جنرل باجوا کی مدت ملازمت میں تین سال کی توسیع
جنرل باجوا ملازمتئ دورہ سہ سال دیگہ گیش بوت۔
بالاخر پاکستانئ پوجئ سربراہ جنرل قمر باجوا ملازمتئ وھدہ سہ سالگین گیش بیگئ ھال رستگیت۔ تہ نون بہ جنرل قمر باجوا ملازمتئ دورہ گیش کنگئ باروا ھر ھبرئ کہ بوت آی را بہ قیاس آرائی ناما تعبیر کرتنت۔ مگہ نون باقاعدہ سرکارین وڑئ ای ھبرئ توثیق بوتگیت کہ شہ سرئ وزیر عمران خانی دپترئ نیمگا ای ھبرئ جار جتگ بوت کہ آیوکین نومبرئ ماہ تھا آوانی ملازمتئ دورہ الاس بیگا انت مگہ پہ گیشترین سہ سال دیگہ پہ آوان پوجئ سروکئ ملازمتئ ذمہ و پیما داتگ بیت۔
شہ بعض حلقہ آنی نیمگا ای ھبر ھم درا بوت کہ پہ چہ کہ عمران خان یک "با اصول ئن" سیاست کارئ انت شہ ای وجا ای ھبرئ ھیچ امکان نہ انت کہ آوان نونین پوجئ سربراہ ملازمتئ دورہ گیش کننت مگہ ھما زانتکار و مبصر کہ آوانی چم بہ پاکستانئ پوجئ واک و سول ملٹری بستگیانی سرا وتی چما سَک دارنت آ بہر حال ای ھبر آ زانتنت کہ ای مُچین ھبر انت، آخر سرا ھما چیز بیت کہ پوج آی لوٹوک انت۔
ای تجزیہ کار ھما وھدہ ای ھبرا سرپھد بوتتنت کہ جنرل قمر باجوائ ملازمتئ دورہ گیشتر کنگئ تیاری رادگ انت۔ وھدہ کہ سرئ وزیر واجہ عمران خان پہ اکتسادین صورتحالئ دیمرئی دیگا کومین دیمرئی کونسلئ نامئ سیائگا یک مردمین دپترئ قائم کرت و بہ آی تھا جنرل قمر باجوا بہ آی تھا باسک جور کرتنت۔ ای ھبر کمین وھدہ دیمترا دو یا دو نیم ماہ دیمترئ ھبر انت۔ ھما مردمئ کہ ای قیاس آرائی آ کرتنت کہ عمران خان پہ چہ کہ اصول پسندئن سیاست کارئ انت شہ ھمی وجا پوجئ سربراہ نونین دورہ دیمرئی دیگئ ھبرا نہ کننت، آ مردم شاید انت کہ شہ عمران خانی گڈین زمانہ بیانان متاثر بوتگنت۔ وھدہ کہ آوان بہ مخالپین گلئ تھا اتنت و "شعلہ بیان" سربراہ ناما دروست بوتنت۔
ای ھبر یات کنگئ وڑ انت کہ چُنت سال دیما بہ ۲۰۱۰ سالا وھدہ کہ پاکستان پیپلز پارٹی حکومت رادگ ات، و آ وھدہ سرئ وزیر یوسف رضا گیلانی وھد کہ آ وھدہ پوجئ سربراہ جنرل کیانی ملازمتئ دورہ سہ سال گیش کرتنت، بری ھبرئ پس منظر آ عمران خان بازین اصول بندی ھبر داتنت و چُنت روچ رندا شہ آی بہ ٹی وئ انٹریو تھا بہ وتی بیانا گشتنت کہ باید انت کہ پہ گڈین پوجین جنرل آن و قاضیان رندا شہ ریٹائرمنٹ آوانا نہ باید انت کہ گیشترین ملازمتئ وھدہ داتگ بیت، بلکہ مُچین دپتر باید انت کہ شہ کانونئ دیما کار کننت۔ بری بھرا آوان وتی ای بیانئ دلیل آ گشتتنت ایش انت کہ وھدہ کہ شما پہ یک مردمئ وتی کانونا بدل کنیت شہ آی پورہ ئن دپتر کم واک بیت۔ مگہ ای ھبر آ وھدہ ھبر انت کہ آوان سرئ وزیر نہ اتنت و بہ مخالپین گلئ سروک انت۔
بہر حال ای پاکستانئ مسئلہ انت۔ ھر رازئ کہ آ لوٹوک بیت ھما راز ھر مردمئ ملازمتئ وھدہ دیمرئی داتگ کنت بیدئ ایشی کہ بہ آی سینئرٹئ باروا پکر کنت آی را ھر دپترئ سربراہ جور کرتگ کنت۔ مگہ تہ جائ کہ ھبر بہ پوجئ سرا انت، بہ آی سرا عامین تاثر ایش انت کہ بہ ایشی باروا شہ سرئ وزیرئ نیمگا ھر وڑئ جار کہ جتگ بیت آ تھانکا کاگدئ سرا انت۔
