سرگال: سرکار بہ دیمرئی رفتار سرا غور کنگا انت۔

رندا شہ زبردستین سوبئ بہ دست آرگا بہ پارلیمنٹئ گیچئن کاریانی تھا، کومین جمھورین اتحادئ مُلکئ حکومت پورہ ئن وڑئ تیار انت کہ مُلکئ اکتساد آ گیشترین وڑئ دیمرئی دنت کہ شہ آی ملازمت ودی بیت و مردمانی زندئ معیار ھمدیمرئی کنت۔ 

سرئ وزیر واجہ نریندر مودی ای ھبرا اسپیت کرتگنت کہ پہ مُلکئ اکتسادین دیمرئی رفتارئ گیش کنگا آوان بہ اکتسادین اصلاحاتانی تسر کنگئ سرا پابند عھد انت۔ نیتی آیوگ تھا اکستادین زانتکار، و دیگہ دپترانی زانتکار مُچین یکجا وھدہکہ دیوان کرتنت بری ھبرئ سرا غور کرتنت کہ باید انت کہ مُلکئ اکتساد آ مسابقتی کننت کہ مُلکئ گیرمُلکین راستامین سرمایہ کاریانی کچانہ شہ ای راھ گیشتر بیت۔ 

بہ ملازمت، کشارگری، دروائی و تعلیم رازئ دپترانی زانتکار گون سرئ وزیر واجہ نریندر مودی دیوان کرتگنت و ای دیوان بہ برزین کچانہ اھمیتئ وڑ انت پہ چہ کہ ای دیوان چُنت روچ دیما شہ جولائ ۵ تاریخا تسر بوتہ و سرکار وتیبجٹ آ بہ ھمی تاریخ آ دیما کنگا انت۔ بری دیوانئ تھا مُچین زانتکار بہ پنچ جیتائن ڈلان کوت بوتنت چو کشارگری، دروائی، تعلیم، ملازمت و برآمدات و شہ آوان لوٹتگ بوت کہ بہ ایشنای باروا وتی پکر و حیالانا دیما کننت۔ ای گام گرگئاصلین مکسد ایش انت کہ ملازمت گیشتر بیگ و اکتسادئ رفتارئ تیزی رادگ ساتتنئ بھرا نوکین کانونئ تیار کنگ انت۔ ای ھبر یات کنگئ وڑ انت کہ بہ وتی اولی دورہ وھدہ سرئ وزیر واجہ نریندر مودی گون اکتسادئ دیمرئی دیگئزبردستین چلینج آ دیم پہ دیم بوتنت و شہ ھمی اکتسادین دیمرئی مکسدانی وجا چُنتی گام ھم زورتنت۔ 

گون حکومتئ زحمت و شہ اصلاحتانی وجا ھندوستانئ اکتساد بہ دنیائ تھا تیز رفتار ترین اکتساد بوت و نون وھدہ کہ جمھورین اتحاد یک وارئ دیگہ حکومت آ بہ دستا گپتگیت نون یک وارئ دیگہ آی دیما چلینج انت کہ دیرپا ئن و دیمرئیداتگین اکتسادئ را قائم کنت۔ استمان امیت دارنت کہ بہ سرکارئ آیوکین بجٹ تھا شہ بنیادین ڈھانچہ و سرمایہ کاری دیمرئی دیگا شہ حکومتئ منصوبہ و پلان آن یات بیت۔ 

بری وھدہ شہ بینکانی صورتحال وجا سرکار بہ بینکانی سرا ھم غور کنت۔ بہ وتی اولئ دورہ تھا سرئ وزیر واجہ نریندر مودی چو انسالونسی اینڈ بینکرپسی کوڈ آ کانون پہ بینکانی صورتحالئ گیتیر کنگا جور کرتنت۔ شہ ای گام گرگانیوجا بینکانی حالات گیتیر بوتنت و نون امیت انت کہ نوکین وزارتخانہ بہ ایشی سرا گیشتر کار کنت و ای شعبہ گیشترین وڑئ دیمرئی کنت کہ وامانی داتن آسانتر بیت۔ 

بہ مُلکئ اکتسادین دیمرئی بھرا کچانہ جتگ بوتہ کہ اکتساد بہ ۷ فیسد شرح آ دیمرئی کنگا انت۔ ای راز ای مُکک وتی پیما عالمین وڑئ رادگ ساتیت کہ تیز رفتار ترین اکتساد بہ عالمئ تھا انت۔ امیت انت کہ سرکار بہ ھما شعبہ آنی سرا ھمغور کنت کہ بہ آ بھران دیمرئی بہ برزین کچانہ سست انت۔

زانتکار بری پکر و حیالا انت کہ حکومت باید انت کہ بہ وتی دومی دورہ پہ اکتسادین دیمرئی آ زبردستین گام بزوریت۔ آوان بری پکر و حیالا نت کہ سرکار نونین وھدہ شہ ھما سرکارین کمپنیان کہ سرمایہ کشی کنت آی را رادگ ساتیت۔جی اس ٹئ نظام ھم باید انت کہ آسانتر بیت۔ ھور گون ایشی صنعتانی فراھمی ھم باید انت کہ آسانتر بیت۔ ھو گون ایشی حکومت باید انت کہ شہ آمریکہ و چینئ اکتسادین جنگئ وجا ای حالات کہ ودئ بوتگنت شہ آوان کٹ گیت و وتیبرآمداتان آ ھم کم کنت۔ 

ای راز محسوس بیت کہ اگہ ھندوستان لوٹوک انت کہ آی نام بہ عالمئ پنچ پرواکترین اکتسادانی تھا لیکتگ بیت باید انت کہ بہ وتی اکتسادین شعبہ بازین اصلاحات کنت۔ 

مُلک باید انت کہ بہ املاک، زحمت، و ڈگار بھران ھم باید انت کہ اصلاحات بیاریت و سرکار وت ای ھبرا احساس کرتگیت کہ اگہ حکومت بری بھران شرّین اصلاحاتانا تسر مکنت رندا ای مُلک بہ مصنوعات سازی و حذمتانی بھرا پھدامانیت۔ زانتکار بری پکر و حیالا انت کہ تہ وھدہ کہ مُلکئ ڈگار بازار آزات مہ بیت مصنوعات سازئ بہ عالمین کچانہ دیمرئی کرتگ نہ کنت۔ کشارگری ھم دیگہ شعبہ انت کہ بہ آی تھا سَکین اصلاحات پہ کار انت۔ خلاصہ ئن ھبر ایش کہبہ اکتسادئ مختلف ئن بھران اصلاحاتانی تسر بیگ نہ تھانکا بہ اکتسادی دیمرئیا مدد کنت بلکہ ملازمتئ بازین فرصت و وعدہ ودی بوتگ کننت۔