سرگال: برکس سربراھانی گیررسمین دیوان بہ اوساکا!

اوساکائ تھا زیئن روچا جی ۲۰ ڈلئ سربراھانی دیوان بناہ بوت۔ برازیل، چین، ھندوستان، روسیہ و جالئ آفریقہ سربراھ شہ ای دیوان جیتا گون یکئ آ دیگرا دیوان کرتنت۔ ھندوستانئ سرئ وزیر واجہ نریندر مودی، برازیل جمھورین سدرجیئر بولسونا و روسیہ جمھورین سدر ولادمیر پوٹن، چینئ جمھورین سدر شی جنپنگ و جالئ آفریقہ جمھورین سدر سیرل راما پھوسانی پہ جاپان مبارکی داتنت کہ آ شہ جی ۲۰ سربراھانی دیوانا میزبانی کنت و شہ میزبان ئن مُلکا وش گشیکرتنت پہ ھما سرگال آن کہ آ پہ گپ و ترانا بری دیوانئ تھا گیچئن کرتگیت۔ ای ھبر یات کنگئ وڑ انت کہ بری سرگالانی تھا سوداگری، سائنس و ٹیکنالوجی، بنیادی ڈھانچہ موسمئ تبدیلی، دروائی حذمتانی فراھمی و دیرپا ئن دیمرئی ھورانت۔ 

بہ دیوانئ وھدہ برکس سربراہ ای ھبرا احساس کرتنت کہ بہ عالمئ سوداگرین دیمرئی آ استحاکم ودی بوتگیت و ای راز درا بیت کہ بری سالئ آخرا یا آیوکین سالئ تھا گیتیر ھم بوتگ کنت۔ سرئ ایشی ای ھبرا گون باور و یقین آ گشتگ نہکننت کہ گون دیم بہ دیمرئین جغرافیایی و سیاسین سَکیان و سوداگرین جنگانی نیاما دیمرئی رفتار تیز بوتگ کنت۔ برکسئ ای سربراہ پہ بین الاکوامین سوداگرئ دیرپا ئن دیمرئی آ دنیائ تھا یک موافق ئن ماحولئ جور کنگئ سرا سَک بوتنت۔ 

بہ گئوستگین ۱۰ سالئ وھدہ، برکسئ مُلک بہ عالمین دیمرئی تھا اھمین کوتئ داشتگنت۔ کچانہ جتگ بوتہ کہ تہ ۲۰۳۰ سالا عالمین اکتسادئ دیمرئی تھا آوان کلیدی و اھمین کوتئ دارگا بنت۔ گون ڈھانچہ آنی نفاذ آ برکسئ صلاحیت پہ دیمرئیکنگا گیش بیت۔ 

بہ برکس مُلکانئ نیاما شہ دو نیمگین سوداگریا بین الاکوامین سوداگری ھم دیمرئی کرتگ کنت۔ ای سربراہ تسلیم بوتنت کہ بازارانی آزاتی، اکتسادئ تبدیلی، اکتسادین استحکام، گیتیرین اکتسادین پالسی و پبلک و پرائیویٹ شرکتدارئ اھمیتئ وڑانت۔ آوان گشتنت کہ برکس تنظیم شفاف، گیر جانبدارانہ، آزات و مُچانی شمولیتئ بین الاکوامئن سوداگرئ اصلاح بیگئ پابند عھد انت۔ 

آوان بری پکر و حیالا اتنت کہ یک طرفیت و مُلکئ صنعتانی سرا ڈنئ مالانی فراھم کنگئ کار بہ عالمین سوداگرئ تنظیمئ جذبہ و اصولانی حلاپا انت۔ ای سربراہ بہ سوداگرئ بھرا بین الاکوامین کانون و مُچانی شمولیتئ بھرا وتی پابند عھدبیگا درا کرتنت۔ آوان گون عالمین سوداگرئ تنظیم آ شہ کانونین سوداگرئ نظامئ نیمہ داری آ درا کرتنت و سرئ ایشی آوان گشتنت کہ عالمین سوداگرئ تنظیمئ تھا گپ و ترانئ اینجڈا باید انت کہ برابیر بیت کہ بہ آی سرا گون دیگہ مُلکانوتی پکر و حیالانا بدل کنگئ وھدہ داتگ بیت۔ 

برکس بہ بنیادی ڈھانچہ شعبہ اکتسادین مدد کنگ و دیرپائن دیمرئی بھرا شہ نیو ڈولپمنٹ بینک آ وش گشی کرتنت۔ ای تنظیمئ باسکین مُلکانئ سربراہ بہ مُلکانی تھا بنیای ڈھانچہ شعبہ تھا سرمایہ کاری کنگئ زرورتئ سرا و بری بھرامسائلانی حل کنگئ سرا سَک بوتنت۔ 

آوان گشتنت کہ گون سیمین دپترانی قائم کنگا نیو ڈولپمنٹ بینک دیگہ ھم پرواک بیت۔ ای سربراہ شہ ھر وڑئ دھشت گردیی آ بدگشی کرتنت۔ آوان ھمی وڑا شہ بین الاکوامین براسداری آ لوٹوک بوتنت کہ پہ دھشت گردیئ گار کنگا وتیکوشستانا رادگ ساتنت۔ آوان ای ھبرا تکرار کرتنت کہ ھر مُلکئ ذمواری ایش انت کہ بہ دھشت گردیئ مالین مددانی حلاپا بہ سَکین وڑئ کاروائی کننت۔ 

برکس تنظیم شہ انچین نظامئ نیمہ داری کنت کہ بہ آی تھا ھور گون دیمرئی آ گرین ھاوس گیس اخراج کمی بھرا ھم گام زورتگ بنت۔ آوان شہ توانائی سیکورٹی یقینی کنگا نیمہ داری کننت و لوٹوک کنت کہ مُچین استمان رسائی داشتگبنت بہ توانائی آ۔ برکس مُچین بوسک پیرس معاھدہ شرائط پابند انت۔ پہ شرّین نتائج حصول آ بہ موسمئ بدل بیگئ بھرا بین الاکوامین کونسلئ کلائنٹ ایکشن سمٹ ای سالئ سپتمبرئ ماہ تسر بیگا انت۔ برکس پہ ای دیوانا بی صبریُ وء چمبراہانت۔ 

ای سالی برکس تنظیمئ سربراھانی دیوان بہ برازیلئ براسیلیائ شھرئ تھا تسر بیت۔ ای کنفرانسئ سرگل انت " اکتسادین دیمرئی پہ یک اینوویٹیو ئن آیوکین وھدہ"۔ تنظیم ای ھبرا تسلیم بوتہ کہ تہ وھدہ کہ اختراع کوشست مہ بیت دیمرئیحاصل کنگ سَک انت۔ ای تنظیم ھمی وڑا شہ وتی عھدا یات کرت کہ بہ شرّین کٹ گرگ شہ ٹیکنالوجی و ڈیجیٹایزیشنئ بھرا داریت۔ 

ای تنظیمئ سربراہ ھمی وڑا بہ سائنس، ٹیکنالوجی و اختراع بھرا بہ باسکین مُلکانی نیاما تعاونئ رادگ ساتتنئ زرورتئ سرا ھم سَک بوتنت۔