سرگال: عمران خان جنگئ بناہ بیگئ وارننگ آ داتگنت۔
پاکستانئ حکمران بازین شوکئ پہ جنگئ لڑگا دارنت۔ خاسین وڑئ گون ھندوستان لڑگ و جنگ کرتنئ بھانہ ودی کرتن و راستامین وڑئ یا بالواسطہ جنگئ اخطارئ داتن آوانی محبوبین موشکولئ بوتگیت۔ روایتین وڑئ آوان تہ نون چُنتی جنگ لڑگا ھم بوتگنت و آ جنگانی کٹ و نقصان آ ھم دیستگنت مگہ ھور گون آی ای ھبرا ھم محسوس کرتگنت کہ ھر وار تھانکا پہ پاکستان پسماندگی و تباھی گون وت آورتگنت و شہ ھمی وجا آوان وتی رویہ بدل کرت و پردگئ پھدا جنگ کرتنئ سلسلہ بناہ کرت۔ ای حکمت عملئ خاسین و بنیادین مکسد و عنصر ایش انت کہ دراندازی آ دیمرئی دینت و ھور گون آی دھشت گردیئ آ ھم دیمرئی دینت۔ کشمیر تھا ای گوازی آ چُنت سال نہ بلکہ چُنتی سال انت کہ گوازی کننت مگہ آوانی ای گوازی تھانکا تہ کشمیر محدود نہ انت۔
بہ ھندوستانئ دیگہ سیمان ھم تباھی کنگئ آوان کمین کوشستئ نہ کرتگنت۔ پاکستانئ اسٹبلشمنٹ بہ وتی ڈنئ کارانی پالسئ عناصرانی تھا دھشت گردیی آ چو یک آلہ یا یک ٹول استعمال کننت و ای آوانی مزنتری ٹول انت۔ شہ ھمی وجا بہ ھمی گیوستگین روچانی تھا وھدہ کہ ھندوستان بہ ریاست جمو و کشمیرئ تھا چُنت کانونی و انتظامین بدلینگ تسر کرت پاکستانئ حمکران بی ورار بوتنت و بہ راز رازئ عجیب ئن کارانی تھا موشکول بوتنت۔ ھندوستان دفعہ ۳۷۰ آ شہ نیاما زورت و فورین وڑئ جمو و کشمیر آ بہ ھندوستانئ مرکزین سرکارئ سیائگئ دو سیمان جیتا کرت۔ ای کار ھندوستانئ گیسویین انتظامین مسئلہ ات مگہ پاکستان سفارتین وڑئ طوفان پھاد کنگئ کوشست آ کرت کہ ای مسئلہ بین الاکوامین رنگئ داتگ کنت۔ مگہ سرئ ای مُچین سفارتین کوشستان و داد و فریادان ای درا بوت کہ ای مُچین کوشست بی سوت و بی فایدگ اتنت و آخر سرا آوان ای ھبرا محسوس کرتنت۔ شہ سپتمبرئ ۱۷ تاریخا بین الاکوامین کونسلئ ھپتاد و سومی دیوان بناہ بیگا انت و پاکستان پورہ ئن وڑئ کوشست داریت کہ کشمیرئ مسئلہ بین الاکوامین رنگئ دنت۔ سرئ آی ھم پاکستان ای ھبرا ھم محسوس کنت کہ ای کوشستانی ھم ھما حشر بیت کہ آی سفارتین کوشستانی بوتہ۔
آ ھمی وڑا بہ برزین کچانہ کوشست کرتگیت کہ آمریکہ آ بہ میانجیگرئ پیما بہ نیاما بیاریت و آمریکہ و ھندوستان آ قانع کنت کہ آ میانجیگریئ راھ مننت و تیار بنت۔ مگہ ھندوستانئ مواقف یک ذرہ ھم بدل نہ بوتنت۔ عمران خانی نونین بیان کہ ھہ ھند - پاکستان جنگئ باروا داتگیت در اصل پاکستانئ بی سوبی و مایوسی و ھمی وڑا آی فرسٹریشن آ درا کنت۔ سرئ وزیر عمران خان بہ وتی یک بیانئ کہ بہ الجزیرہ یک چینلئ اینٹرویو تھا داتگنت گشتگنت کہ نون کہ ھندوستان دفعہ ۳۷۰ آ شہ نیاما زورتگیت گون آی گپ و ترانئ ھیچ سوالئ ودی نہ بیت۔ بری بھرا ھمی وڑا آوان گشتگنت کہ ھند و پاکستانئ نیاما روایتین جنگئ تسر بیگئ امکان ھم انت۔ بری بھرا آوان ھمی وڑا گشتگنت کہ روایتین جنگ ای واری رندا بہ نیوکلیائین جنگئ ھم بدل بوتگ کنت۔ شہ آوانی ھبرانی دیما، فرض کننت کہ اگہ پاکستان خدا ناخواستہ محسوس کنت کہ جنگئ تھا پروش وارت آ تھانکا دو راھ داریت یکئ ایش کہ تسلیم بیت و یا ایش کہ تہ اخرین دما پہ وتی آزاتی آ لڑگا بیت۔
