سرگال:یورپ آگو مسلہ آنی نیمگا ناوشی پیدا نہ کھنغ اۓ ایران اۓ اپیلایران اۓ ڈن اۓ وزیر واجہ جواد ظریف آ دوشمبھے اۓ روش ہمیں ٹؤک آ منسا کہ ایران آ ۲۰۱۵ آ جہان اۓ شش طاغتور مُلک آنی پھجی آ بیسغیں ایتومی منغ نامہ آ مقرر کھُزی ایں افزودہ یورینیم اۓ ڈمبار اۓ حد بھورینتھا۔گیر بی کہ مزکورہ منغ نامہ اے حد ۳۰۰ کلوگرام مقرر کھُزی آ شُزغۓ سا۔جواد ظریف آ اے دی گوشتا کہ آنہی اۓ مُلک آں مئی آ ہی وتی ویچار پدھر کھُزغۓ سا۔ایران اۓ گُشغ ایں کہ آنہی آ ۲۰ پیصد تک آ افزودہ یورینیم اۓ ضرورت ایں ۔اے حد جوہری ہتھیار ٹھائینغ ٹھائینغ آپا لازمی ایں حد آژ چھڑوئی آ یک گام سری ایں حد ایں پدھر ایں ایران اۓ اے جار یورپی مُلک او امریکہ آ پکر اۓ باعث ایں۔مگن بنیاتی ایں سوال اش انت کہ اگر ایران یورینیم افزودہ کھنغ اۓ ہمیں حد تکا پُجھسا تہ آنہی آپا کھۓ زمہ وار ایں۔۲۰۱۵ آ طۓ بیسغیں منغ نامہ اۓ روگا یورپی مُلک آنر ایران اۓ ہمیں ضرورت آنر پھیلو کھنغی اسا ۔مگن سرا اشی اۓ کہ ۲۰۱۵ اۓ مزکورہ منغ نامہ اگا بیس امریکہ آ سروکی اۓ بدل بی اغ آ پھدا ڈونلڈ ٹرمپ آ صدر بی اغ آ پھدا ہمیں ٹؤک اۓ اشارہ دۓ اغ بنا کھُزا کہ امریکہ ہمیں منغ نامہ آژ جتا بی ۔ہر چند کہ دیگر مُلک آنی وٹاژ ہمیں ٹؤک اۓ کوشش کھُزی آ شُزا کہ منغ نامہ برقرار بی مگن منغ نامہ آ اوار طاغت ٹرمپ آ منغ نامہ بھورینغ آژ دیر ایر کھنغ آ ناسوب بیسغاں۔نتیجہ اے درا بیسا کہ ٹرمپ آ منغ نامہ آژ جتا بی اغ آ پھدا ایران چکا پابندی جھنغ اۓ سلسلہ بنِا کھزؤ اِشتا۔یورپی مُلک آں اے گوشتا کہ آں مزکورہ منغ نامہ آ بھورینغ اۓ حق آ نیاں مگن اہم ٹؤک اِش انت کہ ہمیں مُلک آں منغ نامہ آ بھچینغ آپا ہِچھ مزن ایں کار دی نہ کھُزا ہمائی اۓ کہ ضرورت اسا۔نی حالت اش انت کہ امریکہ اۓ منغ نامہ آژ جتا بی اغ آ پھدا یورپ یا دیگر مزن ایں طاغت منغ نامہ آژ جتا نوی اغ اۓ باوجوت منغ نامہ چکا عمل آ او ایران چکا امریکہ اۓ وٹاژ جھزی ایں پابندی آنر آسر کھنائینغ آژ قاصر آں ۔چوش کہ ایران آ بار بار منغ نامہ آ اوار مُلک آنژ منغ نامہ آ بھچینغ اۓ اپیل کھُزا بلکہ پدھر ایں جار دی جھزئی کہ آں دیگر صورت آ وا دی منغ نامہ آ کھُزی ایں وتی وعدہ آنژ دست بردار بی رؤ۔جواد ظریف اۓ نی ایں جار ہمیں وٹا ایران اۓ اگا ودھغ او امریکہ او منغ نامہ آ اوار دیگر مُلک آنی سلوخ اۓ جواب ایں۔اے جتا ٹؤک انت کہ آنہی نتیجہ آ مُچھیں دمغ آ ہی نہ بلکہ مُچھیں جہان آ سدھائی آ یا بالواسطہ کے ای پریشانی دیما کھنغی بیس بی آں۔ایران آ بار بار اے پدھر کھُزا کہ آں ھِچھ زور آ نیاۓ ۔پدھر ایں ایران ہی چھے جہان اۓ ہر مُلک آر اے حق انت کہ آں وتی وقار اۓ محاپظت اۓ پھجی آ ہی ھِچھ دیگر مُلک آگو گپتران کھنت۔ہمیں خاطرہ اے ٹؤک بہر حال راست انت کہ امریکہ بی یا منغ نامہ آ اوار ھِچھ دیگر مُلک آ ایران آژ شکایت اۓ بارو آ ہمیں وڑ اۓ ٹؤک کھنغ لوٹھی کہ ہماں وڑا یک ود مختار مُلک ھِچھ دیگر ود مختار مُلک آگو کھنت۔بہر حال نی اے ٹؤک طۓ انت کہ ہمیں ناوشی آ چھڑوی او چھڑوئی آ سفارتی دگ آژ ہی حل کھنغ بیس بی ۔

