ھند و نیپال دو نیمگین بستگیانا دیمرئی دیگا بنت۔

نیپالئ بنجاہ، کھٹمنڈو تھا بہ ھمی وھدان ھند و نیپالئ شریکین کمشنئ پنچمی دیوان تسر بوت۔ دوکین مُلکانی ڈنئ کارانی وزیر شہ ای دیوانا سروکی کرتنت۔ پہ کوت گرگا بری دیوانئ تھا ھندوستانئ ڈنئ کارانی وزیر واجہ اسجئ شنکر شہ ڈھاکہ بہ کھٹمنڈو رستنت کہ بہ بنگادیش تھا آوان گون آ مُلکئ سربراھان بہ دو نیمگین و بین الاکوامین مسئلہ انی باروا کٹوکین وڑئ دیوان و گپ و تران کرتنت۔ بہ ھما دیوانئ تھا کہ کھٹمنڈو تھا تسر بوتھندوستان و نیپالئ نیامئ دو نیمگین بستگیانی باروا پورہ ئن وڑئ غور بوت۔

دیم شہ شریکین کمشنئ دیوانا واجہ اس جئ شنکر گون نیپالئ سرئ وزیر آ ھم گپ و تران کرتنت۔ رندا شہ ایشی کہ ای سالی مئ ماہ سرئ وزیر واجہ نریندر مودی وتی پیما پہ دوارگ گپتنت ای اولی وار ات کہ گجامھندوستانین وزیرئ شہ نیپال دورہ کرت۔

شہ بیپالئ ڈنئ کارانی وزارتئ نیمگا یک بیانئ شینک بوتہ کہ بہ آ بیانئ تھا بری ھبرا آ وتی وشھالی آ درا کرتگنت کہ بہ گئوستگین دو سالانی تھا شہ برزین کچانہ دورہ آن کہ بہ دوکین مُلکانئ نیاما تسر بوتگنت ھندوستان ونیپالئ بستگی بہ برزین کچانہ دیمرئی کرتگنت۔ بری بھرا ای ھبر یات کنگئ وڑ انت کہ گئوستگین سالئ اپریل ماہ نیپالئ سرئ وزیر واجہ اولی شہ ھند دورہ کرتنت و ای سالی بہ مئ و اگست ماہ سرئ وزیر واجہ نریندر مودیشہ نیپال دورہ کرتنت۔ ھند و نیپالئ شریکین کمشن بری بھرا وتی وشھالیا درا کرتگیت کہ شہ ھندوستانئ مددانی وجا موتی - ھاری املیکھہ گنج پٹرولیم پائپ لائن و رندا شہ ڈگار چنڈ آ نووا کوٹ و گورکھا سیمانی نجی امکاناتو آباتی کار پورہ بوتگنت۔

ھندوستان بہ دو وزیرانی دیما یک چیک بہ پنچ ارب نیپالی روپئ کچانہ پہ نیپال دات کہ گون آی ھما زرانی ادائیگی بیت کہ آوانا سرکار پہ جاگانی شہ سر نوک آباتی و تعمیرئ سرا خرچ کرتگیت۔ ھندوستان ھمی وڑا وعدہداتگیت کہ پہ نیپالئ ترائی سیمانی سڑیکانی جور کنگا پہ نیپال ۵۰۰ کروڑ مدد کنت۔

بری بھرا پہ کھٹمنڈو ۸۹ اعشاریہ ھپت یک کروڑ روپئ دیگہ چیک ھم داتگ بوت۔ بہ آ وھدہ نیپالہ فوڈ ٹکنالوجی اینڈ کوالٹی کنٹرول محکمہ و ہندوستانئ فوڈ سیفٹی اینڈ اسٹینڈرس اتھارٹی نیاما بہ یک معاھدہ سرا دستخت بوت۔

واجہ اس جئ شنکر و آوانی نیپالین ھم منصب ھردیپ گیاولی بہ سیمسرئ دوکین نیمگانی ریل پروجیکٹ شہ جیانگر - جنک پور، و جوگ بنی - براٹ نگر سیمانی دیمرئیا وتی اطمینان آ درا کرتنت۔ آوان بہ براٹ نگرئ چوکیتعمیرئ دیمرئی سرا ھم وتی اطمینان آ درا کرتنت۔ وھدہ کہ سرئ وزیر اولی شہ ھندوستان دورہ کرتنت بہ آ وھدہ بہ رسکول و کھٹمنڈو نیامئ برکین ریلئ رکینتن، آپین گذرگاہ پروجیکٹانی بناہ کنگ و بہ کشارگرئ بھرا تعاونئگیش کنگئ سرا فیصلہ بوت۔ دوکین وزیر بری فیصلہ آنی پھدئ دیمرئیانی سرا ھم غور کرتنت۔ دوکین وزیر ھمی وڑا بہ ھندوستان و نیپالئ نیامئ امن و سنگٹئ ۱۹۵۰ معاھدہ بھرا ھم وتی پکر و حیالانا گون یکئ آ دیگرا شریککرتنت۔

دوکین نیمگ ھمی وڑا ای ھبرئ سرا تپاک کرتنت کہ سوداگری و رھگذرئ بھرئ پٹ و پول باید انت کہ بہ زوترین وھدہ الاس بیت۔

شہ پھد بہ پھدین سیل آپانی وجا ھندوستان و نیپالئ سیمسر گون خطران دیم پہ دیم انت و بہ آپئ چیرا شوتگ کنت، شریکین کمشن بری بھرا وتی رضامندی آ درا کرت کہ شریکین ٹیمئ کہ بہ سیل آپانی صورتحال سرا غور کنتبہ آی سفارشانی پھدا کاروائی تسر بیت۔

ای دیوان کم شہ کم سہ سال رندا تسر بوتگیت۔ دیم شہ ایشی ای شریکین کمشنئ دیوان بہ ۲۰۱۶ سالا نوکین دھلئ تھا تسر بوت۔ بہ ۱۹۸۷ سالا ای شریکین کمشنئ مکنیزم قائم بوت کہ دوکین مُلکانی نیامئ بستگیانی سرا غوربیت۔ مگہ تہ چُنتی سالان ای کمشن کرار ات۔ بہ وتی دورہ تھا شہ کھٹمنڈو واجہ اس جئ شنکر گون جمھورین سدر بدیا دیوی بھنڈاری گیند و نیند کرتنت۔ امیت انت کہ بری دیوانئ تھا شہ گما مُچین چیزان کہ بہ آوانی سرا دوکیننیمگ عھد کرتگنت دوکین مُلکانی نیامئ بستگی دیمرئی کننت۔