سرگال:۷۳ می آجوئی اۓ روش چکا سر وزیر نریندر مودی اۓ اُمت آگو گشتانگ

۷۳ می آجوئی اۓ روش چکا مُچھیں اہل وطن آنر باز مبارک با۔مروشی رکھشا بندھن اۓ دی تہوار ایں صدی آنژ جُزوخیں ہمیں روایت براس او گوار آنی نیمگا حب آر پدھر کھنت ما مُچھیں اہل وطن آر مُچھیں براس او گوار آنر ہمیں رکھشا بندھن اۓ اشیں تہوار چکا باز مبارک دیاں حُب آگو پھُر ہمیں تہوار مۓ مُچھیں براس او گوار آنی زند آ اُمت آنر پورا کھنغ والا بی ،او ھُب آ گیش کھنغ والا بی۔مروشی ہماں وخت مُلک آجوئی اۓ روش منائینغیں ہماں وخت مُلک اۓ چُنتی بہر آنی اندرا باز ہؤر اۓ سبب آژ مڑدم مشکل آنر دیما کھنغاں کے ای مڑدم آں وتی مڑدم آنر گار کھُزا من آنہاں نی آپا وتی دُکھ آ پدھر کھناں۔مروشی ہماں وخت ما آجوئی اۓ ہمیں پاکین روش آ منائینغؤں تہ مُلک اۓ آجوئی آپا ہماں مڑدم آں وتی زند داسا ،ہماں ہاں وتی ورنائی داسا،ہماں ہاں وتی زند جیل آنی اندرا گوازینتھا،ہماں ہاں پھاہو آ دی وشی آگو منسا،ہماں ہاں ستیہگرہ آگو آجوئی اۓ کوشش آنر تیز کھُزا۔من مروشی آجوئی اۓ روش آ ہماں مُچھیں قربانی دۓ اغ والا آنر وتی سلام کھناں۔ہماں وڑا مُلک آجو بی اغ آ پھدا ہمیختر سال آنی اندرا مُلک اۓ ود او ترقی آپا محافظت آپا امن آپا مڑدم آں باز چھی اے کھُزا۔من مروشی آجو ھند اۓ ود او ترقی او امن آپا ہماں ہاں مڑدم آں کار کھُزا مراشی ما آنہانر دی سلام کھناں ۔نوخیں سرکار ٹھعغ آ پھدا سوہریں قلعہ آژ منا مروشی پدوارغ یک دھکا شوۓ عزت کھنغ اۓ موقع مِلسا۔تنک ہمیں نوخیں سرکار آ دھ ہپتغ دی نویسغاں مگن دھ ہپتغ اۓ کسن ایں عمل آنی اندرا دی مُچھیں شعبہ آ مُچھیں سمت آ ہر وڑ اۓ کوشش آنر گیش کھُزی آ شُزا نوخیں آیام داسی آ شُزغاں او مُچھیں عوام آ ہماں اُمیت آنگو مارا کار اۓ موقع داسا آنہاں نی امیت آنر پھیلو کھنغ آپا یک لمحہ اۓ دیری کھنغ آ بغیر ہی ما شوے آپا کار کھنوں ۔دھ ہپتغ اۓ اندرا اندرا ہی دفعہ ۳۷۰ اۓ ہٹغ ۳۵ اے اۓ ہٹغ سردار بلو بھائی پٹیل اۓ واہو آر پھیلو کھنغ اۓ وٹا یک خاصیں گام ایں ۔دھ ہپتغ آنی اندرا اندرا مۓ مسلمان ماس او گوار آنر آنہاں نی حق دیائینغ آپا سۓ طلاق اۓ حلاپ قانون ٹھائینغ ،دھشت گردی آگو جُڑسی ایں قانون آ بدلاؤ کھُزؤ آنہی آر یک نوخیں زور دۓ اغ اۓ ،دھشت گردی اۓ حلاپ مڑغ اۓ عہد آ گیش مضبوط کھنغ اۓ کار ،مۓ کسان براس او گوار آنر پردھان منتری سمان اسکیم اۓ روگا نواد ہزار کروڑ روپیہ کسان آنی کھاتہ آ ماکھنغ اۓ یک باز ضروری کار اگا ودھسا ،مۓ کسان براس او گوار ،مۓ کسن ایں سؤداگر براس او گوارآنہاں کھدیں دی ویچار نہ کھُزغۓ سا کہ آنہاں نی زند آ کھدیں پینشن اۓ آساقی بیس بی شست سال آنی عمر آ پھدا دی آں عزت اۓ زند گوازینتھ کھناں ہماں وخت مڑدم اۓ جسم کار کھنغ اۓ حالت آ نوی ہماں وخت اگر ھِچھ مدد مِلی برؤ ہماں پینشن اۓ مہم آر دی لاگو کھنغ اۓ کار بنِا کھُزؤ اشتا۔