سرگال: آمریکہ و ایرانئ بستگی: ٹرامپئ فشار پالسی باید انت کہ بدل بنت۔

بہ جمھورین سدر اوباما وھدہ رندا شہ دیرینہ ئن دیوان و گپ و ترانان ایران و آمریکہ و آوانی اتحادی ھور گون آوان بہایرانئ نیوکلیائین پروگرام سرا سمجھوتہ کرتنت، ای فیصلہ مزنتری و گیتیرن فائدگ ایش ات کہ ھما تشویش و پکرئ کہبہ ایرانئ نیوکلیائین پروگرامئ خطرانی باروا ات بہ برزین کچانہ کم بوتنت و دیگہ نیمگا شہ اکتسادین تحریمانی وجاھما فشار و اکتسادین بحرانئ کہ گون آی ایرانئ دیم پہ دیم ات شہ آی ایران بہ برزین کچانہ وترا رکتگ کرت۔

ھما دیگہ مُلک کہ گون ایران کار و بار داشتنت شہ ایرانئ اکتسادین تحریمانی وجا پہ آوان ھم بہ برزین کچانہ ٹپرستگیت۔ مگہ رندا شہ ایران - آمریکہ معاھدہ سِکی نانگمانا کم بوتنت و حالات گیتیر بوتنت۔

ایران شہ ھمی معاھدہ شرائط دیما ھم کار کرت۔ مگہ رندا شہ ایشی کہ جمھورین سدر واجہ ٹرامپ بہ جمھورینسدرئ پیما رستنت ھما راز کہ آمریکہ دیگہ پالسی بدل بوتنت ایران و آمریکہ ای معاھدہ ھم یک گامئ پھدوئی زورت،ای وھدہ ات کہ آمریکہ جمھورین سدر واجہ ٹرامپ جار جتنت کہ آوان فیصلہ کرتگنت کہ آمریکہ شہ ای معاھدہ یکنیمگ بیت۔ سرئ ایشی کہ ای معاھدہ دیگہ اتحادی لوٹوک اتنت کہ ای معاھدہ ھمی راز رادگ مانیت مگہ واجہ ٹرامپایچ مردمئ ھبرا گوش دارگا نہ بوتنت۔ بہ ھمی رازئ فیصلہ آنی کنگئ بھرا آوان مشھور ھم استنت۔ درا انت کہ رندا شہآوانی ای وڑئ سَکین فیصلہ ایران ھم وتی رد عمل آ درا کنگا بوت۔ مثلا آ اخطار داتنا بناہ کرت کہ بہ ھما موشکولیانیبند کنگئ بھرا کہ ای معاھدہ جور و دستخت بوتت آ ھما موشکولیانا بناہ کنگئ اخطار آ دات۔ درا انت کہ گجام نہ گجامرد عملئ باید انت کہ درا بوتن۔ بری حالاتانی نتیجہ سَکی و کشیدگی دیگہ ھم گیش بوت۔ آمریکہ ھوائین اسٹرائیک آنیسلسلہ بناہ کرت۔ بہ پسوئ آ ایران یک آمریکائین ڈرونئ را بہ آبنائی ھرمز سرا تیر کرتہ جال آورت۔ درا انت کہ ایسَکیانی گیش بیگئ پکر و تشویش مُچین دنیا گپت۔ بہ بعضئ مردمانی تھا ای ھبرئ سرا ھم گپ و تران ات کہ واجہٹرامپ گیشترین سَکین گام زورتگ کننت کہ شہ آوانی وجا سَکی دیگہ ھم گیش بوتگ کننت۔

مگہ یک اطمینانئ وڑئ ھبرئ ایش بوت کہ واجہ ٹرامپ فیصلہ کرتنت کہ ھوائین اسٹرائیکانی سلسلہ اوشتاریننت۔ آوانگشتنت کہ آوان شہ ای وجا ای فیصلہ کرتگنت پہ چہ کہ آوان لوٹوک نہ انت کہ ایران جانین وڑئ ٹپ گیندیت پہ چہ کہایرانی استمان پہ آمریکائیان گجام جانین ٹپئ نہ رسینتگنت۔ شاید ھم آوان شہ ھمی وجا اسٹرائیکانا اوشتارینگئ فیصلہکرتنت مگہ آوانی فیصلہ باز شرّ ات و یک مثالین صبر و تحملئ درا کنگ ات وھدہ کہ آوانی کومین سیکورٹئ صلاحکارسَکئن بیان بہ ایرانئ باروا دینت۔ کومین سیکورٹئ صلاحکار چُنتی وا بہ وتی بیانانی تھا پہ ایران جنگئ اخطار آ داتگنت۔بہر حال نون کچانہ جتگ بوتہ کہ سَکی بہ دو مُلکانی بیانا شہ ایشی گیشتر نہ بیت۔

دراصل بہ دوکین مُلکانئ نیاما نونین سَکیانی اصلئن وج ایش انت کہ واجہ ٹرامپ لوٹوک انت کہ بہ ایرانئ سرا گیشترینفشار آرگئ پالسی اختیار کننت کہ ایران شہ اکتسادین سَکیانی وجا مجبور بیت کہ پہ گپ و ترانا گون آمریکہ نیندیت ویک رازئ معاھدہ گون آی کنت ھر رازئ کہ آمریکہ شہ آی بلوٹیت۔ ای پالسی آ آوان دیمترئ سالا اختیار کرتنت مگہ رنداشہ یک سال آ ای راز درا بیت کہ حالات خرابتر بوتنت و جنگئ امکانات ودئ بوتنت۔

بری پالسئ پسوئ آ ایران ھم فیصلہ کرت کہ بہ محدودین کچانہ مول زوریت و آمریکہ ڈرون آ نشان گپتہ جال آورت،وھدہ کہ آمریکہ شہ نیوکلیائین معاھدہ یک نیمگ بیگئ فیصلہ کرت آمریکہ ھم اخطار دات کہ آ پہ یورنیئیم گیش کنگئبھرا شہ معاھدہ یک نیمگ بوتہ کار کنگا بناہ کنت۔

بہر حال نون شہ واجہ ٹرامپئ رویہ ای راز درا بیت کہ آوان جنگ کنگئ لوٹوک نہ انت۔ بری وھدہ آوان باید شہ فرصت آکٹ گپتہ یک رازئ حکمت عملی اختیار کننت کہ شہ آی وجا حالات خرابتر مہ بنت و گیتیر بنت۔ پہ ایشی کٹ گرگ شہسفارتین ذرائع آ مدد کنوک بوتگ کنت۔ ایران تھانکا لوٹوک انت کہ شہ اکتسادین تحریمان الاس بیت۔ ای مُچین ھبرگون سفارتین موشکولیانی حل بوتگ کننت۔ گیشترین فشارئ آورتن مدد نہ کنت کہ ای ھبرا جمھورین سدر ٹرامپ ھمشہ گئوستگین ھرمز دپ دیگا احساس کرتنت۔