سرگال: ھندوستانئ سرا عالمین براسدارئ باور۔

آمریکہ ڈنئ کارانی وزیر واجہ مائک پامپیو شہ ھندوستان سہ روچگین وڑئ دورہ کرتگنت و بہ وتی دورہ وھدہ رندا شہ دیوان و دیدار کنگا گون سرئ وزیر واجہ نریندر مودی، ڈنئ کارانی وزیر واجہ سبرامنیم و دیگہ سیاسین کارکنوک وھمی وڑا سوداگرئ بھرا زانتکار و کارکنوکان آوان بہ وتی یک انٹریو پہ کومین ھالان گشتگنت کہ تھانکا آمریکہ پہ ھندوستان اھمیتئ وڑ نہ انت بلکہ ھندوستان ھم کاسئ ھما کچانہ پہ آمریکہ اھمیتئ وڑ انت۔ آمریکہ ڈنئ کارانی وزیر وتیای دورہ پرسوب قرار داتگنت و گشتگنت کہ ھندوستان و آمریکہ شرّین بستگیانی تچکین تاریخئ انت۔ آوان ھمی وڑا گشتگنت کہ ای ھبر راست انت کہ دوکین مُلکانی نیاما بہ بعض بھران اختلاپ انت و ای ھبر ھم راست انت کہ آمریکہ وھندوستان ھر گجام پہ وتی مفاداتئ تحفظ آ کار کننت مگہ آوان گشتنت کہ ای ھبر ھم راست انت کہ دوکین مُلک تیار انت کہ بہ ای اختلاپانئ حل کنگ و یک نیمگ کنگئ بھرا یکجا کار کننت پہ چہ کہ ھندوستان و آمریکہ دوکین بہ برزینکچانہ دیمرئی واکا گون یکئ آ دیگرا دارنت و دوکین باید انت کہ شہ ای وعدہ و واکا شرّین وڑئ کٹ بگرنت۔ 

آوان گشتنت کہ ما بہ دو مزنئن اکتسادانی پیما دیمرئی کرتگ کننت و بہ عالمئ دو مختلف ئن جاگان یکئ آ دیگرئ اھمین شریک بوتگ کننت۔ آمریکہ ڈنئ کارانی وزیرئ ای بیان شہ ای وجا اھمیتئ وڑ انت کہ پہ چہ کہ بہ ھمین وھدان بہآمریکہ و ھندوستانئ نیاما رازئ کہ بہ سوداگرئ بھران کشیدگی و سَکی انت شہ آی وجا زانتکار بری پکر و حیالا انت کہ پہ دیم بہ دیمرئین اسٹرٹجیک ئن بستگیانی دیمرئی آ ای ھبر و کشیدگی تشویشئ وڑ بوتگ کننت۔ ادنا ای ھبر ھم یاتکنگئ وڑ انت کہ ھور گون ڈنئ کارانی سکرٹر واجہ اس جئ شنکر آوان بہ یک شریکین پرس کنفرانس تھا گشتنت کہ دوکین مُلکانی بیاما سوداگرئ بھرا اختلاپ استنت و ای مُچین اختلاپ دوستانہ ئن دایرہ تھا کائینت و آوان امیت دارنت کہای سوداگرین سَکی شہ نیاما زورتگ بنت و آیوکین وھدہ ھر وڑئ سوداگرین سَکئ را ھم یکجا آوان حل کنگا بنت۔