پاکستان زرور انت کہ تہ آخرین دما جنگ کنگا پسند کنت شہ ھمی وجا امکانی است کہ روایتین جنگئ کہ اگہ تسر بیت رندا شہ آی نیوکلیائین جنگئ ھم تسر بوتگ کنت۔ نون ایش اگہ اخطار نہ انت نہ پہ چی انت؟ ھور گون ایشی آوان ای ھبرا ھم گشنت کہ پاکستان جنگا شہ وتی نیمگا بناہ نہ کنت۔ اگر ما آوانی ھبرا مننت کہ پاکستان جنگا بناہ نہ کنت نون سوج ودی بیت کہ کئ جنگا بناہ کنت؟ کم شہ کم ھندوستان نہ روایتین جنگئ ھبرا دیما آورت و نہ نیوکلیائین جنگئ۔ عمران خان وت ای ھبرا گشتگنت کہ رندا شہ دفعہ ۳۷۰ یک نیمگ بیگا گون ھندوستان گپ و تران ھیچ تسر بوتگ نہ کنت۔ آیا آوان لوٹوک انت کہ ای ھبرا برسیننت کہ رندا شہدفعہ ۳۷۰ یک نیمگ بیگا بیدئ ایشی کہ بہ ھندوستانئ حلاپا جنگ بناہ بیت دیگہ گجام راھئ نہ انت؟ و اگہ آوانی ھبرئ منظور ایش نہ انت آوان وت گشنت کہ جنگئ یاتا بہ چی سباقئ کرتگنت؟ و تہ جاگہ کہ دفعہ ۳۷۰ ھبر انت ای پورہ ئن وڑئ ھندوستانئ گیسویین مسئلہ انت و بری بھرا ھندوستان ھیچ وڑئ میانجیگری و دست مان دیگہ را نہ منیت۔ و ای ھبرا ھر چی زودتر پاکستان سرپھد بیت پہ ای گیتیر انت۔
پاکستانئ حکمران بازین شوکئ پہ جنگئ لڑگا دارنت۔ خاسین وڑئ گون ھندوستان لڑگ و جنگ کرتنئ بھانہ ودی کرتن و راستامین وڑئ یا بالواسطہ جنگئ اخطارئ داتن آوانی محبوبین موشکولئ بوتگیت۔ روایتین وڑئ آوان تہ نون چُنتی جنگ لڑگا ھم بوتگنت و آ جنگانی کٹ و نقصان آ ھم دیستگنت مگہ ھور گون آی ای ھبرا ھم محسوس کرتگنت کہ ھر وار تھانکا پہ پاکستان پسماندگی و تباھی گون وت آورتگنت و شہ ھمی وجا آوان وتی رویہ بدل کرت و پردگئ پھدا جنگ کرتنئ سلسلہ بناہ کرت۔ ای حکمت عملئ خاسین و بنیادین مکسد و عنصر ایش انت کہ دراندازی آ دیمرئی دینت و ھور گون آی دھشت گردیئ آ ھم دیمرئی دینت۔ کشمیر تھا ای گوازی آ چُنت سال نہ بلکہ چُنتی سال انت کہ گوازی کننت مگہ آوانی ای گوازی تھانکا تہ کشمیر محدود نہ انت۔
بہ ھندوستانئ دیگہ سیمان ھم تباھی کنگئ آوان کمین کوشستئ نہ کرتگنت۔ پاکستانئ اسٹبلشمنٹ بہ وتی ڈنئ کارانی پالسئ عناصرانی تھا دھشت گردیی آ چو یک آلہ یا یک ٹول استعمال کننت و ای آوانی مزنتری ٹول انت۔ شہ ھمی وجا بہ ھمی گیوستگین روچانی تھا وھدہ کہ ھندوستان بہ ریاست جمو و کشمیرئ تھا چُنت کانونی و انتظامین بدلینگ تسر کرت پاکستانئ حمکران بی ورار بوتنت و بہ راز رازئ عجیب ئن کارانی تھا موشکول بوتنت۔ ھندوستان دفعہ ۳۷۰ آ شہ نیاما زورت و فورین وڑئ جمو و کشمیر آ بہ ھندوستانئ مرکزین سرکارئ سیائگئ دو سیمان جیتا کرت۔ ای کار ھندوستانئ گیسویین انتظامین مسئلہ ات مگہ پاکستان سفارتین وڑئ طوفان پھاد کنگئ کوشست آ کرت کہ ای مسئلہ بین الاکوامین رنگئ داتگ کنت۔ مگہ سرئ ای مُچین سفارتین کوشستان و داد و فریادان ای درا بوت کہ ای مُچین کوشست بی سوت و بی فایدگ اتنت و آخر سرا آوان ای ھبرا محسوس کرتنت۔ شہ سپتمبرئ ۱۷ تاریخا بین الاکوامین کونسلئ ھپتاد و سومی دیوان بناہ بیگا انت و پاکستان پورہ ئن وڑئ کوشست داریت کہ کشمیرئ مسئلہ بین الاکوامین رنگئ دنت۔ سرئ آی ھم پاکستان ای ھبرا ھم محسوس کنت کہ ای کوشستانی ھم ھما حشر بیت کہ آی سفارتین کوشستانی بوتہ۔
آ ھمی وڑا بہ برزین کچانہ کوشست کرتگیت کہ آمریکہ آ بہ میانجیگرئ پیما بہ نیاما بیاریت و آمریکہ و ھندوستان آ قانع کنت کہ آ میانجیگریئ راھ مننت و تیار بنت۔ مگہ ھندوستانئ مواقف یک ذرہ ھم بدل نہ بوتنت۔ عمران خانی نونین بیان کہ ھہ ھند - پاکستان جنگئ باروا داتگیت در اصل پاکستانئ بی سوبی و مایوسی و ھمی وڑا آی فرسٹریشن آ درا کنت۔ سرئ وزیر عمران خان بہ وتی یک بیانئ کہ بہ الجزیرہ یک چینلئ اینٹرویو تھا داتگنت گشتگنت کہ نون کہ ھندوستان دفعہ ۳۷۰ آ شہ نیاما زورتگیت گون آی گپ و ترانئ ھیچ سوالئ ودی نہ بیت۔ بری بھرا ھمی وڑا آوان گشتگنت کہ ھند و پاکستانئ نیاما روایتین جنگئ تسر بیگئ امکان ھم انت۔ بری بھرا آوان ھمی وڑا گشتگنت کہ روایتین جنگ ای واری رندا بہ نیوکلیائین جنگئ ھم بدل بوتگ کنت۔ شہ آوانی ھبرانی دیما، فرض کننت کہ اگہ پاکستان خدا ناخواستہ محسوس کنت کہ جنگئ تھا پروش وارت آ تھانکا دو راھ داریت یکئ ایش کہ تسلیم بیت و یا ایش کہ تہ اخرین دما پہ وتی آزاتی آ لڑگا بیت۔
پاکستان زرور انت کہ تہ آخرین دما جنگ کنگا پسند کنت شہ ھمی وجا امکانی است کہ روایتین جنگئ کہ اگہ تسر بیت رندا شہ آی نیوکلیائین جنگئ ھم تسر بوتگ کنت۔ نون ایش اگہ اخطار نہ انت نہ پہ چی انت؟ ھور گون ایشی آوان ای ھبرا ھم گشنت کہ پاکستان جنگا شہ وتی نیمگا بناہ نہ کنت۔ اگر ما آوانی ھبرا مننت کہ پاکستان جنگا بناہ نہ کنت نون سوج ودی بیت کہ کئ جنگا بناہ کنت؟ کم شہ کم ھندوستان نہ روایتین جنگئ ھبرا دیما آورت و نہ نیوکلیائین جنگئ۔ عمران خان وت ای ھبرا گشتگنت کہ رندا شہ دفعہ ۳۷۰ یک نیمگ بیگا گون ھندوستان گپ و تران ھیچ تسر بوتگ نہ کنت۔ آیا آوان لوٹوک انت کہ ای ھبرا برسیننت کہ رندا شہدفعہ ۳۷۰ یک نیمگ بیگا بیدئ ایشی کہ بہ ھندوستانئ حلاپا جنگ بناہ بیت دیگہ گجام راھئ نہ انت؟ و اگہ آوانی ھبرئ منظور ایش نہ انت آوان وت گشنت کہ جنگئ یاتا بہ چی سباقئ کرتگنت؟ و تہ جاگہ کہ دفعہ ۳۷۰ ھبر انت ای پورہ ئن وڑئ ھندوستانئ گیسویین مسئلہ انت و بری بھرا ھندوستان ھیچ وڑئ میانجیگری و دست مان دیگہ را نہ منیت۔ و ای ھبرا ھر چی زودتر پاکستان سرپھد بیت پہ ای گیتیر انت۔
Comments
Post a Comment