اصلین فیصلہ راولپینڈئ یعنی کہ پوجئ ھیڈ کوارٹر کنت۔ جنرل باجوائ ملازمتئ گیش کنگئ اصلین وج ایش انت کہ نونین وھدہ سیمین سیکورٹئ صورتحال ایش انت کہ باید انت کہ جنرل قمر باجوا بہ پوجئ سربراہ حیثیت آ وتی ملازمتا دیما برنت۔
ڈنئ کارانی وزیر واجہ شاہ محمود قریشی بہ وتی یک بیانئ تھا گشتگنت کہ سرئ وزیر واجہ نریندر مودی وت ای فیصلہ کرتگنت و ایشی خاصین وج ایش انت کہ بہ کشمیرئ بھرا کشیدگی و سَکی گیشتر بوتگنت و پاکستان، اوگانستان تھا امن و امانئ کاز آ دیمرئی دیگئ کوشستا کنت مگہ حکیکت ایش انت کہ ھند پاکستان مسئلہ بیت یا اوگانستان بھرا دیمرئی ھبر بیت، ای مُچین معاملات و مسئلہ آنی تھا پردگئ پھدا پاکستانئ پوج وتی اصلین رول آ ادا کنت۔ بہ وتی ۱۴ اگست تقریر تھا جنرل باجوا بہ ھندوستانئ حلاپا تہ جاگہ کہ توانتنت اشتعال انگیزی کرتنت۔ سرئ وزیر عمران خان وھدہ کہ گون آمریکہ جمھورین سدر واجہ ڈونالڈ ٹرامپ بہ آمریکہ گیند و نیند کرتنت آ وھدہ جنرل باجوا ھم گون آوان ھور اتنت۔ جنرل باجوا ملازمتئ وھدہ دیمرئی جواز آ دیما کرتہ، عمران خانی یک لفیٹننٹ و وفاقی وزیر فواد چودھری گشتگنت کہ آوانی ملازمتئ دیمرئی دیگئ فیصلہ ای ھبرا درا کنت کہ سیمانی صورتحال بہ برزین کچانہ تشویشئ وڑ انت، و جنرل باجوا پہ سیمانی حالاتانی گیتیر کنگا خاصین رول ادا کرتگ کننت۔
تہ ای حد آوان ای ھبرئ دعوئ کرتگنت کہ گون ای فیصلہ کہ جنرل قمر باجوا ملازمتئ وھدہ دیمرئی کنت نون برصغیرئ تاریخ شکل بدل بوتگ کنت۔
بالاخر پاکستانئ پوجئ سربراہ جنرل قمر باجوا ملازمتئ وھدہ سہ سالگین گیش بیگئ ھال رستگیت۔ تہ نون بہ جنرل قمر باجوا ملازمتئ دورہ گیش کنگئ باروا ھر ھبرئ کہ بوت آی را بہ قیاس آرائی ناما تعبیر کرتنت۔ مگہ نون باقاعدہ سرکارین وڑئ ای ھبرئ توثیق بوتگیت کہ شہ سرئ وزیر عمران خانی دپترئ نیمگا ای ھبرئ جار جتگ بوت کہ آیوکین نومبرئ ماہ تھا آوانی ملازمتئ دورہ الاس بیگا انت مگہ پہ گیشترین سہ سال دیگہ پہ آوان پوجئ سروکئ ملازمتئ ذمہ و پیما داتگ بیت۔
شہ بعض حلقہ آنی نیمگا ای ھبر ھم درا بوت کہ پہ چہ کہ عمران خان یک "با اصول ئن" سیاست کارئ انت شہ ای وجا ای ھبرئ ھیچ امکان نہ انت کہ آوان نونین پوجئ سربراہ ملازمتئ دورہ گیش کننت مگہ ھما زانتکار و مبصر کہ آوانی چم بہ پاکستانئ پوجئ واک و سول ملٹری بستگیانی سرا وتی چما سَک دارنت آ بہر حال ای ھبر آ زانتنت کہ ای مُچین ھبر انت، آخر سرا ھما چیز بیت کہ پوج آی لوٹوک انت۔
ای تجزیہ کار ھما وھدہ ای ھبرا سرپھد بوتتنت کہ جنرل قمر باجوائ ملازمتئ دورہ گیشتر کنگئ تیاری رادگ انت۔ وھدہ کہ سرئ وزیر واجہ عمران خان پہ اکتسادین صورتحالئ دیمرئی دیگا کومین دیمرئی کونسلئ نامئ سیائگا یک مردمین دپترئ قائم کرت و بہ آی تھا جنرل قمر باجوا بہ آی تھا باسک جور کرتنت۔ ای ھبر کمین وھدہ دیمترا دو یا دو نیم ماہ دیمترئ ھبر انت۔ ھما مردمئ کہ ای قیاس آرائی آ کرتنت کہ عمران خان پہ چہ کہ اصول پسندئن سیاست کارئ انت شہ ھمی وجا پوجئ سربراہ نونین دورہ دیمرئی دیگئ ھبرا نہ کننت، آ مردم شاید انت کہ شہ عمران خانی گڈین زمانہ بیانان متاثر بوتگنت۔ وھدہ کہ آوان بہ مخالپین گلئ تھا اتنت و "شعلہ بیان" سربراہ ناما دروست بوتنت۔