ما گشتگ کننت کہ بہ چُنتی بھران و کاران ھندوستان و آمریکہ یکئ آ دیگرئ حامی و مددکار انت۔ مثلا دوکین مُلک بہ دھشت گردیئ اوشتارینگئ معاملہ آن گون یکئ آ دیگرا انت۔ ھمی راز آمریکائین سینیٹ تھا گین ھپتگا یک بل دیما بوتہکہ اگہ آ بل منت بیت ھندوستان ھم بہ ناتو تھا شامل بیت۔ رندا شہ ۹/۱۱ ھلگر آ ناتو وتی سماجین سیکورٹئ ضابطہ آنا بدل کرتگیت و ای راز ناٹو ھر گجام باسکین مُلکئ سرئ ھلگر پورہ ئن ناتو ڈلئ سرا ھلگر قرار داتگ بیت۔ ھور گونناٹو پوج آ بہ آمریکہ سروکئ آ ۳۰ مُلکانی تھا قائم بوتگین عالمین حلاپ دھشت گردیئ ڈلانی تھا ھندوستان باسک انت۔ بری روچان رازئ کہ ھندوستان و آمریکہ نیاما دو نیمگین بستگی گیتیر بوتگنت و دینرئی کرتگنت تعریفئ وڑ انت۔ گڈینسرئ وزیراٹل بہاری واجپائ دورہ وھدہ گون آمریکہ شرّین بستگیانی بنیاد بوتت و رندا شہ ۲۰۰۱ سالا دوکین مُلک اسٹراٹجکین شریک بوتنت۔ 

۲۰۰۴ سالا بہ اسٹراٹجیک ئن بستگیانی نوکین مرحلہ سرا معاھدہ بوت کہ بہ آی سیائگا دوکین مُلکانی نیاما سول نیوکلیائی تعاون‘ میزائل ڈیفنس بستگی سول اسپیس ٹکنالوجی تھا تعاون و اعلی ٹکنالوجی شعبہ نوکین تعاون و بستگیانی باببناہ بوت۔ بہ ۲۰۰۸ سالا، آمریکہ پہ ھندوستان فطری شریک کارئ درجہ دات و بہ ۲۰۱۶ سالا عالمین اسٹرٹجیکین شریک و مزنئن دپائین شریکئ درجہ دات۔ ۲۰۱۸ سالئ تھا اول سرا ۲+۲ دیوانئ سیائگا کوم کاسا معاھدہ بوت۔ ای معاھدہتعلق شہ بروقعت پوجین معلوماتئ دیگا انت۔ شہ ایشی بہ بحرانی نگرانئ وھدہ پہ ھندوستان مدد بیت۔ اگہ گجام مُلکئ بہ دوکین مُلکانی حلاپا گجام منصوبہ بندی کنت آی احوال بہ چُنت دقہ تھا پہ دوکین مُلکان رسیت۔ ای راز انت کہ دوکینمُلک بہ یکئ آ دیگرئ مفاداتانی غم آ کنت و و ڈنئ کارانی وزیر مائک پامپیو ھم بری بھرا اشارہ کرتگنت۔ مگہ فطرین وڑئ ای سوج ودی بیت کہ نانگمانا آمریکہ بہ اکتسادین بھران اینکس سَک پہ چہ بوتہ۔ اصلین ھبر ایش انت کہ بہآمریکہ ھندوستانئ نیاما اشیا و حذمتانی سوداگرئ تھا توازن بہ ھندوستانئ کوتا انت۔ یعنی کہ ھندوستانئ بازارانی تھا آمریکائین وسائل کم انت۔ 

ھمی عدم توازن سَکیانی اصلین بنیاد انت۔ باید انت امیت بیت کہ بہ جاپان، اوساکا تھا جی ۲۰ کسانین کنفرانس تھا وھدہ کہ سرئ وزیر واجہ نریندر مودی گون جمورین سدر واجہ ڈونالڈ ٹرامپ دیوان و گپو تران کننت بری سوداگرین سَکیانیباروا ھم ھبر کننت و یک حلئ راھئ کہ پہ دوکین مُلکان منگئ وڑ بیت ودی کننت۔ پہ چہ کہ شہ آمریکہ ڈنئ کارانی وزیر واجہ مائک پامپیو ھبران درا بیت کہ تھانکا آمریکہ پہ ھندوستان آ اگم نہ انت و ھندوستان ھم پہ آمریکہ اھمیتئ وڑانت۔ و دوکین مُلک بہ دو مزنئن اکتسادانی پیما دیمرئی کرتگ کننت و بہ عالمئ دو جیتائن جاگان یکئ آ دیگرئ شریک بوتگ کننت۔