ایران اۓ ڈن اۓ وزیر واجہ جواد ظریف آ دوشمبھے اۓ روش ہمیں ٹؤک آ منسا کہ ایران آ ۲۰۱۵ آ جہان اۓ شش طاغتور مُلک آنی پھجی آ بیسغیں ایتومی منغ نامہ آ مقرر کھُزی ایں افزودہ یورینیم اۓ ڈمبار اۓ حد بھورینتھا۔گیر بی کہ مزکورہ منغ نامہ اے حد ۳۰۰ کلوگرام مقرر کھُزی آ شُزغۓ سا۔جواد ظریف آ اے دی گوشتا کہ آنہی اۓ مُلک آں مئی آ ہی وتی ویچار پدھر کھُزغۓ سا۔ایران اۓ گُشغ ایں کہ آنہی آ ۲۰ پیصد تک آ افزودہ یورینیم اۓ ضرورت ایں ۔اے حد جوہری ہتھیار ٹھائینغ ٹھائینغ آپا لازمی ایں حد آژ چھڑوئی آ یک گام سری ایں حد ایں پدھر ایں ایران اۓ اے جار یورپی مُلک او امریکہ آ پکر اۓ باعث ایں۔مگن بنیاتی ایں سوال اش انت کہ اگر ایران یورینیم افزودہ کھنغ اۓ ہمیں حد تکا پُجھسا تہ آنہی آپا کھۓ زمہ وار ایں۔۲۰۱۵ آ طۓ بیسغیں منغ نامہ اۓ روگا یورپی مُلک آنر ایران اۓ ہمیں ضرورت آنر پھیلو کھنغی اسا ۔مگن سرا اشی اۓ کہ ۲۰۱۵ اۓ مزکورہ منغ نامہ اگا بیس امریکہ آ سروکی اۓ بدل بی اغ آ پھدا ڈونلڈ ٹرمپ آ صدر بی اغ آ پھدا ہمیں ٹؤک اۓ اشارہ دۓ اغ بنا کھُزا کہ امریکہ ہمیں منغ نامہ آژ جتا بی ۔ہر چند کہ دیگر مُلک آنی وٹاژ ہمیں ٹؤک اۓ کوشش کھُزی آ شُزا کہ منغ نامہ برقرار بی مگن منغ نامہ آ اوار طاغت ٹرمپ آ منغ نامہ بھورینغ آژ دیر ایر کھنغ آ ناسوب بیسغاں۔نتیجہ اے درا بیسا کہ ٹرمپ آ منغ نامہ آژ جتا بی اغ آ پھدا ایران چکا پابندی جھنغ اۓ سلسلہ بنِا کھزؤ اِشتا۔یورپی مُلک آں اے گوشتا کہ آں مزکورہ منغ نامہ آ بھورینغ اۓ حق آ نیاں مگن اہم ٹؤک اِش انت کہ ہمیں مُلک آں منغ نامہ آ بھچینغ آپا ہِچھ مزن ایں کار دی نہ کھُزا ہمائی اۓ کہ ضرورت اسا۔نی حالت اش انت کہ امریکہ اۓ منغ نامہ آژ جتا بی اغ آ پھدا یورپ یا دیگر مزن ایں طاغت منغ نامہ آژ جتا نوی اغ اۓ باوجوت منغ نامہ چکا عمل آ او ایران چکا امریکہ اۓ وٹاژ جھزی ایں پابندی آنر آسر کھنائینغ آژ قاصر آں ۔چوش کہ ایران آ بار بار منغ نامہ آ اوار مُلک آنژ منغ نامہ آ بھچینغ اۓ اپیل کھُزا بلکہ پدھر ایں جار دی جھزئی کہ آں دیگر صورت آ وا دی منغ نامہ آ کھُزی ایں وتی وعدہ آنژ دست بردار بی رؤ۔جواد ظریف اۓ نی ایں جار ہمیں وٹا ایران اۓ اگا ودھغ او امریکہ او منغ نامہ آ اوار دیگر مُلک آنی سلوخ اۓ جواب ایں۔اے جتا ٹؤک انت کہ آنہی نتیجہ آ مُچھیں دمغ آ ہی نہ بلکہ مُچھیں جہان آ سدھائی آ یا بالواسطہ کے ای پریشانی دیما کھنغی بیس بی آں۔ایران آ بار بار اے پدھر کھُزا کہ آں ھِچھ زور آ نیاۓ ۔پدھر ایں ایران ہی چھے جہان اۓ ہر مُلک آر اے حق انت کہ آں وتی وقار اۓ محاپظت اۓ پھجی آ ہی ھِچھ دیگر مُلک آگو گپتران کھنت۔ہمیں خاطرہ اے ٹؤک بہر حال راست انت کہ امریکہ بی یا منغ نامہ آ اوار ھِچھ دیگر مُلک آ ایران آژ شکایت اۓ بارو آ ہمیں وڑ اۓ ٹؤک کھنغ لوٹھی کہ ہماں وڑا یک ود مختار مُلک ھِچھ دیگر ود مختار مُلک آگو کھنت۔بہر حال نی اے ٹؤک طۓ انت کہ ہمیں ناوشی آ چھڑوی او چھڑوئی آ سفارتی دگ آژ ہی حل کھنغ بیس بی ۔