سرگال:پاکستان آ سرکار او عدلیہ اۓ نیمگا ناوشی
مُچھین گُمان ہمیں ڈساں کہ پاکستان آ یک دھکا پدوارغ سرکار او عدلیہ اۓ نیمگا باز ناوشی پیدا بی اغ والا ایں۔۲۰۰۷ آ پؤجی ڈکتیتر جنرل پرویز مشرف ہماں وخت اۓ مزن ایں قاضی آف پاکستان افتخار محمد چودھری اۓ ھِچھ فیصلہ آژ ناوش بیسغۓ سا تہ آنہی آ قاضی چودھری اۓ حلاپ بیسؤ آنہی آ برخاست کھُزغۓ سا ہمائی آ پھدا پاکستان اۓ قاضی آنہی واہریائی کھنغ آپا احتجاج کھُزا او ہمیں مزاحمت اۓ
تحریک آ عوامی،احتجاج او بیزاری اۓ دیم گِتغۓ سا۔آخیر ہمیں تحریک جنرل مشرف اۓ زوال اۓ باعث بیسا۔نی آنہی اۓ یک دھائی آژ دی گیش عرصہ پھدا یک وار پدوارغ سرکار او عدلیہ اۓ نیمگا ناوشی پیدا بیسا مگن ہمیں دھکا مسلہ چھے اے گیش نازک ایں ۔آں وخت سدھائی آ پؤج حکومت کھنغۓ سا او شے دھکی پؤج پردہ اۓ پھدا آژ کار کھنغیں۔مزن ایں عدالت اۓ یک ایماندار قاضی فائیز عیسی اۓ حلاپ صدر پاکستان عارف علوی آ مزن ایں جوڈیشیل کونسل آ یک ریفرنس داخل کھُزا ہمائی روگا برطانیہ آ قاضی فائیز عیسی اۓ ماڑی آنی جانچ کھنغ اۓ ٹؤک گوشتی آ شُزا۔اے حالت تھانگا پیدا بیسا ،آنہی اصل ایں قِصو اِش انت کہ قاضی عیسی اۓ سروکی آ مزن ایں عدالت اۓ دو نفری بینچ آ پاکستان اۓ بُنجہ اسلام آباد اۓ نزیخ فیض آباد آ ۲۰۱۷ آ یک دھشت گرد ٹلہ اۓ غیر قانونی عمل آنر ناجائیز او غیر آئینی منسؤ پؤج او ایجنسی آنی چکا سدھائی آ الزام جھزغۓ سا کہ آنہی اپسر آں ہماں وخت اۓ سرکار آ پریشان کھنغ آپا تحریک لبیک پاکستان نام اۓ انتہا پسند تنظیم اۓ واہریائی کھُزغۓ سا او آنہی کارکن آنر زر داسی آ شُزغۓ ساں ۔قاضی عیسی آ پؤج اۓ سۓ اوں پاڑ آنی سروک آنر ہدایت دی داسا کہ آنہی بُنا کار کھنغ والا اپسر ہماں کہ ہمیں عمل آنی اندرا اوار اساں،آنہاں نی حلاپ آں سخت ایں کاروائی کھناں پھرچھے کہ آنہی آ وتی حلف اۓ حلاپ ورزی کھُزغۓ سا ہماں کہ غیر ٹؤک اسا۔پاکستان آ عامین ویچار اِش انت کہ ہمیں فیصلہ اُش کھُزؤ پؤجی ہیڈ کوارتر آ تیش آتکا او آنہی آ قاضی عیسی آر سبق دۓ اغ اۓ عہد کھُزا۔قاضی عیسی اۓ حلاپ ریفرنس آ صدر پاکستان یعنی عمران سرکار اۓ وٹاژ داخل کھُزی آ شُزا مگن اے ٹؤک روش اۓ وڑا اُجلا ایں کہ آنہی پھدا پاکستان اۓ پؤج اۓ دماغ کار کھنغیں۔بہر حال اے مُچھیں ٹؤک سرکار اۓ ردین ویچار او بد نیتی آ پدھر کھنت۔مزن ایں عدالت اۓ بار کونسل آنہی آ بدلہ اۓ کاروائی ڈسغاں ۔پاکستان بار کونسل آ سَک احتجاج کھُزا او وتی یک قرارداد آ مزن ایں جوڈیشیل کونسل آژ مطالبہ دی کھُزیش کہ آں آئین اۓ اسپرت او وقار آ برقرار ایر کھُزؤ ہمیں ریفرنس آ رد کھنت۔
