سرگال: ھندوستانئ ڈنئ کارانی وزیرئ اولی دورہ شہ بنگلادیش

ڈنئ کارانی وزیر واجہ اس جئ شنکر نونین وھدہ شہ بنگلادیش دورہ کننت۔ اولی وار انت کہ آوان شہ ای مُلکا دورہ کننت۔ ای رسمین دورہ بنیادین مکسد ایش انت کہ بنگلادیشئ سرئ وزیر بانوک شیخ حسینہ شہ سرئ وزیر واجہ نریندر مودی نیمگا دعوت کننت کہ بہ اکتبر ماہ شہ ھندوستان سرکارین دورہ کنت۔ ای دورہ انچین وھدہ تسر بیت کہ دوکین مُلکانی نیاما بستگی تیزین رفتارئ دیم بہ دیمرئیا انت۔ واجہ اس جئ شنکر زیئن روچا بہ ڈھاکہ تھا گون بانوک شیخ حسینہ گیند و نیند کرتنت کہ بہ برزین کچانہ کٹوک ات۔ ای دیوان و گیند و نیندئ مکسد ایش ات کہ آ پہ سرئ وزیر واجہ نریندر مودی و آوانی ھم منصب بانوک شیخ حیسنہ آیوکین دیوانا تیاری بیت۔ 

بہ ڈھاکہ تھا بہ سرئ وزیرئ سرکارین گئسئ تھا وھدہ کہ واجہ اس جئ شنکر گون آوان گیند و نیند کرتنت آوان واجہ نریندر مودی دعوتنامہ پہ آوان دیما کرتنت۔ بانوک شیخ حسینہ شہ واجہ اس جئ شنکر پہ ای دعوتنامہ شکریہ گشتنت۔ 

بری وھدہ ھندوستانئ ڈنئ کارانی وزیر پہ آوان گشتنت کہ بہ اکتبر ماہ آوان پہ آوانی دورہ چمبراہ ماننت۔ بہ دھلئ تھا ھندوستانئ ڈنئ کارانی وزارت بہ یک بیان تھا گشتگیت کہ واجہ اس جئ شنکر و بنگلادیشئ سرئ وزیر بانوک شیخ حسینہ نیامئ گپ و تران تعمیری بوتگیت کہ بہ آی تھا دوکین سروک بہ دو نیمگین مسئلہ آنی باروا گپ تران کرتگنت۔ 

واجہ اس جئ شنکر یک گڈین سفارتکارئ ھم انت و دیم شہ ایشی ھم آوان بہ ھندوستانئ ڈنئ کارانی سکرٹر پیما شہ بنگلادیش دورہ کرتگنت۔ وھدہ کہ آوان بہ ڈنئ کارانی وزیر پیما شہ بنگلادیش دورہ کرتنت آوان اول سرا گون وتی ھم منصب واجہ عبدالمومن گیند و نیند کرتنت۔ دوکین ڈنئ کارانی وزیرانی نیامئ گپ و تران بہ برزین کچانہ وش و خوشگوار تیر بوتگیت۔ دوکین سربراہ بہ دو نیمگین مفاد مسائلانی سرا و ھمی وڑا بہ سیکورٹی و واسٹرٹجک کارانی سرا وتی پکر و حیالانا شریک کرتنت۔ دوکین مُلک لوٹوک انت کہ وتی بستگیانا بہ نوکین برزیان برسیننت۔ دوکین مُلک یکئ آ دیگرئ تشویشانا ھم سرپھد بوتگنت۔ 

ھندوستان و بنگلادیش نیاما بستگی شہ اسٹراٹجیکین شریکداری آ ھم گیشتر دیمرئی کرتگنت۔ رندا شہ گپ و ترانا واجہ اس جئ شنکر بہ گپ و ھبران گون احوالکاران گشتگنت کہ گون بنگلادیشئ ڈنئ کارانی وزیر آ آوانی دیوان و گپ و تران بہ برزین کچانہ پرثمر بوتگیت۔ 

