سرگال: عمران خان بہ کشمیرئ باروا ریاض تھا گپ و تران کنت۔

شاید پہ پاکستان اکتسادین بدحالی و افراط زر، ناخواندگی، گریبی و ناجوری گجام مزنئن سمئلہ مہ بنت کہ آ مُلکئ حکمران بہ ایشانیباروا پکر کننت۔ آوانی اصلین مسئلہ ایش انت کہ ھندوستان تھا چی بیت، و ای مُلکئ گیسویین صورتحال چی وڑا انت۔ پہ چہ کہ ھماوھدہ رندا کہ ھندوستان بہ کشمیرئ بھرا وتی دفعہ ۳۷۰ کانون آ یک نیمگا کرت پاکستانئ حکمران نانگمانا بہ حرکتا اتنت و پورہ ئنعالمئ بنجاہ آنا یک بہ یک گردنت و کوشست دارنت کہ ھندوستانئ بہ عدالتئ دیما اوشتاریننت کہ شہ آی سوج و پرسان بیت کہ آ بہ وتیمُلکئ یک ریاستئ تھا انتظامین بدلینگ پہ چہ آورتگیت؟ پاکستان ڈگار و آسمانا یکئ کرتہ وتی شور آ جت کہ یکئ شہ ھندوستان سوجکنت کہ آ ای راز پہ چہ کرت ؟ 

پاکستانئ سرئ وزیر شہ آمریکہ جمھورین سدر آ لوٹوک بوتنت کہ آ ھندوستان آ صلاح دینت و آی را سرپھد کننت۔ جمھورین سدرٹرامپ گشتنت کہ اگہ دوکین مُلک راضی بنت آوان میانجیگریی کرتگ کننت۔ ھندوستان پہ آوان و دیگہ مُچین مُلکان ای ھبرا گشتگنت کہھندوستان و پاکستانئ نیاما ھر وڑئ سَکئ کہ استنت دوکین مُلک باید انت کہ شہ گپ و ترانئ راہ آوانا حل بکننت۔ ای ھندوستانئسَکین مواقف انت و گجام میانجیگرئ بری مسئلہ تھا دست مان داتگ نہ کنت و ای تھانکا ھندوستانئ مواقف نہ انت بلکہ ای ھبر بہشملہ معاھدہ تھا ھم یات بوتہ کہ آی سرا پاکستان دستخت کرتگیت۔ شملہ معاھدہ تھا درائین وڑئ ای ھبر لیکتگ بوتگیت کہ ھندوستانو پاکستان وتی دو بیمگین مسئلہ انا بہ گجام بین الاکوامین دپترئ نہ برنت و شہ گپ و ترانئ راھ وتی ای سَکیانا حل کننت مگہ پاکستانھیچ وھدہ شہ ای معاھدہ دیما گام نہ زورتگیت۔ 

ای معاھدہ بہ ۱۹۷۲ سالئ تھا ھندوستان و پاکستان دستخت کرتنت۔ رندا بہ ۱۹۹۹ سالئ تھا لاھورئ اعلامیہ ھم جاری بوت۔ مگہپاکستان ای را ھم نظرانداز کرت۔ پاکستانئ سیاستئ نظام ھمی راز انت کہ ھر معاھدہ کہ شہ سیویلین حکومتئ نیمگا و بہ آی دستابیت ای را پوجئ ٹولئ ھر وھدہ سبوتاژ کنگئ کوشستا کنت۔ پاکستانئ پوج ھر وھدہ دشمنی گون ھندوستانئ احساساتانا دیمرئی دنت۔اصلین ھبر ایش انت کہ بہ آی ڈیکشنری تھا انچین چیزئ بہ نامئ شرّین بستگی گون ھم پلّین مُلکان نہ انت۔ شہ ھمی وجا پہ ایشی کہدوکئن مُلکانی نیاما دشمنی دئمئ بیت آ دھشت گردیی آ دیمرئی دات آ ھیچ وھدہ لوٹوک نہ ات کہ گون ھندوستان شرّین بستگی داشتگبیت۔ شہ ای حکمت عملی آ پہ پاکستان آ چی کٹئ رستگیت ایشی را ھما مردمئ کہ ای صورتحالئ ذموار انت زاننت مگہ نونین وھدہپاکستانئ اکتساد پورہ ئن وڑئ کم واک بوتہ۔ 

وام و کرزانی بھوج بہ کچانہ باز بوتہ کہ ای بھوج آ مُلکئ عامین استمان مجبور انت بال ارنت۔ بہ ھمی وھدان بین الاکوامین اکتسادینفنڈ پہ پاکستان ۶ ملین ڈالر وام دات مگہ ای وامئ شرائط رازئ انت کہ پہ پاکستان بہ برزین کچانہ پریشانئ وڑ انت۔ درا انت کہ ایشیبھوج بہ عامین استمانئ سرا کپتگیت نون آ شہ عمرانی حکومت آ شکایت دارنت۔ بہ ھمی وھدہ کشمیرئئ گیسویین مسئلہ بال آورتہآوانی توجہ آ یک نیمگ کرتہ ھر نیمگا اشتعال انگیزئ کوشست بیت۔

عمران خان دیم بہ آمریکہ رادگ اتنت کہ بہ بین الاکوامین کونسلئ جنرل اسمبلئ دیوانئ تھا شہ وتی پروگرامئ دیما کشمیرئ مسئلہبال ارنت مگہ دیم شہ آی فیصلہ کرتنت کہ شہ سعودین عربستان ھم دورہ کننت و آدنا اوان پہ گجام وام و کرز یا دیگہ مسئلہ وجا نہشوتگنت بلکہ خاصین وڑئ بہ ھندوستانئ حلاپا محاذئ قائم کنگئ لوٹوک انت۔ ادنا رستنت و گون آ مُلکئ ولی عھد محمد بن سلمان گیندو نیند کرتنت و بہ کشمیرئ نونین حالاتانی باروا گپ و تران کرتنت۔ پاکستان پورہ ئن وڑئ کوشست کرتگیت کہ بہ کشمیرئ بھرا پورہ ئنعالم آ گمراہ کنت مگہ شہ ھر نیمگا پہ ای ھمی ھبر داتگ بیت کہ سیمین سَکیانا باید انت کہ گپ و ترانئ راہ حل بکنت۔ بہر حال نون ماچمبراہ انت کہ گیندنت شہ سعودین عربستانئ ای دورہ پہ پاکستانا چی کٹئ رسیت۔ 

ھندوستانئ باتگی ھم گون عرب و خلیجین مُلکان جوان انت و ای بستگی ھر روچ گیتیر بنت۔ دنیائ تا دیگہ ھم مزنئن مسئلہ استنت کہعالمین براسدارئ توجہ زرورتمند انت۔ اگہ پاکستان بہ ھندوستانئ حلاپا وتی سفارتین مھم آ اوشتارینیت و بہ ای جاگہ بہ وتی گیسویینسَکیانی سرا غور کنت پہ ای گیشترین کٹئ رسیت۔ بہ اکتوبر ماہ باید انت کہ پہ ای ایم ایف و ایف آ ٹی اف پسوئ دنت و اگہ آیگیسویین حالات گیتیر مہ بنت آ گون گیشترین سَکیان دیم پہ دیم بیت۔