تحریک آ عوامی،احتجاج او بیزاری اۓ دیم گِتغۓ سا۔آخیر ہمیں تحریک جنرل مشرف اۓ زوال اۓ باعث بیسا۔نی آنہی اۓ یک دھائی آژ دی گیش عرصہ پھدا یک وار پدوارغ سرکار او عدلیہ اۓ نیمگا ناوشی پیدا بیسا مگن ہمیں دھکا مسلہ چھے اے گیش نازک ایں ۔آں وخت سدھائی آ پؤج حکومت کھنغۓ سا او شے دھکی پؤج پردہ اۓ پھدا آژ کار کھنغیں۔مزن ایں عدالت اۓ یک ایماندار قاضی فائیز عیسی اۓ حلاپ صدر پاکستان عارف علوی آ مزن ایں جوڈیشیل کونسل آ یک ریفرنس داخل کھُزا ہمائی روگا برطانیہ آ قاضی فائیز عیسی اۓ ماڑی آنی جانچ کھنغ اۓ ٹؤک گوشتی آ شُزا۔اے حالت تھانگا پیدا بیسا ،آنہی اصل ایں قِصو اِش انت کہ قاضی عیسی اۓ سروکی آ مزن ایں عدالت اۓ دو نفری بینچ آ پاکستان اۓ بُنجہ اسلام آباد اۓ نزیخ فیض آباد آ ۲۰۱۷ آ یک دھشت گرد ٹلہ اۓ غیر قانونی عمل آنر ناجائیز او غیر آئینی منسؤ پؤج او ایجنسی آنی چکا سدھائی آ الزام جھزغۓ سا کہ آنہی اپسر آں ہماں وخت اۓ سرکار آ پریشان کھنغ آپا تحریک لبیک پاکستان نام اۓ انتہا پسند تنظیم اۓ واہریائی کھُزغۓ سا او آنہی کارکن آنر زر داسی آ شُزغۓ ساں ۔قاضی عیسی آ پؤج اۓ سۓ اوں پاڑ آنی سروک آنر ہدایت دی داسا کہ آنہی بُنا کار کھنغ والا اپسر ہماں کہ ہمیں عمل آنی اندرا اوار اساں،آنہاں نی حلاپ آں سخت ایں کاروائی کھناں پھرچھے کہ آنہی آ وتی حلف اۓ حلاپ ورزی کھُزغۓ سا ہماں کہ غیر ٹؤک اسا۔پاکستان آ عامین ویچار اِش انت کہ ہمیں فیصلہ اُش کھُزؤ پؤجی ہیڈ کوارتر آ تیش آتکا او آنہی آ قاضی عیسی آر سبق دۓ اغ اۓ عہد کھُزا۔قاضی عیسی اۓ حلاپ ریفرنس آ صدر پاکستان یعنی عمران سرکار اۓ وٹاژ داخل کھُزی آ شُزا مگن اے ٹؤک روش اۓ وڑا اُجلا ایں کہ آنہی پھدا پاکستان اۓ پؤج اۓ دماغ کار کھنغیں۔بہر حال اے مُچھیں ٹؤک سرکار اۓ ردین ویچار او بد نیتی آ پدھر کھنت۔مزن ایں عدالت اۓ بار کونسل آنہی آ بدلہ اۓ کاروائی ڈسغاں ۔پاکستان بار کونسل آ سَک احتجاج کھُزا او وتی یک قرارداد آ مزن ایں جوڈیشیل کونسل آژ مطالبہ دی کھُزیش کہ آں آئین اۓ اسپرت او وقار آ برقرار ایر کھُزؤ ہمیں ریفرنس آ رد کھنت۔
Comments
Post a Comment