سرگال: شہ ھندوستان دعوت بوتہ کہ بہ جی - ۷ دیوان تھا کہ پیرس تھا تسر بیگا انت کوت بگیت۔

بری سالئ اگست ماہ تھا، سرئ وزیر واجہ نریندر مودی بہ فرانسئ جالئ سیمان، بہ بائرز مقام آ، بہ جی -۷ سربراھانی کفرانس تھا کوت گرگا بنت۔


فرانسئ جمھورین سدر واجہ ایمنویل میکران شہ اسٹرالیا دورہ کرتنت و ھور گون جالئ آپریکہ ھندوستانئ مُلکا ھم بہ خاسین مھمانئ پیما دعوت کرتنت۔ گیشترکین وھدان جی ۷ مُلکانی سربراھانی دیوانئ تھا شہ سربراھان دعوت کنت کہ بہ آوانی تھا کوت بگرنت و بہ عالمین سَکیانی باروا گون یکئ آ دیگراوتی پکر و حیالانا شریک کننت۔


شہ فرانس نیمگا، ای دعوتنامہ ای ھبرئ اعتراف انت کہ عالمئ تھا ھندوستان یک مزنئن اکتسادی و مضبوط ئن سیاسین مُلکئ انت۔ نھمی وڑا ای ھبرئ نشان دیوک ھم انت کہ نہ تھانکا بہ ھند و فرانس نیاما اسٹرٹجیک ئن بستگی دینرئی کننت بلکہ ھندیی سرئ وزیر واجہ نریندر مودی و فرانس جمھورین سدرواجہ میکران نیاما ھم ذاتین بستگی بہ برزین کچانہ شرّ انت۔


فرانس جمحورین سدر میکران وھدہ کہ ای دعوت آ یم داتگنت شہ ھندیی کلیدین کوت آ کہ بہ عالم گیریت دیمرئی و ماحولیاتی تحفظ بھران داشتگیت یات کرتگنت۔ ای ھبر یات کنگئ وڑ انت کہ بہ ۲۰۱۵ سالئ تھا بہ سی او پئ ۲۱ دیوان تھا سرئ وزیر واجہ نریندر مودی ھور گون فرانسہ آ وھدہ جمھورینسدر فرانکویس ھولانڈئ شریکین وڑئ بین الاکوامین اتحاد شمسی آ بنگیج کرتنت۔ رندا شہ آی بہ ۲۰۱۷ سالئ جون ماہ سرئ وزیر واجہ نریندر مودی بہ سینٹس پیٹرسبرگ تھا بہ اکتسادین فورم تھا کوت گپتنت و راستام بہ پیرس شوتنت کہ پئ جمھورین سدر ایمنویل میکران مبارکی دینت کہ آوان بہ جمھورینسدرئ پیما گیچئن بوتگنت۔ رندا شہ ایشی کہ جمھورین سدر ڈونالڈ ٹرامپ وترا شہ پیرس معاھدہ یک نیمگ کرتنت دیرین وھدہ بعد ای دورہ شہ پیرس کنگا بنت۔ آ وھدہ جمھورین سدر میکران و سرئ وزیر واجہ مودی یکجا جار جتنت کہ آوان پیرس معاھدہ پابند ماننت۔


مارچ ماہ بہ ۲۰۱۸ سالا وھدہ کہ جمھورین سدر میکران شہ ھندعستان دورہ کرتنت پہ بین الاکوامین شمسی اتحادئ تقویت آ آی اولی دیوان قائم بوت۔ ھور گون عالمگیریت و موسمئ تبدیلی سَکیان سرئ وزیر واجہ نریندر مودی و جمھورین سدر واجہ میکرانئ پکر و حیال بہ دھشت گردیئ بھرا ھم یک رازانت۔ ھندوستان و فرانس ھر دوکین دھشت گردیئ شکار انت۔ دوکین مُلک شہ دھشت گردیی حلاپ کنگئ پالسی آ نیمہ داری کننت و ھمی وڑا پہ ای لعنتئ پروش داتنا ھر ممکن ئن گامانا زورنت۔ ای ماھئ ۸ تاریخا وھدہ کہ سرئ وزیر واجہ نریندر مودی شہ مالدیپ دورہ کرتنت آوان بہ وتی بیانا بہ مالدیپئپارلیمنٹ تھا گشتنت کہ بہ دھشت گردیئ بھرا باید انت کہ بین الاکوامین کنفرانسئ جور بیت۔ و فرانس شہ واجہ مودیی ای لوٹگا نیمہ داری کرتگیت۔


بہ ھپت مُلکانی ڈل تھا، کاناڈا، فرانس، جرمنی، اٹلی، جاپان، برطانیہ و آمریکہ شامل انت۔ ای مُچین مُلک دیمرئی کرتگین مُلک انت کہ گشتگ بیت آوانی اکتساد مضبوط و مستحکم انت۔ بہ جی ۷ سربراھانی دیوان تھا متحدین اروپائ نمایندگ ھم کوت گرنت۔ بہ ۱۹۷۵ سالا فرانس جی ۶ ڈل آ بناہ کرت مگہرندا شہ یک سال آ کاناڈا ھم بہ آی تا ھور بوت و ای ڈلئ نام جی ۷ بوت۔ بہ ۱۹۹۷ سالا روسیہ آ ھم بری ڈلئ تھا شامل کرتنت و ای راز ای ڈل ۸ مُلکانئ ڈلئ بوت مگہ بہ ۲۰۱۴ سالا وھدہ کہ کریمیا بہ وتی علمداری آ گپت ای را شہ ای ڈل آ یک نیمگ کرتنت۔


شہ وھدہ کہ بناہ بوتگیت ای ڈل نہ تھانکا بہ عالمین اکتسادین دیمرئی بھرا پکر و حیالانا شریک کنت بلکہ بہ بین الاکوامین اکتسادئ دیمرئی بھرا فیصلہ ھم کرتگیت۔ پہ اکتساد، توانائی و سیکورٹئ مسئلہ آن و پالسیانی بھرا جی ۷ ڈل کار کنت۔ سرئ ایشی ھم بہ ایشی باسکانی دیما سوجئ درا بوت وھدہ کہ بہ۱۹۹۹ سالا جی ۲۰ ڈل قائم بوت۔


اول سرا جی ۲۰ سالئ تھا دو وار دیوان تسر کرت مگہ رندا کرار کرار سالئ تھا یک وار دیوان تسر بوتنت۔ بہ ھمی مُچین دیوانانی تھا ھندوستان کوت گپتگیت۔ ای ڈلئ آیوکین دیوان بہ جون ماہ شہ ۲۸ آ تہ ۲۹ جون آ بہ جاپانئ اوساکائ شھر تھا تسر بیگا انت کہ بہ آی تھا سرئ وزیر واجہ نریندر مودی کوتگرنت۔ شہ ھندیی کوت گرگا بہ جی ۷ دیوانا پہ روکپتئ سیمانی دھشت گردین سَکیانی حلاپ کنگا مزنئن مددئ بیت۔ ھور گون ایشی بہ کثیر مُلکی برابر ئن سوداگریئ نظامئ دیمرئی کنگ و ماحولیاتئ تحفظ بھرا گام گرگانی بھرا ھم کٹوک بیگا انت۔