سرگال: اف آ ٹی اف وارننگ پہ پاکستان۔

مزنئن بین الاکوامین تنظیم فائنینشل ایکشن ٹاسک فورس کہ دھشت گردانی فنڈنگ آ چمئ چیرا داریت وتی پلینری دیوانانا شہ جون ۱۶ تہ ۲۱ تاریخا بہ فلوریدائ اورلینڈو شھرئ تھا تسر کرت۔ بری دیوانئ آخر سرا پا پاکستان سَکین وڑئوارننگ داتگ بوت پہ چہ کہ آ تہ نون بہ ھما ممنوعہ ئن دھشت گردین ڈلانی فنڈنگ اوشتارینگا و آوانی حلاپا کہ بہ سیمسرئ دیگہ نیمگا دھشت گردیا دیمرئی دینت گجام سَکین و شرّین گام نہ زورتگیت و شاید ای حالتانئ سَکیانا تہ نون پورہئن وڑئ زانتگ نہ کرتگیت۔


ایف آ ٹی ایف نونین وھدہ تہ ای کچانہ پہ پاکستان رعایت کرتگیت کہ پہ آی تہ اکتبرئ ماہ وھدہ داتگیت کہ زرورین گامانا بری بھرا زورتگ کنت۔


تہ آ وھدہ پاکستان آ بہ سیائن لسٹ تھا شامل نہ کننت مگہ اگہ آ وھدہ برسیت و پاکستان رندا ھم وتئ وعدہ پورہ مہ کنت باید انت کہ پہ آی نتائج آ چمبراہ بیت۔ بری برا ای ھبر یات کنگئ وڑ انت کہ ایف آ ٹی ایف شہ سیمسرئ آ نیمگئ دشتگردیئ دپ دیگانی سنگینی و سَکی آ یات کرت و شہ پاکستان بدگشی کرت پہ چہ کہ آ نہ تھانکا کرتگ نہ کرت کہ وتی ایکشن پلانئ شرائط آنا تہ مقررہ ئن وھدہ کہ جنوری ات الاس کنت بلکہ مئ ۲۰۱۹ مکسد آ ھم کہ داشت بہ آی بھرا بیسوب منتگیت۔ ای ھبر یات کنگئ وڑ انت کہ بہ گئوستگین سالئ جون ماہ ایف آ ٹی ایف پاکستان آ بہ

گرئ لسٹ تھا شامل کرت و لوٹوک بوت کہ آ پہ دھشت گردیئ فنڈنگ و پول شودیی اوشتارینگا ھما مُچین زرورین گامانا بزوریت۔


پاکستانئ ڈنئ کارانی وزیر شاہ محمود قریشی وت ای ھبرا اعتراف کرتنت و تسلیم بوتنت کہ گرئ لسٹ تھا شامل بیگ پہ پاکستان یک مزنئن خرابین ھالئ ات پہ چہ کہ گون ایشی پاکستان سالینہ ئن وڑئ ۱۰ بلین ڈالر نقصان کنت۔


بہر حال بہ کش و گیر آ حالات گیشتر خراب بوتنت و شہ سیمسرین دھشت گردین دپ دیگانی وجا ھند و پاکستانئ بستگی ھم گیشترین وڑئ خراب بوتنت۔ بہ جمو و کشمیرئ پولوامہ سیمان جیش محمدیئ دھشت گرد گیش شہ ۴۰ سی آر پیاف پوجیانا شھید کرتنت۔ شہ ایف آ ٹی ایف نیمگا ای وارننگئ کہ پہ پاکستان داتگ بوتگیت شہ ایشی کچانہ جتگ بیت کہ اگہ پاکستان پہ راستی تہ اکتبرئ ماہ وتی وعدہ آنا پورہ مہ کنت و بہ اوانی بھرا گام مہ زوریت آی را پہ راستی سیائنلسٹ تھا شامل کننت۔ درا انت کہ اگہ پاکستان سیائن لسٹ تھا شامل بیت ھور گون دیگہ سَکیان آی اکستادین بحران ھم گیشتر و خرابتر بیت۔


ھندوستان لوٹوک نہ انت کہ پاکستانئ سیاسین استحکام ٹپ گیندیت، یا ای مُلک تھا سَکین اکتسادین بحرانئ ودی بیت۔ مگہ آ زروری شہ پاکستان لوٹوک انت کہ وتی پالسی آ بہ دھشت گردیئ بھرا بدل کنت و شہ وتی سرڈگار آ دھشت گردانیبرآمد کنگا اوشتارینیت۔


دیرین وھدہ انت کہ ھندوستان شہ سیمسرئ آ نیمگا دھشت گردین دپ دیگانی شکار بیت۔ آ ھر وھدہ کوشست کرتگیت کہ وتی بستگیانا گیتیر بکنت۔ یک وار نہ چُنتی وار ھم گوازی وارتگیت۔ سرئ آ امن و امانئ مسئلہ ھر وھدہ اولویتداتگیت۔ مگہ وھدہ کہ شہ سر آ سر شوت و آپ شہ آی سرا برز شوت آ مجبور بوت کہ سرجیکال اسٹرائک آ تسر کنت و رندا شہ پولوامہ ھلگر آ پاکستانئ تھا پوتریت و بالاکوٹ آپریشن آ بہ دھشت گردانی حلاپا تسر کنت۔


ایف آ ٹی ایف نونین وھدہ پہ پاکستان سہ ماہ وھدہ داتگیت مگہ ای بین الاکوامین واچ ڈاگ ۲۸ باسک پہ پاکستان سَکین وڑئ ای ھبرا یات آور بوتگنت کہ بہ طئ بوتگین وھدہ دیمترا پاکستان بہ دو ایکشن پلان پورہ کنگا ناکام و بی سوبمنتگیت کہ شہ آی وجا ای اعتبار کم بوتہ۔


پاکستانین دھشت گردیئ نشان ھر وھدہ ھندوستان بوتگیت۔ بری بھرا آ امیت درا کرتگیت کہ کم شہ کم رندا شہ انچین سَکین وارننگ پاکستان ایف آ ٹی ایف ایکشن پلان آنا عملی کنت و بری ۳ ماہ وھدہ کہ پہ آی داتگ بوتہ آ کوشست کنت کہپورہ ئن وڑئ شہ آی کٹ گیت و معتبر و پایدار ئن گام بزوریت۔


پاکستانئ ارباب اختیار وت باید انت کہ ای ھبر آ محسوس کننت کہ باز کمین وھدہ منتگیت، و نون عالمین براسداری تھانکا گون ظاھرین کاروائیان مطمئن بوتگ نہ کنت۔ بہ ھمی گئوستگین روچان ھم شنگھائی تعاون تنظیم ھم بہ وتی شریکیناعلامیہ تھا بہ باسکئن مُلکانی سرا زور داتہ گشتنت کہ دھشت گردیی باید انت کہ شہ نیاما زورتگ بیت۔ بری کنفرانس تھا پاکستانئ سرئ وزیر عمران خان ھم کوت داشتنت۔