مۓ مُلک آ باز داغدار آنی ضرورت ایں مُلک اۓ ورنا آنر ڈاغدار بی اغ آپا موقع دۓ اغ اۓ ضرورت ایں ہمیں شۓ آنر دھیان آ ایر کھُزؤ میڈیکل اۓ پڑھیائی آپا چنتی ضروری قانون مارا ٹھائینتھغاں ۔مروشی مُچھیں جہان آ چُکھ آنی پھجی آ ظلم بی اغ اۓ حبر کھایاں ھند دی مۓ کسن ایں چکھ آنر اینگا لاچار نعیلی ہماں چھکھ آنی محافظت آپا دی مارا باز چھی اے کھُزا۔مۓ براس او گوار ۲۰۱۴ آژ ۲۰۱۹ تکا پنچ سال آنی آپا شوارا منا وتی ھزمت اۓ موقع داسا ۔۲۱ صدی اۓ ھند تھانگے بی چھیختر تیزی آگو جزی چھیختر تیزی آگو کار کھنت چھیختر مزن ایں ویچار ایر کھنت ہمیں مُچھیں ٹؤک آنر دھیان آ ایر کھزؤ آئیغ والا ایں پنچ سال آنی مدت کار آ اگا ودھینغ اۓ یک خاکہ مارا تیار کھُزؤ یک آ پھدا یک گام زیرغؤں ،۲۰۱۴ آ من مُلک آپا نوخیں اساں ۲۰۱۳ ۔۱۴ گچین کاری آژ سرا من مُلک اۓ مڑدم آنی احساس آنر پوہ بی اغ اۓ کوشش کھنغۓ سا مگن ہر کھسے اۓ دیم چکا یک نا اُمیتی اسا مڑدم آنی دماغ آ اسا کہ چھے مُلک بدل بیس بی چھے سرکار آ بدلاؤ آژ مُلک آ بدلاؤ کھاۓ نا اُمیتی مڑدم آنی دل آ نشتؤ شُزغۓ سامگن ہماں وخت ۲۰۱۹ آ پنچ سال آنی مشکل کوشش آنی پھدا مُلک اۓ مڑدم آنی ویچار آنی اندرا بدلاؤ آتکا نا اُمیتی اُمیت آ بدل بیسغۓ سا ۱۳۰ کروڑ مڑدم آنی ویچار مارا نوخیں طاغت دا ،سب کا ساتھ سب کا وکاس،منتر آگو اگا بیسغؤں پنچ سال آنی اندرا ہی ہر کھسے اۓ باور آ مارا کھٹسا۔منی عزیزیں ہم وطن مسلہ آنی حل آپا مارا پھجی آ جُزغی ایں ۔ہماں وخت ما مسلہ آنی حل گندوں تہ ملسؤ ویچار کھنغ لوٹھی مارا مسلہ آنر پاڑ آژ گڈغی ایں ۔مۓ مسلماں گوار او جنکھ آنہاں نی سغر چکا سۓ طلاق اۓ تلوار اسا آں تھُڑستی آ اساں جہاں اۓ کے مسلمان ملک آنہاں دی ہمیں رسم آ باز پیشا آسر کھزؤ اشتا مگن ھچھ نہ ھچھ سبب آژ مۓ مسلمان گوار او جنکھ آنر حق دیائینغ آ ما پھدا اسوں اگر ہمیں ملک آ ما ستی روایت آ آسر کھُز کھنوں ،اگر ما کسنی آ سیر اۓ روایت آ آسر کھز کھنوں تہ گڈا پھرچھے نہ ما سۓ طلاق اۓ حلاپ دی آواز زیروں ہمیں خاطرہ مارا ہمیں باز خاصیں کار آ پھیلو کھنغ اۓ فیصلہ گِتا۔ما نہ تہ مشکل آنر ٹالوں او نہ ہی پالوں ہماں کار گوستی ایں ۷۰ سال آنی اندرا نویسا نوخیں سرکار اۓ ٹھعغ آ پھدا ۷۰ روش آنی اندرا دفعہ ۳۷۰ او ۳۵ اے آ ہٹائینغ اۓ کار پھیلو بیسا۔مارا جموں کشمیر اۓ عوام اۓ لوٹھغ پھیلو کھنغ اۓ عہد کھُزا،چیف آف ڈیفینس اسٹاف اۓ نوخیں عہدہ ٹھائینغ اۓ جار جھزا۔جموں و کشمیر او لداخ اۓ مڑدم آنی لوٹھغ آنر پھیلو کھنغ مۓ فرض ایں آنہاں نی واہو پورا بی اے مۓ زمہ واری ایں او آنہی آپا ۱۳۰ کروڑ مڑدم آنر ہمیں زمہ واری آ زیرغی ایں او ہمیں زمہ واری آ پھیلو کھنغ آپا ہماں دی مشکل دیما آتکغاں آنہی آ دیر کھنغ اۓ مارا کوشش کھُزا۔