سرگال: بہ قذافئ اسٹیڈیم تھا پہ سعید اجازت داتگ نہ بوتہ کہ شہ عیدئ نمازا سروکی کنت۔

بہ عیدئ روچا، پہ عالمین وڑئ دھشت گرد نام داتگ بوتگین جماعت الدعوئ سربراہ حافظ سعید بہ لاھورئ قذافئ اسٹیڈیمئ تھا اجازت داتگ نہ بوتہ کہ شہ عیدئ نمازا امامت کنت، گون ای گام گرگا پاکستان ای پیاما پہ عالمین براسداری آ درا کرتگیت کہ آ بہ دھشت گردیئ حلاپا و دھشت گردین تنظیم وسربراھانی حلاپا شرّین وڑئ کاروائی کنت۔

ای ھبر یات کنگئ وڑ انت کہ حافظ سعید نہ تھانکا ممبئ دھشت گردین ھلگرانی کلیدین ملزم انت بلکہ ھور گون آمریکہ چُنتی دیگہ مُلک ای ناما بہ خطرناکین دھشت گردانی لسٹ تھا لیکتگنت۔ بین الاکوامین کونسل ھم حافظ سعید آ عالمین دھشت گردئ ناما داتگیت۔ بری حالاتان بہ پاکستانئ سرا شہ دیرینوھدہ فشار انت کہ آ بہ حافظ سعید و آی جماعت الدعوئ تنظیم، آ ھور جیش محمد لشکر طیبہ و تحریک طالبان آ و بہ دیگہ دھشت گردین تنظیمانی حلاپا شرّین کاروائی بکنت۔

ای ھبر ھم یات کنگئ وڑ انت کہ بہ حافظ سعید و مسعود اظھریی وڑئ دھشت گردانی دیما شہ پاکستانئ گیر ذموارانہ ئن رویہ وجا ھند و پاکستانئ نیاما بستگی گڈ و وڈ بوتگنت و نون دوکینانی بستگی گون یکئ آ دیگرا بہ خرابترین حالاتان انت۔ سَکی نون ایش انت کہ پہ پاکستان حلاپ دھشت گردیی کاروائیتھانکا پہ عالمین براسدارئ گمراہ کنگا و اکتسادین مددئ گپتنا و شہ عالمین براسدارئ ممکنہ کاروائیان وترا رکینتنا محدود بوتگیت۔

شہ پاکستانئ ای رویہ وجا بہ عالمین براسدارئ تھا پاکستان یک ناقابل اعتمادین مُلکئ بوتگیت و دیگہ نیمگا ھور گون آمریکہ دیگہ مُلک ھم ھما اکتسادین مددئ را کہ پہ ای مُلکا کرتنت بند کرتگنت۔ درا انت کہ ھما زر و مددئ کہ پہ اکتسادین دیمرئی آ پہ آی داتگ بیت آی را اگہ پہ دھشت گردانی نیمہ داریو پشت پناھی آ خرچ کنت ھر مُلکئ شہ پاکستانئ اکتسادین مددان وتی دستا پھدا کنت۔ و ای راز ھم بیت نون۔

شہ بدکسمتی آ آی لازمین اثر پاکستانئ اکتسادئ سرا کپیت و نون پاکستانئ استمان باید انت کہ حکومتئ خرابین پالسیانی سزا بہ اکتسادین سَکی و بحران شکل تھا گیندنت۔ عالمین براسداری پاکستانئ اکتسادین مددانا بہ دھشت گردیئ حلاپئ کاروائی سرا مشروط کرتگیت و گشتگیت تہ وھدہ کہ بہ دھشت گردیئحلاپا پاکستان سَکین کاروائی مہ کنت عالمین براسداری پہ پاکستان ایچ مددئ نہ کنت کہ شہ اکتسادین بحران آ ڈنا در کنت۔

دھشت گردئ اکتسادین اعانت آ مانیٹر کنوکین عامین تنظیم ایف آی ٹی ایف نیمگا پاکستان یک وارئ دیگہ بہ گرئ لسٹ تھا شامل بوتگیت و ای کاروائی بری سلسلہ یک گامئ بوتگیت۔ اگہ پاکستان نون ھم بہ دھشت گردیئ حلاپا شرّین کاروائین مہ کنت ھمی مذکورہ ئن تنظیم بہ وتی دیگہ گام گرگئ آی را بہسیائن لسٹ تھا ھم شامل کرتگ کنت کہ آی سنگین ئن نتائج پاکستانئ اکتسادا تباہ کرتگ کنت۔

شہ ای حکیکت آ پاکستان ھم نون سی انت۔ شہ ھمی وجا پہ حافظ سعید اجازتئ نہ داتنئ کاروائی کہ بہ قذافئ اسٹڈیمئ تھا شہ عیدئ نمازا امامت کنت عالمین براسدارئ فشارئ نتیجہ ھم بوتگ کنت۔ اگہ نہ حکیکت ایش انت کہ شہ چُنتی سالان ھمی حافظ سعید نہ تھانکا بہ قذافی اسٹڈیمئ تھا شہ عیدئ نمازاامامت کنت بلکہ بہ وتی خطبہ آنی تھا شہ ھندوستان بدگشی کنت و گون وتی بیانان زھر پاش دنت کشمیرئ مسئلہ ھر وار پھاد کنت و دوکین مُلکانئ بستگیانا خراب کنگئ کوشست کنت مگہ پاکسان بری ھبرئ سرا ایچ وھدہ ایچ توجہ نہ کرت۔ شہ ھمی وجا گون ای کاروائی آ عالمین براسداری نہ باید انت کہمطمئن بیت۔ بلاشبہ ای کار شہ پاکستانئ نیمگا بہ دھشت گردیئ حلاپا کاروائی کنگئ سلسلہ یک گامئ ات مگہ وھدہ کہ پہ حافظ سعید عالمین دھشت گردیئ نام داتگ بوتگیت پہ چہ تہ نون آ گرفتار نہ بوتہ و بہ آی حلاپا مقدمہ بناہ نہ بوتگنت۔

بہ ممبئ دھشت گردین ھلگرئ بھرا ھم ھندوستان پہ پاکستان چُنتی ثبوت داتگیت، مگہ بہ آی پسوئ آ چی نتیجہ بہ دستا آتفیت آی یات کنگئ زرورت نہ انت۔ شہ ھمی وجا گون ای نوکین کاروائی کہ بہ حافظ سعیدی حلاپا بوتگیت پاکستانئ نیک نیتی ثابت بوتگ نہ کنت۔ شہ ھمی وجا زرورت انت کہ پاکستان بہدھشت گردیئ حلاپا گیشترین کاروائی کنت و تھانکا شہ عالمین براسداری آ وترا رکینتن اصلین مسئلہ یعنی کہ دھشت گردیئ حلئ راہ نہ انت۔ پہ ای سَکئ حل کنگا پاکستان باید انت کہ بازین کار کنت، ھور گون حافظ سعید بہ مُچین دھشت گردین ڈلانی سروکانی حلاپا گون نیک نیتی پورہ ئن وڑئ کاروائیکنت۔ بری کاروائیانی تھا دھشت گردانا بہ کانونئ کٹھرئ سرا اوشتارینتن و آوانی دیگہ موشکولیانا محدو کنگ ھم شامل انت۔