ای ھبر یات کنگئ وڑ انت کہ چُنت سال دیما بہ ۲۰۱۰ سالا وھدہ کہ پاکستان پیپلز پارٹی حکومت رادگ ات، و آ وھدہ سرئ وزیر یوسف رضا گیلانی وھد کہ آ وھدہ پوجئ سربراہ جنرل کیانی ملازمتئ دورہ سہ سال گیش کرتنت، بری ھبرئ پس منظر آ عمران خان بازین اصول بندی ھبر داتنت و چُنت روچ رندا شہ آی بہ ٹی وئ انٹریو تھا بہ وتی بیانا گشتنت کہ باید انت کہ پہ گڈین پوجین جنرل آن و قاضیان رندا شہ ریٹائرمنٹ آوانا نہ باید انت کہ گیشترین ملازمتئ وھدہ داتگ بیت، بلکہ مُچین دپتر باید انت کہ شہ کانونئ دیما کار کننت۔ بری بھرا آوان وتی ای بیانئ دلیل آ گشتتنت ایش انت کہ وھدہ کہ شما پہ یک مردمئ وتی کانونا بدل کنیت شہ آی پورہ ئن دپتر کم واک بیت۔ مگہ ای ھبر آ وھدہ ھبر انت کہ آوان سرئ وزیر نہ اتنت و بہ مخالپین گلئ سروک انت۔
بہر حال ای پاکستانئ مسئلہ انت۔ ھر رازئ کہ آ لوٹوک بیت ھما راز ھر مردمئ ملازمتئ وھدہ دیمرئی داتگ کنت بیدئ ایشی کہ بہ آی سینئرٹئ باروا پکر کنت آی را ھر دپترئ سربراہ جور کرتگ کنت۔ مگہ تہ جائ کہ ھبر بہ پوجئ سرا انت، بہ آی سرا عامین تاثر ایش انت کہ بہ ایشی باروا شہ سرئ وزیرئ نیمگا ھر وڑئ جار کہ جتگ بیت آ تھانکا کاگدئ سرا انت۔
اصلین فیصلہ راولپینڈئ یعنی کہ پوجئ ھیڈ کوارٹر کنت۔ جنرل باجوائ ملازمتئ گیش کنگئ اصلین وج ایش انت کہ نونین وھدہ سیمین سیکورٹئ صورتحال ایش انت کہ باید انت کہ جنرل قمر باجوا بہ پوجئ سربراہ حیثیت آ وتی ملازمتا دیما برنت۔
ڈنئ کارانی وزیر واجہ شاہ محمود قریشی بہ وتی یک بیانئ تھا گشتگنت کہ سرئ وزیر واجہ نریندر مودی وت ای فیصلہ کرتگنت و ایشی خاصین وج ایش انت کہ بہ کشمیرئ بھرا کشیدگی و سَکی گیشتر بوتگنت و پاکستان، اوگانستان تھا امن و امانئ کاز آ دیمرئی دیگئ کوشستا کنت مگہ حکیکت ایش انت کہ ھند پاکستان مسئلہ بیت یا اوگانستان بھرا دیمرئی ھبر بیت، ای مُچین معاملات و مسئلہ آنی تھا پردگئ پھدا پاکستانئ پوج وتی اصلین رول آ ادا کنت۔ بہ وتی ۱۴ اگست تقریر تھا جنرل باجوا بہ ھندوستانئ حلاپا تہ جاگہ کہ توانتنت اشتعال انگیزی کرتنت۔ سرئ وزیر عمران خان وھدہ کہ گون آمریکہ جمھورین سدر واجہ ڈونالڈ ٹرامپ بہ آمریکہ گیند و نیند کرتنت آ وھدہ جنرل باجوا ھم گون آوان ھور اتنت۔ جنرل باجوا ملازمتئ وھدہ دیمرئی جواز آ دیما کرتہ، عمران خانی یک لفیٹننٹ و وفاقی وزیر فواد چودھری گشتگنت کہ آوانی ملازمتئ دیمرئی دیگئ فیصلہ ای ھبرا درا کنت کہ سیمانی صورتحال بہ برزین کچانہ تشویشئ وڑ انت، و جنرل باجوا پہ سیمانی حالاتانی گیتیر کنگا خاصین رول ادا کرتگ کننت۔
تہ ای حد آوان ای ھبرئ دعوئ کرتگنت کہ گون ای فیصلہ کہ جنرل قمر باجوا ملازمتئ وھدہ دیمرئی کنت نون برصغیرئ تاریخ شکل بدل بوتگ کنت۔
Comments
Post a Comment