آ دنت کہ ھما گپ و ترانء کہ آمریکہ گون طالبان رادگ داریت شہ گون سَکیان دیم پہ دیم بوتگ بنت، و شہ ای تروسا آمریکہ ھندیی سرا گجام فشارئ کاریت، مگہ پاکستانئ سفارت کار و حکام ای ھبرا شموشتگنت کہ بہ کشمیرئ بھرا ھر فیصلہ کہ ھندوستان کرتگیت آ ھندوستانئ گیسویین مسئلہ و معاملہ انت و بری مسئلہ بھرا نہ راضی انت کہ گجام مُلکئ دست مان دنت و نہ گجام میاجنیگرئ میانجیگریی آ کبول کنت۔

پاکستانئ سفیر بہ آمریکہ تھا، سعد مسعود خان بہ گپ و ترانا گون نیویارک ٹائمز آ گشتگیت کہ اگرچہ کشمیرئ معاملہ شہ اوگانستان آ پورہ ئن وڑئ توپیر داریت و آ نہ لوٹنت کہ ای دوکینانا گون یکئ آ دیگرا جوڑیننت، مگہ نیویارک ٹائمز گشتگیت کہ آوان ای ھبرئ سرا سَک بوتگنت کہ روکپتئ سیمسران آوانی پوجی مستحکم و مضبوط انت مگہ اگہ بہ روچ دراتئ سیمسران حالات خراب بنت آوان باید بری سیمان توجہ کننت، یعنی بہ سیمسران گون ھندوستان پوجین تعینات بکنت۔ شہ پاکستانئ سفیرئ ای ھبران ای ھبر درا بیت کہ آوان یک نیمگا لوٹنت پہ ھندوستان یک رازئ وارننگئ دینت و دیگہ نیمگا پہ آمریکہ لوٹنت کہ اخطار دینت۔

ای رازئ اخطار بہ جنرل مشرف زمانہ تھا ھم پھد بہ پھدین وڑئ پہ آمریکہ داتگ بوتنت و ھر وار گشتنت کہ اگہ بہ سیمسران گون ھندوستان گجام مھم جوئی بیت پاکستان بہ دھشت گردیی حلاپئ جنگئ تھا گون آمریکہ مدد کرتگ نہ کنت۔

ای راز درا بیت کہ شہ اوگانستان آمریکائین پوجیانی ڈنا در کرتنئ فیصلہ کہ آمریکہ جمھورین سدر واجہ ڈونالڈ ٹرامپ کرتگنت و بہ ای بھرا گون طالبان گپ و تران کنگا بناہ کرتگنت شہ ایشی پہ پاکستان کمئ رعایت داتگ بوتہ، شہ ای وجا ایشی حوصلہ تہ ای کچانہ برز بوتہ کہ شہ وتی سر بعضی چیزانی سرا کچانہ جنت و شہ وتی کدیمین حربہ آن کٹ گیت۔ بہر حال اگہ شہ ای حربہ آ لوٹیت کہ بہ کشمیرئ بھرا بہ ھندوستانئ حلاپا کٹ گیت ھیچ وڑئ سوبین بوتگ نہ کنت۔ بری بھرا آمریکہ چی وڑئ گام زوریت و گون پاکستان چی وڑئ رویہ کنت ای ھبر پاکستان و آمریکہ نیاما انت، مگہ ای ھبرئ ھیچ وڑئ نہ باید انت کہ امیت درا بیت کہ ھندوستانئ سرا ای مُچین وارننگ و اخطار گجام اثرئ دارنت۔

پاکستان تہ ای حد باید انت کہ شہ ای ھبرا سی بیت کہ عالمین براسداری و وت پاکستانئ سنگٹین مُلک ھم شہ ای ھبرا راضی نہ انت کہ اوگانستان آ گون کشمیرئ مسئلہ لوڈ دینت، مگہ آ وتی بی سوب و مفتین کوشستانی کنگا بند نہ کنت۔

شہ ترکیہ تہ ایران، و تہ ملیشیا ھر جاگہ ای وتی سفارتین جیستنا کرت مگہ ای مسئلہ حوصلہ افزائی بہ ھیچ جاگہ نہ بوتہ۔

گیشترین حیرانی وھدہ ات کہ آی عربی و خلیجین نیمہ دار ھم بہ کشمیرئ بھرئ مسئلہ انی باروا رازئ پکر نہ کننت کہ پاکستان پکر کنت۔ آوان گون ھندوستان وتی معمولین بستگیانا رادگ ساتتگنت۔ پاکستانئ سفیر بہ عالمئ مُچین میڈیا و تھنک ٹینک و غیرہ آن بستگیانا دیمرئی دیگ و بہ آوانی دیما شہ ھندوستانئ نام نھادین جارحانہ ئن کاوشانی یات کنگا موشکول انت، مگہ آ تہ چہ کچانہ سوبین بیت، ایشی کچانہ شہ پاکستانئ ڈنئ کارانی وزیر شاہ محمود قریشی بعض ھبران شرّین وڑئ بیت۔

چُنت روچ دیمترا، بہ مقبوضہ ئن کشمیرئ مظفرآباد شھرئ تھا آوان بہ وتی بیانا پہ میڈیا گشتنت کہ ما نہ باید انت کہ بہ احمقانی جنتئ تھا نیندنت۔ اھل پاکستان نہ باید بری ھبرئ پکرا بنت کہ بین الاکوامین کونسلئ سیکورٹی کونسل پہ ما گون گلانی گردینبند آ بہ انتظار آ بیت و بہ کشمیرئ مسئلہ بھرا شہ ھندوستانئ مواقف آ نیمہ داری کنت۔ نہ ۵ مزنئن مُلک شہ مئ مواقف آ نیمہ داری کننت و نہ اسلامین مُلک بہ کشمیرئ مسئلہ بہ ھندوستانئ حلاپا اوشتنت۔ ھندوستان یک مزنئن بازارئ انت و مُچانی مفادات گون ایشی وابستہ انت۔ آوان پہ پاکستانئ استمانا ای پیگاما داتنت کہ احساساتی بوتن آسان انت۔ و اعتراض کنگ ھم شہ ایشی آسانتر، مگہ ای مسئلہ سرپھد بوتہ آی را دیما برگ سَک انت۔