جی ایس ٹی اۓ زریعہ آگو مارا ون نیشن ون ٹیکس ہماں واہو آ پھیلو کھُزاہمیں وڑا گوستی ایں روش آں توانائی اۓ شعبہ آ ون نیشن ون گریڈ اۓ کار آ دی مارا ساب مندی آگو پھیلو کھُزا ہمیں وڑا ون نیشن ون موبیلتی کارڈ آ مارا پوہ کھنائینتھا۔مارا ھند اۓ ترقی آپا غریوی آ دیر کھنغی بی گوستی ایں پنچ سال آنی اندرا غریوی آ دیر کھنغ آپا پنچ سوب مند کوشش بیسغاں ۔براس او گوارآجوئی اۓ ۷۰ سال بیسغاں چنتی کار مُچھیں سرکار آں وتی ڈؤل چکا کھزغاں مگن اے دی راست ایں کہ مروشی ھند اندرا نزیخ نیم لوغ اینگے آں ہماں لوغ آنی اندرا ورغ اۓ آف نعیں آنہانر ورغ اۓ آف دۓ اغ آپا محنت کھنغی بیسا ماس او گوار آنر سغر چکا دلو ایر کھزؤ باز دیر روغی بی زند اۓ مزن ایں بہر چھڑوئی آ آف آپا گوزی رؤ او ہمیں خاطرہ مارا مۓ سرکار آ یک ضروری کار آ کھنغ اۓ فیصلہ کھزا او آں ایں مۓ ہر لوغ اندرا آف تھانگا پُجھی او مروشی ماں سوہریں قلعہ آژ جار جھنغاں کہ آئیغ والا ایں روش آنی اندرا آف اۓ مُہم جل جیون مشن آگو اگا ودھوں ہمیں مشن آپا سرکار آ ملسؤ کار کھنغی بی او آئیغ والا ایں سال آنی اندرا ساڈھوایں سۓ لکھ کروڑ روپیہ آگو ہمیں جل جیون مشن آ پھیلو کھنغ اۓ مارا فیصلہ کھُزا۔گیش بیسغیں آبادی یک مزن ایں مسلہ ایں آنہی چکا ٹؤک او عوام آ ہاغ بی اغ اۓ ضرورت ایں ۔دھشت گردی مڑدمیت چکا یک ھلگر ایں او ہماں دھشت گردی دیگر ملک آنی اندرا کھناں آنہاں نی بدگوشی کھنغ لوٹھی مۓ ہمسائیگ ملک بنگلہ دیش،افغانستان او سری لنکا آ دھشت گردی آژ باز نقصان زیرغی بیسا دہشت گردی آ دیما کھنغ آپا مُچھیں ملک آنر متحد بی غی بی۔عوام آ ڈیجیتل طریقہ آگو ادائیگی کھنغ لوٹھی ۔منی براس او گوار مُلک آجوئی اۓ ہمیختر سال آنی پھدا دی ہر روش اۓ ہماں کہ زند ایں سرکار اۓ ہمیختر دخل آ چھے ما کھمیں کھُز نہ کھنوں آجو ھند اۓ مطلو تہ مئی اش انت کہ کرا کرا سرکار مڑدم آنی زند آژ درا بی مڑدم وتی زند گوازینغ آپا فیصلہ گرغ آپا اگا کھایاں ہر دگ آنہاں نی آپا بتکی آ بی اغ لوٹھی ۔مۓ ملک جہان گردی آپا جہان آپا عجوبہ بیس بی مگن ھِچھ نہ ھچھ سبب آژ مارا ہماں تیزی آگو کھنغ لوٹھی مارا نہ کھزا بیاۓ ما مُچھیں عوام ملسؤ طۓ کھنوں کہ مُلک اۓ جہان گردی آ گیش کھنغی ایں جہان گردی آگو مُلک اۓ معیشت گیش بی ملک ترقی کھنت مُچھیں ملک اۓ مڑدم مروشی ھِند آ نوخین وڑا گندغ آپا تیار آں ما ویچار کھنوں کہ جہان مۓ ملک آ تھامگا کھاۓ مۓ جہان گردی اۓ شعبہ تھانگا ترقی کھنت ۔مۓ عزیزیں براس او گوار امن او محافظت ترقی آپا خاصیں ٹک آں جہان آ مروشی امن نعیں جہان اۓ ھچھ نہ ھچھ کُنڈ آ ھِچھ نہ ھچھ دیم آ موت اۓ ساء سغر چکا ایں جہان آ امن آپا ھِند آ وتی کردار ادا کھنغی بی۔