آوان بہ روھنگیائ مسئلہ بھرا بہ یک سوجئ پسوئ آ گشتنت کہ میانمارئ رخائن ریاست آ روھنگیائ استمانئ باز آباتئ کار بہ زوترین وھدہ بناہ بیت و پہ آوانی پہ دوارگین شوتنا بہ آوانی مُلکا ھندوستان و بنگلادیش نیاما بہ یک ھبرئ سرا تپاک انت۔ دیم شہ ایشی بنگلادیشئ سرئ وزیر واجہ عبدالمومن گشتتنت کہ وھدہ کہ آوان گون وتی ھندوستانین ھم منصب آ گیند و نیند کننت ھور گون دیگہ مسئلہ آن آوان بہ روھنگیہ مسئلہ بھرا ھم گپ و ھبر کننت کہ ای مسئلہ بہ زوترین وھدہ حل بیت و آ مردم بہ وتی مُلکا پہ دوارگ شوتگ کننت۔ آوان گشتنت کہ اگہ ای مسئلہ حل مہ بیت شہ ایشی وجا بہ سیمانی استحکام سرا خرابین اثر کپتگ کنت۔ 

ای ھبر یات کنگئ وڑ انت کہ کم شہ کم ھپت لکھ روھنگیہ مردم وھدہ کہ میانمارئ پوج بہ آوانی حلاپا کریک ڈاون کرت وتی مُلکا ویل کرتگنت۔ آوانی گیشترکین اشمار بہ بنگلادیش تھا پناہ لوٹوک بوتنت۔ ھندوستان و بنگلادیش پورہ ئن وڑئ کوشست دارنت کہ ای مسئلہ بہ زوترین وھدہ حل بیت کہ ای مردم بہ وتی مُلکا برگشتگ کننت۔ واجہ اس جئ شنکر گشتنت کہ بہ جالئ ایشیائ دیگہ مُلکانی دیما ھندوستان و بنگلادیش نیامئ شرّین بستگی باید انت کہ چو مشعل بیت۔ آوان گشتنت کہ بہ ۲۰۱۴ سالا رندا شہ ایشی کہ سرئ وزیر واجہ نریندر مودی سرئ وزیرئ پیما گپتنت و بازین گام زورتنت شہ آوانی وجا ھندوستان و بنگلادیشئ نیامئ بستگی گیشتر مضبوط و سَک بوتگنت۔ ای ھبر یات کنگئ وڑ انت کہ بہ ۲۰۱۵ سالئ جون ماہ سرئ وزیر واجہ نریندر مودی وھدہ کہ اولی وار شہ ڈھاکہ دورہ کرتنت دوکین مُلک بہ آ وھدہ تپاک کرتنت کہ بہ سیمسرئ بھرا معاھدہ نافذ کننت کہ شہ آی وجا ای دوکین مُلکانی نیامئ ۴۱ سالگین سیمین تنازعہ و سَکی شہ نیاما زورتگ بوتنت۔ 

بہ ۲۰۱۷ سالئ اپریل ماہ، سرئ وزیر شیخ حسینہ شہ نوکین دھلی دورہ کرتنت۔ بہ آ دورہ تھا بہ دپاع، نیوکلیائین واک، سائبر سیکورٹی و میڈیائ بھران بہ ۲۲ معاھدانی سرا دستخت بوت۔ سرئ آی نوکین دھلی بہ بنگلادیش تھا ۱۷ دیمرئی پروجیکٹ و بندرگاھانی نوک کنگ آ بہ ۲۰۱۵ سالا پہ ڈھاکہ سہ ارب ڈالر و بہ ۲۰۱۷ سالا چار اعشاریہ پنچ ارب ڈالر وام داتگیت۔ 

ای سالی وھدہ کہ بنگلادیشئ سرئ وزیر بانوک شیخ حسینہ شہ نوکین دھلی دورہ کننت، آو وھدہ بنگلادیشئ بابائی قوم شیخ مجیب الرحمن یات کنگئ وھدہ ھم انت پہ چہ کہ بہ ۲۰۲۰ سالا آوانی ڈمی سالروچ دود گپتگ بیت۔ بہ بنگلادیشئ آزاتئ تھا ھندوستانئ پوج ھم مزنئن کوتئ داشتگیت مختصرین ھبر ایش انت کہ پہ جالئ ایشیائ سیمانی امنیت و پائیداری آ ھندوستان لوٹوک انت کہ بنگلادیش مضبوط و وشھال بیت۔