سرگال:پاکستان آ دھشت گرد آنی حلاپ کاروائی کھنغ لوٹھی

سیال داری آ گُشغ او عمل کھنغ اۓ فرق ہمیختر کھمین بی ہمیختر شَر ایں بی او اگر بلکل دی نوی تہ آنہی آژ دی گیش شَر بی مگن پاکستان ہمیں ٹؤک پوہ نوی ۔آنہی لیڈر آں کے ای دھکا وتی ٹؤک آنژ اے اُمیت داسا کہ دھشت گردی اۓ آسر کھنغ آپا پاکستان کاروائی کھنت مگن اُمیت کھدیں پھیلو نویسا،آنہاں نی گُشغ او عمل کھنغ اۓ فرق پدھر بیسا۔ایزا تکا کہ عالمی براسی آ دی اے محسوس کھُزا کہ دھشت گردی آ آسر کھنغ آپا سنجیدہ نعیں ہمیں خاطرہ پاکستان آپا آنہی سلوخ آ بدلاؤ آتکا ۔ہمیں بدلاؤ اۓ اثر ایں کہ پاکستان اۓ سجوں آنژ نزیخ ایں سنگت چین دی آنہی آژ دیر بی اغ آپا لاچار بیسا او آنہی آ مسعود اظہر آ اقوام متحدہ اۓ وٹاژ عالمی دھشت گرد منغ آپا ھِچھ خلل نہ ماکھُزا۔شنگھائی کوآپریشن آرگنائیزیشن اۓ سروک آنی اجلاس آ دی اے صاف نیاہ آتکا کہ دھشت گردی آ جہان اۓ مُچھیں مُلک آسر کھنغ آ باڑہ آں ۔شنگھائی کوآپویشن آرگنائیزیشن اۓ جار آ آنہی اۓ مُچھیں باسک مُلک آں دھشت گردی آ آسر کھنغ آپا نہ چھڑوئی آ دھش گردی آ آسر کھنغ آپا ہم صلاحی پھیدھارتھا بلکہ سیماں اۓ آں وٹاژ دھشت گردی،دھشت گردی او انتہا پسندی گیش بی اغ آپا سیکیورتی آپا چیلنج ڈسسا۔جار آ راست ڈؤل چکا اے گوشتی آ شُزا کہ ہمیں شۓ آنی آسر کھنغ آپا عالمی براسی یک دوہمی چکا خاصیں دھیان دا،یک دوہمی اۓ واہریائی کھنت ۔ھِند سرا آژ مثبت تعاون او وشتر سیال داری اۓ قیام آپا باڑہ ایں ۔ھِند آ پاکستان آ سمجھائینغ اۓ باز کوشش کھُزا کہ دھشت گردی وا آنہی آپا دی خطرناک ایں مگن ٹؤک کھدیں دی پاکستان اۓ سمجھ آ نیاتکا۔کے ای دھکا پاک لیڈر آں ھِند آگو وشتر سیال داری آپا چھی اے مثبت پیرا داسغاں مگن ہر وار پاکستان آ سرگرم دھشت گرد آں اے احساس دیائینتھا کہ پاک لیڈر ھِچھ دی گُشاں مگن آں وتی ردین عمل آنژ پھدا نہ ہٹاں ۔پاکستان آ دھشت گرد آنی حلاپ کھدیں دی سنجیدہ کاروائی نہ کھُزا۔اولی ایں مُدت کار آپا حلپ گِرغ اۓ تقریب آ سر وزیر نریندر مودی آ دیگر ہمسائیگ مُلک آنی سروک آنی ورا پاکستان اۓ سروک آر دی کانڈھ داسغۓ سا۔اے ہمیں ٹؤک اۓ اشارہ اسا کہ ھِند وتی مُچھیں ہمسائیگ مُلک آنر یک بھیرۓ اہمیت دا۔پاکستان آ ہمیں موقع اۓ فائیدہ زُڑتھؤ وشتر ایں سیال داری قائیم کھنغ اۓ کوشش کھنغ لوٹھغی اسا مگن آنہی آ اینگا نہ کھُزا۔پلوامہ ھِلگر آ تہ ھِند اۓ پھجی آ مُچھیں جہانی براسی آ دی ہلائینتھؤ ایر کھُزا۔ہمیں ھِلگر اۓ زمہ واری جیش محمد آ گِتا۔آنہی آ پھدا پاکستان اۓ نی ایں سروزیر عمران خان آپا ہمیں دھشت گرد تنظیم اۓ حلاپ کاروائی کھنغ آسان اسا لیکن عمران آ ھِند آژ ثبوت آنی مطالبہ کھُزا۔ہمیں صورت آ پاکستان چکا باور کھنغ مشکل بیسا۔پاکستان آ اے پوہ بیسؤ دی وتی سرڈغار آژ دھشت گرد آنی حلاپ کاروائی کھنغ لوٹھی پھرچھے کہ آنہی آژ آں وا دی متاثر بی غیں۔دھشت گردی آ اقتصاتی ایں ڈؤل چکا آنہی آ برباد کھُزا۔دھشت گردی اۓ وجہ آژ ہی سرمایہ کار پاکستان آ سرمایہ کاری کھنغ نہ لوٹھاں۔پاکستان آ وشحال بی غی ایں تہ آنہی آ دھشت گرد آنی حلاپ کاروائی کھُزؤ آنہی آ آسر کھنغی بی۔