ھِند دھشت گردی کھنغ والا آنی حلاپ مضبوطی آگو مڑغیں جہان اۓ ھچھ دی کُنڈ آ دھشت گردی مڑدمیت اۓ حلاپ مڑائی ایں او ہمیں خاطرہ مُچھیں جہان آ ہمیں لعنت اۓ حلاپ مِلسؤ مڑائی کھنغ لوٹھی ۔من وتی کسان براس آنژ چھی اے لوٹھاں مئی کسان آپا مئی مُلک اۓ امت آپا اے ڈغار مۓ ماس ایں بھارت ماتا اۓ جۓ گُشغ آگو ہی ہمیں مۓ ماتی ایں ڈغار آپا مرغ اۓ دل لوٹھی مگن چھے کھدیں مارا مۓ ہمیں ماس اۓ پرواہ کھُزا ما ہماں وڑا کیمیکل اۓ استعمال کھنغؤں مارا مۓ ہمیں ماس آ تباہ کھنغ اۓ حق نعیں منی ڈگار ماس آ دُکھی کھنغ اۓ حق نعیں بیاۓ آجوئی اۓ ۷۵ سال بی اغ والا آں ما اے عہد کھنوں کہ کیمیکل فرٹیلائیزر آ کھمیں کھنوں شوا گِندے ملک اۓ چھیختر مزن ایں ھزمت بی۔ما شوے آژ منت کھناں او مناں باور ایں مئی مُلک اۓ عوام ہمیں کھنت مئی کسان منی ہمیں لوٹھغ آ پھیلو کھناں ۔منئی عزیزیں براس او گوار مۓ مُلک اۓ پروفیشنل آنہاں نی مروشی مُچھیں جہان آ نام ایں سپیس او تیکنالوجی آ مارا نوخیں جاگاہ مِلسا مۓ آپا اے باز وشی اۓ ٹؤک انت کہ مۓ چندریان تیزی آگو ماہ اۓ وٹا اگا ودھغیں ہموزا نی تکا کھسے دی نہ پُجھسا۔منی براس او گوار مارا وتی مُلک آ اگا کھنغی ایں آئیغ والا ایں روش آنی اندرا مۓ ورنا آنی ڈاغدار بی اغ اۓ واہو آ پھیلو کھنغی ایں دو کروڑ غریو آنی آپا لوغ ٹھائینغی ایں مارا ۱۵ کروڑ لوغ آنی اندرا ورغ اۓ آف پُجھینغی ایں سڑک ٹھائینغی آں ۵۰ ہزار آژ گیش نوخیں اسٹارٹ اپ اۓ جال ٹھائینغی ایں ۔مُلک آ مارا اگا ودھینغی ایں براس او گوار مارا مِلسؤ مُلک آ اگا برغی ایں او آجوئی اۓ ۷۵ سال آنہی آپا یک مزن ایں سیکھ ایں یک سد او سی کروڑ مُلک اۓ اُمت اۓ واہو دی آں او آنہاں نی واہو او لوٹھغ آنی اہمیت دی ایں آجوئی اۓ ۷۵ سال ،گاندھی جی اۓ ۱۵۰ سال او ھِند اۓ ود او ترقی اۓ ۷۰ سال بی غاں بابا صاحب ایمبیڈکر اۓ واہو او اے سال گرو نانک دیو جی اۓ ۵۵۰ می پیدا بی اغ اۓ سال دی ایں بیاۓ بابا صاحب امیڈکر گرونانک دیو جی اۓ اصول آنی پھجی آ ما اگا بی اوں او یک شَر ایں معاشرہ ،شَر ایں مُلک مارا ٹھائینغی ایں مئی وزیزیں براس او گوار ما زانوں کہ مۓ مقصد مۓ ویچار ہمالیہ اۓ وڑا بُلند آں مۓ واہو ستارگ آنژ دی گیش آں مگن ما اے دی زانوں کہ مۓ حوصلہ آنی اگا آزمان اۓ بلندی دی کھمین ایں اے عہد ایں کہ مۓ کوشش گنگا اۓ وڑا پاکین بیاۓ ما ہمیں ویچار آنگو ما اگا بی اوں نوخیں ھِند اۓ تعمیر آپا وتی زمہ واری آنر پھیلو کھپزؤ نوخیں باور آگو نوخیں ھِند آ تعمیر کھنوں بیاۓ ما مِلسؤ مُلک آ اگا ودھینوں ہمیں اُمیت آگو ما یک وار اغدی مُلک آپا زیندغ رہغ آپا،مُلک آپا وتی زند دۓ اغ والا ،ملک آپا کار کھنغ والا ہر یک آ پا مئی گون گُشے ۔جۓ ھند جۓ ھند ۔بھارت ماتا یی جۓ بھارت ماتا کی جۓ وندے ماترم وندے ماترم ۔باز باز شکریہ